ᒐᓂᓯᔅ 19:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐃᔅᐱ ᑲᒋ ᓂᑭᑕᒡ ᐅᑕᓇᔪᐤ, ᐸᐃᒄ ᐊᓐᒋᓐ ᒂ ᐃᑕᑦ, “ᒋᔅᑎᑉ ᒋᑎᓯᒧᒄ ᐅᑕ, ᒐ ᐊᑲ ᐊᐱᓴᐱᔭᒄ ᑭᔭ ᒐ ᐊᑲ ᓂᑲᐎᔭᒄ ᓂᑎᒥᒄ ᐅᑕ ᐊ ᐱᓴᒡ᙮ ᐱᔅᑯᑎᓇᒡ ᒐ ᐃᔅᐸᔨᑐᔭᒄ ᐛᐱᒪᑎᓯᐛᒂ᙮”

ᒐᓂᓯᔅ 19:17 ပူးပေါင်းရင်းမြစ်များ

ᒐᓂᓯᔅ 13:10

ᓗᑦ ᒋ ᓇᓂᑐᐛᐳᐤ ᑭᔭ ᒂ ᐛᐸᑕᐧᒃ ᐊ ᐱᓴᔨᒡ ᒠᕐᑕᓐ ᐊ ᒥᔪ ᓂᐱᐎᒡ, ᒧᔭᒻ ᐃᑎᓐ ᓂᑕᐅᒋᑕᑭᓂᔪᐤ ᑭᔭ ᒧᔭᒻ ᐃᒋᑉᑦ ᐊᔅᒋᔪᐤ, ᓱᐊᕐ ᐃᑕᒐ᙮ ᐊᐅᑯᐤ ᑲ ᐃᔅᐱᔨᒡ ᐊᒺᔭ ᑎᐸᔨᒋᒐᓱᐤ ᓂᓱᐅᓇᒋᑕᑦ ᓱᑕᒻ ᑭᔭ ᑯᒧᕋ ᐅᑕᓇᐛ᙮

ᒐᓂᓯᔅ 14:10

ᐃᔅᐱ ᑲ ᐎ ᒋᑎᓯᒧᔨᒋ ᐅᓂᑐᐱᔪᐅ-ᐃᔨᒧᐛᐛ ᓱᑕᒻ ᑭᔭ ᑯᒧᕋ ᒋᓴᐅᒋᒪᐅᒡ, ᐱᔅᒐ ᓇᐸᐅᒡ ᒋ ᐱᑎᓱᐛᐱᔪᒡ ᐊᒂᐃᑕᐅᐧᑲᔨᒡ ᐱᒍᐛ ᐊ ᓴᑭᔅᒋᓇᔨᒋ ᐊᓐᑕ ᓯᑎᒻ ᐊ ᐱᓴᔨᒡ᙮ ᑯᑎᑭᒡ ᐱᔅᑯᑎᓇᒡ ᒋ ᐃᔅᐸᔨᑐᐅᒡ ᒐᒋ ᑲᓱᒡ᙮

ᒐᓂᓯᔅ 18:22

ᐊᑯ ᓂᓱ ᐊᓐᒋᓐᒡ ᒋ ᓂᑭᑕᐅᒡ ᐊᑉᕋᐊᒪ ᑭᔭ ᒂ ᐃᑐᑕᒡ ᐊᓐᑕ ᓱᑕᒻ ᐅᑕᓇᔪᐤ, ᒥᒄ ᑎᐸᔨᒋᒐᓱᐤ ᒋ ᑕᐤ ᐊ ᐎᒋᑲᐳᔅᑐᐛᑦ ᐊᑉᕋᐊᒪ᙮

ᒐᓂᓯᔅ 19:18

ᒥᒄ ᓗᑦ ᒂ ᐃᑕᑦ, “ᒪᐛᒡ, ᓇᒪᔭᐤ ᐅᑕ ᐱᔅᑯᑎᓇᒡ, ᓂᑎᐸᔨᒋᒐᓯᒻ᙮

ᒐᓂᓯᔅ 19:22

ᐃᔭᓯᒋᒄ ᑭᔭ ᐃᔅᐸᔨᑐᒄ ᓇᑕ, ᐛᔅ ᓇᒪ ᓂᑭ ᒋ ᑐᑕᓐ ᒐᒂᓐ ᐸᑐᔅ ᑎᑯᓯᓂᔭᒂ ᓇᑕ᙮” (ᐅᓴᒻ “ᐊᐱᓴᓱᐤ” ᑲ ᐃᓯ ᐎᑕᐧᒃ ᓗᑦ ᐊᓂᔭ ᐅᑕᓇᔪᐤ, ᓱᐊᕐ ᐊᓄᒡ ᐃᓯᓂᐧᑲᑕᐤ ᐊ ᐃᑉᕈᐅ-ᐃᔨᒥᓇᓄᐅᒡ ᐊᓐ ᐅᑕᓇᐤ᙮)

ᒐᓂᓯᔅ 19:26

ᒥᒄ ᓗᑦ ᐎᐛ ᐅᑕᒡ ᑲ ᐅᒋ ᓇᓴᐅᑯᑦ, ᒋ ᐊᐱᓴᐸᑎᒻ ᐅᑕᓇᔪᐤ ᑭᔭ ᓯᐅᑕᑭᓐ ᐃᔨᒐᐛᓇ ᒂ ᐃᓯᓇᑯᐃᑯᑦ ᑎᐸᔨᒋᒐᓱᐛ᙮

ᒐᓂᓯᔅ 19:30

ᓇᓇᒐ, ᓗᑦ ᑭᔭ ᐊ ᓂᓯᔨᒋ ᐅᑕᓂᓴ ᒋ ᓂᑭᑎᒧᒡ ᓱᐊᕐ ᑭᔭ ᒂ ᐃᑐᑕᒡ ᐱᔅᑯᑎᓇᒡ᙮ ᐛᔅ ᒋ ᑯᔅᑕᒍᐤ ᒐᒋ ᐎᒋᑦ ᐊᓐᑕ ᓱᐊᕐ᙮ ᐎᔾ ᑭᔭ ᐊ ᓂᓯᔨᒋ ᐅᑕᓂᓴ ᐊ ᐱᑯᓇᓴᑲᔨᒡ ᒋ ᐎᒍᐅᒡ᙮

ᑎᐱᑦ ᐅᓂᑭᒧᐅᓇ 121:1

ᓂᑭ ᑕᔅᑎᓴᐱᔅᑕᓐ ᐱᔅᑯᑎᓇᐛ, ᑕᓐᑕ ᐛᒋᐱᔨᒡ ᓂᐎᒋᐃᑯᓯᐅᓐ ?

ᒪᑎᔪᐤ 3:7

ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ᐃᑕᔨᑕᑯᓯᔭᒄ᙮ ᐊᐛᓐ ᑲ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?

ᓗᒃ 12:23

ᐛᔅ ᐱᒪᑎᓯᐅᓐ ᐅᔅᑕ ᒋᔅᑕᔨᑕᑯᓐ ᐃᔅᐱᔅ ᒥᒋᒻ, ᑭᔭ ᒥᔪᐤ ᐅᔅᑕ ᒋᔅᑕᔨᑕᑯᓐ ᐃᔅᐱᔅ ᐊ ᒋᔅᑭᒥᓐ ᒐᒂᓐ᙮

ᓗᒃ 9:62

ᐊᑯ ᒋᓴᔅ ᒂ ᐃᑕᑦ, “ᐊᐛᓐ ᓴᔅ ᐊ ᒋᒋᐱᔨᑕᑦ ᐊ ᐊᑐᔅᑯᐛᑦ ᒋᓴᒪᓂᑐᐛ, ᒧᔅ ᒪᒃ ᐊ ᒋᐛᒪᒥᑐᓇᔨᑕᐧᒃ ᐛᔅᑭᒡ ᐅᑦ ᐃᑕᑎᓯᐅᓐ ᓇᒪ ᐃᑕᔨᑕᑯᓱᐤ ᒐᒋ ᐊᑐᔅᒐᔅᑎᒺᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮”

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮