ᒐᓂᓯᔅ 1:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᒋᓴᒪᓂᑐᐤ ᒋ ᒥᔭᐤ ᐅᓱᐛᔨᒋᒐᐅᓐ ᑭᔭ ᒂ ᐃᑕᑦ, “ᒐ ᒥᒐᑥᐊᑯᒡ ᐊᐛᓯᒡ, ᒐᒋ ᒥᒐᑎᑦ ᐃᔪᐤ ᐅᑕ ᐊᔅᐱᑎᔅᑭᒥᑲᒡ ᐊᔅᒋᒡ ᑭᔭ ᒋᔨᐛᐤ ᒐ ᑭᓄᐛᔨᑎᒪᒄ᙮ ᒋᔨᐛᐤ ᒋᑭ ᐅᒋᒪᐅᓇᐛᐤ ᐊᓐᒡ ᓂᒪᓯᒡ ᐊᓐᑕ ᓂᐱᒡ, ᐱᔭᓱᐅᒡ ᐊᓐᑕ ᒋᓯᑯᒡ ᑭᔭ ᒥᓯᐛ ᐊᐛᓯᓯᒡ ᐅᑕ ᐊᔅᒋᒡ᙮

ᒐᓂᓯᔅ 1:28 ပူးပေါင်းရင်းမြစ်များ

ᒐᓂᓯᔅ 1:22

ᐊᑯ ᒋᓴᒪᓂᑐᐤ ᒂ ᒥᔭᑦ ᐱᒪᑎᓯᐤ ᐊᐛᓯᓴ ᐅᓱᐛᔨᒋᒐᐅᓐ, ᒂ ᐃᑕᑦ ᐎᓂᐸᑯᒡ ᐊᐛᓯᓴ ᒐᒋ ᑕᔨᒋ ᐊᓐᑕ ᒥᓯᐛ ᐊᔅᐱᓴᔨᒡ ᐎᓂᐸᑯᔪᐤ ᑭᔭ ᐱᔭᓱᐛ ᒐᒋ ᑕᔨᒋ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ᙮

ᒐᓂᓯᔅ 17:16

ᓂᑭ ᓱᐛᔨᑕᑯᐛᐤ ᓴᕋ ᑭᔭ ᒋᑭ ᐅᑯᓱᐤ ᒋᔾ ᐅᒡ᙮ ᓂᑭ ᓱᐛᔨᑕᑯᐛᐅ ᑭᔭ ᐎᔾ ᒋᑭ ᐅᑲᐎᒪᐤ ᒐ ᑕᑐᔅᑲᓇᓯᓇᓄᐎᒡ; ᐱᔅᒐ ᐅᑦ ᐊᓂᔅᑯᑕᐸᓇ ᒋᑭ ᒋᓴᐅᒋᒪᐎᔪᐛ᙮”

ᒐᓂᓯᔅ 17:20

ᒥᒄ ᒋᑯᔅ ᐃᔅᒪᐃᓪ, ᒋᑭ ᒥᔨᑎᓐ ᐊ ᐃᓯ ᓂᑐᐛᔨᑎᒥᓐ, ᓂᑭ ᓱᐛᔨᑕᑯᐛᐤ᙮ ᒥᒐᑦ ᐊᐛᓴ ᓂᑭ ᒥᔭᐤ ᑭᔭ ᒥᒐᑦ ᐊᓂᔅᑯᑕᐸᓇ ᓂᑭ ᒥᔭᐤ᙮ ᐎᔾ ᒋᑭ ᐅᑕᐎᒪᐅ ᐊ ᓂᓱᓴᐳᔨᒋ ᒋᓴᐅᒋᒪᓴ, ᓂᑭ ᑐᑐᒪᐛ ᐅᑦ ᐊᓂᔅᑯᑕᐸᓇ ᒐᒋ ᒥᒐᑐᔅᑲᓇᓯᔨᒋ᙮

ᒐᓂᓯᔅ 24:60

ᒪᒂᒡ ᑲ ᐛᒋᔭᒪᒡ ᕋᐸᑲᔨᒋ, ᒋ ᐃᔅᒋᔄᐅᒡ ᐅᔭ ᐊᔭᒥᐊᐅᓂᔪᐤ, “ᑭᒪ ᐃᑐᑐᐛᑦ ᒋᓴᒪᓂᑐᐤ ᕋᐸᑲᔨᒋ ᒐᒋ ᐅᑲᐎᒪᐅᔨᒋ ᒋᓴᒥᑕᓯᒥᑎᓄᐤ ᐊᓂᔅᑯᑕᐸᓇ᙮ ᑭᒪ ᒋᓴᒪᓂᑐᐤ ᒥᔭᑦ ᒋᑦ ᐊᓂᔅᑯᑕᐸᓇ ᒐᒋ ᓴᒂᐊᔨᒋ ᐊᓂᔭ ᑲ ᐛᐧᑲᑎᑯᔨᒋ᙮”

ᒐᓂᓯᔅ 26:24

ᐊᓂᔭ ᑕᐱᔅᑲᔨᒡ ᒋ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ᑕᔨᓐ᙮ ᒋᑭ ᒥᔪᑐᑕᑎᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”

ᒐᓂᓯᔅ 33:5

ᐃᔅᐱ ᐎᔭᐱᒪᑦ ᐃᓴᐅ ᐃᔎᐛ ᑭᔭ ᐊᐛᓴ, ᒂ ᑯᒂᒋᒪᑦ, “ᐊᐛᓐᒋ ᐅᒡ ᐃᔪᒡ ᑲᒋ ᐎᒐᐛᐅᒋ ?” ᒐᑭᑉ ᒋ ᐃᑕᐤ, “ᓂᒋ ᒥᔪᑐᑕᒄ ᒋᓴᒪᓂᑐᐤ᙮ ᐊᐛᓴ ᓂᒋ ᒥᔨᒄ᙮”

ᒐᓂᓯᔅ 49:25

ᐊᐅᑯᓐ ᐊᓐ ᐊᔭᒥᐊᔅᑐᐅᒃ ᒋᓴᒪᓂᑐᐤ ᒐ ᐛᐎᒋᐃᔅᒃ᙮ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐ ᒐ ᓱᐛᔨᒥᔅᒃ, ᒐ ᒥᔨᔅᒃ ᓱᐛᔨᒋᒐᐅᓇ ᒋᒋᒋᓯᑯᒡ ᐅᒡ, ᓂᐱᔪᐤ ᒧᔅᒋᒍᐅᓇᐳᒡ ᐅᒡ ᐊᓐᑕ ᑕᒥᔅᑭᒥᑲᒡ ᐅᒡ, ᑭᔭ ᓱᐛᔨᒋᒐᐅᓇ ᒐᒋ ᒥᒐᑎᒡ ᒋᒥᒋᑎᐧᑯᒥᒡ ᑭᔭ ᒋᑦ ᐊᐛᓯᒥᒡ᙮

ᒐᓂᓯᔅ 5:2

ᒋᓴᒪᓂᑐᐤ ᒋ ᐅᓯᐊᐤ ᓇᐸᐛ ᑭᔭ ᐃᔎᐛ ᑭᔭ ᒋ ᒥᔭᐤ ᐅᓱᐛᔨᒋᒐᐅᓐ, ᑭᔭ ᐃᔪᐤ ᒋ ᐃᓯᓂᐧᑲᑕᐤ ᐅᔅᑭᒡ ᑲ ᐅᓯᐊᑦ᙮

ᒐᓂᓯᔅ 6:1

ᐃᔅᐱ ᑲ ᒥᒐᑎᒡ ᐃᔪᒡ ᐅᑕ ᐊᔅᒋᒡ ᑭᔭ ᑲ ᐃᔪᔨᒋ ᐅᑕᓂᓱᐛᐛ,

ᒐᓂᓯᔅ 8:17

ᐎᐎᑕᐃᐧᑯᒡ ᐱᔭᓱᐅᒡ, ᐊᐛᓯᓯᒡ ᑭᔭ ᒥᓐᑐᓯᒡ, ᐊᑯ ᒐᒋ ᐅᑦ ᐊᐛᓯᒥᒡ ᑭᔭ ᒐᒋ ᒥᒐᑎᒡ ᐅᑕ ᒥᓯᐛ ᐊᔅᒋᒡ᙮”

ᒐᓂᓯᔅ 9:1

ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᑭᔭ ᒋ ᐃᑕᐤ ᓄᐛᔨᒋ ᑭᔭ ᐅᑯᓯᔪᐛ, “ᓇᑐᐛᔨᑕᓐ ᒥᓯᐛ ᒐᒂᓐ ᒐᒋ ᐃᓯ ᒥᔪᐱᔨᔭᒄ᙮ ᒐ ᒥᒐᑥᐊᑯᒡ ᒋᑦ ᐊᐛᓯᒧᐛᐅᒡ ᑭᔭ ᒍᓯᒧᐛᐅᒡ, ᐊᑯ ᒐᒋ ᒥᒐᑎᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 9:7

ᒋ ᓂᑐᐛᔨᒥᑎᓇᐛᐤ ᒋᔾ ᑭᔭ ᒋᑐᑕᒥᒡ ᒐᒋ ᒥᒐᑐᓴᔭᒃ, ᐊᑯ ᒐ ᑕᒡ ᐃᔪᒡ ᒥᓯᐛ ᐅᑕ ᐊᔅᒋᒡ᙮”

ᑎᐱᑦ ᐅᓂᑭᒧᐅᓇ 107:38

ᒥᔽᒋᒪᐤ ᑭᔭ, ᒐᒋ ᐅᒋ ᐊᑎ ᓇᔅᒡ ᒥᒐᑎᔨᒋ; ᓇᒪ ᑭᔭ ᒋ ᓇᐊᔨᒪᐤ ᐅᑦ ᐊᐛᐧᑲᓂᒥᔨᐛ ᒐᒋ ᐊᑲ ᒥᒐᑎᔨᒋ᙮

ᑎᐱᑦ ᐅᓂᑭᒧᐅᓇ 115:16

ᒋᒋᒋᓯᑯᒡ, ᒋᓯᒂ ᐅᑎ ᑎᐸᔨᑎᒻ ᑎᐸᔨᒋᒐᓱᐤ: ᒪᒃ ᐊᔅᒋᔪᐤ ᒋ ᒥᔨᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮

ᑎᐱᑦ ᐅᓂᑭᒧᐅᓇ 69:34

ᐊᑯᔅ ᒋᓯᑯᔪᐤ ᑭᔭ ᐊᔅᒋᔪᐤ ᒋᑭ ᒪᒥᒋᒥᑯᐤ, ᐎᓂᐸᑯᔪᐤ, ᑭᔭ ᒥᓯᐛ ᑕᑐᐤ ᒐᒂᓐ ᐊᓐᑕ ᑲ ᐊᔭᒋᐱᔨᒡ᙮

ᑎᐱᑦ ᐅᓂᑭᒧᐅᓇ 8:6

ᔅᒋ ᑎᐸᔨᑎᒥᐊᐤ ᒥᓯᐛ ᒋᑎᒋᒡ ᑲ ᐅᒋ ᐅᓯᑕᔨᓐ; ᒥᓯᐛ ᒐᒂᓇ ᔅᒋ ᐊᔅᑕᐛᓐ ᓯᐸ ᐅᓯᑎᒡ:

ᑎᐱᑦ ᐅᓂᑭᒧᐅᓇ 8:7

ᒥᓯᐛ ᒪᐃᑕᓂᓴ ᑭᔭ ᒥᔅᑐᓴ, ᓂᐦᐃ, ᑭᔭ ᐊᐛᓯᓴ ᓂᑕᐅᒋᒋᑭᓂᒡ ᑲ ᐃᑕᔨᒋ:

1 ᑎᒧᑎ 4:3

ᒋᑭ ᐎ ᒋᑕᐊᒪᒐᐅᒡ ᒐᒋ ᓂᐳᐅᓇᓄᐎᒡ᙮ ᑭᔭ ᒋᑭ ᑎᑯᓂᔪᐤ ᒥᒋᒥᔪᐤ ᐊ ᐎ ᒋᑕᐊᒪᒐᒡ ᒐᒋ ᒥᒋᓇᓄᐎᒡ᙮ ᒋᓴᒪᓂᑐᐤ ᒪᒃ ᒋ ᐅᓯᑕᐤ ᐅᔭ ᒥᒋᒥᔪᐤ ᒐᒋ ᒥᒋᔨᒋ ᐊ ᓂᓇᔅᑯᒧᔨᒋ ᐊᓂᔭ ᑲ ᑕᑈᑎᒥᔨᒋ ᑭᔭ ᑲ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮