ᐊᒃᓱᑕᔅ 37:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ25 ᐱᓴᓕᓪ ᒋ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᒐᒋ ᓯᔅᑲᐃᑭᓂᔨᒋ ᐎᒋᒪᓯᑭᓇ, ᐊᑲᓯᐊ ᒥᔅᑎᒂ ᒋ ᐊᐱᒋᐊᐤ᙮ ᒋ ᑭᒋᒐᔭᐤ ᐊᓐ ᐱᔅᑎᓂᒐᐅᓇᐱᔅᒄ ᑭᔭ ᔭᓇᐅᑕᑐᓴᑉ ᒥᒋᒋᓐ ᒋ ᐃᔅᐱᓯᑕᐤ ᑭᔭ ᓂᔅᑐᔪᐤ ᐊᓱ ᐊᓱᑕᒡ ᒥᒋᒋᓐ ᒋ ᐃᔅᐱᔅ ᐃᔅᐸᓂᑕᐤ ᑭᔭ ᒧᔭᒻ ᒥᒋᑎᒂ ᐅᑦ ᐊᔅᑭᓂᔨᐛ ᐊᐅᒡ ᓴᑲᔅᑯᒧᔨᒋ ᐊᓐᑕ ᑕᐧᑯᒡ ᓇᐤ ᐊ ᒋᒐᔭᔨᒋ ᒋ ᐃᓯᓇᑯᑕᐤ᙮ ᐸᐃᑯᑕᐤ ᒥᔅᑎᒂ ᒋ ᐊᐱᒋᐊᐤ ᐊᓂᔭ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ᙮ အခန်းကိုကြည့်ပါ။ |
ᐊᑯᑕ ᐊᓐᑕ ᑲ ᑎᒂᒡ ᑲ ᐎᔄᐅᓱᓇᔭᐱᔅᑯᐅᒡ ᐱᔅᑎᓂᒐᐅᓇᐱᔅᒄ ᐊᓐᑕ ᑲᒋ ᐃᔎᓯᑭᓄᐅᒋ ᑲᐎᒋᒪᑯᓯᔨᒋ᙮ ᑭᔭ ᒋ ᑎᑯᓐ ᐊᓐᑕ ᒥᔅᑎᑯᒥᐅᑦ ᐱᓯᒄ ᐎᔄᐅᓱᓇᔭᐱᔅᒄ ᐊᒋ ᐃᓯᓇᒂᒡ ᐊᓐᑕ ᐛᔅᑲ ᑭᔭ ᐊᓐᑕ ᐱᒡ ᐊᐅᑯᓐ ᑲ ᐃᓯᓇᒂᒡ᙮ ᐊᑯᑕ ᑲ ᐱᒋᑎᒡ ᑭᔭ ᐊᓐ ᐳᑎᔾ ᑲ ᐎᔄᐅᓱᓇᔭᐱᔅᑯᐅᒡ ᐊᓐᑕ ᑲ ᐱᒋᓯᐧᒃ ᐊᓐ ᐸᒂᓯᑭᓐ ᒪᓇ ᑲ ᐃᓯᓂᐧᑲᑕᑭᓄᐅᑦ᙮ ᑭᔭ ᐊᓂᔭ ᐊᕋᓐ ᐅᓯᔅᑲᐅᓇᑎᒄ ᑲ ᓂᐱᓯᔪᓂᔨᒡ ᐊᑯᑕ ᑲ ᐱᒋᑎᓂᔨᒡ ᑭᔭ ᐊᓐᒡ ᓂᓱ ᑲ ᐱᐱᒋᓯᒡ ᐊᓯᓂᔨᒡ ᐊᓐᑕ ᑲ ᒥᓯᓇᐃᑭᓄᐅᒋ ᐊᓂᔭ ᐸᐃᑯᔪᐤ ᐃᑎᓱᐛᐅᓇ ᐊᑯᑕ ᑲ ᐱᒋᑎᒋ᙮