ᒐᓂᓯᔅ 25:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒋ ᓇᐎᔪᐛᐳᓇᓱᐤ ᐊᐃᓯᒃ ᑲ ᐎᒋᒪᑦ ᕋᐸᑲᔨᒋ, ᐸᑎᐅᓪ ᐅᑕᓂᓯᔪᐛ (ᐊᕋᒻ ᐃᔪᐤ ᒪᓴᐳᑕᒥᔭᒡ ᐅᒋ) ᑭᔭ ᓚᐸᓐ ᐅᓯᒪ᙮

ᒐᓂᓯᔅ 25:20 ပူးပေါင်းရင်းမြစ်များ

ᒐᓂᓯᔅ 22:23

ᕋᐸᑲ ᒋ ᐅᑕᐎᔪᐤ ᐸᑎᐅᓚ᙮ ᒥᓪᑲ ᔭᓇᐤ ᒋ ᓂᑕᐅᒋᐃᒪᐤ ᓇᐅᕋ ᐅᑯᓯᔪᐛ, ᐊᑉᕋᐊᒪ ᐎᐧᑲᓂᓯᐛ᙮

ᒐᓂᓯᔅ 24:15

ᒪᒂᒡ ᐊᔅᒄ ᐊᔭᒥᐊᑦ ᐊᐱᒋᐊᑭᓐ, ᒋ ᐸᒋ ᐎᐎᔪᐛ ᐅᔅᒋᓂᒋᔎᐛ ᐅᑕᓇᔪᐤ ᐛᐱᑎᓂᔅᒋᐳᑕᔪᐤ ᐅᑎᑎᒥᓂᔨᒡ ᐊ ᐎᐅᓱᔨᒋ᙮ ᕋᐸᑲ ᒋ ᐃᓯᓂᐧᑲᓱᔪᐛ, ᐸᑎᐅᐊᓚ ᐅᑕᓂᓯᔪᐛ, ᐊᓐ ᑲ ᐅᑯᓯᒪᐅᑦ ᐊᑉᕋᐊᒪ ᐎᐧᑲᓂᓯᔪᐛ ᓇᐅᕐ ᑭᔭ ᐎᐛ ᒥᓪᑲᔨᒋ᙮

ᒐᓂᓯᔅ 24:29

ᒋ ᑕᔪᐛ ᐅᔅᑕᓴ ᕋᐸᑲ ᓚᐸᓐ ᐊ ᐃᓯᓂᐧᑲᓱᔨᒋ ᑭᔭ ᒋ ᐎᐎᐸᑕᐤ ᒧᓇᐃᐸᓂᒡ ᐊ ᐃᔅᐸᑕᑦ ᐊᓐᑕ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᑲ ᑕᔨᒋ᙮

ᒐᓂᓯᔅ 24:67

ᐊᑯ ᐊᐃᓯᒃ ᒋ ᐃᑐᑕᐊᐤ ᕋᐸᑲᔨᒋ ᐱᒍᐎᔭᓂᒋᐛᐱᒡ ᐊᓐᑕ ᑲᒋ ᐎᒋᔨᒋ ᐅᑲᐎᔭ ᓴᕋᔨᒋ᙮ ᐊᐃᓯᒃ ᒋ ᐎᒋᒪᐤ ᕋᐸᑲᔨᒋ᙮ ᒋᒋᐛ ᒋ ᓴᒋᐊᐤ ᑭᔭ ᒂ ᒥᔅᑲᐧᒃ ᐊᐃᓯᒃ ᒥᔽᔨᒧᐅᓂᔪᐤ ᑲᒋ ᐳᓂᐱᒪᑎᓯᔨᒋ ᐅᑲᐎᔭ᙮

ᒐᓂᓯᔅ 25:26

ᑯᑎᒡ ᒋ ᐃᔪᐤ ᐊᓱᒋᒪᒋᑭᓂᒺᑦ ᐅᑐᑎᓂᔪᐤ ᐃᓴᐅᐛ, ᐊᑯ ᒐᑭᑉ ᒂ ᐃᓯᓂᐧᑲᑕᑭᓄᐅᑦ᙮ ᐊᐃᓯᒃ ᐊᓱᑕᒡ ᑕᑐᔪᐤ ᒋ ᐃᑕᑐᐳᓇᓱᐤ ᐃᔅᐱ ᑲ ᐃᔪᐎᔨᒋ ᑲ ᓂᓯᓯᔨᒋ᙮

ᒐᓂᓯᔅ 27:43

ᐊᑯ ᒐ ᐃᑐᑎᒥᓐ ᒐᒂᓐ ᒐ ᐃᑎᑕᓐ᙮ ᐦᐊᕋᓐ ᐅᑕᓇᔪᐤ ᐊᑯᑕ ᐛᒋᑦ ᓂᐧᑲᓂᔅ᙮ ᒋᔅᑎᑉ ᔅᑐᑕᒪ ᑭᔭ ᒐ ᑕᐅᑦ ᐊ ᑕᑦ᙮

ᒐᓂᓯᔅ 28:2

ᒥᔅᑯᒡ ᐸᑕᓐ ᐊᕋᒻ ᐃᑐᑕ, ᐸᑎᐅᓪ ᒋᒧᓱᒻ ᐅᑦ ᐃᑕᐅᓂᒡ ᑭᔭ ᐸᐃᒄ ᐊᓐᑕ ᐅᔅᒋᓂᒋᔎᔅ ᒐ ᐎᒋᒥᑦ, ᐸᐃᒄ ᐅᑕᓂᓴ ᓚᐸᓐ ᒍᐧᑯᒥᔅ᙮”

ᒐᓂᓯᔅ 28:7

ᒋ ᐸᑎᒻ ᐃᔭᐱᒡ ᒐᑭᐸ ᑲ ᑕᑈᑐᐛᔨᒋ ᐅᓂᒋᐃᑯᔪᐛ ᑭᔭ ᓴᔅ ᑲ ᐃᑐᑕᔨᒋ ᐊᓐᑕ ᐸᑕᓐ ᐊᕋᒻ᙮

ᒐᓂᓯᔅ 31:18

ᒋ ᔅᑐᑕᐊᐤ ᒥᓯᐛ ᐅᑦ ᐊᐛᓯᓯᒪ ᑭᔭ ᒥᓯᐛ ᐅᐛᔪᑎᓯᐅᓐ ᑲ ᑲᓂᔪᐅᑦ ᑭᔭ ᒥᓯᐛ ᐊᐛᓯᓴ ᑲ ᐅᑎᓇᑦ ᐊᓐᑕ ᐸᑕᓐ ᐊᕋᒻ, ᒂ ᔅᑐᑕᑦ ᒐ ᓂᑐᐛᐱᒪᑦ ᐅᑕᐎᔭ ᐊᐃᓯᑲ ᐊᓐᑕ ᑲᐃᓇᓐ ᐊᔅᒋᒡ᙮

ᒐᓂᓯᔅ 31:20

ᓇᒪ ᐅᒋ ᐎᑎᒧᐛᐤ ᓚᐸᓇ ᐛ ᔅᑐᑕᑦ ᒐᑭᑉ, ᒥᒄ ᒋ ᐎᔭᓯᒪᐤ᙮ ᒋᒧᑦ ᒐ ᐃᑐᑕᑦ ᒪᒂᒡ ᐊᑲ ᐅᒋ ᑕᔨᒋ ᓚᐸᓇ᙮

ᒐᓂᓯᔅ 31:24

ᒥᒄ ᒪᒂᒡ ᑕᐱᔅᑲᔨᒡ ᒋ ᐃᔭᒂᒥᑯᐤ ᒋᓴᒪᓂᑐᐛ ᐅᐳᐛᒧᐅᓂᒡ ᒐ ᐊᑲ ᒐᒂᔪᐤ ᒥᒋ ᐃᑕᑦ ᒐᑭᐸ᙮

ᒐᓂᓯᔅ 33:18

ᒂ ᓂᑭᑕᐧᒃ ᓱᑯᑦ, ᒐᒃ ᒂ ᑎᑯᓯᐧᒃ ᒐᑭᑉ ᐊᓐᑕ ᑲᐃᓇᓐ ᐊᔅᒋᒡ, ᒋᓴᒪᓂᑐᐛ ᒋ ᒥᔪ ᑎᑯᓯᑕᐃᑯᐤ ᐅᑦ ᐊᔅᒋᒡ ᐸᑕᓐ ᐊᕋᒻ ᐅᒡ᙮ ᒋ ᒪᓂᑲᓱᐅᒡ ᓂᑕᐅᒋᑕᑭᓂᒡ ᐊᓐᑕ ᒥᒋᒪ ᓴᑭᒻ ᐅᑕᓇᔪᐤ᙮

ᒐᓂᓯᔅ 35:26

ᓯᓪᐸ, ᓕᐊ ᐅᑯᐸᓇᔎᒪ, ᒋ ᓂᓯᔨᐛ ᐅᑯᓴ, ᑲᑦ ᑭᔭ ᐊᓱᕐ᙮ ᒥᓯᐛ ᒐᑭᑉ ᐅᑯᓴ ᐸᑕᓐ ᐊᕋᒻ ᒋ ᐃᔪᔨᐛ᙮

ᒐᓂᓯᔅ 35:9

ᒪᒂᒡ ᑲ ᑕᒡ ᐊᓐᑕ ᐸᑕᓪ, ᒋᓴᒪᓂᑐᐤ ᒥᓐ ᒋᓄᑯᓯᔅᑐᐛᐤ ᒐᑭᐸ ᑭᔭ ᒂ ᒥᔪᑐᑐᐛᑦ᙮ ᒥᓐ ᐛᑎᒧᐛᑦ ᐊᓱᑎᒪᒐᐅᓇ ᐎᐱᒡ ᑲ ᐊᓱᑎᒧᐛᑦ᙮

ᒐᓂᓯᔅ 46:15

ᐊᐅᑯᔪᐛ ᐅᔭ ᓕᐊ ᐅᑯᓴ, ᒐᑭᐸ ᐅᑯᓯᔪᐛ ᑲ ᓂᑕᐅᒋᐃᒪᑦ ᐊᓐᑕ ᒥᓱᐱᑕᒥᐊᔨᒡ ᐊᓯᒡ ᐅᑕᓂᓯᔪᐛ ᑕᐃᓇᔨᒋ, ᒪᒧᐤ ᒋ ᓂᔅᑐᐎᔭᐛᓯᔨᐛ ᐊᓱ ᓂᔅᑐ ᐅᑯᓱᐛᐛ ᑭᔭ ᐅᑕᓂᓱᐛᐛ ᒐᑭᑉ ᑭᔭ ᓕᐊ᙮

ᓗᒃ 4:27

ᑭᔭ ᒪᒂᒡ ᐊᔅᒄ ᐊᒋ ᐱᒪᑎᓯᑦ ᐊᓂᔭ ᐅᒋᔅᒋᐛᐃᒐᓱᐤ ᐃᓚᐃᓴ, ᒋ ᑕᐅᒡ ᒥᒐᑦ ᐊᐛᓐᒋ ᐊᓐᑕ ᐃᔅᕋᐃᓪ ᐊᔅᒋᒡ, ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᐊᔭᒡ᙮ ᓇᒪ ᒪᒃ ᐛᐛᒡ ᐸᐃᒄ ᐅᒋ ᒥᓏᒋᐊᑭᓄᐅᒡ ᐅᒡ ᒐᒋ ᐸᔭᒋᓯᒡ, ᒥᒄ ᐊᓐ ᓇᐸᐤ ᓇᐃᒪᓐ ᑲ ᐃᓯᓂᐧᑲᓱᑦ ᒋ ᒥᓏᒋᐊᑭᓄᐤ, ᐊᓐᑕ ᒪᒃ ᓯᕆᔭ ᐊᔅᒋᒡ ᐊᑯᑕ ᑲ ᐅᒋᑦ᙮” ᐊᔪᐅᒄ ᐅᔭ ᑲ ᐃᑕᑦ ᒋᓴᔅ ᐊᓂᔭ ᐃᔪᐛ ᑲ ᓂᑐᑕᑯᑦ᙮