ᐊᒃᓱᑕᔅ 34:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᒥᓯᓇᑕᐊᒥᓐ ᐅᔭ ᐃᔨᒧᐅᓇ ᑲ ᐎᑎᒪᑕᓐ᙮ ᐅᔭ ᐅᒡ ᑲ ᒥᔨᑕᓐ ᐎᓱᐛᐅᓇ, ᒋᒋ ᓂᔅᑯᒧᐅᓐ ᒋ ᐃᑐᑎᒪᑎᓐ ᐊᓯᒡ ᐃᔅᕋᐃᓪ ᐃᔪᒡ᙮”

ᐊᒃᓱᑕᔅ 34:27 ပူးပေါင်းရင်းမြစ်များ

ᐊᒃᓱᑕᔅ 17:14

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᒥᓯᓇᑕᒥᓐ ᐅ ᑲᒪᓯᐧᑲᑐᓇᓄᐅᒡ, ᑭᔭ ᒐ ᐃᔨᒥᑐᐅᑦ ᐅᔭ ᒐᓱᐛ ᐅᓴᒻ ᓂᑭ ᑐᑕᓐ ᒐᒋ ᐅᓂᒋᔅᒋᑐᐛᑭᓄᐅᒡ ᐊᒪᓕᒃ ᐃᔪᒡ᙮”

ᐊᒃᓱᑕᔅ 24:4

ᐊᑯ ᒧᓱᔅ ᒋ ᒥᓯᓇᑕᐊᒻ ᒐᒂᔪᐤ ᑎᐸᔨᒋᒐᓱᐛ ᑲ ᐃᔅᒋᔄᔨᒋ᙮ ᐎᐱᒡ ᒋᔭᒋᓴᐸᔭᐱᓂᔨᒡ ᒋ ᐅᓂᔪᐤ᙮ ᒋ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᓂᑕᒥᑎᓇᒡ ᑭᔭ ᒂ ᒋᒥᑐᐛᑦ ᓂᓴᑉ ᐊ ᒪᒥᓴᔨᒋ ᐊᓯᓂᔭ, ᐸᐸᐃᒄ ᐊᓂᔭ ᒥᓯᐛ ᓂᓴᑉ ᐊ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ᙮

ᐊᒃᓱᑕᔅ 24:7

ᒂ ᐃᔨᒥᑐᐛᑦ ᐃᔪᐛ ᐊᓂᔭ ᑲ ᒥᓯᓇᑕᐊᐧᒃ ᒥᓯᐛ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔨᐛ ᑭᔭ ᐅᑦ ᐊᓱᑎᒪᒐᐅᓂᔨᐛ, ᐊᑯ ᒂ ᐃᔅᒋᔄᒡ ᐊᓐᒡ ᐃᔅᕋᐃᓪ ᐃᔪᒡ, “ᓂᑭ ᓇᐃᑐᐛᓇᓐ ᑎᐸᔨᒋᒐᓱᐤ ᑭᔭ ᒥᓯᐛ ᓂᑭ ᐃᑐᑎᒺᓇᓐ ᑲ ᐃᑎᓱᒥᔨᒥᑦ !”

ᐊᒃᓱᑕᔅ 34:10

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐊᓄᒡ ᓂ ᐃᑐᑎᒧᐛᐅᒡ ᐃᔅᕋᐃᓪ ᐃᔪᒡ ᓂᔅᑯᒥᑐᐅᓂᔪᐤ, ᐅᑎᔅᑯᐤ ᐊᔨᑕᒡ ᐃᔪᒡ ᓂᑭ ᑐᑕᓐ ᒪᒥᔅᑲᒡ ᒐᒂᓇ ᐊᑲ ᓂᑕ ᐛᐸᑕᑭᓄᐅᒋ ᐅᑕ ᐊᔅᒋᒡ᙮ ᒥᓯᐛ ᐃᔪᒡ ᒋᑭ ᐛᐸᑎᒧᒡ ᐅᔭ ᑭᔭ ᒋᑭ ᒋᔅᒐᔨᑎᒧᒡ ᓂᔾ, ᑎᐸᔨᒋᒐᓱᐤ, ᒐ ᐃᑐᑎᒧᐅᒂᐤ ᒪᒥᔅᑲᒡ ᒐᒂᔪᐛ᙮