ᑲᓚᓯᔭᓇ 4:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᑉᕋᐊᒻ ᐊᒋ ᓂᓯᔨᒋ ᐅᑯᓴ᙮ ᒋ ᓂᓯᔪᐛ ᐃᔎᐛ ᐊᒋ ᐅᑦ ᐊᐛᓯᒥᐧᑯᐛᑦ᙮ ᑯᐸᓇᔎᐛ ᐊᓂᔭᔪᐛ ᐸᐃᒄ, ᐦᐊᐃᑲᕐ ᒋ ᐃᓯᓂᐧᑲᓱᔪᐛ᙮ ᐊᑯ ᐊᓂᔭᔪᐛ ᑯᑎᑲ ᐊᐅᑯᓂ ᐎᐛ, ᓴᕋ ᒋ ᐃᓯᓂᐧᑲᓱᔪᐛ᙮

ᑲᓚᓯᔭᓇ 4:22 ပူးပေါင်းရင်းမြစ်များ

ᒐᓂᓯᔅ 16:15

ᑲᐤ ᒋ ᓂᑐᐛᐱᒪᐤ ᐦᐊᐃᑲᕐ ᐅᒋᒪᔎᒪ᙮ ᐊᑯ ᐦᐊᐃᑲᕐ ᒋ ᓄᑯᐃᒪᐤ ᐊᑉᕋᒪ ᐅᑯᓯᔪᐛ ᑭᔭ ᐃᔅᒪᐃᓪ ᒋ ᐃᓯᓂᐧᑲᑕᐤ ᐊᑉᕋᒻ ᐅᑯᓴ᙮

ᒐᓂᓯᔅ 21:10

ᐊᑯ ᓴᕋ ᐊᑕᑦ ᐊᑉᕋᐊᒪ, “ᐃᒐᑎᓴᐤ ᐊᓐ ᐃᔎᐤ ᐊᑐᔅᒐᔭᑭᓐ ᑭᔭ ᐅᑯᓴ᙮ ᓇᒪ ᓂᑐᐛᔨᒪᔪᐛ ᐅᑯᓴ ᒐᒋ ᑎᐸᔨᑎᒥᔨᒋ ᒐᒂᓂᔪᐤ, ᒋᑯᓯᓄᐤ ᐊᐃᓯᒃ ᒥᓯᐛ ᒐᒂᔪᐤ ᒋᑭ ᑎᐸᔨᑎᒻ᙮”

ᑲᓚᓯᔭᓇ 4:23

ᐃᔅᐱ ᑲ ᐱᒪᑎᓯᔨᒋ ᐅᑦ ᐊᐛᓯᒪ ᐊᓐ ᑯᐸᓇᔎᐤ ᐦᐊᐃᑲᕐ, ᓇᒪ ᒐᒂᓐ ᐅᒋ ᐃᑕᔨᑕᑭᓄᐅᔪᐤ᙮ ᐊᑯ ᐃᔅᐱᔅ ᓴᕋ ᐅᑯᓴ ᐸᒪᑎᓯᔨᒋ ᓇᔅᒡ ᑕᑈ ᒋᒋᐛ ᒋ ᐃᑕᔨᑕᑭᓄᐅᔪᐤ ᐛᔅ ᒋ ᐃᑎᑯᐤ ᒋᓴᒪᓂᑐᐛ ᑕᑈ ᒐ ᐅᑦ ᐊᐛᓯᒥᑦ ᐊᑎ ᐊᒋ ᒋᓴᐃᔎᐅᑦ ᑭᔭ ᐊᑲ ᐅᒋ ᓂᑕᐅᓴᑦ᙮

ᑲᓚᓯᔭᓇ 4:30

ᒥᒄ ᒪᒃ ᒪᐅ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐎᐛᐱᓇᐧᒄ ᐊᓐ ᑯᐸᓇᔎᐤ ᑭᔭ ᐊᓂᔭᔪᐛ ᐅᑯᓴ᙮ ᐛᔅ ᐊᓂᔭ ᐅᑯᓴ ᐅ ᑯᐸᓇᔎᐤ ᑭᔭ ᐊᓂᔭᔪᐛ ᐊᑉᕋᐊᒻ ᐎᐛ ᐅᑯᓯᔪᐛ ᑕᐸ ᓂᑕ ᑕᐱᔅᑯᓐ ᒋᑭ ᐅᒋ ᑎᐸᔨᑎᒧᒡ ᑕᓐ ᒋᐸ ᐃᓯ ᐊᓱᑎᒪᑯᐅᒡ ᐅᑕᐎᐛᐛ᙮

ᑲᓚᓯᔭᓇ 4:31

ᐊᑯ ᒪᒃ ᓂᐧᑲᓂᓯᑐᒄ, ᓇᒪ ᐊᓐ ᑯᐸᓇᔎᐤ ᒋ ᐅᑦ ᐊᐛᓯᒥᑕᑯᓄᐤ᙮ ᐊᓐ ᐃᔎᐤ ᐊᑲ ᑯᐸᓇᔎᐅᑦ ᐊᐅᑯᓐ ᐛᑕᐛᓯᒥᑐᑕᑕᒄ᙮