ᒐᓂᓯᔅ 17:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᒐᓂᓯᔅ 17:1 ပူးပေါင်းရင်းမြစ်များ

ᒐᓂᓯᔅ 12:1

ᑎᐸᔨᒋᒐᓱᐤ ᐃᑕᐤ ᐊᑉᕋᒪ, “ᓂᑭᑕ ᒋᑦ ᐊᔅᒋᔾ ᑭᔭ ᒋᐧᑲᓂᓯᒡ ᑭᔭ ᒍᑕᐎᔾ ᐎᒡ, ᐃᑐᑕ ᒪᒃ ᐊᓐᑕ ᐊᔅᒋᔾ ᒐ ᐛᐸᑎᔨᑕᓐ᙮

ᒐᓂᓯᔅ 12:7

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ᐃᑕᑦ, “ᓂᑭ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ᓄᑯᓯᔅᑕᑯᑦ᙮

ᒐᓂᓯᔅ 16:16

ᔭᓇᐤ ᑕᑐᔪᐤ ᐊᓱ ᐊᓱᑕᒡ ᒋ ᐃᑕᑐᐱᓇᓱᐤ ᐊᑉᕋᒻ ᑲ ᐃᔪᔨᒋ ᐃᔅᒪᐃᓚ᙮

ᒐᓂᓯᔅ 18:1

ᑎᐸᔨᒋᒐᓱᐤ ᒥᓐ ᒋ ᓄᑯᓯᔅᑐᐛᐤ ᐊᑉᕋᐊᒪ ᐊᓐᑕ ᒪᒻᕋ ᒥᒋᒪ ᒥᔅᑯᐛᐤ ᒥᔅᑎᒂ ᐊ ᑕᔨᒋ᙮ ᒋᐱᔎᒡ ᒋ ᐊᐳᐤ ᐅᐱᒍᐎᔭᓂᒋᐛᐱᒡ ᒪᒂᒡ ᐊ ᒋᓯᑕᔨᒡ᙮

ᒐᓂᓯᔅ 18:14

ᓇᒪ ᑎᑯᓂᔪᐤ ᒐᒂᓂᔪᐤ ᒐ ᐊᑲ ᒋ ᐃᑐᑕᐧᒃ ᑎᐸᔨᒋᒐᓱᐤ᙮ ᒧᔭᒻ ᑲ ᐃᔅᒋᔄᔭᓐ, ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮”

ᒐᓂᓯᔅ 24:40

ᐊᑉᕋᐊᒻ ᒋ ᐃᔅᒋᔄᐤ ‘ᐊᓐ ᑎᐸᔨᒋᒐᓱᐤ ᒋᓴᒪᓂᑐᐤ ᐊᔭᒥᐊᔅᑐᐅᒃ, ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ, ᒐ ᒥᔨᔅᒃ ᑭᔅᒋᐅᓂᔪᐤ᙮ ᐊᑯ ᒪᒃ ᒐ ᐅᑎᓂᒥᑎ ᒐ ᐎᐅᑦ ᓂᑯᔅ ᓂᐧᑲᓂᓴ ᐅᒡ ᑭᔭ ᓄᑕᐎᔾ ᐅᑐᑕᒪ ᐅᒡ᙮

ᒐᓂᓯᔅ 26:2

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᐃᓯᑲ ᑭᔭ ᒂ ᐃᑕᑦ, “ᒐ ᐊᑲ ᐃᑐᑕᔨᓐ ᐊᓐᑕ ᐃᒋᑉᑦ ᐊᔅᒋᒡ ᒐᒋ ᐎᒋᔨᓐ᙮ ᒋᑭ ᐛᐸᑎᔨᑎᓐ ᐊᓐᑕ ᒐ ᐎᒋᔨᓐ᙮

ᒐᓂᓯᔅ 28:3

ᒂ ᐃᑕᑦ ᐊᐃᓯᒃ, “ᑭᒪ ᒋᓴᒪᓂᑐᐤ ᐊᓐ ᒥᓯᐛ ᐊᓯ ᓱᐧᑲᑎᓯᑦ, ᐃᑐᑕᐧᒃ ᒐᒋ ᐃᔅᐱᔪᑦ ᒥᔪ ᒐᒂᓂᔪᐤ᙮ ᑭᒪ ᒥᒐᑦ ᐊᐛᓴ ᒥᔨᔅᒃ ᑭᔭ ᒥᒐᑎᒡ ᒋᑦ ᐊᓂᔅᑯᑕᐸᓐᒡ ᐊᑯ ᒪᒃ ᒐ ᒥᒐᑐᔅᑲᓇᓯᒡ᙮

ᒐᓂᓯᔅ 35:11

ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ᓱᐧᑲᑎᓯᑦ, ᒐ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮

ᒐᓂᓯᔅ 43:14

ᑭᒪ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐃᑐᑐᐛᑦ ᐊᓂᔭ ᐃᔪᐛ ᒐᒋ ᒋᔅᑎᒪᒐᔨᒥᑎᑕᑯ ᐊᑯ ᒪᒃ ᒐᒋ ᐱᔅᑎᓂᒪᑕᒄ ᒋᓯᒧᐛᐛ ᐱᓐᒋᒥᓇ ᑭᔭ ᑯᑎᑲ ᒋᐧᑲᓂᓱᐛᐛ ᓯᒥᐅᓇ, ᒥᔅᑭᒥᑯᐅᔭᓇ ᓂᑦ ᐊᐛᓯᒥᒡ, ᓇᐧᑲᑕᔨᒧᐅᓐ ᓂ ᓴᑭᔅᒋᓇᔅᑲᑯᓐ᙮”

ᒐᓂᓯᔅ 46:3

ᒋᓴᒪᓂᑐᐛ ᐃᑎᑯᐤ, “ᓂᔾ ᐅ ᒋᓴᒪᓂᑐᐤ, ᒍᑕᐎᔾ ᐅᒋᓴᒪᓂᑐᒪ, ᐊᑲ ᑯᔅᑕᒋ ᒐᒋ ᐃᑐᑕᔨᓐ ᐃᒋᑉᑎᒡ, ᐛᔅ ᐊᑯᑕ ᒐ ᐃᑐᑎᒪᑕᓐ ᒐᒋ ᓱᐧᑲᑎᓯᐤ ᒥᒐᑐᔅᑲᓇᓯᔨᓐ᙮

ᒐᓂᓯᔅ 48:15

ᐊᑯ ᒂ ᒥᔭᑦ ᐅᓱᐛᔨᒋᒐᐅᓐ ᒐᑭᐸ ᑭᔭ ᐅᑯᓯᔪᐛ ᐊ ᐃᔅᒋᔄᑦ, “ᐅ ᒋᓴᒪᓂᑐᐤ ᒋᔾ ᐅ ᓂᒧᓱᒻ ᐊᑉᕋᐊᒻ ᑭᔭ ᓄᑕᐎᔾ ᐊᐃᓯᒃ ᑲ ᐊᔭᒥᐊᔅᑐᐛᒡ, ᒋᔾ ᐅ ᒋᓴᒪᓂᑐᐤ ᑲ ᐸᒋ ᒥᔪ ᑭᓄᐛᔨᒥᔨᓐ ᒥᓯᐛ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮

ᒐᓂᓯᔅ 48:3

ᒋ ᐛᒋᔭᒪᐤ ᒐᑭᑉ ᒍᓯᐸ ᑭᔭ ᒂ ᐃᑕᑦ, “ᓂᒋ ᓄᑯᓯᔅᑕᒄ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐᑕ ᓗᔅ ᑲᐃᓇᓐ ᐊᔅᒋᒡ, ᑭᔭ ᐊᑯᑕ ᑲ ᒥᔨᑦ ᐅᓱᐛᔨᒋᒐᐅᓐ᙮

ᒐᓂᓯᔅ 5:22

ᑲᒋ ᐃᔪᔨᒋ ᐅᑯᓴ ᐃᓄᒃ, ᓂᔅᑐ ᒥᑕᓯᒥᑎᓄᐤ ᑕᑐᐤ ᐱᐳᓇ ᒋ ᐎᒐᐛᐤ ᒋᓴᒪᓂᑐᐛ, ᑭᔭ ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,

ᒐᓂᓯᔅ 5:24

ᓇᓂᑎᒻ ᐊ ᒥᔪᐎᒐᐛᑦ ᒋᓴᒪᓂᑐᐛ ᐃᓄᒃ, ᐊᑯ ᓇᒪ ᐅᒋ ᓄᑯᓱᐤ, ᐛᔅ ᒋᓴᒪᓂᑐᐛ ᐊᒋ ᐅᑎᓂᑯᑦ᙮

ᒐᓂᓯᔅ 6:9

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᓄᐛ ᐅᑦ ᐊᓂᔅᑯᑕᐸᓇ᙮ ᓄᐛ ᒥᒄ ᒋ ᐸᐃᑯᓱᐤ ᑲ ᑯᐃᔅᑯᑕᑎᓯᑦ ᐃᔪᐤ ᐅᑕ ᐊᔅᒋᒡ ᑭᔭ ᓇᓂᑎᒻ ᒋ ᓇᐊᔨᑎᒪᐊᐤ ᒋᓴᒪᓂᑐᐛ ᒥᒄ ᒐᒂᔪᐤ ᑲ ᐃᑐᑕᐧᒃ,

ᑎᐱᑦ ᐅᓂᑭᒧᐅᓇ 115:3

ᒪᒃ ᒋ ᒋᓴᒪᓂᑐᒥᓇᐤ ᒋᒋᒋᓯᑯᒡ ᑕᐤ: ᒋ ᐃᑐᑎᒻ ᒥᒄ ᒐᒂᔪᐤ ᐊᓯ ᒥᔽᔨᑕᐧᒃ᙮

ᑎᐱᑦ ᐅᓂᑭᒧᐅᓇ 116:9

ᓂᑭ ᐱᒧᑕᓐ ᐅᑎᔅᑯᐤ ᐊ ᑕᑦ ᑎᐸᔨᒋᒐᓱᐤ ᐊᔅᒋᒡ ᐊᓐᑕ ᐊ ᐱᒪᑎᓯᓇᓄᐅᒡ᙮

ᑎᐱᑦ ᐅᓂᑭᒧᐅᓇ 25:14

ᐅᑲᑎᒪᒐᐅᓐ ᑎᐸᔨᒋᒐᓱᐤ ᐎᒐᐎᑯᔪᐛ ᑲ ᓇᓂᒋᔅᑕᑯᑦ; ᒋᑭ ᐛᐸᑎᔭᐤ ᒪᒃ ᐅᓂᔅᑯᒥᑐᐅᓂᔪᐤ᙮

ᐊᒃᓱᑕᔅ 6:3

ᐃᔅᐱ ᑲ ᓄᑯᓯᔅᑐᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᓂᒋ ᑎᑯᓯᓐ ᒧᔭᒻ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᓇᒪ ᓂ ᐅᒋ ᐊᐱᒋᑕᓐ ᓂᑦ ᐃᓯᓂᐧᑲᓱᐅᓐ᙮

ᒪᑎᔪᐤ 19:26

ᐊᑯ ᒋᓴᔅ ᑯᐃᔅᒄ ᑲ ᑭᓄᐛᐱᒪᑦ ᐊ ᐃᑕᑦ, “ᑕᓐ ᐊᓂᔭᔪᐛ ᒐ ᐊᑲ ᒋ ᐃᑐᑕᐧᒃ ᐃᔪᐤ ᐎᔾ ᒋᓴᒪᓂᑐᐤ ᒋᑭ ᒋ ᐃᑐᑎᒻ᙮”

ᒪᑎᔪᐤ 5:48

ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᐊᔅᐱᔅ ᓇᔅᒡ ᑯᐃᔅᑯᓯᑦ ᐊᐅᑯᓐ ᒧᔭᒻ ᑭᔭ ᒋᔾ ᒋᐸ ᐃᓯ ᑯᐃᔅᑯᓯᓐ᙮”

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᐊᑈᔅᑕᓇᒡ 23:1

ᐊᑯ ᑈᓪ ᑯᐃᔅᒄ ᑲ ᑭᓄᐛᐱᒪᑦ ᐊᓂᔭ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᐊᑯ ᑲ ᐃᑕᑦ, “ᓂᐧᑲᓂᓯᑐᒄ, ᑲ ᐃᔅᐱᔅ ᐸᒋ ᐊᑐᔅᑯᐅᒃ ᒋᓴᒪᓂᑐᐤ ᓂ ᒐᔅᑎᓇᐅᓐ ᒧᔅ ᑯᐃᔅᒄ ᐊᒋ ᐃᑎᔭᓐ ᒋᓴᒪᓂᑐᐤ ᐊ ᐱᒪᑎᓯᔅᑐᐅᒃ᙮”

ᐊᑈᔅᑕᓇᒡ 24:16

ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ᒐᔅᑎᓇᐅᔭᓐ ᑯᐃᔅᒄ ᐊ ᐃᑎᔭᓐ᙮”

ᐃᐱᓯᔭᓇ 3:20

ᒋᓴᒪᓂᑐᐤ, ᐊᓐ ᐅᒥᔅᑯᓯᐅᓐ ᐊ ᐊᑐᔅᒐᒥᑭᓂᔨᒡ ᒋᐱᒪᑎᓯᐅᓇᒡ ᐅᔅᑕ ᐃᔭᐱᒡ ᒋᑭ ᒋ ᐃᑐᑎᒪᑯᓄᐤ ᑕᓐ ᐊᔅᐱᔅ ᓂᑐᑎᒧᐛᐧᒄ ᑭᔭ ᐅᔅᑕ ᐃᔭᐱᒡ ᒋᑭ ᒋ ᐃᑐᑎᒪᑯᓄᐤ ᑕᓐ ᐊ ᐃᑕᔨᒪᐧᒄ ᒐᒋ ᐃᑐᑎᒪᑕᐧᒄ᙮

ᐱᓕᐱᔭᓇ 4:13

ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮

ᐃᑉᕈᐛ 12:28

ᐊᐅᒄ ᒪᒃ ᐅᔭ ᒋᐸ ᐅᒋ ᓂᓇᔅᑯᒪᓄᐤ ᒋᓴᒪᓂᑐᐤ ᐊ ᒥᔨᑕᐧᒄ ᒋᓴᐅᒋᒪᐅᓂᔪᐤ ᐊᓐ ᐊᑲ ᓂᑕ ᒐᒋ ᐃᑐᑕᑭᓄᐅᒡ ᒐᒋ ᐊᒋᐱᔨᒡ᙮ ᐊᑯ ᒪᒃ ᐊᔭᒥᐊᔅᑐᐛᑕᐤ ᐊᓂᔭ ᐎᔾ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐊᔭᒥᐊᔅᑐᐛᐧᒄ ᑭᔭ ᒐᒋ ᒥᔪ ᐊᑐᔅᑯᐅᐛᐧᒄ ᓇᔅᒡ ᐊ ᒋᔅᑕᔨᒪᐧᒄ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮