ᒐᓂᓯᔅ 24:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᐃᔅᐱ ᑲ ᐸᑐᐛᑭᓄᐅᒡ ᒥᒋᒥᔪᐤ ᒐ ᒥᒋᒡ, ᐊᐱᒋᐊᑭᓐ ᒋ ᐃᔅᒋᔄᐤ᙮ “ᓇᒪ ᓂᑭ ᒥᒋᓱᓐ ᐸᑎᒪ ᒋ ᐎᑎᒪᑎᑯᒐ ᒐᒂᓐ ᐛᒋ ᑎᑯᓯᓂᔭᓐ᙮” ᓚᐸᓐ ᒂ ᐃᑕᑦ, “ᐎᑎᒧᐅᓇᓐ ᒐᒂᓐ ᐛᒋ ᑎᑯᓯᓂᔨᓐ᙮”

ᒐᓂᓯᔅ 24:33 ပူးပေါင်းရင်းမြစ်များ

ᒐᓂᓯᔅ 24:32

ᐊᑯ ᓇᐸᐅᒡ ᒂ ᐃᑐᑕᒡ ᒥᒋᐛᐱᒡ ᑭᔭ ᓚᐸᓐ ᒋᓂᑎᓂᒺᐤ ᑲ ᐎᐅᔄᐛᑭᓄᔨᒋ ᑲᐱᔎᐅᑭᓇᔨᒋ᙮ ᒥᒋᒥᔪᐤ ᒋ ᒥᔭᐤ ᑲᐱᔎᐅᑭᓇᔨᒋ ᑭᔭ ᒋ ᐃᑐᑕᐊᐤ ᐊᓐᑕ ᒐ ᓂᐸᔨᒋ᙮ ᒂ ᐸᑐᐛᑦ ᓂᐱᔪᐤ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᑭᔭ ᐊᓂᔭ ᓇᐸᐛ ᑲ ᐎᒐᐅᑯᔨᒋ ᒐᒋ ᒋᔅᑕᐸᐅᓯᑕᔨᒋ᙮

ᒐᓂᓯᔅ 24:34

ᐊᑯ ᐊᐱᒋᐊᑭᓐ ᒂ ᐃᔅᒋᔄᑦ, “ᓂᔾ ᐅ ᐊᑉᕋᐊᒻ ᐅᑦ ᐊᐱᒋᐊᑭᓇ,

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

1 ᑎᒧᑎ 6:2

ᐊᑯ ᒪᒃ ᒋᐅᒋᒪᒧᐛᐅᒡ ᑎᔭᑈᑎᒧᐛᐛᒂ ᐊᑲᐎᔾ ᒋᑭ ᐅᒋ ᐃᑐᑐᐛᐛᐅᒡ ᒐ ᐊᑲ ᒋ ᒋᔅᑕᔨᒪᑯᒡ ᒥᒄ ᐊᓂᔭ ᐊ ᒋᔅᒐᔨᒪᑯᒡ ᐊ ᐎᐧᑲᓂᓯᑐᑐᐛᑯᒡ᙮ ᐃᔭᐱᒡ ᐊᑐᐎᔅ ᒋᐸ ᒥᔪ ᐊᑐᔅᑯᐛᐛᐅᒡ ᒐᒋ ᐎᒋᐊᑯᒡ ᐅᒡ ᒋᐧᑲᓂᓱᐛᐅᒡ ᑲ ᓴᒋᐊᑭᓄᐎᒡ᙮ ᐊᐅᒄ ᒪᒃ ᐅ ᒋᐸ ᐃᓯ ᒋᔅᑯᑎᒪᒐᓇᐛᐤ ᑭᔭ ᒋᐸ ᐃᓯ ᑭᒐᔅᒋᒧᓇᐛᐤ᙮