ᒐᓂᓯᔅ 17:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᒋᓴᒪᓂᑐᐤ ᐃᔭᐱᒡ ᐊᑕᑦ ᐊᑉᕋᐊᒪ, “ᒋᔾ ᐊᑉᕋᐊᒻ, ᒋᑭ ᐎ ᑕᑈᑕᓐ ᒐᒂᓐ ᐊᑎᑕᓐ ᒐ ᐃᑐᑎᒥᓐ᙮ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᑎ ᐊᓂᔅᒐ ᐱᒪᑎᓯᒡ᙮

ᒐᓂᓯᔅ 17:9 ပူးပေါင်းရင်းမြစ်များ

ᒐᓂᓯᔅ 17:23

ᐊᓂᔭ ᐸᐃᑯᑕᐤ ᒋᓯᑯᔪᐤ, ᐊᑉᕋᐊᒻ ᒋ ᓂᓇᐃᑐᐛᐤ ᑲ ᐃᑎᑯᑦ ᒋᓴᒪᓂᑐᐛ ᑭᔭ ᒂ ᒋᔅᒋᓄᐛᒋᔄᑦ ᐅᑯᓴ ᐃᔅᒪᐃᓚ ᑭᔭ ᒥᓯᐛ ᑯᑎᑲ ᓇᐸᐤ ᐊᐱᒋᐊᑭᓇ ᑲ ᑕᔨᒋ ᐊᓐᑕ ᐎᒋᒡ᙮ ᒋᒡ ᒥᓯᐛ ᐊᐱᒋᐊᑭᓇ ᑲ ᐃᔪᔨᒋ ᐊᓐᑕ ᐅᑦ ᐃᑕᐅᓂᒡ ᑭᔭ ᐊᓂᔭ ᒥᓯᐛ ᑲ ᐃᔭᐛᑦ᙮

ᒐᓂᓯᔅ 18:19

ᐛᔅ ᐎᔾ ᓂᒋ ᐛᔭᐱᒪᐤ ᒐᒋ ᒋᔅᑯᑎᒧᐛᑦ ᐅᑦ ᐊᐛᓯᒪ ᑭᔭ ᒐ ᐊᓂᔅᒐ ᐱᒪᑎᓯᔨᒋ ᐅᑦ ᐊᓂᔅᑯᑕᐸᓇ ᒐᒋ ᓇᐊᔨᑎᒥᔨᒋ ᓂᑦ ᐃᑎᓱᐛᐅᓇ ᑭᔭ ᐃᑐᑎᒥᔨᒋ ᑯᐃᔅᑯᑐᑎᒧᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ ᑭᔭ ᐊᑯ ᒪᒃ ᒐ ᒥᔨᒃ ᐊᑉᕋᐊᒻ ᒥᓯᐛ ᒐᒂᔪᐤ ᑲ ᐃᓯ ᐊᓱᑎᒧᐅᒃ᙮”

ᑎᐱᑦ ᐅᓂᑭᒧᐅᓇ 103:18

ᐊᓂᔭᔪᐛ ᐅᑎ ᑲ ᑭᓄᐛᔨᑎᒥᔨᒋ ᐅᓂᔅᑯᒥᑐᐅᓐ, ᐊᓂᔭ ᑭᔭ ᑲ ᒋᔅᒋᑎᒥᔨᒋ ᐅᑦ ᐃᑎᓱᐛᐅᓇ ᒐᒋ ᐃᑐᑎᒥᔨᒋ᙮

ᑎᐱᑦ ᐅᓂᑭᒧᐅᓇ 25:10

ᒥᓯᐛ ᐅᒪᔅᑭᓄᐛ ᑎᐸᔨᒋᒐᓱᐤ ᒋᔅᑎᒪᒐᔨᒐᐅᓄᐎᔪᐛ ᑭᔭ ᑕᑈᐅᓄᐎᔪᐛ, ᐊᓂᔭᔪᐛ ᐅᒡ ᑲ ᑭᓄᐛᔨᑎᒥᔨᒋ ᐅᓂᔅᑯᒥᑐᐅᓐ ᑭᔭ ᐅᑎᐸᒋᒧᐅᓇ᙮

ᐊᒃᓱᑕᔅ 19:5

ᐊᑯ ᐊᓄᒡ, ᑕᑈᑐᐅᔭᒂ ᑭᔭ ᑭᓄᐛᔨᑎᒪᒂ ᓂᓂᔅᑯᒧᐅᓐ, ᒋᑭ ᐅᑦ ᐃᔨᒥᑕᑎᓇᐛᐤ᙮ ᒥᓯᐛ ᐊᔅᒋᔾ ᓂ ᑎᐸᔨᑕᓐ᙮