ᒐᓂᓯᔅ 17:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒥᓯᐛ ᓂᔭᐸᐅᒡ ᐊᐛᓯᒡ ᐊ ᐃᔪᐅᒡ ᑲᒋ ᔭᓇᐤ ᑕᑐᐤ ᒋᓯᑲᓯᑥᐎ ᒋᑭ ᒋᔅᒋᓄᐛᒋᔄᑭᓄᐎᒡ, ᒋᒡ ᑭᔭ ᒋᓇᐸᐤ-ᐊᐱᒋᐊᑭᓐᒡ, ᒋᒡ ᐊᓐᒡ ᑲ ᐃᔪᐅᒡ ᐊᓐᑕ ᒋᑦ ᐊᔅᒋᒡ ᑭᔭ ᐊᓐᒡ ᓂᔭᐸᐅᒡ ᒪᓐᑕᐛ ᑲ ᐅᒋ ᐃᔭᐅᑥᐤ᙮

ᒐᓂᓯᔅ 17:12 ပူးပေါင်းရင်းမြစ်များ

ᒐᓂᓯᔅ 17:23

ᐊᓂᔭ ᐸᐃᑯᑕᐤ ᒋᓯᑯᔪᐤ, ᐊᑉᕋᐊᒻ ᒋ ᓂᓇᐃᑐᐛᐤ ᑲ ᐃᑎᑯᑦ ᒋᓴᒪᓂᑐᐛ ᑭᔭ ᒂ ᒋᔅᒋᓄᐛᒋᔄᑦ ᐅᑯᓴ ᐃᔅᒪᐃᓚ ᑭᔭ ᒥᓯᐛ ᑯᑎᑲ ᓇᐸᐤ ᐊᐱᒋᐊᑭᓇ ᑲ ᑕᔨᒋ ᐊᓐᑕ ᐎᒋᒡ᙮ ᒋᒡ ᒥᓯᐛ ᐊᐱᒋᐊᑭᓇ ᑲ ᐃᔪᔨᒋ ᐊᓐᑕ ᐅᑦ ᐃᑕᐅᓂᒡ ᑭᔭ ᐊᓂᔭ ᒥᓯᐛ ᑲ ᐃᔭᐛᑦ᙮

ᒐᓂᓯᔅ 21:4

ᐃᔅᐱ ᔭᓇᐤ ᑲ ᑕᑐᒋᓯᒂᓯᔨᒋ ᐅᑯᓴ ᐊᐃᓯᑲ, ᐊᑉᕋᐊᒻ ᒋ ᒋᔅᒋᓄᐛᒋᐊᐤ ᒧᔭᒻ ᑲ ᐃᑎᓱᒥᑯᑦ ᒋᓴᒪᓂᑐᐛ᙮

ᐊᒃᓱᑕᔅ 12:44

ᑲ ᐃᔭᐛᒄ ᐊᐱᒋᐊᑭᓐ ᒋᑭ ᒋ ᒥᒍᐤ ᐊᓂᔭ ᐎᒪᔅᑲᒐᐅ-ᒥᑯᓴᐅ-ᒥᒋᒥᔪᐤ ᑲᒋ ᒋᔅᒋᓄᐛᒋᔄᑭᓄᒂ,

ᐊᒃᓱᑕᔅ 22:30

ᑭᔭ ᓂᔅᑎᒻ ᑲ ᐃᔪᐅᒡ ᒋᓇᐸ ᐊᐛᓯᓯᒧᐛᐅᒡ᙮ ᒐ ᒥᔭᑯᒡ ᒐᒋ ᑕᒡ ᐊᓐᑕ ᐅᑲᐎᐛᐛ ᐊ ᑕᔨᒋ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᐊᑯ ᔭᓇᐤ ᐊ ᒋᓯᑲᔨᒡ ᒐ ᐸᓯᐛᑯᒡ ᒐᒋ ᒥᔨᔭᒄ᙮

ᓗᒃ 1:59

ᐃᔅᐱ ᒪᒃ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᑦ ᐊᓐ ᐊᐛᔅ ᒥᓯᐛ ᐎᐧᑲᓂᓱᐛᐛ ᑭᔭ ᐅᐎᒐᐛᑭᓄᐛᐛ ᒋ ᐸᒋ ᑎᑯᓯᓂᔪᐛ ᒐᒋ ᐃᑐᑐᐛᑭᓄᔨᒋ ᑕᓐ ᑲᒋ ᐃᑐᑐᐛᒡ ᒍᐤ ᐃᔪᒡ ᐅᑦ ᐊᐛᓯᒧᐛᐛ ᐊ ᓇᐸᓯᐎᔨᒋ, ᒋ ᒋᔅᒋᓄᐛᒋᔄᐅᒡ᙮ ᐎᐧᑲᓂᓱᐛᐛ ᒪᒃ, ᓴᑲᕋᔭ ᒋ ᐎ ᐃᓯᓂᐧᑲᑕᐅᒡ ᐅᔭ ᐊᐛᓴ ᒐᒋ ᐎᒋᓱᒪᔨᒋ ᐅᑕᐎᔪᐛ᙮

ᓗᒃ 2:21

ᐃᔅᐱ ᐊᓐ ᐊᐛᔅ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᑦ, ᒋ ᐃᓯ ᒋᔅᒋᓄᐛᒋᔄᑭᓄᐤ ᑭᔭ ᒋᓴᔅ ᒋ ᐃᓯᓂᐧᑲᑕᑭᓄᐤ᙮ ᐊᐅᑯᓐ ᑲ ᐃᓯᓂᐧᑲᑎᑯᑦ ᐊᓐᒋᓇ ᐊᔅᒄ ᐊᑲ ᐅᒋ ᐊᔭᐅᑯᑦ ᐅᑲᐎᔭ ᐊᓐᑕ ᐅᔅᐱᔭᔨᒡ᙮

ᐊᑈᔅᑕᓇᒡ 7:8

ᐊᑯ ᔅᑎᐱᓐ ᒥᓐ ᒂ ᐊᑎ ᐃᔅᒋᔄᑦ, “ᐊᑯ ᒪᒃ ᒋᓴᒪᓂᑐᐤ ᑲ ᐅᓯᑐᐛᑦ ᐊᓂᔭᐧᑲ ᐊᑉᕋᐊᒪ ᓂᔅᑯᒧᐅᓂᔪᐤ, ᐅ ᒪᒃ ᓂᔅᑯᒧᐅᓐ ᒐᒋ ᐅᒋ ᓄᑯᑕᑭᓄᐅᒡ, ᒐᒋ ᒋᔅᒋᓄᐛᒋᔄᑭᓄᐅᒡ ᓇᐸᓯᒡ᙮ ᐊᑯ ᒪᒃ ᐊᓂᔭᐧᑲ ᐊᑉᕋᐊᒻ ᑲᒋ ᒋᔅᒋᓄᐛᒋᔄᑦ ᐅᑯᓴ ᐊᐃᓯᑲ ᐃᔅᐱᔅ ᔭᓇᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔨᒋ᙮ ᐊᐃᓯᒃ ᒪᒃ ᐊᐅᒄ ᐅᔭ ᒐᑭᐸ ᑲ ᐅᑕᐎᑦ᙮ ᒐᑭᑉ ᒪᒃ ᒋ ᓂᓱᓴᐳᔨᐛ ᐅᑯᓴ᙮ ᐊᐅᑯᓐᒡ ᐅᒡ ᓂᓱᓴᑉ ᑲ ᒋᔅᑕᔨᑕᑯᓯᒡ ᒋᑦ ᐊᓂᔅᒐ ᒍᑕᐎᓄᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:28

ᓇᒪᔭᔪᐤ ᒥᒄ ᒍᐤ ᐊ ᐃᑎᔅᑲᓇᓯᑦ ᐊᐛᓐ ᑭᔭ ᐊᒋ ᒋᔅᒋᓄᐛᒋᔄᑭᓄᐅᑦ ᐎᔭᒡ ᐛᒋ ᐅᑦ ᐃᔨᒥᑐᑕᑯᑦ ᒋᓴᒪᓂᑐᐛ᙮

ᐱᓕᐱᔭᓇ 3:5

ᐛᔅ ᓂᒋ ᒋᔅᒋᓄᐛᒋᐃᑯᐅᓐ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮ ᐊᓐᑕ ᐃᔅᕋᐃᓪ ᐃᔪᒡ ᐊ ᑕᒡ ᓂᒋ ᐱᒪᑎᓯᓐ᙮ ᐱᓐᒋᒥᓐ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᑕᑈ ᒍᐤ ᐃᔪᐤ ᓂᔾ ᓂᒋ ᑭᓄᐛᔨᑕᓐ ᐎᓱᐛᐅᓐ ᒪᒂᒡ ᑲ ᐸᕆᓯᐅ-ᐃᔪᔭᓐ᙮