ᐊᒃᓱᑕᔅ 33:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐃᔅᐱ ᒥᔭᓂᑲᓱᑥᐎ ᐃᔅᕋᐃᓪ ᐃᔪᒡ, ᒧᓱᔅ ᒋ ᐅᑎᓂᒻ ᑲ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ ᑭᔭ ᐛᔪᐎᔅ ᐊᓐᑕ ᐛᒋᓇᓄᐎᒡ ᐅᒡ ᒋ ᒋᒥᑕᐤ᙮ ᐊᑯ ‘ᑲ ᓂᒋᔅᑲᑎᓇᓄᐅᒡ ᐸᔭᒋ ᐱᒍᐎᔭᓂᒥᒋᐛᑉ,’ ᒋ ᐃᓯᓂᐧᑲᑎᒻ᙮ ᒥᒄ ᐊᐛᓐ ᐛ ᐃᔨᒪᐊᑦ ᑎᐸᔨᒋᒐᓱᐛ ᐊᑯᑕ ᑲ ᐃᑐᑕᑦ᙮

ᐊᒃᓱᑕᔅ 33:7 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 10:1

ᒐᒂᓐ ᐛᔪᐤ ᐛᒋ ᓂᐳᔨᓐ, ᐅ ᑎᐸᔨᒋᒐᓱᐤ ? ᒐᒂᓐ ᐛᒋ ᑲᓱᔨᓐ ᒪᒂᒡ ᐊ ᐊᔨᒥᐅᒋᓯᑲᒋ ?

ᑎᐱᑦ ᐅᓂᑭᒧᐅᓇ 27:8

ᐃᔅᐱ ᑲ ᐃᔅᒋᔄᔨᓐ, “ᓇᓂᑐᐛᐸᑎᒧᒄ ᓂᑕᔅᑎᒥᐧᒄ,” ᓂᑕᐃ ᔅᒋ ᐃᑎᑯᓐ, “ᒋᑕᔅᑎᒥᐧᒄ, ᑎᐸᔨᒋᒐᓱᐤ, ᓂᑭ ᓇᓂᑐᐛᐸᑕᓐ᙮”

ᑎᐱᑦ ᐅᓂᑭᒧᐅᓇ 35:22

ᐅᔭ ᔅᒋ ᐛᐸᑕᓐ, ᐅ ᑎᐸᔨᒋᒐᓱᐤ: ᐊᑲᐎᔾ ᒋᐱᑐᐛ ᐅ ᑎᐸᔨᒋᒐᓱᐤ, ᐊᑲᐎᔭ ᔭᐛᐱᒥ᙮

ᐊᒃᓱᑕᔅ 18:12

ᐊᑯ ᒐᑦᕈᐤ ᒂ ᐸᑕᑦ ᐱᔅᑎᓂᒐᐅᓂᔪᐤ ᒐᒋ ᐃᔎᓴᑭᓄᐎᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᒐᒋ ᒥᔭᑭᓄᐅᑦ ᒋᓴᒪᓂᑐᐤ᙮ ᐊᕋᓐ ᑭᔭ ᐃᔅᕋᐃᓪ ᐅᒋᒪᐅᒡ ᒋ ᑎᑯᓯᓄᐅᒡ ᒐᒋ ᒥᒋᓱᐅᒡ ᐊᓐᑕ ᐊᔭᒥᐊᓄᐎᒡ᙮ ᐊᕈᓐ ᒋ ᑎᑯᓯᓄᐤ ᐊ ᐎᒐᐛᑦ ᒥᓯᐛ ᐃᔅᕋᐃᓪ ᐅᒋᒪᐅᒡ ᒐᒋ ᐎᒋᒥᒋᓱᒪᒡ ᒧᓱᓴ ᐅᒋᓴᐃᒥᔪᐛ ᐅᑎᔅᑯᐤ ᒋᓴᒪᓂᑐᐛ᙮

ᐊᒃᓱᑕᔅ 18:7

ᐊᑯ ᒧᓱᔅ ᒂ ᓇᒋ ᓂᒋᔅᑯᐛᑦ ᐅᒋᓴᐃᔨᒪ, ᒂ ᓂᐱᔅᑯᐱᔅᑐᐛᑦ ᑭᔭ ᒂ ᓱᐛᔨᒪᑦ ᐊᓐᑕ ᐅᑕᒥᐧᑭᓂᒡ᙮ ᒋ ᑎᒥᔅᑲᑐᐅᒡ ᑭᔭ ᒂ ᐱᒐᒡ ᐊᓐᑕ ᐱᒍᐎᔭᓂᒋᐛᐱᒡ᙮

ᐊᒃᓱᑕᔅ 33:6

ᐊᑯ ᑲᒋ ᓂᑭᑕᒡ ᓴᐃᓇᐃ ᐱᔅᑯᑎᓇᔪᐤ, ᓇᒪ ᓴᔅ ᐅᒋ ᐳᔅᑭᒧᒡ ᐃᔅᕋᐃᓪ ᐃᔪᒡ ᐛᐛᓯᐅᓇᐱᔎ᙮

ᐊᒃᓱᑕᔅ 33:8

ᑕᑥᐤ ᐊ ᑐᑕᒋ ᒧᓱᔅ ᐊᓐᑕ ᑲ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ, ᒥᓯᐛ ᐊᐛᓐ ᒋᐱᔎᒡ ᑎᐱᔨᐛ ᐅᐱᒍᐎᔭᓂᒋᐛᐱᒡ ᒋ ᓇᓂᐳᐤ ᐊ ᑭᓄᐛᐱᒪᑦ ᒧᓱᓴ ᐸᑐᔅ ᑲᒋ ᐱᒐᔨᒋ ᑲ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ᙮

ᐃᑉᕈᐛ 8:2

ᒋᒋᒋᓯᑯᒡ ᑎᑯᓐ ᒋᒋᐛ ᐊᔭᒥᐊᐤ ᒥᒋᐛᐸ᙮ ᐱᒡ ᒪᒃ ᐊᓐ ᒋᒋᐛ ᐊᔭᒥᐊᐤ ᒥᒋᐛᐸ ᐊᑯᑕ ᐊ ᑎᒂᒡ ᐊᓐ ᐊ ᐱᔅᒋᒐᔭᒡ ᒪᐅᒡ ᐊ ᒋᔅᑕᔨᑕᒂᒡ᙮ ᐊᑯᑕ ᒪᒃ ᒋᓴᐊᔭᒥᐊᐅᒋᒪᐤ ᐊᑐᔅᒐᑦ ᐅ ᒋᒋᓴᐊᔭᒥᐊᐅᒋᒪᒥᓄᐤ᙮ ᐎᔾ ᐅᑎᐸᔨᒋᒐᐤ ᒋ ᐎᔨᑲᐳᐅᑕᐤ ᐊᓂᔭ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ᙮ ᓇᒪ ᐎ ᓇᐸᐤ ᐅᒋ ᐎᔨᑲᐳᐅᑕᐤ᙮