ᒐᓂᓯᔅ 24:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒋ ᓂᑐᐛᔨᒥᑎᓐ ᒐ ᐊᓱᑎᒪᒐᔨᓐ ᐅᑎᐸᔨᒋᒐᐤ ᐅᑦ ᐃᓯᓂᐧᑲᓱᐅᓂᒡ ᐅᒡ, ᒋᒋᒋᓯᑯᒡ ᑭᔭ ᐊᔅᒋᒡ ᒐ ᒋᓴᒪᓂᑐᐅᑦ, ᐊᓱᑎᒪᒐ ᒐ ᐊᑲ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ ᐅᑕ ᐅᒡ ᑲᐃᓇᓐ ᐃᔪᐛ ᐊ ᑕᔨᒋ᙮

ᒐᓂᓯᔅ 24:3 ပူးပေါင်းရင်းမြစ်များ

ᒐᓂᓯᔅ 14:19

ᒋ ᓱᐛᔨᑕᑯᐛᐤ ᐊᑉᕋᒪ, ᐊ ᐃᔅᒋᔄᑦ, “ᓱᐛᔨᑕᑯᐃᑯᐤ ᐊᑉᕋᒻ ᒋᓴᒪᓂᑐᐛ ᒪᐅᒡ ᐃᔅᐱᒥᒡ, ᑲ ᐅᓯᑕᔨᒋ ᒋᒋᒋᓯᑯᔪᐤ ᑭᔭ ᐊᔅᒋᔪᐤ,

ᒐᓂᓯᔅ 14:22

ᒥᒄ ᐊᑉᕋᒻ ᒋ ᐃᑕᐤ, “ᓂᒋ ᐅᐱᑐᐛᐤ ᓂᑎᒋᔪᐤ ᑎᐸᔨᒋᒐᓱᐤ ᒋᓴᒪᓂᑐᐤ ᒪᐅᒡ ᐃᔅᐱᒥᒡ, ᑲ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ ᑭᔭ ᓂᒋ ᑐᑕᓐ ᑕᑈᐅᓐ,

ᒐᓂᓯᔅ 21:23

ᒋ ᓂᑐᐛᔨᒥᑎᓐ ᒐᒋ ᐊᓱᑎᒪᒐᔨᓐ ᐅᑕ ᒋᓴᒪᓂᑐᐤ ᐊ ᐛᐱᒥᑕᐧᒄ ᒐ ᐊᑲ ᒥᒋᑐᑐᐎᓐ ᑭᔭ ᒪᒃ ᓂᑦ ᐊᐛᓯᒥᒡ ᑭᔭ ᐅᑦ ᐊᐛᓯᒧᐛᐛ᙮ ᑕᐱᔅᑯᓐ ᒋᓴᐛᑎᓯᐅᓐ ᑲ ᐛᐸᑎᔨᑕᓐ ᐸᒋ ᐛᐸᑎᔾ ᑭᔭ ᐊᓐᒡ ᐃᔪᒡ ᐅᑕ ᓂᑦ ᐊᔅᒋᒡ ᐊᓐᑕ ᐛᒋᔨᓐ ᒧᔭᒻ ᒪᓐᑕᐤ᙮”

ᒐᓂᓯᔅ 24:7

ᑎᐸᔨᒋᒐᓱᐤ ᒋᒋᒋᓯᑯᒡ ᒋᓴᒪᓂᑐᐤ, ᐊᓐ ᓄᑕᐎᔭ ᐎᒋᔨᒡ ᑲ ᐅᒋ ᐅᑎᓂᑦ ᑭᔭ ᓂᐧᑲᓂᓴ ᐅᑦ ᐊᔅᒋᔨᒡ ᐅᒡ, ᓂᒋ ᐃᔨᒥᐃᒄ ᑭᔭ ᓂᒋ ᐊᓱᑎᒪᒄ, ᐊ ᐃᔅᒋᔄᑦ, ‘ᒋᑦ ᐊᓂᔅᑯᑕᐸᓐᒡ ᐅᔭ ᓂᑭ ᒥᔭᐅᒡ ᐊᔅᒋᔪᐤ᙮’ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ ᑭᔭ ᐊᑯᑕ ᒐ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ᙮

ᒐᓂᓯᔅ 27:46

ᐊᑯ ᕋᐸᑲ ᓇᑐᐛᐱᒪᑦ ᐊᐃᓯᑲ ᑭᔭ ᐊᑕᑦ, “ᓇᒪ ᓂ ᒥᔽᔨᑎᒪᐛ ᐃᓴᐅ ᐎᐛ, ᐊᓐᒡ ᐃᑕᐃᑦ ᐃᔎᐅᒡ ᑲᐃᓇᓐ ᐅᒡ᙮ ᐃᑐᑎᒧᒡ ᒐ ᐊᑲ ᓴᐸᔨᑕᑯᓂᔨᒡ ᓂᐱᒪᑎᓯᐅᓂᔪᐤ᙮ ᓇᒪ ᓂᑐᐛᔨᒪᐤ ᒐᑭᑉ ᒐᒋ ᐅᑎᓇᑦ ᐅᑕ ᐃᔎᐛ ᒐ ᐎᔪᑦ, ᒧᔭᒻ ᑲ ᐃᑎᑦ ᐃᓴᐅ᙮ ᐃᐛᒃ ᓂᑐᐛᔨᑕᓐ ᒐᒋ ᐳᓂᐱᒪᑎᓯᔭᓐ ᐃᔅᐱᔅ ᒐᒋ ᒥᔨᒃ ᒐ ᐎᒋᒪᑦ ᐃᑕᐃᑦ ᐃᔎᐛ᙮”

ᒐᓂᓯᔅ 28:1

ᐊᑯ ᐊᐃᓯᒃ ᐊᑎᓴᐛᑦ ᐊᐛᔪᐛ ᒐ ᐎᑎᒧᐛᐎᔨᒋ ᒐᒋ ᓂᑐᐛᐱᒥᑯᑦ ᒐᑭᐸ᙮ ᐃᔅᐱ ᐸᒐᔨᒋ ᒐᑭᐸ ᐅᐱᒍᐎᔭᓂᒋᐛᐱᒡ᙮ ᐊᐃᓯᒃ ᒋ ᐊᑎᒥᔅᑯᐛᐤ ᑭᔭ ᒂ ᐃᑕᑦ, “ᐊᑲᐎᔭ ᒋᑭ ᐎᒋᒪᐤ ᐃᔎᐤ ᑲᐃᓇᓐ ᐊᔅᒋᒡ ᐅᒡ᙮

ᒐᓂᓯᔅ 28:8

ᒂ ᓂᔅᑐᑕᑎᓱᑦ ᐃᓴᐅ ᐊᓂᔭ ᐅᑕᐎᔭ ᐊᐃᓯᑲ ᐊᑲ ᒥᔽᔨᑕᔨᒋ ᑲᐃᓇᓐ ᐃᔎᐛ

ᒐᓂᓯᔅ 34:9

ᑐᑕᑕᐤ ᓂᐳᐤ ᓂᔅᑯᒥᑐᐅᓐ᙮ ᒥᔨᓇᓐ ᒋᑕᓂᓯᐛᐅᒡ ᒐᒋ ᐎᒋᒥᒋᒡ ᑭᔭ ᒋᑭ ᒥᔨᑎᓇᓐ ᓂᑕᓂᓯᓇᓐᒡ᙮

ᒐᓂᓯᔅ 38:2

ᒪᒂᒡ ᐊᓐᑕ ᑲ ᑕᑦ ᒍᑕ, ᒋ ᓂᒋᔅᑯᐛᐤ ᑲᐃᓇᓐ ᐃᔎᐛ, ᓱᐊ ᑲ ᐃᓯᓂᐧᑲᓱᔨᒋ ᐅᑕᐎᔪᐛ, ᒂ ᐎᒋᒪᑦ᙮

ᒐᓂᓯᔅ 47:31

ᐊᑯ ᒐᑭᑉ ᐊᑕᑦ, “ᐊᓱᑎᒪᒐ ᐅᑦ ᐃᓯᓂᐧᑲᓱᐅᓂᒡ ᐅᒡ ᒋᓴᒪᓂᑐᐤ, ᐅ ᒐ ᐃᑐᑎᒥᓐ,” ᐊᑯ ᒍᓯᑉ ᐊᑐᑕᐧᒃ ᒋᒋ ᐊᓱᑎᒪᒐᐅᓂᔪᐤ᙮ ᐊᑯ ᒐᑭᑉ ᓇᐛᔎᔨᑦ ᑭᔭ ᐊᔭᒥᐊᑦ ᐊᓐᑕ ᐊ ᐅᔅᑎᒂᓄᐎᒡ ᐅᓂᐸᐅᓂᒡ᙮

ᒐᓂᓯᔅ 50:25

ᐊᑯ ᐊᓱᑎᒧᐅᒄ ᒐᒋ ᔅᑐᑕᔭᒄ ᓂᔪᐤ ᐃᔅᐱ ᒋᓴᒪᓂᑐᐤ ᑲᐃᓇᓐ ᐊᔅᒋᒡ ᐃᓯ ᒋᔅᒋᓄᑕᔨᑕᒂ᙮”

ᒐᓂᓯᔅ 6:2

ᒋᓴᒪᓂᑐᐤ ᐅᑦ ᐃᔨᒪ ᒋ ᐛᐱᒪᔪᐛ ᐊᓂᔭ ᐃᔪᐛ ᐅᑕᓂᓯᔪᐛ ᐊᔅᐱᔅ ᒥᔪᔎᐎᔨᒋ ᑭᔭ ᒋ ᐅᑎᓇᒪᓱᐅᒡ ᒐ ᐎᐅᒡ᙮

ᒐᓂᓯᔅ 6:4

ᐃᔭᐱᒡ ᒋ ᑕᐅᒡ ᒥᔅᑕᐸᐅᒡ ᐅᑕ ᐊᔅᒋᒡ, ᒧᔭᒻ ᒋᓴᒪᓂᑐᐤ ᐅᑦ ᐃᔨᒪ ᑲ ᐎᒋᒪᔨᒋ ᐊᓂᔭ ᐃᔪᐛ ᐅᑕᓂᓯᔪᐛ ᑭᔭ ᒋ ᑕᔪᐛ ᐅᑦ ᐊᐛᓯᒧᐛᐛ, ᒋᒋᐛ ᒋᓴᐱᐅᒡ ᐅᒡ ᐎᐱᒡ ᐃᔪᒡ ᑭᔭ ᒋ ᐊᔭᐅᒡ ᒥᔅᑯᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 115:15

ᒋ ᒥᔽᒋᒥᑯᐛᐤ ᑎᐸᔨᒋᒐᓱᐤ, ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 136:26

ᐅ ᓂᓇᔅᑯᒥᐧᒄ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ: ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᐊᒃᓱᑕᔅ 20:7

ᐊᑲᐎᔾ ᓂᑐᐎᔾ ᒋᑭ ᐃᓯ ᐎᔭᐤ ᑎᐸᔨᒋᒐᓱᐤ ᒋᒋᓴᒪᓂᑐᒻ ᐛᔅ ᑎᐸᔨᒋᒐᓱᐤ ᓇᒪᐎᔾ ᒋᑭ ᒥᔪᑥᐛᔨᒪᐤ ᐊᓂᔭᔪᐛ ᓂᑐᐎᔾ ᐊᓯ ᐎᔨᑯᑦ᙮

ᐊᒃᓱᑕᔅ 22:11

ᐊᑯ ᐊᓐ ᑲ ᑭᓄᐛᔨᑎᐊᑭᓄᐅᑦ ᐊᓂᔭ ᐊᐛᓯᓴ ᐛᒧᒡ ᒋᑭ ᐎ ᐎᑎᒻ ᐊᑲ ᐅᒋ ᒋᒧᑎᑦ ᐊᓂᔭ ᐊᐛᓯᓴ ᐅᑎᔅᑯᐤ ᑎᐸᔨᒋᒐᓱᐛ᙮ ᒋᑭ ᐎ ᑕᑈᑎᒻ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᓯᓴ, ᑭᔭ ᓇᒪ ᒋᑭ ᒋ ᒋᓯᐧᑲᑯᐤ ᐊᓂᔭ ᑲ ᑭᓄᐛᔨᑎᔭᑦ ᐊᐛᓯᓴ᙮

ᐊᒃᓱᑕᔅ 23:13

ᓇᔅᒡ ᒐ ᐎ ᐃᑐᑎᒪᒄ ᒥᓯᐛ ᒐᒂᓐ ᑲ ᐃᑎᓱᒥᑎᑯᒡ ᒐᒋ ᐃᑐᑎᒪᒄ᙮ ᒐ ᐊᑲ ᐊᔭᒥᐊᔅᑐᐛᑯᒡ ᑯᑎᑭᒡ ᒪᓂᑐᐅᒡ, ᑭᔭ ᒐ ᐊᑲ ᐃᔅᒋᔄᐛᒄ ᐅᑦ ᐃᓯᓂᐧᑲᓱᓂᐛᐛ᙮” ᐊᑯ ᑎᐸᔨᒋᒐᓱᐤ ᐊᔅᒋᔄᑦ:

ᐊᒃᓱᑕᔅ 34:16

ᐃᔭᐱᒡ ᒋᑯᓱᐛᐅᒡ ᒋᑭ ᐎ ᐎᒋᒪᐅᒡ ᐊᓂᔭ ᐅᑕᓂᓯᔨᐛ ᑭᔭ ᒋᑭ ᓯᒋᒥᑯᐅᒡ ᒐᒋ ᐊᔭᒥᐊᔅᑐᐅᒪᒡ ᐊᓂᔭ ᐅᒥᓂᑐᐅᒥᔪᐛ᙮

1 ᑯᕆᓐᑎᔭᓇ 7:39

ᐊ ᓂᐳᐅᑦ ᐃᔎᐤ ᓇᒪ ᐃᑕᔨᑕᑯᓱᐤ ᒐᒋ ᐎᒋᒪᑦ ᑯᑎᒃ ᓇᐸᐤ ᐊᔅᒄ ᐊ ᐱᒪᑎᓯᔨᒋ ᐅᓇᐸᒪ᙮ ᒥᒄ ᒪᒃ ᓂᐱᒐᓂ ᐅᓇᐸᒪ ᒋᑭ ᒋ ᐎᒋᒪᐤ ᒥᒄ ᐊ ᐃᓯᓇᑯᓯᔨᒋ ᓇᐸᐛ ᐊ ᒂᔅᑲᑎᓯᒂᓂ᙮

ᐃᑉᕈᐛ 6:16

ᐃᔅᐱ ᐊᐛᓐ ᓇᔅᒡ ᐛ ᑕᑈᒋ ᒐᒂᔪᐤ ᐊ ᐃᔅᒋᔄᑦ ᑯᑎᑲ ᐊᐛᔪᐛ ᐎᐊᐤ ᐅᔅᑕ ᐊ ᒋᔅᑕᔨᑕᑯᓯᔨᒋ ᐃᔅᐱᔅ ᐎᔾ᙮ ᐊᑯ ᒪᒃ ᓇᒪ ᐊᐛᔪᐛ ᒋ ᐊᓏᑕᑯᐤ ᐊᓂᔭ ᑲ ᐃᓯ ᓇᔅᐱᒡ ᑕᑈᑦ᙮