ᒐᓂᓯᔅ 14:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒪᓪᑭᓴᑕᒃ, ᓴᓚᒻ ᒋᓴᐅᒋᒪᐤ, (ᑭᔭ ᐎᔾ ᒋ ᑎᑯᓯᓐ ᒐᒋ ᓂᒋᔅᑯᐛᑦ ᐊᑉᕋᒪ)᙮ ᐸᒂᓯᑭᓇ ᑭᔭ ᓱᒥᓇᐳᔪᐤ ᒋ ᐸᑕᐤ᙮ ᐎᔾ ᒋ ᐊᔭᒥᐊᐅᒋᒪᐤ ᒋᓴᒪᓂᑐᐛ ᒪᐅᒡ ᐃᔅᐱᒥᒡ ᐅᒡ᙮

ᒐᓂᓯᔅ 14:18 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 104:15

ᑭᔭ ᓱᒥᓇᐳᔪᐤ ᑲ ᓯᒋᔭᐃᑕᔅᑲᑯᑦ ᐃᔪᐤ; ᑭᔭ ᐱᒥᔪᐤ ᑲ ᐛᓯᒂᔅᑲᑯᑦ, ᑭᔭ ᐸᒂᓯᑭᓇ ᑲ ᒥᔅᑯᐅᑕᐊᔅᑲᑯᑦ ᐃᔪᐤ᙮

ᑎᐱᑦ ᐅᓂᑭᒧᐅᓇ 110:4

ᑎᐸᔨᒋᒐᓱᐤ ᒋᒋᐛ ᒋ ᐃᔪᐤ, ᓇᒪ ᒪᒃ ᒋᑭ ᒂᔅᒐᔨᑎᒻ, “ᒋᔾ ᒋᒋᓴᐊᔭᒥᐊᐅᒋᒪᐅᓐ ᑲᒋᒡ ᐅᑦ ᐃᑕᒋᒥᑯᓯᐅᓂᒡ ᒪᓪᑭᓴᑕᒃ᙮”

ᑎᐱᑦ ᐅᓂᑭᒧᐅᓇ 50:14

ᐸᒋᑎᓂᒧᐛᐧᒃ ᒋᓴᒪᓂᑐᐤ ᓂᓇᔅᑯᒧᐅᓂᔪᐤ; ᑭᔭ ᑎᐸᐊᒧᐤ ᒪᐅᒡ ᒋᔅᑎᓯᑦ ᑲ ᐊᓱᑎᒪᒐᔨᓐ:

ᑎᐱᑦ ᐅᓂᑭᒧᐅᓇ 57:2

ᓂᑭᒧᔅᑯᐛᑕᐤ ᒋᓴᒪᓂᑐᐤ ᒪᐅᒡ ᒋᔅᑎᓯᑦ; ᒋᓴᒪᓂᑐᐤ ᒥᓯᐛ ᒐᒂᓇ ᑲ ᐃᑐᑎᒧᐎᔨᒥᑦ᙮

ᑎᐱᑦ ᐅᓂᑭᒧᐅᓇ 7:17

ᓂᑭ ᒪᒥᒋᒪᐤ ᑎᐸᔨᒋᒐᓱᐤ ᐊ ᐃᓯ ᑯᐃᔅᑯᑕᑎᓯᑦ: ᑭᔭ ᐊ ᓂᑭᒧᔭᓐ ᓂᑭ ᒪᒥᒋᑕᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ ᒪᐅᒡ ᒐᔅᑎᓯᑦ᙮

ᑎᐱᑦ ᐅᓂᑭᒧᐅᓇ 76:2

ᓴᓚᒥᒡ ᑭᔭ ᑎᑯᓂᔪᐤ ᐅᒥᒋᐛᐱᒻ, ᑭᔭ ᐎᒡ ᓴᐃᔭᓂᒡ᙮

ᑎᐱᑦ ᐅᓂᑭᒧᐅᓇ 76:3

ᐊᑯᑕ ᐸᑯᓇᑦ ᐊᑭᔎ ᐊᒐᐱᒡ, ᐊᒂᓇᐅᓱᐛᑭᓂᔪᐤ, ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᑯᑎᑲ ᓂᑐᐱᔪᐅᓂᔪᐤ᙮

ᐊᑈᔅᑕᓇᒡ 16:17

ᓂᒋ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ᑕᑈᑦ ᐊ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ᐱᒪᒋᐅᔭᒄ᙮”

ᐊᑈᔅᑕᓇᒡ 7:48

“ᒥᒄ ᒪᒃ ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᑦ ᓇᒪ ᐎᒋᐤ ᐊᓐᑕ ᐊᔭᒥᐊᐅᒋᐛᐱᒡ ᐃᔪᐛ ᐊᒋ ᐅᓯᑕᔨᒋ᙮ ᐊᐅᒄ ᐅᔭ ᑲ ᐃᑎᔅᑕᑦ ᐊᓐ ᐸᐃᒄ ᐅᒋᔅᒋᐛᐃᒐᓱᐤ ᐊᒋ ᐃᔅᒋᔄᔨᒂᓂ,

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

ᐃᑉᕈᐛ 5:10

ᐊᑯ ᒪᒃ ᒋᓴᒪᓂᑐᐛ ᑲ ᐅᑎᓂᑯᑦ ᒐᒋ ᒋᓴᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᑲ ᐊ ᐃᓯ ᒋᓴᐊᔭᒥᐊᐅᒋᒪᐎᔨᒋ᙮

ᐃᑉᕈᐛ 5:6

ᒥᓐ ᑎᑯᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᒋᓴᒪᓂᑐᐤ ᐊᒋ ᐃᔅᒋᔄᑦ, “ᑲᒋᒡ ᒋ ᒋᓴᐊᔭᒥᐊᐅᒋᒪᐅᓐ, ᒧᔭᒻ ᒪᓪᑭᓴᑕᒃ᙮”

ᐃᑉᕈᐛ 6:20

ᒋᓴᔅ ᒪᒃ ᐅ ᑲ ᒐᔅᑎᓇᑕᔨᒪᐧᒄ᙮ ᐊᓐᑕ ᐊᓂᔭ ᑲ ᐱᒐᑦ ᐊᑯᑕ ᐊ ᐊᔭᒥᐊᔅᑎᒪᑕᐧᒄ᙮ ᐎᔾ ᑲᒋᒡ ᒋᓴᐊᔭᒥᐊᐅᒋᒪᐅ ᒋᓴᔅ ᒧᔭᒻ ᒪᓪᑭᓴᑕᒃ᙮

ᐃᑉᕈᐛ 7:1

ᐅ ᒪᓪᑭᓴᑕᒃ ᐛᔅᑭᒡ ᐊᓐᑕ ᒋ ᒋᓴᐅᒋᒪᐤ᙮ ᓴᐃᓕᒻ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᒋᓴᐅᒋᒪᐅᑦ᙮ ᒋ ᐊᑐᔅᑯᐛᐤ ᒋᓴᒪᓂᑐᐛ ᒪᐅᒡ ᑲ ᐃᔅᐸᔨᑕᑯᓯᔨᒋ ᐊ ᐊᔭᒥᐊᐅᒋᒪᐅᑦ᙮ ᐅ ᒪᒃ ᒪᓪᑭᓴᑕᒃ ᐸᐃᒂᐤ ᒋ ᓂᒋᔅᑯᐛᐤ ᐊᑉᕋᐊᒪ ᒧᔭᒻ ᐊ ᐸᒋ ᒋᐛᔨᒋ ᐊᓄᒡ ᐊᒋ ᒥᔪ ᓴᐧᑯᒋᐊᔨᒋ ᑭᔭ ᐊᒋ ᓂᐸᐊᔨᒋ ᒥᒐᑐᐤ ᒋᓴᐅᒋᒪᐛ ᐊᒋ ᓂᑐᐱᔨᑕᑯᔨᒋ᙮ ᐊᑯ ᐅ ᒪᓪᑭᓴᑕᒃ ᑲ ᓱᐛᔨᒪᑦ ᐊᑉᕋᐊᒪ᙮