ᑲᓚᓯᔭᓇ 3:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᒥᓯᐛ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 3:26 ပူးပေါင်းရင်းမြစ်များ

ᒠᓐ 1:7

ᐅ ᒪᒃ ᒠᓐ ᒋ ᐸᒋ ᑎᑯᓯᓄᐤ ᒐᒋ ᑎᐸᑕᐧᒃ ᐛᔅᑕᐅᓂᔪᐤ ᑭᔭ ᒥᓯᐛ ᐊᐛᔪᐛ ᐸᑎᒥᔨᒐᓂ ᐅᔭ ᒥᔽᒋᒧᐅᓂᔪᐤ ᒐᒋ ᑕᑈᑎᒥᔨᒋ᙮

ᒠᓐ 20:17

ᒋᓴᔅ ᒂ ᐃᔅᒋᔄᑦ, “ᐊᑲᐎᔾ ᑕᒋᓂᔾ ᐛᔅ ᓇᒪ ᐊᔅᒄ ᓄᑕᐎᔾ ᐊ ᑕᑦ ᓂ ᐅᒋ ᐃᓯ ᐅᐱᔨᓐ᙮ ᓂᑐᐛᐱᒥᒡ ᓂᐧᑲᓂᓯᒡ ᒐ ᐎᑎᒧᐅᑥᐤ ᒐ ᐅᐱᔪᐅᒡ ᓄᑕᐎᔾ ᑭᔭ ᒋᔨᐛᐤ ᒍᑕᐎᐛᐤ ᐊ ᑕᑦ ᐃᔅ, ᓂᒋᓴᒪᓂᑐᒻ ᑭᔭ ᒋᔨᐛᐤ ᒋᒋᓴᒪᓂᑐᒧᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:19

ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮

2 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ ᑲ ᒥᓯᓇᐃᒐᔭᓐ᙮ ᐎᔾ ᒋᓴᒪᓂᑐᐤ ᑲ ᐅᑎᓂᑦ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᓂᔾ ᑭᔭ ᒋᐧᑲᓂᓯᓄᐤ ᑎᒧᑎ ᑕᐱᔅᑯᓐ ᒋ ᒥᓯᓇᐊᒪᑎᓇᓐ᙮ ᒋᔨᐛᐤ ᒋᓴᒪᓂᑐᐤ ᐊ ᑕᑦ ᑲ ᐃᓯ ᒪᒧᐤ ᐊᔭᒥᐊᔭᒄ ᐊᓐᑕ ᑯᕆᓐᑦ ᐊ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᓐ᙮ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊᑲᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᓂ ᒥᓯᓇᐊᒺᓇᓂᒡ᙮

2 ᑯᕆᓐᑎᔭᓇ 6:18

ᒋᑭ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ᑭᓄᐛᐱᒥᑎᓇᐛᐤ,” ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮

ᑲᓚᓯᔭᓇ 3:28

ᒥᓯᐛ ᐸᐃᑯᓄᒡ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᓇᒪ ᒐᒂᓐ ᐊᓐ ᒍᐤ ᑭᔭ ᒪᒃ ᐊᑲ ᒍᐤ ᐊ ᐃᑎᔅᑲᓇᓱᐛᒂ, ᑭᔭ ᐊ ᐊᐱᒋᐊᑭᓂᐛᒂ ᑭᔭ ᒪᒃ ᐊᑲ ᐊ ᐊᐱᒋᐊᑭᓂᐛᒂ, ᐊ ᓇᐸᐅᐛᒂ ᑭᔭ ᒪᒃ ᐊ ᐃᔎᐅᐛᒂ᙮

ᑲᓚᓯᔭᓇ 4:14

ᓇᒪ ᒪᒃ ᒋ ᐅᒋ ᐊᑐᐛᔨᒥᓇᐛᐤ ᒐᒋ ᐛᐎᒋᐃᔭᒄ ᐊᑎ ᐊᒋ ᐊᔨᒪᓯᓇᒂᒡ ᒐᒋ ᐛᐎᒋᐃᔭᒄ ᑲ ᐃᔅᐱᔅ ᐛᓴ ᒋ ᐊᐧᑯᓯᔭᓐ᙮ ᐃᔭᐱᒡ ᓇᔅᒡ ᑕᑈ ᔅᒋ ᒥᔪ ᑭᓄᐛᔨᒥᓇᐛᐤ, ᒧᔭᒻ ᑕᑈ ᐊᓐᒋᓐ ᒋᒋᒋᓯᑯᒡ ᐊᒋ ᐅᒋ ᒧᐱᔅᑕᑕᒄ ᒪᒃ ᐎᔾ ᒋᓴᔅ ᙭ ᐊᒋ ᒧᐱᔅᑕᑕᒄ ᐊᐅᑯᓐ ᑲ ᐃᓯ ᒥᔪᐧᑯᔭᒄ᙮

ᑲᓚᓯᔭᓇ 5:24

ᐊᓐᒡ ᒪᒃ ᒋᓴᔅ ᙭ᑕ ᑲ ᑎᐱᔨᐛᐅᓯᑐᑕᑯᒡ ᓴᔅ ᒋ ᐎᔭᔨᑎᒧᒡ ᒐ ᐊᑲ ᒋ ᐱᔅᑕᔨᒥᑎᓱᒡ ᑲᐤ ᒐᒋ ᐃᑐᑕᒡ ᑕᓐ ᐛ ᐃᓯ ᐛᒋᐱᔨᒡ ᒐᒋ ᐃᓯ ᒥᒋ ᐱᒪᑎᓯᒡ᙮ ᓇᒪ ᐎ ᒥᒋᑐᑎᒧᒡ ᑕᓐ ᑲ ᐃᓯ ᐸᒋ ᒥᒋᑐᑕᒡ ᐊᓐᑕ ᐃᔅ ᐅᑕᒡ᙮ ᒧᔭᒻ ᑕᑈ ᐊᒋ ᐊᓯᒡ ᒋᔅᑕᔎᑕᒡ ᐅᒥᒐᑎᓯᐅᓄᐛᐤ ᑭᔭ ᐅᒥᒋᓂᑐᐛᔨᑎᒧᐅᓄᐛᐤ ᒋᐱᔭᑎᑯᒡ ᐊᐅᑯᓐ ᑲ ᐃᑎᒡ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᐃᐱᓯᔭᓇ 1:1

ᐊᑈᔅᑕᓐ ᑈᓪ ᓂᔾ, ᒋᓴᒪᓂᑐᐤ ᓂᒋ ᐅᑎᓂᒄ ᒐᒋ ᑎᐸᒋᒥᒋ ᙭ ᒋᓴᓴ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᑕᑈᑎᒪᒄ ᐊᓐᑕ ᐃᐱᓴᔅ ᐊ ᑕᔭᒄ, ᒋᔨᐛᐤ ᒧᔅ ᑲ ᑕᑈᐅᒐᔨᑕᑯᓯᔭᒄ ᐊ ᐎᒐᐛᒄ ᙭ ᒋᓴᔅ᙮

ᐃᐱᓯᔭᓇ 1:5

ᐊ ᓴᒋᐃᑕᐧᒄ ᒋᓴᒪᓂᑐᐤ ᐊᔪᐅᒄ ᐅᔭ ᐛᒋ ᐃᑕᔨᒥᑕᐧᒄ ᐎᔾ ᒐᒋ ᐅᑦ ᐊᐛᓯᒥᑐᑕᑕᐧᒄ ᒋᓴᔅ ᙭ᑕ ᐊ ᑕᔨᒋ ᐅᒡ᙮ ᐊᔪᐅᒄ ᐅᔭ ᑲ ᐃᓯ ᓇᐊᔨᑎᒥᐃᑯᑦ ᒐᒋ ᐃᑎᑦ ᑭᔭ ᐊᔪᐅᒄ ᐅᔭ ᑲ ᐎ ᐃᑎᑦ᙮

ᐃᐱᓯᔭᓇ 5:1

ᓱᒃ ᐎ ᓂᔅᐱᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ, ᐛᔅ ᐊᐅᒄ ᒋᔨᐛᐤ ᐅᑦ ᐊᐛᓯᒪ ᑲ ᓴᒋᐊᑦ᙮

ᐱᓕᐱᔭᓇ 1:1

ᓂᔾ ᑈᓪ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᒋᓴᔅ ᙭ ᑲ ᑕᑈᔭᔨᒪᒄ ᐊᓐᑕ ᐱᓕᐸᐃᒡ ᑲ ᑕᔭᒄ᙮ ᑎᒧᑎ ᑭᔭ ᓂᔾ ᑕᐱᔅᑯᓐ ᓂᑦ ᐊᑐᔅᑯᐛᓇᓐ ᒋᓴᔅ ᙭᙮ ᑭᔭ ᒋᔨᐛᐤ ᑲ ᓂᑲᓂᔅᑯᐛᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᑭᔭ ᒋᔨᐛᐤ ᑲ ᐎᒋᐃᐛᔭᒄ ᐊᓐᑕ ᐊᔭᒥᐊᐅᒋᐛᐱᒡ ᒋ ᒥᓯᓇᐊᒪᑎᓇᓐ᙮

ᐱᓕᐱᔭᓇ 1:8

ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᐊᔅᐱᔅ ᓇᔅᒡ ᐎ ᐎᒐᐅᑎᑯᒡ ᒥᓐ, ᐛᔅ ᙭ ᒋᓴᔅ ᓂᒋ ᐃᑐᑕᒄ ᓇᔅᒡ ᒐᒋ ᓴᒋᐃᑎᑯᒡ᙮

ᐱᓕᐱᔭᓇ 2:15

ᐛᔅ ᐊᐅᒄ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ ᐅᑕ ᐊᔅᒋᒡ ᒪᒂᒡ ᑲ ᒥᒐᑎᓯᒡ ᐊ ᑕᒡ ᐊ ᑕᔭᒄ᙮ ᐊᑯ ᒪᒃ ᓇᒪ ᒋᑭ ᐅᒋ ᑎᑯᓂᔪᐤ ᑕᓐ ᒐᒋ ᐃᓯ ᐊᑕᒪᔨᒥᑕᒄ ᐊᐛᓐ ᑭᔭ ᓇᔅᒡ ᒋᑭ ᐸᔭᒋᓇᑯᓇ ᒋᐱᒪᑎᓯᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᐊ ᒋᐧᑲᔭᔅᑐᐛᒡ ᐊ ᑎᐱᔅᑲᔨᒡ ᐊᐅᑯᓐ ᒋᐸ ᐃᓯ ᐛᓯᓱᐛᓇᐛᐤ ᐅᑕ ᐊᔅᒋᒡ᙮

ᑯᓚᓯᔭᓇ 1:4

ᐛᔅ ᓂᒋ ᐸᑕᓇᓐ ᑕᓐ ᐊ ᐃᓯ ᑕᑈᔭᔨᒪᒄ ᙭ ᒋᓴᔅ ᑭᔭ ᓂᒋ ᐸᑕᓇᓐ ᑕᓐ ᐊᔅᐱᔅ ᓴᒋᐊᑯᒡ ᒥᓯᐛ ᐊᓐᒡ ᑲ ᑕᑈᑕᒡ᙮

ᑯᓚᓯᔭᓇ 2:6

ᓴᔅ ᐊᒋ ᐱᔅᑕᔨᒥᑎᓱᔭᒄ ᐅᑎᐸᔨᒋᒐᐤ ᙭ ᒐᒋ ᑎᐸᔨᒥᑕᒄ ᓱᒃ ᒋᑭ ᐎ ᓂᔅᑐᓇᑯᓐ ᑕᑈ ᐊ ᐎᒐᐛᒄ᙮

ᐸᐃᓕᒪᓐ 1:1

ᓂᔾ ᑈᓪ ᑲ ᒥᓯᓇᐃᒐᔭᓐ᙮ ᑭᔭ ᑎᒧᑎ ᒋᐧᑲᓂᓯᓄᐤ ᑕᐤ ᐅᑕ᙮ ᑲᒪᑯᓄᐛᓯᐅᒋᐛᐱᒡ ᓂ ᑕᓐ ᐊᓄᒡ ᐊᓐ ᐅᒋ ᐊ ᐊᑐᔅᑯᐅᒃ ᒋᓴᔅ ᙭᙮ ᒋᔾ ᓂᐎᒐᐛᑭᓇᓐ ᐸᐃᓕᒪᓐ ᑲ ᒥᓯᓇᐊᒪᑕᓐ ᑭᔭ ᒋᔾ ᑲ ᐊᑐᔅᑯᐅᑦ ᒋᓴᔅ ᒧᔭᒻ ᓂᔭᓐ ᐊ ᐃᓯ ᐊᑐᔅᑯᐅᒋᒡ᙮

ᐸᐃᓕᒪᓐ 1:9

ᒥᒄ ᒪᒃ ᓴᒋᐃᐛᐅᓐ ᓂ ᐃᑐᑕᑯᓐ ᐃᔭᐱᒡ ᒐᒋ ᑯᒂᒋᒥᑕᓐ᙮ ᓇᒪ ᒋᑭ ᐅᒋ ᐊᔨᐧᑭᒥᐃᑎᓐ ᐊ ᐎᑎᒪᑕᓐ ᑕᓐ ᒋᐸ ᐃᑎᓐ ᐊᑎ ᐊ ᒋᓴᐃᔪᔭᓐ ᑭᔭ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᐊᒋ ᐊᔨᒧᒥᒃ ᒋᓴᔅ᙮

ᒋᔅᒐᔨᑕᑯᑕᒐᐅᓐ 21:7

ᐊᐅᒄ ᐅᔭ ᒐ ᐃᓯ ᐊᓂᔅᒐ ᒥᔨᒃ ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ᙮ ᑭᔭ ᓂᔾ ᓂᑭ ᐅᒋᓴᒪᓂᑐᒥᑐᑕᒄ ᑭᔭ ᐎᔾ ᒐ ᐅᑦ ᐊᐛᓯᒥᑐᑐᐅᒃ᙮