ᒐᓂᓯᔅ 22:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᒐᓂᓯᔅ 22:17 ပူးပေါင်းရင်းမြစ်များ

ᒐᓂᓯᔅ 12:2

ᒋᑭ ᐅᑕᐎᒪᐅᓐ ᐊ ᓱᐧᑲᑎᓯᒡ ᐊ ᐃᑎᔅᑲᓇᓯᒡ, ᒋᑭ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ, ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ᓱᐛᔨᑕᑯᐎᐛᓐ ᒪᒃ᙮

ᒐᓂᓯᔅ 13:16

ᓂᑭ ᐃᑐᑐᐛᐅᒡ ᒋᓂᑕᐅᒋᐊᑭᓐᒡ ᒐᒋ ᒥᒐᑎᒡ ᒐ ᐊᑲ ᒋ ᐊᒋᒪᑦ ᐊᐛᓐ᙮ ᐅᔅᑕ ᒋᑭ ᒥᒐᑐᐅᒡ ᐃᔅᐱᔅ ᐊ ᑕᑎᓂᔨᒋ ᐃᔭᑲᐛ ᐅᑕ ᐊᔅᒋᒡ᙮

ᒐᓂᓯᔅ 15:5

ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ᑐᑕᐊᑦ ᐊᑉᕋᒪ ᑭᔭ ᒋ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ᑭᓄᐛᔨᒥᑥᐤ᙮”

ᒐᓂᓯᔅ 17:6

ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᑭᔭ ᓂᑲᓄᒡ ᐊᓐᑕ ᒋᑭ ᒥᒐᑐᔅᑲᓇᓱᐅᒡ᙮ ᐱᔅᒐ ᒋᑭ ᒋᓴᐅᒋᒪᐅᒡ᙮

ᒐᓂᓯᔅ 24:60

ᒪᒂᒡ ᑲ ᐛᒋᔭᒪᒡ ᕋᐸᑲᔨᒋ, ᒋ ᐃᔅᒋᔄᐅᒡ ᐅᔭ ᐊᔭᒥᐊᐅᓂᔪᐤ, “ᑭᒪ ᐃᑐᑐᐛᑦ ᒋᓴᒪᓂᑐᐤ ᕋᐸᑲᔨᒋ ᒐᒋ ᐅᑲᐎᒪᐅᔨᒋ ᒋᓴᒥᑕᓯᒥᑎᓄᐤ ᐊᓂᔅᑯᑕᐸᓇ᙮ ᑭᒪ ᒋᓴᒪᓂᑐᐤ ᒥᔭᑦ ᒋᑦ ᐊᓂᔅᑯᑕᐸᓇ ᒐᒋ ᓴᒂᐊᔨᒋ ᐊᓂᔭ ᑲ ᐛᐧᑲᑎᑯᔨᒋ᙮”

ᒐᓂᓯᔅ 25:11

ᑲᒋ ᐳᓂᐱᒪᑎᓯᑦ ᐊᑉᕋᐊᒻ, ᒋᓴᒪᓂᑐᐤ ᒋ ᓱᐛᔨᑕᑯᐃᒪᐤ ᐅᑯᓯᔪᐛ ᐊᐃᓯᑲ, ᒥᒋᒪ ᐱᕐ-ᓚᐊᐃ-ᕈᐃ ᑲ ᐎᒋᔨᒋ᙮

ᒐᓂᓯᔅ 26:24

ᐊᓂᔭ ᑕᐱᔅᑲᔨᒡ ᒋ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ᑕᔨᓐ᙮ ᒋᑭ ᒥᔪᑐᑕᑎᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”

ᒐᓂᓯᔅ 26:4

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔭ᙮ ᒋᑦ ᐊᓂᔅᑯᑕᐸᓐᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 28:3

ᒂ ᐃᑕᑦ ᐊᐃᓯᒃ, “ᑭᒪ ᒋᓴᒪᓂᑐᐤ ᐊᓐ ᒥᓯᐛ ᐊᓯ ᓱᐧᑲᑎᓯᑦ, ᐃᑐᑕᐧᒃ ᒐᒋ ᐃᔅᐱᔪᑦ ᒥᔪ ᒐᒂᓂᔪᐤ᙮ ᑭᒪ ᒥᒐᑦ ᐊᐛᓴ ᒥᔨᔅᒃ ᑭᔭ ᒥᒐᑎᒡ ᒋᑦ ᐊᓂᔅᑯᑕᐸᓐᒡ ᐊᑯ ᒪᒃ ᒐ ᒥᒐᑐᔅᑲᓇᓯᒡ᙮

ᒐᓂᓯᔅ 28:4

ᑭᒪ ᒋᓴᒪᓂᑐᐤ ᒥᔨᔅᒃ ᑭᔭ ᒋᑦ ᐊᓂᔅᑯᑕᐸᓇ ᐊᓂᔭ ᐊᔅᒋᔪᐤ ᒋᒧᓱᒪ ᐊᑉᕋᐊᒪ ᑲ ᐊᓱᑎᒧᐛᑦ᙮ ᐊᑯ ᒪᒃ ᒐ ᑎᐸᔨᑎᒥᓐ ᐅ ᐊᔅᒋᔾ ᐊᓐᑕ ᐊᓄᒡ ᐛᒋᔨᓐ ᒧᔭᒻ ᒪᓐᑕᐤ᙮”

ᒐᓂᓯᔅ 32:12

ᒋᔅᒋᓯ ᑲ ᐊᓱᑎᒧᔨᓐ ᒐᒋ ᒥᓯᐛ ᐃᓯ ᒥᔪᐱᔨᔭᓐ ᑭᔭ ᐊᑎᑐᐤ ᒐᒋ ᒥᔨᓐ ᐊᓂᔅᑯᑕᐸᓐᒡ ᒧᔭᒻ ᐊᑕᑎᒡ ᐃᔭᑲᐤ ᓇᓯᐸᑎᒥᒡ ᒐ ᐊᑲ ᐊᐛᓐ ᒋᒋᒪᑦ᙮”

ᒐᓂᓯᔅ 32:13

ᑲᒋ ᑕᑦ ᐊᓐᑕ ᐸᐃᒄ ᑎᐱᔅᑲᐛ, ᒋ ᐅᑎᓇᐤ ᒐᑭᑉ ᐱᔅᒐ ᐅᑦ ᐊᐛᓯᓯᒪ ᒐᒋ ᒥᔭᑦ ᐅᔅᑕᓴ ᐃᓴᐅᐛ ᒧᔭᒻ ᒥᔨᐛᐅᓂᔪᐤ᙮

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:13

ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ ᑭᔭ ᐊᓂᔭ ᐊᓐᑕ ᐊ ᑕᑦ ᒐ ᐅᒋ ᐊᓂᔅᒐ ᐱᒪᑎᓯᔨᒋ ᒐᔅᑎᓇᔅ ᑕᑈ ᒐ ᒥᔭᑦ ᒥᓯᐛ ᐅᔭ ᐊᔅᒋᔪᐤ᙮ ᐅᔭ ᒪᒃ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᑯᑦ ᐊᑉᕋᐊᒻ ᓇᒪ ᐎ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓂᔪᐤ ᐛᒋ ᐃᑎᑯᑦ ᐅᔭ ᒐ ᐃᑐᑎᒪᑯᑦ᙮ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᑭᔭ ᐅᑯᐃᔅᑯᑕᑎᓯᐤ ᐊᒋ ᐃᓯ ᑭᓄᐛᐱᒥᑯᑦ ᐊᐅᑯᔪᐤ ᐛᒋ ᐃᑐᑎᒪᑯᑦ ᐅᔭ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:27

ᐊᑯ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭ ᒋ ᑎᑯᓂᔪᐤ ᑕᓐ ᑲ ᐃᓯ ᐊᔨᒧᒪᑦ ᐃᔅᕋᐃᓪ ᐃᔪᐛ᙮ ᒋ ᐃᔅᒋᔄᑯᐱᓇ, ᐊᑎ ᐊ ᐃᔅᐱᔅ ᐛᔪᑎᓯᒡ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᐛᔪᒡ ᒥᒐᓂᔨᒋ ᐃᔭᑲᐤ ᓯᓱᒡ ᐎᓂᐸᑯᒡ ᐃᔭᐱᒡ ᓇᒪ ᒥᒐᑦ ᒋᑭ ᐅᒋ ᐱᒪᒋᐅᐎᒡ᙮

1 ᑯᕆᓐᑎᔭᓇ 15:57

ᒋᑭ ᓂᓇᔅᑯᒪᓄᐤ ᒪᒃ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒡ᙮ ᔅᒋ ᐃᑐᑎᒪᑯᓇᓄᐤ ᒐ ᐊᑲ ᒋ ᓴᐧᑯᒋᐃᑯᔭᐧᒄ ᓂᐳᐅᓐ, ᐃᔭᐱᒡ ᑲᒋᒡ ᒐᒋ ᐱᒪᑎᓯᔭᐧᒄ᙮

ᐃᐱᓯᔭᓇ 1:3

ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ᓱᐛᔨᒥᑯᓄᐤ ᐊᒋ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ᑎᒂᒋ ᒋᒋᒋᓯᑯᒡ᙮

ᐃᑉᕈᐛ 11:12

ᐊᑯᑕ ᒪᒃ ᑲ ᐅᒋ ᐃᓯᓇᑯᓂᔨᒡ ᐊᑉᕋᐊᒻ ᒐᒋ ᐅᑕᐎᒪᐅᑦ ᐊᑎ ᓴᔅ ᑭᔭ ᐎᔾ ᓇᔅᒡ ᐊᒋ ᒋᓴᐃᔪᑦ᙮ ᐊᑯ ᒪᒃ ᐊᑉᕋᐊᒻ ᒪᒐᑎᔨᒋ ᐅᑦ ᐊᓂᔅᒐ ᐅᑦ ᐊᐛᓯᒪ ᐊᑲ ᐛᐛᒡ ᒥᓯᐛ ᒋ ᐊᒋᒪᑭᓄᔨᒋ᙮ ᒧᔭᒻ ᑕᓐ ᐊᔅᐱᔅ ᒥᒐᑎᒡ ᐅᒐᑭᑕᐧᑯᒡ ᐊᓐᑕ ᒋᓯᑯᒡ ᐊᐅᑯᓐ ᐊ ᐃᔅᐱᒐᑎᔨᒋ ᐅᑦ ᐊᐛᓯᒪ, ᒧᔭᒻ ᑕᓐ ᐊᔅᐱᔅ ᐊᑲ ᒋ ᐊᒋᑕᑭᓄᐅᒡ ᓯᓱᒡ ᑲ ᑎᒂᒡ ᐃᔭᑲᐤ ᐛᓴ ᐊ ᐱᓴᐅᐧᑲᔅᒡ ᐊᐅᑯᓐ ᐊ ᐃᔅᐱᒐᑎᔨᒋ᙮

ᐃᑉᕈᐛ 6:14

ᒋ ᐃᔅᒋᔄᐤ, “ᒐᔅᑎᓇᔅ ᒋᑭ ᓱᐛᔨᒥᑎᓐ ᐊ ᒥᔨᑕᓐ ᒥᒐᑦ ᐊᐛᓐᒋ ᐊᓐᑕ ᐊ ᑕᔨᓐ ᒐᒋ ᐅᒋ ᐊᓂᔅᒐ ᐱᒪᑎᓯᒡ᙮”

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”