ᒐᓂᓯᔅ 21:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐎᐱᒡ ᒥᓐ ᒋᔭᒋᓴᐸᔭᔨᒡ ᒋ ᐅᓂᔪᐤ ᐊᑉᕋᐊᒻ, ᒂ ᐅᑎᓇᐧᒃ ᐱᔅᒐ ᒥᒋᒥᔪᐤ ᑭᔭ ᓂᐱᔪᐤ ᐱᓴᑭᓄᐅᑕᒡ ᐊ ᓴᑭᔅᒋᓇᐸᔨᒡ ᑭᔭ ᒂ ᒥᔭᑦ ᐦᐊᐃᑲᕋ᙮ ᐅᑎᑎᒥᓂᔨᒡ ᒋ ᐊᔅᑕᐛᐤ ᐊᑯ ᑭᔭ ᒂ ᒋᑎᓴᐛᑦ ᐊᓯᒡ ᓇᐸᓴ᙮ ᐦᐊᐃᑲᕐ ᒂ ᔅᑐᑕᑦ ᑭᔭ ᒂ ᐱᐸᒧᑕᑦ ᐊᓐᑕ ᐱᕐ-ᓯᐸ ᐸᐧᑯᑎᔅᑭᒥᑲᒡ᙮

ᒐᓂᓯᔅ 21:14 ပူးပေါင်းရင်းမြစ်များ

ᒐᓂᓯᔅ 16:7

ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒋ ᒥᔅᑯᐛᐤ ᐦᐊᐃᑲᕋ ᒥᒋᒪ ᒧᓇᐃᐸᓂᒡ ᐅᐱᒪ ᒪᔅᑭᓇᒡ ᓱᕐ ᐊᑎᒧᐎᒡ᙮

ᒐᓂᓯᔅ 19:27

ᐎᐱᒡ ᒋᔭᒋᓴᐸᔭᔨᒡ, ᐊᑉᕋᐊᒻ ᒋ ᐃᑐᑕᐤ ᐊᓐᑕ ᑲ ᐃᔨᒪᐊᑦ ᑭᔭ ᑲ ᐎᒋ ᑲᐳᔅᑐᐛᑦ ᑎᐸᔨᒋᒐᓱᐛ᙮

ᒐᓂᓯᔅ 21:13

ᒋᒡ ᓂᑭ ᑐᑐᒪᐛ ᐊᓐ ᐃᔎᐤ ᐊᑐᔅᒐᔭᑭᓐ ᐅᑯᓴ ᒐᒋ ᐃᑎᔅᑲᓇᓯᔨᒋ, ᐛᔅ ᐎᔾ ᐊᓐ ᑭᔭ ᒋᑯᔅ᙮”

ᒐᓂᓯᔅ 21:15

ᐃᔅᐱ ᑲ ᒪᒋᐱᔨᒡ ᓂᐱᔪᐤ, ᐦᐊᐃᑲᕐ ᒋ ᐱᔅᑎᓇᐤ ᓇᐸᓴ ᐊᓐᑕ ᑕᒥᓯᑲᒡ᙮

ᒐᓂᓯᔅ 21:31

ᐊᐅᑯᓐ ᐊᓂᔭ ᐛᒋ ᐃᓯᓂᐧᑲᑕᐧᒃ ᐊᐛᓐ ᐊᓂᔭ ᐃᑕᐅᓂᔪᐤ ᐱᕐ-ᓯᐸ, ᐛᔅ ᐊᑯᑕ ᐊᓐᑕ ᑲ ᑐᑕᒡ ᓂᔅᑯᒧᐅᓂᔪᐤ ᐊᓐᒡ ᐊ ᓂᓯᒡ ᓇᐸᐅᒡ᙮

ᒐᓂᓯᔅ 21:33

ᐊᑉᕋᐊᒻ ᐛᒋᓇᑭᓇᑎᒂ ᒋ ᓂᑕᐅᒋᐊᐤ ᐊᓐᑕ ᐱᕐ-ᓯᐸ, ᐊᑯᑕ ᑭᔭ ᑲ ᓂᑐᑕᒺᑦ ᐅᑦ ᐃᓯᓂᐧᑲᓱᐅᓂᔪᐤ ᑎᐸᔨᒋᒐᓱᐛ ᒋᓴᒪᓂᑐᐛ ᒧᔅ ᑲᒋᒡ ᐸᒪᑎᓯᔨᒋ᙮

ᒐᓂᓯᔅ 22:19

ᐊᑯ ᐊᑉᕋᐊᒻ ᑭᔭ ᐊᐃᓯᒃ ᑲᐤ ᒋ ᓂᑐᐛᐱᒪᐅᒡ ᐊᐱᒋᐊᑭᓇ ᑭᔭ ᒪᒧᐤ ᒋ ᐃᑐᑕᐅᒡ ᐱᕐ-ᓯᐸ ᐊᓐᑕ ᑲ ᐎᒋᑦ ᐊᑉᕋᐊᒻ᙮

ᒐᓂᓯᔅ 22:3

ᒥᓐ ᒋᔭᒋᓴᐸᔭᔨᒡ ᐎᐱᒡ ᒋ ᐅᓂᔪᐤ ᐊᑉᕋᐊᒻ ᑭᔭ ᒋ ᐛᑕᔭᐤ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᓂᓱ ᒋ ᐅᑎᓇᐤ ᐅᑦ ᐊᐱᒋᐊᑭᓇ ᒐ ᐎᒐᐅᑯᑦ ᑭᔭ ᐅᑯᓴ ᐊᐃᓯᑲ᙮ ᐊᒺᔭ ᔅᑐᑕᑦ, ᐊᑉᕋᐊᒻ ᒋ ᑕᔅᑲᐊᒻ ᒥᑕ ᒐ ᑯᑐᐛᒐᑦ ᑭᔭ ᒋ ᐃᑐᑕᐤ ᐊᓐᑕ ᐃᑕᐅᓂᒡ ᑲ ᐃᑎᑯᑦ ᒋᓴᒪᓂᑐᐛ ᒐᒋ ᐃᑐᑕᑦ᙮

ᒐᓂᓯᔅ 24:54

ᐊᑉᕋᐊᒻ ᐅᑦ ᐊᐱᒋᐊᑭᓇ ᑭᔭ ᐊᓂᔭ ᓇᐸᐛ ᑲ ᐸᒋ ᐎᒐᐅᑯᑦ ᒋ ᒥᒋᓱᐅᒡ ᑭᔭ ᐸᐃᒄ ᑎᐱᔅᑲᐛ ᒋ ᓂᐸᐅᒡ ᐊᓐᑕ᙮ ᒥᓐ ᒋᔭᒋᓴᐸᔭᔨᒡ, ᐊᑉᕋᐊᒻ ᐅᑦ ᐊᐱᒋᐊᑭᓇ ᒋ ᑯᒂᒋᒪᐤ ᕋᐸᑲᔨᒋ ᐎᐧᑲᓂᓯᔪᐛ ᑭᔭ ᐅᑲᐎᔪᐛ, “ᓇᐊᔨᒥᓇᓐ ᒐᒋ ᑲᐤ ᓂᑐᐛᐱᒥᒋᒡ ᓄᒋᒪᒻ᙮”

ᒐᓂᓯᔅ 25:6

ᒥᒄ ᐊᔅᒄ ᐊᒋ ᐱᒪᑎᓯᑦ, ᒋ ᒥᔭᐤ ᒥᔨᐛᐅᓇ ᐊᓂᔭ ᐅᑯᓯᔪᐛ ᑯᑎᑲ ᐃᔎᐛ ᑲ ᐎᔪᑦ ᑭᔭ ᒋ ᐃᑎᓴᐛᐤ ᐊᓐᑕ ᐛᐱᓄᑕᒡ ᐊᔅᒋᒡ ᐃᑕᒐ, ᓇᒪ ᐅᒋ ᓂᑐᐛᔨᒪᐤ ᒐᒋ ᐎᒋᔨᒋ ᐊᓐᑕ ᐸᐃᑯᑕᐤ ᐃᑕᐅᓂᒡ ᒧᔭᒻ ᐅᑯᓴ ᐊᐃᓯᑲ᙮

ᒐᓂᓯᔅ 26:31

ᒥᓐ ᒋᔭᒋᓴᐸᔭᒡ ᒋ ᐊᓱᑎᒪᑐᐅᒡ ᒋᒋᐃᑥᐅᓂᔪᐤ ᒐ ᐊᑲ ᓂᑕ ᐊᐧᑯᐎᔨᑐᒡ, ᐛᒋᔭ ᒂ ᐃᑕᑦ ᐊᐃᓯᒃ ᑭᔭ ᒂ ᔅᑐᑕᔨᒋ ᐊ ᒥᔪ ᐎᒐᐅᑯᑦ᙮

ᒐᓂᓯᔅ 26:33

ᐊᐃᓯᒃ “ᓯᐸ” ᒋ ᐃᓯᓂᐧᑲᑎᒻ ᐊᓂᔭ ᒧᓇᐃᐸᓂᔪᐤ, “ᒋᒋᐃᑥᐅᓐ” ᐊ ᐃᑥᒥᑲᒡ, ᐊᐅᑯᔪᐤ ᐊᓄᒡ ᐛᒋ ᐃᓯᓂᐧᑲᑕᒡ ᐃᔪᒡ ᒥᒋᒪ ᐅᑕᓇᔪᐤ ᐊ ᑎᑯᓂᔨᒡ ᐱᕐ-ᓯᐸ, “ᒋᒋᐃᑥᐤ ᒧᓇᐃᐸᓐ” ᐊ ᐃᑥᒥᑲᒡ᙮

ᒐᓂᓯᔅ 28:18

ᐎᐱᒡ ᒐᒋᓴᐸ ᒋ ᐅᓂᔪᐤ ᒐᑭᑉ, ᒋ ᐅᑎᓇᐤ ᐊᓂᔭ ᐊᓯᓂᔭ ᑲᔎᓯᒧᑦ ᑭᔭ ᒂᒋ ᒥᔭᑦ ᒐᒋ ᒋᔅᒋᓄᐛᒋᑕᑦ ᒧᔭᒻ ᑲ ᓄᑯᓯᔅᑕᑯᑦ ᒋᓴᒪᓂᑐᐛ ᐊᓐᑕ ᐃᑕᐅᓂᒡ, ᒂ ᐳᓇᐧᒃ ᐱᒥᔪᐤ ᐊᓐᑕ ᑕᐧᑯᒡ ᐊᓯᓂᒡ᙮

ᒐᓂᓯᔅ 37:15

ᒂ ᓇᓂᑐᐛᐱᒪᑦ ᐎᐧᑲᓂᓴ ᑭᔭ ᒪᔭᑕᓂᓴ᙮ ᓂᑕᐅᒋᑕᑭᓂᒡ ᒋ ᐱᐸᒧᑕᐤ ᒐᒃ ᒪᔅᑲᑯᑦ ᓇᐸᐛ ᑭᔭ ᑲ ᑯᒂᒋᒥᑯᑦ, “ᒐᒂᓐ ᓂᔭᓂᑐᐛᐸᑎᒥᓐ ?”

ᒐᓂᓯᔅ 46:1

ᐊᑯ ᒐᑭᑉ ᑕᒪᒋᓇᐧᒃ ᒥᓯᐛ ᑲ ᑎᐱᔨᐛᐅᓯᑦ ᐃᒋᑉᑎᒡ ᐊᑐᑕᑦ ᑭᔭ ᐃᔅᐱ ᐛᑎᑕᐧᒃ ᐱᕐ-ᓯᐸ ᐊᑯᑕ ᑲ ᒥᑐᔅᑕᐊᒧᒪᑦ ᐅᑕᐎᔭ ᐊᐃᓯᑲ ᐅᒋᓴᒪᓂᑐᒥᔪᐛ᙮

ᑎᐱᑦ ᐅᓂᑭᒧᐅᓇ 107:4

ᒋ ᐱᐸᒧᑕᐅᒡ ᐸᐧᑯᑎᔅᑭᒥᑲᒡ ᐊᓐᑕ ᐊ ᐱᒋᔅᑲᑕᔨᑕᒂᓂᔨᒡ, ᓇᒪᐎᔾ ᐅᒋ ᒥᔅᑭᒧᒡ ᐅᑕᓂᔪᐤ ᒐᒋ ᐎᒋᒡ᙮

ᑎᐱᑦ ᐅᓂᑭᒧᐅᓇ 119:60

ᓂᒋ ᒋᐱᓐ, ᓇᒪ ᑭᔭ ᓄᒋ ᒋᐱᒋᓐ, ᒐᒋ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ᙮

ᒠᓐ 8:35

ᐊ ᐅᑦ ᐊᐱᒋᐊᑭᓂᑐᑕᐛᑭᓄᐅᑦ ᐊᐛᓐ ᓇᒪ ᒧᔅ ᐎᒍᐤ ᐊᓐᑕ ᐅᒋᒪᒪ ᐊ ᑕᔨᒋ ᒥᒄ ᐊᓐ ᐅᑯᓯᓯᒪᐤ ᐊᐅᒄ ᐊᓐ ᒋᒋᐛ ᐛᒋᑦ ᐊᓐᑕ᙮