24 ᐊᑉᕋᐊᒻ ᒂ ᐃᑕᑦ, “ᓂᑦ ᐊᓱᑎᒪᒐᓐ᙮”
ᒥᒄ ᐸᐃᒄ ᓇᐸᐤ ᒋ ᒋᑎᓯᒧᐤ ᑭᔭ ᑲ ᐎᑎᒧᐛᑦ ᐊᑉᕋᒪ, ᐃᑉᕈᐤ ᐃᔪᐛ, ᑲ ᐎᒋᔨᒋ ᐊᓐᑕ ᒥᒋᒪ ᐃᓚᓐ ᒥᔅᑎᒂ, ᒪᒻᕋ ᐊᒧᕆ ᐃᔪᐛ ᑲ ᑎᐸᔨᒪᔨᒋ᙮ ᒪᒻᕋ ᒋ ᓂᓯᔪᐛ ᐎᐧᑲᓂᓴ, ᐃᔅᑯᓪ ᑭᔭ ᐊᓄᕐ, ᐅᒡ ᐊ ᓂᔅᑎᒡ ᓇᐸᐅᒡ, ᒋ ᐃᑐᑎᒧᒡ ᐊᓱᑎᒪᒐᐅᓂᔪᐤ ᒐᒋ ᐎᒋᒪᓯᒐᒪᒡ ᐊᑉᕋᒪ ᓇᑐᐱᓇᓄᔨᒋ᙮
ᒋ ᓂᑐᐛᔨᒥᑎᓐ ᒐᒋ ᐊᓱᑎᒪᒐᔨᓐ ᐅᑕ ᒋᓴᒪᓂᑐᐤ ᐊ ᐛᐱᒥᑕᐧᒄ ᒐ ᐊᑲ ᒥᒋᑐᑐᐎᓐ ᑭᔭ ᒪᒃ ᓂᑦ ᐊᐛᓯᒥᒡ ᑭᔭ ᐅᑦ ᐊᐛᓯᒧᐛᐛ᙮ ᑕᐱᔅᑯᓐ ᒋᓴᐛᑎᓯᐅᓐ ᑲ ᐛᐸᑎᔨᑕᓐ ᐸᒋ ᐛᐸᑎᔾ ᑭᔭ ᐊᓐᒡ ᐃᔪᒡ ᐅᑕ ᓂᑦ ᐊᔅᒋᒡ ᐊᓐᑕ ᐛᒋᔨᓐ ᒧᔭᒻ ᒪᓐᑕᐤ᙮”
ᒪᒃ ᐊᑉᕋᐊᒻ ᒋ ᐎᑎᒧᐛᐤ ᐊᐱᒪᓕᑲ ᒧᓇᐃᐸᓂᔪᐤ ᑲ ᒪᑯᓂᒥᔨᒋ ᐅᑦ ᐊᐱᒋᐊᑭᓂᔪᐛ᙮
ᐊᑯ ᒐᑭᑉ ᐊᑕᑦ, “ᐊᓱᑎᒪᒐ ᐅᑦ ᐃᓯᓂᐧᑲᓱᐅᓂᒡ ᐅᒡ ᒋᓴᒪᓂᑐᐤ, ᐅ ᒐ ᐃᑐᑎᒥᓐ,” ᐊᑯ ᒍᓯᑉ ᐊᑐᑕᐧᒃ ᒋᒋ ᐊᓱᑎᒪᒐᐅᓂᔪᐤ᙮ ᐊᑯ ᒐᑭᑉ ᓇᐛᔎᔨᑦ ᑭᔭ ᐊᔭᒥᐊᑦ ᐊᓐᑕ ᐊ ᐅᔅᑎᒂᓄᐎᒡ ᐅᓂᐸᐅᓂᒡ᙮
ᒥᒄ ᒐ ᐃᔅᐱᔅ ᒋ ᐃᑐᐅᓇ, ᑯᒋᑕ ᒥᓯᐛ ᐊᐛᓐ ᒐᒋ ᒥᔪ ᐎᒐᐅᑦ᙮
ᐃᔅᐱ ᐊᐛᓐ ᓇᔅᒡ ᐛ ᑕᑈᒋ ᒐᒂᔪᐤ ᐊ ᐃᔅᒋᔄᑦ ᑯᑎᑲ ᐊᐛᔪᐛ ᐎᐊᐤ ᐅᔅᑕ ᐊ ᒋᔅᑕᔨᑕᑯᓯᔨᒋ ᐃᔅᐱᔅ ᐎᔾ᙮ ᐊᑯ ᒪᒃ ᓇᒪ ᐊᐛᔪᐛ ᒋ ᐊᓏᑕᑯᐤ ᐊᓂᔭ ᑲ ᐃᓯ ᓇᔅᐱᒡ ᑕᑈᑦ᙮
