ᒐᓂᓯᔅ 21:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒋᓴᒪᓂᑐᐤ ᒋ ᑭᓄᐛᔨᒪᐤ ᓇᐸᓴ ᐊᑎ ᓂᑕᐅᒋᔨᒋ, ᒋ ᓂᑕᐤ ᓂᑐᐅᐤ ᑭᔭ ᐸᕋᓐ ᐸᐧᑯᑎᔅᑭᒥᑲᒡ ᒋ ᐎᒋᐤ᙮

ᒐᓂᓯᔅ 21:20 ပူးပေါင်းရင်းမြစ်များ

ᒐᓂᓯᔅ 10:9

ᒋᒋᐛ ᒋ ᓂᑕᐤ ᓂᑐᐎᔪᐤ ᐊ ᐎᒋᐃᑯᑦ ᑎᐸᔨᒋᒐᓱᐛ, ᐎᔾ ᓂᒻᕋᑦ ᑲ ᐅᒋ ᐃᔅᒋᔄᓄᐎᒡ, “ᒋ ᓂᑕᐤ ᓂᑐᐎᓐ ᒧᔭᒻ ᓂᒻᕋᑦ ᑎᐸᔨᒋᒐᓱᐤ ᐊ ᐎᒋᐃᔅᒃ᙮”

ᒐᓂᓯᔅ 16:12

ᒥᓯᐛ ᐊᐛᔪᐛ ᒋᑭ ᒪᓯᐧᑯᐛᐤ ᑭᔭ ᒥᓯᐛ ᐊᐛᔪᐛ ᒋᑭ ᒪᓯᐧᑲᑯᐤ, ᑭᔭ ᐊ ᐛᐧᑲᑕᑦ ᐎᐧᑲᓂᓴ ᒋᑭ ᐃᓯ ᐱᒪᑎᓯᔪᐤ᙮”

ᒐᓂᓯᔅ 17:20

ᒥᒄ ᒋᑯᔅ ᐃᔅᒪᐃᓪ, ᒋᑭ ᒥᔨᑎᓐ ᐊ ᐃᓯ ᓂᑐᐛᔨᑎᒥᓐ, ᓂᑭ ᓱᐛᔨᑕᑯᐛᐤ᙮ ᒥᒐᑦ ᐊᐛᓴ ᓂᑭ ᒥᔭᐤ ᑭᔭ ᒥᒐᑦ ᐊᓂᔅᑯᑕᐸᓇ ᓂᑭ ᒥᔭᐤ᙮ ᐎᔾ ᒋᑭ ᐅᑕᐎᒪᐅ ᐊ ᓂᓱᓴᐳᔨᒋ ᒋᓴᐅᒋᒪᓴ, ᓂᑭ ᑐᑐᒪᐛ ᐅᑦ ᐊᓂᔅᑯᑕᐸᓇ ᒐᒋ ᒥᒐᑐᔅᑲᓇᓯᔨᒋ᙮

ᒐᓂᓯᔅ 25:27

ᐃᔅᐱ ᑲᒋ ᓂᑕᐅᒋᒡ ᓇᐸᓯᒡ, ᐃᓴᐅ ᒋ ᓄᒋᒥᐅ-ᐃᔪᐤ, ᓇᐸᐤ ᑲ ᒥᔽᔨᑕᐧᒃ ᐎᐎᑎᒥᒡ ᐊ ᑕᑦ᙮ ᒥᒄ ᒐᑭᑉ ᐃᔭᒡ ᒋ ᐃᑕᔨᑕᑯᓱᐤ, ᒋ ᒋᔭᒪᐛᔨᑕᑯᓱᐤ ᒥᒋᒪ ᐊ ᑕᑦ ᐊ ᐎᒋᒡ᙮

ᒐᓂᓯᔅ 27:3

ᐅᑎᓐ ᒋᑦ ᐊᒐᐱᔾ ᑭᔭ ᒋᑭᔅᑯᒡ ᑭᔭ ᒐ ᓂᑐᐅᐎᓐ᙮ ᐃᔅᐱ ᑎᑯᓯᓂᓇ, ᒐ ᐱᒥᓄᐛᔨᓐ ᒪᒃ ᐊᐎᑭᓯᒡ ᒥᒋᒻ ᒧᔭᒻ ᐊ ᐃᓯ ᒥᔽᔨᑎᒪᓐ ᑭᔭ ᒐ ᐸᑐᐎᓐ ᒐᒋ ᒥᒋᔭᓐ᙮

ᒐᓂᓯᔅ 28:15

ᐛᐸᑕ ᓂᑦ ᐊᓱᑎᒪᒐᓐ ᒐ ᐎᒐᐅᑕᓐ ᑭᔭ ᒐ ᑭᓄᐛᔨᒥᑕᓐ ᒥᒄ ᐊᓐᑕ ᐊ ᐃᑐᑕᔨᓐ ᑭᔭ ᑲᐤ ᒋᑭ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ᓂᑭᑎᑎᓐ ᐸᑎᒪ ᒋ ᐃᑐᑎᒪᓇ ᒥᓯᐛ ᐊᓐ ᑲ ᐊᓱᑎᒪᑕᓐ᙮”

ᒐᓂᓯᔅ 39:21

ᒋ ᐎᒋᐃᑯᐤ ᑭᔭ ᒋ ᒥᔪ ᑐᑕᑯᐤ ᑎᐸᔨᒋᒐᓱᐛ᙮ ᐃᔭᐱᒡ ᐊᓐ ᓇᐸᐤ ᑲ ᑭᓄᐛᔨᒪᑦ ᑲ ᒪᑯᓇᑭᓄᓯᔨᒋ ᒋ ᒥᔽᔨᒪᐤ ᒍᓯᐸ᙮

ᓗᒃ 1:80

ᐅ ᒪᒃ ᐊᐛᔅ ᒠᓐ ᒋ ᐊᑎ ᓱᒋᓂᑕᐅᒍᐤ ᐎᔭᒡ ᑭᔭ ᐅᑦ ᐊᒐᐧᑯᒡ᙮ ᐊᑯ ᒪᒃ ᐃᔅᐱ ᑲᒋ ᐃᓯ ᓂᑕᐅᒋᑦ ᐊᑯ ᒧᔅ ᑎᐸᓐ ᒂ ᐎᒋᑦ, ᐸᑐᔅ ᐛᑎᒋᐱᔨᒡ ᒐ ᑭᒐᔅᒋᒪᑦ ᐃᔅᕋᐃᓪ ᐃᔪᐛ᙮ ᐊᓐᑕ ᒪᒃ ᒋ ᐃᑕᐤ ᐸᐧᑯᑎᔅᑭᒥᑲᒡ ᐊᓐᑕ ᐊᑲ ᓂᑕᐅᒋᓂᔨᒡ ᒐᒂᔪᐤ᙮

ᓗᒃ 2:40

ᒋᓴᔅ ᒪᒃ ᒋ ᐊᑎ ᒥᔪ ᓂᑕᐅᒍᐤ ᑭᔭ ᒋ ᒥᔅᑎ ᑭᒐᑕᐛᔨᑎᒻ᙮ ᓇᔅᒡ ᒪᒃ ᒋ ᓱᐛᔨᒥᑯᐤ ᒋᓴᒪᓂᑐᐛ᙮