ᒐᓂᓯᔅ 21:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᓴᕋ ᐊᑕᑦ ᐊᑉᕋᐊᒪ, “ᐃᒐᑎᓴᐤ ᐊᓐ ᐃᔎᐤ ᐊᑐᔅᒐᔭᑭᓐ ᑭᔭ ᐅᑯᓴ᙮ ᓇᒪ ᓂᑐᐛᔨᒪᔪᐛ ᐅᑯᓴ ᒐᒋ ᑎᐸᔨᑎᒥᔨᒋ ᒐᒂᓂᔪᐤ, ᒋᑯᓯᓄᐤ ᐊᐃᓯᒃ ᒥᓯᐛ ᒐᒂᔪᐤ ᒋᑭ ᑎᐸᔨᑎᒻ᙮”

ᒐᓂᓯᔅ 21:10 ပူးပေါင်းရင်းမြစ်များ

ᒐᓂᓯᔅ 17:19

ᐊᑯ ᒋᓴᒪᓂᑐᐤ ᐊᑕᑦ, “ᓂᐦᐃ, ᒥᒄ ᒋᐅ ᓴᕋ ᒋᑭ ᒥᔨᒄ ᐅᑯᓯᒪᐛ ᑭᔭ ᐊᐃᓯᒃ ᒋᑭ ᐃᓯᓂᐧᑲᑕᐤ᙮ ᓂᑭ ᐊᔨᒋᑎᒧᐛᐤ ᓂᓇᔅᑯᒧᐅᓂᔪᐤ, ᐊᐅᒄ ᐅᒪ ᓂᓇᔅᑯᒧᐅᓐ ᒐ ᐊᑲ ᓂᑕ ᐃᔎᐱᔨᒡ, ᐎᔾ ᐅᒡ ᑭᔭ ᐅᑦ ᐊᓂᔅᑯᑕᐸᓇ᙮

ᒐᓂᓯᔅ 17:21

ᒥᒄ ᓂᑭ ᒥᔭᐤ ᓂᓂᔅᑯᒧᐅᓂᔪᐤ ᐊᐃᓯᒃ, ᐊᓂᔭ ᒐ ᓂᑕᐅᒋᔭᑦ ᓴᕋ ᒋ ᐸᐃᑯᐳᓂᔨᒐ᙮”

ᒐᓂᓯᔅ 20:11

ᐊᑉᕋᐊᒻ ᒋ ᐃᑕᐤ, “ᓂᒋ ᐃᑕᔨᑕᓐ ᐊ ᐊᑲ ᐊᐛᓐ ᐅᑕ ᒋᔅᑕᔨᒪᑦ ᒋᓴᒪᓂᑐᐛ᙮ ᓂᑭ ᐎ ᓂᐸᐃᑯᒡ ᐃᔪᒡ ᐊᑯ ᒪᒃ ᒐ ᐅᑎᓇᒡ ᓂᐎᒋᒪᑭᓇ ᓂᒋ ᐃᑕᔨᒪᐅᒡ᙮”

ᒐᓂᓯᔅ 22:10

ᐊᑯ ᐛᑎᓇᐧᒃ ᒧᐧᑯᒪᓂᔪᐤ ᒐᒋ ᓂᐸᐊᑦ ᐅᑯᓴ᙮

ᒐᓂᓯᔅ 25:19

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᐊᐃᓯᒃ, ᐊᑉᕋᐊᒻ ᐅᑯᓴ ᐅᑦ ᐊᓂᔅᑯᑕᐸᓇ᙮

ᒐᓂᓯᔅ 25:6

ᒥᒄ ᐊᔅᒄ ᐊᒋ ᐱᒪᑎᓯᑦ, ᒋ ᒥᔭᐤ ᒥᔨᐛᐅᓇ ᐊᓂᔭ ᐅᑯᓯᔪᐛ ᑯᑎᑲ ᐃᔎᐛ ᑲ ᐎᔪᑦ ᑭᔭ ᒋ ᐃᑎᓴᐛᐤ ᐊᓐᑕ ᐛᐱᓄᑕᒡ ᐊᔅᒋᒡ ᐃᑕᒐ, ᓇᒪ ᐅᒋ ᓂᑐᐛᔨᒪᐤ ᒐᒋ ᐎᒋᔨᒋ ᐊᓐᑕ ᐸᐃᑯᑕᐤ ᐃᑕᐅᓂᒡ ᒧᔭᒻ ᐅᑯᓴ ᐊᐃᓯᑲ᙮

ᒪᑎᔪᐤ 22:13

“ᐊᑯ ᐊᓐ ᒋᓴᐅᒋᒪᐤ ᒂ ᐃᑕᑦ ᐊᓂᔭ ᐅᑯᐸᓇᒪ, ‘ᒪᑯᐱᑎᒺᐧᒄ ᐅᓯᑕ ᑭᔭ ᐅᑎᒋᔭ, ᒐ ᐃᓯ ᐛᐱᓇᒄ ᒪᒃ ᐎᐎᑎᒥᒡ ᐊ ᐃᓯ ᑭᔅᑎᐱᔅᑲᔨᒡ, ᐊᑯᑕ ᒐ ᑎᒂᒡ ᒪᐅᓐ ᑭᔭ ᒐ ᒪᒥᑥᔭᐱᑕᓯᓇᓄᐅᒡ᙮’ ”

ᒠᓐ 8:35

ᐊ ᐅᑦ ᐊᐱᒋᐊᑭᓂᑐᑕᐛᑭᓄᐅᑦ ᐊᐛᓐ ᓇᒪ ᒧᔅ ᐎᒍᐤ ᐊᓐᑕ ᐅᒋᒪᒪ ᐊ ᑕᔨᒋ ᒥᒄ ᐊᓐ ᐅᑯᓯᓯᒪᐤ ᐊᐅᒄ ᐊᓐ ᒋᒋᐛ ᐛᒋᑦ ᐊᓐᑕ᙮

ᑲᓚᓯᔭᓇ 3:18

ᐛᔅ ᐊᓂᔭ ᐅᒋ ᐊ ᓂᓇᐊᔨᑎᒥᔨᒋ ᐎᓱᐛᐅᓂᔪᐤ ᐛᒋ ᓱᐛᔨᒪᒂ ᒋᓴᒪᓂᑐᐤ ᐊᐛᔪᐛ, ᐊᑯ ᑭᑈ ᓇᒪ ᒋᐸ ᐅᒋ ᓱᐛᔨᒥᑯᓄᐤ ᐊᓂᔭ ᐅᒋ ᑕᓐ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᑕᐧᒄ᙮ ᒥᒄ ᒪᒃ, ᐊᓂᔭ ᐊᒋ ᐃᑕᑦ ᐊᑉᕋᐊᒪ ᒐᔅᑎᓇᔅ ᒐ ᓱᐛᔨᒪᑦ ᒋ ᒥᔭᐤ ᐊᓂᔭ ᑕᓐ ᑲ ᐃᑕᑦ ᒐ ᒥᔭᑦ᙮

ᑲᓚᓯᔭᓇ 4:7

ᓇᒪ ᒪᒃ ᐊᑯ ᐊᐱᒋᐊᑭᓐ ᒋ ᐊᑎ ᐃᓯ ᑭᓄᐛᐱᒥᑯᐅᓐ᙮ ᐃᔭᐱᒡ ᒋᓴᒪᓂᑐᐤ ᐅᑦ ᐊᐛᓯᒪ ᒋ ᐊᑎ ᐃᓯ ᑭᓄᐛᐱᒥᑯᐅᓐ᙮ ᐊᑯ ᒪᒃ ᒋᓴᒪᓂᑐᐤ ᐅᑦ ᐊᐛᓯᒪ ᐊ ᐃᓯ ᑭᓄᐛᐱᒥᑯᔨᓐ ᑭᑈ ᒐ ᒥᔨᔅᒃ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐ ᐊᓱᐤ ᒥᔭᑦ ᐅᑦ ᐊᐛᓯᒪ᙮

1 ᐱᑕᕐ 1:4

ᑭᔭ ᐸᑯᓴᔨᒧᔭᐧᒄ ᒐᒋ ᐊᔭᔭᐧᒄ ᐊᓐ ᑕᓐ ᐊ ᐃᓯ ᐊᔭᑦ ᒋᓴᒪᓂᑐᐤ ᒐ ᐃᓯ ᒥᔭᑦ ᐅᑦ ᐃᔨᒪ ᒐᒋ ᑎᐱᔨᐛᐅᓯᔨᒋ᙮ ᒋᒋᒋᓯᑯᒡ ᒪᒃ ᔅᒋ ᑭᓄᐛᔨᑎᒪᑯᐛᐤ ᐊᓐᑕ ᒐ ᐊᑲ ᓂᑕ ᐎᓂᐱᔨᒡ, ᑭᔭ ᒐ ᐊᑲ ᓂᑕ ᐅᓂᑎᓂᔨᒡ ᒪᒃ ᒐᒋ ᐸᓯᑯᓇᑯᓂᔨᒡ᙮

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮