ᒐᓂᓯᔅ 19:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᐊᓐᒋᓇ ᐊᑎᑯᑦ, “ᐊᑯᓐ ᒧᔭᒻ, ᒋᑭ ᒥᔨᑎᓐ ᐊ ᐃᓯ ᓂᑐᐛᔨᑎᒥᓐ, ᓇᒪ ᓂᑭ ᒋ ᓂᓱᐅᓇᒋᑕᓐ ᐊᓐ ᐅᑕᓇᐤ ᐃᔭᔨᒧᑎᒥᓐ᙮

ᒐᓂᓯᔅ 19:21 ပူးပေါင်းရင်းမြစ်များ

ᒐᓂᓯᔅ 12:2

ᒋᑭ ᐅᑕᐎᒪᐅᓐ ᐊ ᓱᐧᑲᑎᓯᒡ ᐊ ᐃᑎᔅᑲᓇᓯᒡ, ᒋᑭ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ, ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ᓱᐛᔨᑕᑯᐎᐛᓐ ᒪᒃ᙮

ᒐᓂᓯᔅ 18:24

ᒥᒄ ᒪ ᐱᑕᑕᒡ ᑕᑐᔪᐤ ᑕᑎᓯᑥᐛ ᑲ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᐅᑕᓇᒡ, ᒋᑭ ᓂᓱᐅᓇᒋᑕᓐ ᐊ ? ᒋᑭ ᐱᒪᒋᑕᓐ ᐊ ᐊᑯ ᒪᒃ ᒐ ᐊᑲ ᐳᓂᐱᒪᑎᓯᒡ ᐊᓐᒡ ᐱᑕᑕᒡ ᑕᑐᔪᐤ ᑲ ᑯᐃᔅᑯᑕᑎᓯᒡ ᐃᔪᒡ ?

ᒐᓂᓯᔅ 19:20

ᒋ ᐛᐸᑕᓐ ᐊ ᐊᓐ ᑲᐱᓴᓱᐛ ᐅᑕᓇᐤ ? ᐸᓱᓇᑯᓐ᙮ ᐸᒋ ᒥᔨᓇᓐ ᓇᑕ ᒐᒋ ᐃᔅᐸᔨᑐᔭᒡ, ᒋ ᐛᐸᑕᓐ ᐊᐱᓴᓯᒡ ᐊᓐ ᐃᑕᐅᓐ ᐊᑯ ᒪᒃ ᑭᔭ ᒐ ᐱᒪᑎᓯᐅᔭᒡ᙮”

ᒐᓂᓯᔅ 19:22

ᐃᔭᓯᒋᒄ ᑭᔭ ᐃᔅᐸᔨᑐᒄ ᓇᑕ, ᐛᔅ ᓇᒪ ᓂᑭ ᒋ ᑐᑕᓐ ᒐᒂᓐ ᐸᑐᔅ ᑎᑯᓯᓂᔭᒂ ᓇᑕ᙮” (ᐅᓴᒻ “ᐊᐱᓴᓱᐤ” ᑲ ᐃᓯ ᐎᑕᐧᒃ ᓗᑦ ᐊᓂᔭ ᐅᑕᓇᔪᐤ, ᓱᐊᕐ ᐊᓄᒡ ᐃᓯᓂᐧᑲᑕᐤ ᐊ ᐃᑉᕈᐅ-ᐃᔨᒥᓇᓄᐅᒡ ᐊᓐ ᐅᑕᓇᐤ᙮)

ᒐᓂᓯᔅ 4:7

ᓇᒪ ᒋᔅᒐᔨᑕᓐ ᐊ, ᐃᑐᑎᒥᓇ ᐊ ᒥᔽᒡ ᒋᑭ ᐸᐱᒂᔨᓐ ? ᒥᒄ ᓇᑭᑐᐛᔨᑕ ᐛᔅ ᐊᑲ ᐃᑐᑎᒥᓇ ᐊ ᒥᔽᒡ, ᒧᔭᒻ ᒥᒋᒥᓂᑐᐅᒡ ᐃᓯᓇᒂᓐ ᒥᒋᑥᐅᓐ ᓇᔅᒡ ᐊ ᐸᓱᓇᑯᓯᑦ, ᓇᓂᑐᐛᔨᑎᒻ ᒐᒋ ᑎᐸᔨᒥᔅᒃ᙮ ᓇᔅᒡ ᒋᐸ ᐎ ᓱᒋᓯᓐ ᒐᒋ ᓴᑯᑕᔨᓐ ᐅ ᑯᒂᒋᐃᐛᐅᓐ᙮”

ᑎᐱᑦ ᐅᓂᑭᒧᐅᓇ 102:17

ᒋᑭ ᓂᑐᑎᒺᐤ ᐅᑦ ᐊᔭᒥᐊᐅᓂᔪᐤ ᐅᒋᔅᑎᒪᑎᓯᐛ, ᓇᒪ ᑭᔭ ᒋᑭ ᐊᑐᐛᔨᑎᒺᐤ ᐅᑦ ᐊᔭᒥᐊᐅᓂᔪᐤ᙮

ᑎᐱᑦ ᐅᓂᑭᒧᐅᓇ 145:19

ᒋᑭ ᑎᐱᐸᔨᑕᐤ ᐊ ᐃᓯ ᓂᑐᐛᔨᑎᒥᔨᒋ ᐊᓂᔭᔪᐛ ᑲ ᓇᓂᒋᔅᑕᑯᑦ: ᒋᑭ ᓂᑐᑐᐛᐤ ᒪᒃ ᐊ ᒪᑕᑯᑦ, ᑭᔭ ᒋᑭ ᐱᒪᒋᐊᐤ:

ᑎᐱᑦ ᐅᓂᑭᒧᐅᓇ 34:15

ᑎᐸᔨᒋᒐᓱᐤ ᑭᓄᐛᐱᒪᐤ ᐅᑯᐃᔅᑯᑕᑎᓯᐛ, ᑭᔭ ᓂᑐᑎᒺᐤ ᐅᒪᐅᓂᔪᐤ᙮

ᐊᒃᓱᑕᔅ 33:17

ᑎᐸᔨᒋᒐᓱᐤ ᒪᒃ ᒋ ᐃᑕᐤ ᒧᓱᓴ, “ᐅᒪ ᑭᔭ ᓂᑭ ᑐᑕᓐ ᑲᒋ ᐃᔅᒋᔄᔨᓐ: ᐛᔅ ᔅᒋ ᒥᔅᑲᓐ ᓱᐛᔨᑕᑯᓱᐅᓐ ᐊ ᐸᑕᔅᑎᒥᐱᔭᓐ, ᒋ ᒥᔪ ᒋᔅᒐᔨᒥᑎᓐ᙮”

ᒪᑎᔪᐤ 12:20

ᑭᔭ ᓇᒪ ᒋᑭ ᐅᒋ ᐸᒋᓯᒪᐤ ᐊᓂᔭ ᒐᑲᑦ ᑲ ᐸᒋᓯᓂᔨᒋ ᑭᔭ ᒋᑭ ᐎᒋᐊᐤ ᐊ ᓯᒋᒪᑦ ᒐ ᐊᑲ ᐳᓂᔨᒋ ᐊᓂᔭ ᑲ ᐎ ᓄᑎᐳᓂᔨᒋ᙮ ᓇᒪ ᒪᒃ ᒋᑭ ᐅᒋ ᐳᓂᔪᐤ ᐸᑐᔅ ᒥᓯᐛ ᒐᒂᔪᐛ ᒋ ᑯᐃᔅᑯᓇᑯᑕᒐ ᑭᔭ ᒋᑭ ᓴᒂᐊᐤ ᐊᓂᔭᔪᐛ ᑲ ᐎ ᓂᔅᑯᔅᑕᑯᑦ᙮

ᓗᒃ 11:8

ᒋ ᐎᑎᒪᑎᓇᐛᐤ, ᐊᑲ ᐎ ᐅᓂᒐ ᒐᒋ ᒥᔨᔅᒃ ᐊᓂᔭ ᐸᒂᓯᑭᓇ ᐊᑎ ᐊᒋ ᒥᔪ ᐎᒐᐛᑭᓂᑕᔅᒃ ᐃᔭᐱᒡ ᒪᒃ ᒐᒃ ᒋᑭ ᐅᓂᐤ ᒐᒋ ᒥᔨᔅᒃ ᑕᓐ ᐊ ᐃᓯ ᓂᑐᐛᔨᑎᒧᑦ, ᐊᑲ ᐳᓂᐃᑕ ᐊ ᓂᑐᐛᔨᑎᒧᑦ᙮”

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮