ᐊᒃᓱᑕᔅ 38:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐱᓴᓕᓪ ᐅᐦᐅᓕᐊᐸ, ᐊᐦᐃᓴᒪᑲ ᐅᑯᓯᔨᐛ, ᑕᐊᓐ ᐃᔪᐛ ᑲ ᐃᑎᔅᑲᓇᓯᔨᒋ, ᒋ ᐎᒋᐃᑯᐤ᙮ ᐅᐦᐅᓕᐊᑉ ᒋ ᑭᔅᒋᐅᐤ ᐊᐅᓯᑕᑦ ᒐᒂᔪᐤ ᑭᔭ ᐊ ᒥᒪᑕᐅᓯᓇᔨᒐᑦ ᑭᔭ ᐊ ᒥᒪᑕᐅᒂᓱᑦ ᐊ ᐱᔅᑭᓂᓯᔨᒋ ᑭᔭ ᐊ ᐱᒋᒥᓇᑯᓯᔨᒋ ᑭᔭ ᐊ ᒥᐧᑯᓯᔨᒋ ᐊᓯᑭᓇᔭᐱᔭ ᑭᔭ ᐊ ᒥᔽᓯᔨᒋ ᐱᒍᐎᔭᓇ ᐊ ᐊᐱᒋᐊᑦ᙮

ᐊᒃᓱᑕᔅ 38:23 ပူးပေါင်းရင်းမြစ်များ

ᐊᒃᓱᑕᔅ 25:4

ᑲ ᐱᔅᑭᓂᓯᑦ, ᑲ ᐱᒋᒥᓇᑯᓯᑦ ᑭᔭ ᑲ ᒥᐧᑯᓯᑦ ᐊᓯᑭᓂᔭᐱᔾ; ᐊ ᒥᔽᓯᒡ ᐱᒍᐎᔭᓐ; ᒥᔅᑐᓯᔅ ᐅᐱᐎᔭ ᒐ ᐅᒋ ᐅᓯᑕᑭᓄᐅᒡ ᐱᒍᐎᔭᓐ;

ᐊᒃᓱᑕᔅ 26:36

ᒋᑭ ᐅᓯᑕᐅᒡ ᐊᑯᐛᑲᐃᑭᓂᔪᐤ ᒐᒋ ᒋᐸᐃᑭᓄᐅᒡ ᐛᒋ ᐱᒐᓄᐅᒡ ᐸᔭᒋ-ᐱᒍᐎᔭᓂᒋᐛᑉ ᐊ ᒥᔽᔨᒡ ᐱᒍᐎᔭᓂᔪᐤ ᐊ ᐊᐱᒋᑕᒡ ᐊ ᒥᒪᑕᐅᒂᑕᑭᓄᔨᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ᙮

ᐊᒃᓱᑕᔅ 31:2

“ᓂᒋ ᐅᑎᓇᐤ ᐸᓴᓕᓪ, ᔪᕆᔨᒋ ᐅᑕᐎᔪᐤ, ᐦᐅᕐ ᐅᒧᓱᒧᐤ, ᒍᑕ ᐅᒡ ᑲ ᐃᑎᔅᑲᓇᓯᑦ᙮

ᐊᒃᓱᑕᔅ 31:6

ᓂᒋ ᐅᑎᓇᐤ ᐃᔭᐱᒡ ᐅᐦᐅᓕᐊᑉ, ᐊᐦᐃᓴᒪᒃ ᐅᑯᓴ ᑕᐊᓐ ᐃᔪᐛ ᐅᑎᔅᑲᓇᓱᐤ ᒐᒋ ᐎᒋ ᐊᑐᔅᒐᒥᑯᑦ ᐸᓴᓚᓪ᙮ ᐃᔭᐱᒡ ᑭᔅᒋᐅᓂᔪᐤ ᓂᒋ ᒥᔭᐅᒡ ᑯᑎᑭᒡ ᓇᐸᐅᒡ ᒐᒋ ᐅᓯᑕᒡ ᒥᓯᐛ ᒐᒂᔪᐛ ᑲ ᐃᑎᓱᒥᑕᓐ ᒐᒋ ᐅᓯᑕᑭᓄᐅᒋ᙮

ᐊᒃᓱᑕᔅ 35:34

ᐸᓴᓕᓪ ᑭᔭ ᐅᐦᐅᓕᐊᑉ, ᐊᐦᐃᓴᒪᒃ ᐅᑯᓴ, ᑕᐊᓐ ᐊ ᐃᑎᔅᑲᓇᓯᔨᒋ, ᑎᐸᔨᒋᒐᓱᐛ ᒋ ᒥᔨᑯᐅᒡ ᑭᔅᒋᐅᓂᔪᐤ ᒐᒋ ᒋᔅᑯᑎᒧᐛᔨᒋ ᑯᑎᑲ ᐊᐛᔪᐛ᙮

ᐊᒃᓱᑕᔅ 36:1

ᒥᓯᐛ ᐊᐛᓐ ᑲ ᒥᔨᑯᑦ ᑭᔅᒋᐅᓂᔪᐤ ᑎᐸᔨᒋᒐᓱᐛ ᒧᔭᒻ ᐸᓴᓕᓪ ᑭᔭ ᐅᐦᐅᓕᐊᑉ ᑭᔭ ᑯᑎᑭᒡ ᐊᑕᒡ, ᐊᑐᔅᑲᔅᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒥᓯᐛ ᒋᑭ ᐎ ᐃᑐᑎᒧᒡ ᒐᒂᔪᐤ ᑲ ᐃᑎᓱᒥᑯᒡ ᑎᐸᔨᒋᒐᓱᐛ᙮