ᐊᒃᓱᑕᔅ 31:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᓂᒋ ᐅᑎᓇᐤ ᐃᔭᐱᒡ ᐅᐦᐅᓕᐊᑉ, ᐊᐦᐃᓴᒪᒃ ᐅᑯᓴ ᑕᐊᓐ ᐃᔪᐛ ᐅᑎᔅᑲᓇᓱᐤ ᒐᒋ ᐎᒋ ᐊᑐᔅᒐᒥᑯᑦ ᐸᓴᓚᓪ᙮ ᐃᔭᐱᒡ ᑭᔅᒋᐅᓂᔪᐤ ᓂᒋ ᒥᔭᐅᒡ ᑯᑎᑭᒡ ᓇᐸᐅᒡ ᒐᒋ ᐅᓯᑕᒡ ᒥᓯᐛ ᒐᒂᔪᐛ ᑲ ᐃᑎᓱᒥᑕᓐ ᒐᒋ ᐅᓯᑕᑭᓄᐅᒋ᙮

ᐊᒃᓱᑕᔅ 31:6 ပူးပေါင်းရင်းမြစ်များ

ᐊᒃᓱᑕᔅ 28:3

ᒐ ᐎᑎᒧᐅᑥᐤ ᑲ ᑭᔅᒋᐅᒡ ᐊᑐᔅᒐᒡ ᐊᓐᒡ ᑲ ᒥᔨᑲᐤ ᒐᒋ ᐊᔭᒡ ᑭᔅᒋᐅᓂᔪᐤ ᒐᒋ ᐅᓯᑎᒧᐛᒡ ᐊᕋᓇ ᐊᐱᒋᑕᐅᓇ ᒐᒋ ᐳᔅᑲᐧᒃ ᐃᔅᐱᔾ ᐱᔅᑎᓇᑭᓄᐅᒐ ᒐᒋ ᐊᑐᔅᑯᐅᑦ ᐊ ᐊᔭᒥᐊᐅᒋᒪᐅᑦ᙮

ᐊᒃᓱᑕᔅ 31:5

ᒋᑭ ᒋ ᒪᑎᓱᒻ ᑲ ᓱᓇᔭᐎᔨᒋ ᐊᓯᓂᔭ ᒐᒋ ᒋᑭᒧᑕᑦ ᐎᔄᐅᓱᓇᔭᒡ ᐊᓐᑕ ᐛᔅᑲ ᐊᓯᓂᒡ ᑭᔭ ᐊ ᒧᐧᑯᑕᑦ ᒥᔅᑎᒂ ᑭᔭ ᒐᒋ ᑐᑕᐧᒄ ᐊᑭᔅᒋᑕᑦ ᐊᐅᓯᑕᑦ ᒐᒂᔪᐛ᙮

ᐊᒃᓱᑕᔅ 35:10

ᑲᓄᐛᔨᑎᒧᒂ ᐊᐛᓐ ᑭᔅᒋᐅᓂᔪᐤ ᒋᐸ ᐅᓯᑕᐤ ᐊᓂᔭ ᒐᒂᔪᐛ ᑎᐸᔨᒋᒐᓱᐤ ᑲ ᐃᑎᓱᐛᑦ᙮

ᐊᒃᓱᑕᔅ 35:34

ᐸᓴᓕᓪ ᑭᔭ ᐅᐦᐅᓕᐊᑉ, ᐊᐦᐃᓴᒪᒃ ᐅᑯᓴ, ᑕᐊᓐ ᐊ ᐃᑎᔅᑲᓇᓯᔨᒋ, ᑎᐸᔨᒋᒐᓱᐛ ᒋ ᒥᔨᑯᐅᒡ ᑭᔅᒋᐅᓂᔪᐤ ᒐᒋ ᒋᔅᑯᑎᒧᐛᔨᒋ ᑯᑎᑲ ᐊᐛᔪᐛ᙮

ᐊᒃᓱᑕᔅ 35:35

ᒥᓯᐛ ᒐᒂᔪᐤ ᒐᒋ ᐅᓯᑕᔨᒋ ᐊ ᐃᓯ ᒥᔪᓇᑯᓂᔨᒡ ᑭᔭ ᐊ ᐃᓯ ᒥᔽᔨᒡ ᑭᔭ ᐃᔭᐱᒡ ᒐᒋ ᐎᓯᓇᑕᒥᔨᒋ ᒐᒂᔪᐤ ᐊᓐᑕ ᐛᒋ ᒥᔽᓯᔨᒡ ᐱᒍᐎᔭᓂᔪᐤ ᐊ ᐱᔅᑭᓂᓯᔨᒋ ᑭᔭ ᐊ ᐱᒋᒥᓇᑯᓯᔨᒋ ᑭᔭ ᐊ ᒥᐧᑯᓯᔨᒋ ᐊᓯᑭᓂᔭᐱᔭ ᐊᐱᒋᐊᔨᒋ᙮

ᐊᒃᓱᑕᔅ 35:4

ᐊᑯ ᒧᓱᔅ ᑲ ᐃᑕᑦ ᒥᓯᐛ ᐃᔅᕋᐃᓪ ᐃᔪᐛ, “ᐊᐅᑯᔪᐤ ᐅᔭ ᑲ ᐃᑎᓱᐛᑦ ᑎᐸᔨᒋᒐᓱᐤ ᒐᒋ ᐃᑐᑎᒺᒄ:

ᐊᒃᓱᑕᔅ 36:8

ᒥᓯᐛ ᐊᐛᓐ ᑲ ᑭᔅᒋᐅᑦ ᐊ ᐅᓯᑕᑦ ᒐᒂᔪᐤ ᒋ ᐎᒋᐃᐛᐤ ᐊ ᐅᓯᑕᑭᓂᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮ ᐸᐃᑯᔪᐤ ᐊ ᒥᔽᓯᔨᒋ ᐱᒍᐎᔭᓇ ᐊ ᐊᐱᒋᑕᒡ, ᐊ ᓂᔅᑯᐛᐱᔅᑕᐛᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ᙮ ᒐ ᒥᒪᑕᐅᒂᑕᐅᒡ ᐊᓐᑕ ᐊᐛᓯᓴ ᐊ ᐅᑎᑎᑭᓄᐎᒋ᙮

ᐊᒃᓱᑕᔅ 38:23

ᐱᓴᓕᓪ ᐅᐦᐅᓕᐊᐸ, ᐊᐦᐃᓴᒪᑲ ᐅᑯᓯᔨᐛ, ᑕᐊᓐ ᐃᔪᐛ ᑲ ᐃᑎᔅᑲᓇᓯᔨᒋ, ᒋ ᐎᒋᐃᑯᐤ᙮ ᐅᐦᐅᓕᐊᑉ ᒋ ᑭᔅᒋᐅᐤ ᐊᐅᓯᑕᑦ ᒐᒂᔪᐤ ᑭᔭ ᐊ ᒥᒪᑕᐅᓯᓇᔨᒐᑦ ᑭᔭ ᐊ ᒥᒪᑕᐅᒂᓱᑦ ᐊ ᐱᔅᑭᓂᓯᔨᒋ ᑭᔭ ᐊ ᐱᒋᒥᓇᑯᓯᔨᒋ ᑭᔭ ᐊ ᒥᐧᑯᓯᔨᒋ ᐊᓯᑭᓇᔭᐱᔭ ᑭᔭ ᐊ ᒥᔽᓯᔨᒋ ᐱᒍᐎᔭᓇ ᐊ ᐊᐱᒋᐊᑦ᙮

ᐊᒃᓱᑕᔅ 6:26

ᐸᐃᑯᑕᐤ ᐊᓂᔭ ᐊᕋᓇ ᑭᔭ ᒧᓱᓴ ᑎᐸᔨᒋᒐᓱᐤ ᑲ ᐃᑕᑦ ᒐᒋ ᔅᑐᑕᐊᔨᒋ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑦ ᐊᔅᒋᒡ ᐅᒡ᙮

ᓗᒃ 10:1

ᐃᔅᐱ ᑲᒋ ᐃᔅᐱᔨᒡ ᐊᓐ ᑕᓐ ᑲ ᐃᔅᐱᔨᒡ ᐅᑎᐸᔨᒋᒐᐤ ᒋ ᐅᑎᓇᐤ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᑯᑎᑲ ᐊᐛᔪᐛ ᒐ ᐅᒋᔅᒋᓄᐊᒧᐛᑭᓐᑦ ᐊᑯ ᒂ ᓂᑲᓂᑎᓴᐛᑦ ᐊ ᓇᓂᓱᑕᔨᒋ᙮ ᒋ ᐃᑕᐤ ᒥᓯᐛ ᐅᑕᓇᒡ ᒐᒋ ᐃᑐᑕᔨᒋ ᒥᓯᐛ ᐊᓐᑕ ᒐ ᐃᑐᑕᒂ, ᑭᔭ ᒥᓯᐛ ᐊᓐᑕ ᐊ ᐊᑎ ᐃᑕᔨᒋ ᐊᐛᔪᐛ᙮

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᒋᒥᔅ ᐅᒥᓯᓇᐊᒪᒐᐅᓐ 1:5

ᐊ ᑕᒂ ᐊᐛᓐ ᐊᑲ ᒋᔅᒐᔨᑕᐧᒃ ᑕᓐ ᐊᓐ ᒐ ᐃᓯᑲᐳᔅᑕᐧᒃ ᒐᒂᔪᐤ ᐊ ᓂᒋᔅᑲᐧᒃ ᒋᓴᒪᓂᑐᐛ ᒋᐸ ᓂᑐᑎᒧᐛᐤ ᑭᒐᑕᐛᔨᑎᒧᐅᓂᔪᐤ᙮ ᒋᑭ ᒥᔨᑯᐤ ᒪᒃ᙮ ᐛᔅ ᒋᓴᒪᓂᑐᐤ ᐛᔪᐅᒡ ᒥᔭᐤ ᒥᓯᐛ ᐊᐛᔪᐛ ᑕᓐ ᐊ ᐃᓯ ᓂᑐᐛᔨᑎᒪᑯᑦ ᒐᒂᔪᐤ᙮