ᒐᓂᓯᔅ 19:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᑯ ᑎᐸᔨᒋᒐᓱᐤ ᒋ ᐃᑐᑎᒻ ᐃᔅᑯᑕᔪᐤ ᒐᒋ ᐸᒋᑎᓂᔨᒡ ᐊᓐᑕ ᓱᑕᒻ ᑭᔭ ᑯᒧᕋ, ᒋᒋᒋᓯᑯᒡ ᐅᒡ ᒋ ᐅᒋ ᐳᐅᓂᒻ᙮

ᒐᓂᓯᔅ 19:24 ပူးပေါင်းရင်းမြစ်များ

ᒐᓂᓯᔅ 13:10

ᓗᑦ ᒋ ᓇᓂᑐᐛᐳᐤ ᑭᔭ ᒂ ᐛᐸᑕᐧᒃ ᐊ ᐱᓴᔨᒡ ᒠᕐᑕᓐ ᐊ ᒥᔪ ᓂᐱᐎᒡ, ᒧᔭᒻ ᐃᑎᓐ ᓂᑕᐅᒋᑕᑭᓂᔪᐤ ᑭᔭ ᒧᔭᒻ ᐃᒋᑉᑦ ᐊᔅᒋᔪᐤ, ᓱᐊᕐ ᐃᑕᒐ᙮ ᐊᐅᑯᐤ ᑲ ᐃᔅᐱᔨᒡ ᐊᒺᔭ ᑎᐸᔨᒋᒐᓱᐤ ᓂᓱᐅᓇᒋᑕᑦ ᓱᑕᒻ ᑭᔭ ᑯᒧᕋ ᐅᑕᓇᐛ᙮

ᒐᓂᓯᔅ 13:12

ᑲᐃᓇᓐ ᐊᔅᒋᒡ ᒋ ᐎᒍᐤ ᐊᑉᕋᒻ, ᒥᒄ ᓗᑦ ᒥᒋᒪ ᐅᑕᓇᐛ ᐊᓐᑕ ᐊ ᐱᓴᔨᒡ ᒠᕐᑕᓐ ᒋ ᐃᓯ ᐊᑐᒐᐤ, ᒥᒋᒪ ᓱᑕᒻ ᐅᑕᓇᔪᐤ ᒋ ᐎᒍᐤ᙮

ᒐᓂᓯᔅ 18:17

ᐊᑯ ᑎᐸᔨᒋᒐᓱᐤ ᒂ ᐃᑎᓱᑦ, “ᓇᒪ ᓂᑭ ᒋ ᑲᑐᐛᐤ ᐊᑉᕋᐊᒻ ᒐᒂᓂᔪᐤ ᐛ ᑐᑕᒧᒡ᙮

ᒐᓂᓯᔅ 19:23

ᑲᒋ ᓴᑲᔅᑐᐛᔨᒋ ᐱᓯᒺ, ᓗᑦ ᑭᔭ ᐊ ᐸᐃᑯᔅᑲᓇᓯᑦ ᒋ ᐅᑎᑕᒧᒡ ᓱᐊᕐ ᐅᑕᓇᔪᐤ᙮

ᑎᐱᑦ ᐅᓂᑭᒧᐅᓇ 11:6

ᐅᒪᒋᑥᐛ ᒋᑭ ᐃᑎᓴᒧᐛᐤ ᑲ ᐛᔭᑕᔨᒋ ᐃᔎᔅᒐᐛ, ᐃᔅᑯᑕᔪᐤ ᑭᔭ ᐎᔄᐛᐱᔅᑯᓯᓂᔭ, ᑭᔭ ᐊ ᑯᔅᑕᑎᑯᓂᔨᒡ ᐊ ᔪᑎᓂᔨᒡ: ᐊᔪᑯᔪᐤ ᒐ ᒪᑎᓂᒧᐛᑭᓄᐅᒡ ᐅᒥᓂᒂᑭᓄᐛᒡ᙮

ᐊᒃᓱᑕᔅ 9:23

ᒧᓱᔅ ᒂ ᐃᔅᐱᔨᑕᑦ ᐅᓯᔅᑲᐅᓐ ᐊᓐᑕ ᒋᓯᑯᒡ ᐃᔅ᙮ ᐊᑯ ᑎᐸᔨᒋᒐᓱᐤ ᒂ ᐃᑎᓴᐛᑦ ᓂᒥᔅᒋᐅᐛ ᑭᔭ ᐊ ᓯᓯᑯᓂᐱᔨᒡ᙮ ᑭᔭ ᓂᒥᔅᒋᐅᔅᑯᑕᐤ ᒂ ᐃᔅᐱᔨᒡ ᐊᓐᑕ ᒧᔅᑎᔅᑭᒥᒡ᙮ ᑎᐸᔨᒋᒐᓱᐤ ᒂ ᐃᑎᓴᐧᒃ ᐊ ᓯᓯᑯᓂᐱᔨᒡ ᐊᓐᑕ ᐃᒋᑉᑦ ᐊᔅᒋᒡ᙮

ᓗᒃ 10:12

ᐊᑯ ᒋᓴᔅ ᒥᓐ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᒋ ᐎᑎᒪᑎᓇᐛᐤ ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᒐ ᐅᒡ ᐃᔪᒡ ᐊᑲ ᐊᔭᐱᓯᑕᑕᑯᒡ ᐊᑐᐎᔅ ᒋᑭ ᐃᑕᔨᑕᑯᓂᔪᐤ ᐛᔅᑭᒡ ᑕᓐ ᑲ ᐃᓯ ᐛᐛᓯᐊᑭᓄᐎᒡ ᐎᔨᐛᐤ ᐊᓂᔭᐧᑲ ᓇᔅᒡ ᐊᒋ ᒥᒐᑎᓯᒡ ᐃᔪᒡ ᓱᑕᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᑕᒡ᙮ ᒋ ᓂᓱᐅᓇᒋᑕᐤ ᒋᓴᒪᓂᑐᐤ ᐊᓂᔭᔪᐤ ᐅᑕᓇᔪᐤ᙮”

2 ᐱᑕᕐ 2:6

ᒋᓴᒪᓂᑐᐤ ᑭᔭ ᒋ ᓂᓱᐅᓇᒋᑕᐤ ᐊᓂᔭ ᐅᑕᓇᐛ ᓱᑕᒻ ᑭᔭ ᑯᒧᕋ ᑲ ᐃᓯᓂᐧᑲᑕᔨᒋ ᐃᔅᑯᑕᔪᐤ ᐊᒋ ᐊᐱᒋᑕᑦ᙮ ᐊᑯᑕ ᑲ ᐅᒋ ᐛᐸᑎᔨᐛᑦ ᑕᓐ ᒐ ᐃᑐᑐᐛᑦ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮

ᒍᑦ 1:7

ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 14:10

ᒋᑭ ᒧᓯᑕᐛᐤ ᑕᓐ ᐊ ᐃᓯ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ᒧᓯᑕᐛᑦ ᐊ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ᐃᓯᓇᑯᓂᔨᒡ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ ᑭᔭ ᒐ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ᐎᓂᒪᓱᔨᒋ ᐊ ᐃᔎᓯᑭᓄᔨᒋ ᐊ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ᐸᔭᒋᓯᔨᒋ ᐊ ᑕᔨᒋ᙮