ᒐᓂᓯᔅ 18:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐛᔅ ᐎᔾ ᓂᒋ ᐛᔭᐱᒪᐤ ᒐᒋ ᒋᔅᑯᑎᒧᐛᑦ ᐅᑦ ᐊᐛᓯᒪ ᑭᔭ ᒐ ᐊᓂᔅᒐ ᐱᒪᑎᓯᔨᒋ ᐅᑦ ᐊᓂᔅᑯᑕᐸᓇ ᒐᒋ ᓇᐊᔨᑎᒥᔨᒋ ᓂᑦ ᐃᑎᓱᐛᐅᓇ ᑭᔭ ᐃᑐᑎᒥᔨᒋ ᑯᐃᔅᑯᑐᑎᒧᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ ᑭᔭ ᐊᑯ ᒪᒃ ᒐ ᒥᔨᒃ ᐊᑉᕋᐊᒻ ᒥᓯᐛ ᒐᒂᔪᐤ ᑲ ᐃᓯ ᐊᓱᑎᒧᐅᒃ᙮”

ᒐᓂᓯᔅ 18:19 ပူးပေါင်းရင်းမြစ်များ

ᒐᓂᓯᔅ 12:2

ᒋᑭ ᐅᑕᐎᒪᐅᓐ ᐊ ᓱᐧᑲᑎᓯᒡ ᐊ ᐃᑎᔅᑲᓇᓯᒡ, ᒋᑭ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ, ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ᓱᐛᔨᑕᑯᐎᐛᓐ ᒪᒃ᙮

ᒐᓂᓯᔅ 12:3

ᓂᑭ ᒥᔽᒋᒪᐅᒡ ᐊᓐᒡ ᑲ ᒥᔽᒋᒥᔅᒡ ᑭᔭ ᓂᑭ ᒥᒐᒋᒪᐤ ᐊᓐ ᒪᒐᒋᒥᔅᒃ; ᒋᔾ ᐅᒡ ᒥᓯᐛ ᐊ ᑕᑎᓯᒡ ᐃᔪᒡ ᐅᑕ ᐊᔅᒋᒡ ᒋᑭ ᓱᐛᔨᑕᑯᓱᐅᒡ᙮”

ᒐᓂᓯᔅ 17:9

ᐊᑯ ᒋᓴᒪᓂᑐᐤ ᐃᔭᐱᒡ ᐊᑕᑦ ᐊᑉᕋᐊᒪ, “ᒋᔾ ᐊᑉᕋᐊᒻ, ᒋᑭ ᐎ ᑕᑈᑕᓐ ᒐᒂᓐ ᐊᑎᑕᓐ ᒐ ᐃᑐᑎᒥᓐ᙮ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᑎ ᐊᓂᔅᒐ ᐱᒪᑎᓯᒡ᙮

ᒐᓂᓯᔅ 22:18

ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”

ᒐᓂᓯᔅ 35:2

ᐊᑯ ᒐᑭᑉ ᐊᑕᑦ ᐅᑦ ᐃᔨᒪ, “ᐱᔅᒐ ᒋᔨᐛᐤ ᒋᑦ ᐊᔭᒥᐊᔅᑐᐛᐛᐅᒡ ᒥᓂᑐᐧᑲᓐᒡ ᐃᔭᒡ ᐊᔅᒋᒡ ᐅᒡ ᑲ ᐅᑎᓇᑯᒡ᙮ ᓂᔅᑐᐅᓇᐧᑯᒡ, ᒋᑭ ᐎᐛᐱᓇᓄᐅᒡ ᐊᓐᒡ᙮ ᐸᔭᒋᐃᓱᒄ ᑭᔭ ᒐ ᐳᔅᑎᔅᑭᒪᒄ ᐊ ᐛᔅᑭᒪᒋ ᐊᐱᒋᑕᐅᓇ᙮

ᑎᐱᑦ ᐅᓂᑭᒧᐅᓇ 1:6

ᐛᔅ ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᑦ ᐃᓯᑥᐅᓂᔪᐤ ᐅᑯᐃᔅᑯᑕᑎᓯᐛ: ᒪᒃ ᐅᑦ ᐃᓯᑥᐅᓄᐛᐤ ᐊᑲ ᐊᔭᒥᐊᒡ ᒋᑭ ᓂᓱᐅᓇᑎᓂᔪᐤ᙮

ᑎᐱᑦ ᐅᓂᑭᒧᐅᓇ 11:4

ᑎᐸᔨᒋᒐᓱᐤ ᑕᐤ ᐅᐸᔭᒋ-ᐊᔭᒥᐊᐅᒋᐛᐱᒡ, ᑎᐸᔨᒋᒐᓱᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒋᒋᒋᓯᑯᒡ ᑎᒂᓂᔪᐤ: ᐛᐱᒪᐤ, ᓂᓇᐧᑲᒋᐃᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮

ᑎᐱᑦ ᐅᓂᑭᒧᐅᓇ 34:15

ᑎᐸᔨᒋᒐᓱᐤ ᑭᓄᐛᐱᒪᐤ ᐅᑯᐃᔅᑯᑕᑎᓯᐛ, ᑭᔭ ᓂᑐᑎᒺᐤ ᐅᒪᐅᓂᔪᐤ᙮

ᒪᑎᔪᐤ 25:17

ᑭᔭ ᐊᓐ ᓂᔄᐤ ᒐᓯᐱᔪᐤ ᑲ ᒥᔭᑭᓄᐅᑦ, ᒥᓐ ᓂᔄᐤ ᒐᓯᐱᔪᐤ ᒋ ᒪᐅᒋᑕᐤ ᐊᓂᔭ ᓱᓇᔭᔪᐤ᙮

ᒠᓐ 10:14

ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᓂ ᒋᔅᒐᔨᒪᐅᒡ ᓂᒪᔭᑕᓂᓯᒥᒡ ᐊᓐᒡ ᑲ ᑎᐱᔨᐛᐅᓯᔭᓐ ᑭᔭ ᐎᔨᐛᐤ ᓂ ᒋᔅᒐᔨᒥᑯᒡ,

ᒠᓐ 21:17

ᓂᔍᐤ ᒪᒃ ᒥᓐ ᒋᓴᔅ ᒋ ᐃᑕᐤ, “ᓴᐃᒥᓐ, ᒠᓐ ᑲ ᐅᑯᓯᑐᑕᔅᒃ, ᒋ ᓴᒋᐃᓐ ᐊ ?” ᐊᑯ ᐱᑕᕐ ᓇᔅᒡ ᑲ ᒥᒐᔨᑕᐧᒃ ᐛᔅ ᐊᑯ ᓂᔍᐤ ᑲ ᑯᒂᒋᒥᑯᑦ ᒋᓴᓴ ᐊ ᐃᑎᑯᑦ, “ᒋ ᓴᒋᐃᓐ ᐊ ?” ᐊᑯ ᑲ ᐃᑕᑦ, “ᐅᑎᐸᔨᒋᒐᐤ, ᒥᓯᐛ ᒐᒂᓐ ᒋ ᒋᔅᒐᔨᑕᓐ, ᒋ ᒋᔅᒐᔨᑕᓐ ᐊ ᓴᒋᐃᑕᓐ᙮” ᒋᓴᓴ ᒪᒃ ᒋ ᐃᑎᑯᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮

ᐊᑈᔅᑕᓇᒡ 27:31

ᐊᑯ ᑈᓪ ᒂ ᐃᑕᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᑭᔭ ᐊᓂᔭ ᐊᓯᒪᑭᓂᓴ, “ᓇᒪ ᐛᒋ ᐸᐃᒄ ᒋᑭ ᐅᒋ ᐱᒪᑎᓯᓇᐛᐤ ᓂᑭᑎᒪᒂ ᐅ ᐊ ᒥᓴᒡ ᐅᐤᑦ᙮”

ᐃᐱᓯᔭᓇ 6:4

ᒋᔨᐛᐤ ᐅᑕᐎᒪᑐᒄ, ᐊᑲᐎᔾ ᓇᓂᑐᐤ ᒋᔄᐊᐧᑯᒡ ᒋᑦ ᐊᐛᓯᒧᐛᐅᒡ, ᐃᔭᐱᒡ ᑯᐃᔅᒄ ᐃᓯ ᓂᑕᐅᒋᓇᐧᑯᒡ ᒐᒋ ᒋᔅᒐᔨᑕᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᒐᒋ ᓂᓇᐃᑐᐛᒡ ᐅᑎᐸᔨᒋᒐᐛ᙮

1 ᑎᒧᑎ 3:12

ᑭᔭ ᐊᓐ ᑲ ᐎᒋᐃᐛᑦ ᐊᔭᒥᐊᐅᒋᐛᐱᒡ ᒋᐸ ᐸᐃᑯᐊᐤ ᐎᐛ ᓇᐳᐅᒂ ᑭᔭ ᔭᐃᑕᔾ ᒋᐸ ᒥᔪ ᓂᑕᐅᒋᓇᐤ ᐅᑦ ᐊᐛᓯᒪ ᑭᔭ ᒋᐸ ᒥᔪ ᓂᓇᑭᑐᐛᔨᑎᒥᐃᑯᐤ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮

2 ᑎᒧᑎ 1:5

ᓂ ᒋᔅᒋᓯᓐ ᓇᔅᒡ ᓱᒃ ᐊᒋ ᐃᑕᔨᑎᒥᐃᑯᔨᓐ ᐊ ᑕᑈᑎᒥᓐ᙮ ᐊᐅᑯᓐ ᑲ ᐃᓯᓇᑯᓂᔨᒡ ᒋᑲᐎᔾ ᔪᓂᔅ ᑭᔭ ᒍᐧᑯᒻ ᓗᔅ ᐅᑕᑈᑎᒧᐅᓄᐛᐤ᙮ ᓂ ᒐᔅᑎᓇᑕᔨᑕᓐ ᒪᒃ ᐊᐅᑯᓐ ᐊ ᐃᓯᓇᒂᒡ ᑭᔭ ᒋᔾ ᒋᑕᑈᑎᒧᐅᓐ᙮

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

2 ᑎᒧᑎ 3:15

ᐛᔅ ᒋ ᒋᔅᒋᓯᓇᒐ ᒪᒂᒡ ᐊ ᐊᐛᓯᐎᔨᓐ ᓴᔅ ᔅᒋ ᒋᔅᑯᑎᒪᑯᐅᓐ ᑕᓐ ᑲ ᐃᓯ ᒥᓯᓇᐃᑭᓄᐎᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᐊᑯᑕ ᑲ ᐅᒋ ᐊᔭᔨᓐ ᑭᒐᑕᐛᔨᑎᒧᐅᓐ ᒐᒋ ᒋᔅᒐᔨᑎᒥᓐ ᐊ ᑕᑈᔭᔨᒪᑦ ᐊᐛᓐ ᙭ ᒋᓴᓴ ᐊᑯᑕ ᒐᒋ ᐅᒋ ᐱᒪᒋᐅᑦ᙮