ᒐᓂᓯᔅ 25:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᑎᐸᔨᒋᒐᓱᐛ ᒋ ᐃᑎᑯᐤ, “ᐃᔅᐱ ᓂᑕᐅᒋᑥᐛ ᐊᓐᒡ ᐊ ᓂᓯᒡ ᒋᑯᓯᒡ ᒐᔅᑯᐅᑥᐤ, ᐊᐛᓯᐅᑦ ᒋᑭ ᑎᐸᔨᒪᐤ ᒐᓴᐃᔪᔨᒋ᙮ ᐊ ᓂᓯᒡ ᓇᐸᓯᒡ ᒋᑭ ᓂᑕᐅᒍᐅᒡ ᑭᔭ ᒋᑭ ᐅᑦ ᐊᐛᓯᒧᐅᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᒋᑭ ᓂᓱᔅᑲᓇᓯᔪᐛ ᐊ ᐊᑐᐛᔨᒥᑐᔨᒋ᙮ ᐊᐛᓯᐅᑦ ᐅᑦ ᐊᓂᔅᑯᑕᐸᓇ ᒋᑭ ᓴᐱᔨᐛ ᐃᔅᐱᔅ ᐊ ᒋᓴᐃᔪᑦ ᐅᑦ ᐊᓂᔅᑯᑕᐸᓇ᙮ ᐊᐅᑯᐤ ᐊᑥᒥᑲᒡ ᐅ ᐃᔅᐱ ᒧᓯᔨᑥᐎ ᐊᔭᒋᓂᑐᒡ ᓇᐸᓯᒡ᙮”

ᒐᓂᓯᔅ 25:23 ပူးပေါင်းရင်းမြစ်များ

ᒐᓂᓯᔅ 17:16

ᓂᑭ ᓱᐛᔨᑕᑯᐛᐤ ᓴᕋ ᑭᔭ ᒋᑭ ᐅᑯᓱᐤ ᒋᔾ ᐅᒡ᙮ ᓂᑭ ᓱᐛᔨᑕᑯᐛᐅ ᑭᔭ ᐎᔾ ᒋᑭ ᐅᑲᐎᒪᐤ ᒐ ᑕᑐᔅᑲᓇᓯᓇᓄᐎᒡ; ᐱᔅᒐ ᐅᑦ ᐊᓂᔅᑯᑕᐸᓇ ᒋᑭ ᒋᓴᐅᒋᒪᐎᔪᐛ᙮”

ᒐᓂᓯᔅ 17:4

“ᐊᐅᑯᐤ ᐊ ᐃᓯ ᐊᓱᑎᒪᒐᔭᓐ, ᒋᔾ ᒋᑭ ᐅᑕᐎᒪᐅᓐ ᒥᒐᑦ ᒐ ᑕᑐᔅᑲᓇᓯᒡ ᐃᔪᒡ,

ᒐᓂᓯᔅ 24:60

ᒪᒂᒡ ᑲ ᐛᒋᔭᒪᒡ ᕋᐸᑲᔨᒋ, ᒋ ᐃᔅᒋᔄᐅᒡ ᐅᔭ ᐊᔭᒥᐊᐅᓂᔪᐤ, “ᑭᒪ ᐃᑐᑐᐛᑦ ᒋᓴᒪᓂᑐᐤ ᕋᐸᑲᔨᒋ ᒐᒋ ᐅᑲᐎᒪᐅᔨᒋ ᒋᓴᒥᑕᓯᒥᑎᓄᐤ ᐊᓂᔅᑯᑕᐸᓇ᙮ ᑭᒪ ᒋᓴᒪᓂᑐᐤ ᒥᔭᑦ ᒋᑦ ᐊᓂᔅᑯᑕᐸᓇ ᒐᒋ ᓴᒂᐊᔨᒋ ᐊᓂᔭ ᑲ ᐛᐧᑲᑎᑯᔨᒋ᙮”

ᒐᓂᓯᔅ 25:24

ᒂ ᐅᑎᒋᐱᔨᒡ ᒐᒋ ᐛᐱᒪᐅᓱᑦ ᕋᐸᑲ ᑭᔭ ᒧᔭᒻ ᑲ ᐃᔅᒋᔄᑦ ᑎᐸᔨᒋᒐᓱᐤ, ᑲ ᓂᓯᓯᔨᒋ ᒋ ᑭᓄᐛᔨᒪᐤ,

ᒐᓂᓯᔅ 25:27

ᐃᔅᐱ ᑲᒋ ᓂᑕᐅᒋᒡ ᓇᐸᓯᒡ, ᐃᓴᐅ ᒋ ᓄᒋᒥᐅ-ᐃᔪᐤ, ᓇᐸᐤ ᑲ ᒥᔽᔨᑕᐧᒃ ᐎᐎᑎᒥᒡ ᐊ ᑕᑦ᙮ ᒥᒄ ᒐᑭᑉ ᐃᔭᒡ ᒋ ᐃᑕᔨᑕᑯᓱᐤ, ᒋ ᒋᔭᒪᐛᔨᑕᑯᓱᐤ ᒥᒋᒪ ᐊ ᑕᑦ ᐊ ᐎᒋᒡ᙮

ᒐᓂᓯᔅ 27:29

ᒋᓴᒪᓂᑐᐤ ᒋᑭ ᐃᑐᑐᐛᐤ ᐊ ᐃᑎᔅᑲᓇᓯᔨᒋ ᒐᒋ ᐊᑐᔅᒐᔅᑕᔅᒋᔨᔅᒋ ᑭᔭ ᒐ ᑐᑕᒡ ᐊ ᐃᑎᓱᒥᑥᐤ᙮ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒋᑭ ᑎᐸᔨᒪᐛᐅᒡ ᒋᐧᑲᓂᓱᐛᐅᒡ ᑭᔭ ᒋᑭ ᐅᒋᒋᐧᑯᓂᐱᔨᔅᑕᑯᐛᐅᒡ ᐊ ᒋᔅᑕᔨᒥᑕᑯᒡ᙮ ᒋᓴᒪᓂᑐᐤ ᒋᑭ ᐊᓏᔨᒪᐤ ᐊᓂᔭ ᑲ ᒥᒐᒋᒥᐃᔅᒋᔨᔅᒋ, ᑭᔭ ᒋᑭ ᒥᔪᑐᑐᐛᐤ ᐊᓂᔭ ᑲ ᒥᔪᑐᑕᔅᒋᔨᔅᒋ᙮”

ᒐᓂᓯᔅ 27:33

ᐃᔅᐱ ᐊᐃᓯᒃ ᐱᔭᑕᐧᒃ ᐅᔭ, ᒋ ᑯᔅᑯᐱᔪᐤ ᐊᐃᓯᒃ᙮ ᐊ ᒥᔅᑎ ᓂᓇᒥᐱᔨᑦ ᒂ ᐃᔅᒋᔄᑦ, “ᐊᐛᓐ ᒪᒃ ᐊᓂᔭ ᑲ ᓂᑐᐎᔪᑦ ᑭᔭ ᑲ ᐸᑐᐅᑦ ᓄᒋᒥᔪᐤ ᒥᒋᒥᔪᐤ ? ᓂᒋ ᒥᒍᐛᓐ ᐊᒺᔭ ᑎᑯᓯᓂᔨᓐ ᑭᔭ ᓂᒋ ᓱᐛᔨᑕᑯᐛᐤ ᑭᔭ ᑕᑈ, ᒋᑭ ᓱᐛᔨᑕᑯᐊᑭᓄᐤ᙮”

ᒐᓂᓯᔅ 27:37

ᐊᐃᓯᒃ ᐃᑕᐤ, “ᓂᒋ ᐎᑎᒺᓐ ᒋᐧᑲᓂᔅ ᒐ ᑎᐸᔨᒥᔅᒃ᙮ ᒥᓯᐛ ᐃᔭᐱᒡ ᒋᑭ ᐎᑐᔅᒐᔅᑕᑯᐤ ᐎᐧᑲᓂᓴ᙮ ᓂᒋ ᐃᔅᒋᔄᐛᓐ ᒋᓴᒪᓂᑐᐛ ᒐ ᒥᔨᑯᑦ ᐊ ᐛᔪᑎᓂᔨᒡ ᐸᒂᓯᑭᓂᒥᓇ ᑭᔭ ᐅᔅᒋ ᓱᒥᓇᐳᔪᐤ᙮ ᓇᒪ ᓂ ᒋᔅᒐᔨᑕᓐ ᒐᒂᓐ ᓂᑯᓴ ᐊᓄᒡ ᒐ ᐃᓯ ᐃᑐᑕᑕᓐ᙮”

ᒐᓂᓯᔅ 27:40

ᓇᓂᑎᒻ ᒋᑭ ᒪᓯᐧᑯᐛᐅᒡ ᐃᔭᒡ ᐃᔪᒡ ᑭᔭ ᒋᑭ ᐎ ᒥᔅᑎᑐᔅᒐᔅᑐᐛᐤ ᒋᐧᑲᓂᔅ᙮ ᓇᓇᒐ ᒋᑭ ᓱᐧᑲᑎᓯᓐ ᑭᔭ ᒋᑭ ᐱᐧᑯᐅᓐ᙮ ᓇᒪ ᒋᑭ ᒋ ᓴᔅ ᑎᐸᔨᒥᒄ᙮”

ᒐᓂᓯᔅ 32:6

ᐊᑯ ᒂ ᔅᑐᑕᒡ ᓇᐸᐅᒡ ᒐ ᐃᑐᑐᐛᒡ ᐃᓴᐅᐛ ᐃᔨᒧᐅᓂᔪᐤ᙮ ᓇᓇᒐ ᑲᐤ ᒋ ᑎᑯᓯᓄᐅᒡ ᑭᔭ ᒂ ᐃᑕᒡ ᒐᑭᐸ, “ᓂᒋ ᓂᑐᐛᐱᒪᓇᓐ ᒋᔅᑕᔅ ᐃᓴᐅ ᑭᔭ ᓴᔅ ᐸᒋ ᔅᑐᑕᐤ ᒐᒋ ᓂᒋᔅᑲᔅᒃ᙮ ᓇᐤ ᒥᑕᓯᒥᑎᓄᐤ ᐃᔪᐛ ᐎᒐᐛᐤ᙮”

ᒐᓂᓯᔅ 33:3

ᐎᔾ ᒋ ᓂᑲᓄᑕᐤ ᒐᑭᑉ ᒐᒋ ᓂᒋᔅᑯᐛᑦ ᐃᓴᐅᐛ᙮ ᓂᔄᐅᑕᒡ ᑕᑥᐤ ᒋ ᓄᐛᑲᐳᔅᑐᐛᐤ ᒪᒂᒡ ᐊᑎ ᐅᑎᑕᑦ ᐅᔅᑕᓴ ᐃᓴᐅᐛ, ᐊ ᐎ ᐛᐸᑎᔭᑦ ᐊ ᒋᔅᑕᔨᒪᑦ᙮

ᒐᓂᓯᔅ 36:31

ᐊᒺᔭ ᐃᔅᕋᐃᓪ ᐃᔪᒡ ᑭᓄᐛᔨᒪᒡ ᑎᐱᔨᐛ ᐅᒋᓴᐅᒋᒪᒧᐛᐛ᙮ ᒋ ᑕᐅᒡ ᒋᓴᐅᒋᒪᐅᒡ ᑲ ᑎᐸᔨᒋᒐᒡ ᐊᓐᑕ ᐃᑕᒻ ᐊᔅᒋᒡ᙮ ᐊᐅᑯᐤ ᐊ ᐃᓯ ᐎᔭᑭᓄᐅᒡ ᐊᓐᒡ ᒋᓴᐅᒋᒪᐅᒡ:

ᒐᓂᓯᔅ 48:19

ᒥᒄ ᓇᒪ ᐅᒋ ᐎᔭᒋᐱᑕᔪᐛ ᐅᑕᐎᔭ ᐅᑎᒋᔪᐤ ᐊ ᐃᑎᑯᑦ, “ᓂ ᒋᔅᒐᔨᒪᐤ ᑕᓐ ᐅᔅᑭᒡ ᑲ ᐃᔪᑦ ᒋᑯᔅ, ᓂᑯᓴ᙮ ᒪᓇᓴ, ᐊᓐ ᐅᔅᑭᒡ ᑲ ᐃᔪᑦ, ᒋᑭ ᓱᐧᑲᑎᓯᐤ ᑭᔭ ᐅᑦ ᐊᓂᔅᑯᑕᐸᓇ ᒋᑭ ᒥᒐᑦ ᐃᑎᔅᑲᓇᓯᔨᐛ᙮ ᒥᒄ ᐃᑉᕋᐃᒻ ᐊᑎᑐᐤ ᒋᑭ ᓱᐧᑲᑎᓯᐤ ᐃᔅᐱᔅ ᒪᓇᓴᔨᒋ, ᑭᔭ ᐅᑦ ᐊᓂᔅᑯᑕᐸᓇ ᒋᒋᐛ ᒋᑭ ᒥᒐᑎᔨᐛ ᐊᑯ ᒐ ᒥᒐᑦ ᐃᑎᔅᑲᓇᓯᔨᒋ᙮”