24 ᕋᐸᑲ ᒂ ᐃᑕᑦ, “ᐸᑎᐅᓪ ᓄᑕᐎᔾ, ᓇᐅᕐ ᑭᔭ ᒥᓪᑲ ᐅᑯᓱᐛᐛ᙮
ᐊᑉᕋᒻ ᑭᔭ ᓇᐅᕐ ᐊ ᓂᓯᒡ ᒋ ᓂᐳᐎᒡ, ᐊᑉᕋᒻ ᐎᐛ ᓴᕋᐃ ᒋ ᐃᓯᓂᐧᑲᓱᔪᐛ᙮ ᓇᐅᕐ ᐎᐛ ᒥᓪᑲ ᒋ ᐃᓯᓂᐧᑲᓱᔪᐛ, ᐦᐊᕋᓇ ᐅᑕᓂᓯᔪᐛ᙮ ᐦᐊᕋᓐ ᒋ ᐅᑕᐎᒪᐤ ᒥᓪᑲ ᑭᔭ ᐃᔅᑲ᙮
ᓇᓇᒐ ᐊᑉᕋᐊᒻ ᒋ ᐎᑎᒧᐛᑭᓄᐤ ᐎᐧᑲᓂᓴ ᓇᐅᕋ ᑭᔭ ᐎᐛ ᒥᓪᑲ ᔭᓇᐤ ᐊᑕᑎᓯᔨᒋ ᐅᑦ ᐊᐛᓯᒥᔪᐛ᙮
ᕋᐸᑲ ᒋ ᐅᑕᐎᔪᐤ ᐸᑎᐅᓚ᙮ ᒥᓪᑲ ᔭᓇᐤ ᒋ ᓂᑕᐅᒋᐃᒪᐤ ᓇᐅᕋ ᐅᑯᓯᔪᐛ, ᐊᑉᕋᐊᒪ ᐎᐧᑲᓂᓯᐛ᙮
ᒪᒂᒡ ᐊᔅᒄ ᐊᔭᒥᐊᑦ ᐊᐱᒋᐊᑭᓐ, ᒋ ᐸᒋ ᐎᐎᔪᐛ ᐅᔅᒋᓂᒋᔎᐛ ᐅᑕᓇᔪᐤ ᐛᐱᑎᓂᔅᒋᐳᑕᔪᐤ ᐅᑎᑎᒥᓂᔨᒡ ᐊ ᐎᐅᓱᔨᒋ᙮ ᕋᐸᑲ ᒋ ᐃᓯᓂᐧᑲᓱᔪᐛ, ᐸᑎᐅᐊᓚ ᐅᑕᓂᓯᔪᐛ, ᐊᓐ ᑲ ᐅᑯᓯᒪᐅᑦ ᐊᑉᕋᐊᒪ ᐎᐧᑲᓂᓯᔪᐛ ᓇᐅᕐ ᑭᔭ ᐎᐛ ᒥᓪᑲᔨᒋ᙮
ᐊᑯ ᒂ ᐃᑕᑦ, “ᐎᑎᒧᐎ ᐊᐛᓐ ᐛᑕᐎᔨᓐ ? ᒪᑎᑎᒻ ᐊᐳᓂᔪᐤ ᐊᓐᑕ ᐎᒋᒡ ᒐᒋ ᑕᐅᒋᒡ ᒐ ᑎᐱᔅᑲᔨᒡ ?”
ᑎᑯᓐ ᐊᐳᐅᓐ ᒐᒋ ᑕᔭᒄ ᐊᑕᔭᒡ ᑭᔭ ᐛᔪᑎᓂᔪᐤ ᐊᐛᓯᓯᒡ ᐅᒥᒋᒧᐛᐤ᙮”
ᒪᒃ ᓂᒋ ᑯᒂᒋᒪᐤ, ‘ᐊᐛᔪᐛ ᐛᓂᒋᐃᑯᑦ ?’ ᓂᒋ ᐎᑎᒪᒄ, ‘ᐸᑎᐅᓪ ᓄᑕᐎᔾ, ᓇᐅᕐ ᑭᔭ ᒥᓪᑲ ᐅᑯᓱᐛᐛ᙮’ ᐃᔅᐱ ᐱᔭᑎᒪᓐ ᐅ, ᓂᒋ ᒋᑭᒧᑕᑎᔭᐤ ᑕᐱᒋᒐᐱᓱᓇ ᐅᔅᑯᑎᒡ ᑭᔭ ᒥᔅᐱᑐᓇᐱᔅᑯᓴ ᐅᔅᐱᑐᓂᒡ᙮
ᐊᑯ ᒐᑭᑉ ᑲ ᑯᒂᒋᒪᑦ, “ᒪ ᒋᔅᒐᔨᒪᐛᐤ ᓚᐸᓐ, ᓇᐅᕐ ᐅᓯᒪ ?” “ᓂᐦᐃ, ᓂ ᒋᔅᒐᔨᒪᓇᓐ,” ᐃᑎᑯᐤ᙮
