ᐊᒃᓱᑕᔅ 31:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᓱᑕᒡ ᑕᑐᐤ ᒋᓯᑲᐛ ᒋᑭ ᐊᑐᔅᒐᓐ, ᒋᑭ ᑐᑕᓐ ᑭᔭ ᒥᓯᐛ ᒐᒂᓐ ᐊ ᑎᒂᒡ ᒐ ᐃᑐᑎᒥᓐ, ᒥᒄ ᓂᔄᐅᑕᒡ ᐊ ᒋᓯᑲᒡ ᐊᔪᐅᒄ ᐅᑦ ᐊᔽᓯᐅᒋᓯᑲᒻ ᑎᐸᔨᒋᒐᓱᐤ ᒋ ᒋᓴᒪᓂᑐᒻ, ᐊᐛᓐ ᒐ ᐊᑐᔅᒐᒂ ᐅᔭ ᒋᓯᑯᔪᐤ ᒋᑭ ᓂᐸᐊᑭᓄᐤ᙮

ᐊᒃᓱᑕᔅ 31:15 ပူးပေါင်းရင်းမြစ်များ

ᒐᓂᓯᔅ 2:2

ᑲ ᐅᑎᒋᐱᔨᒡ ᓂᔄᐅᑕᒡ ᐊ ᒋᓯᑲᔨᒡ, ᒋᓴᒪᓂᑐᐤ ᒋ ᐊᔽᓯᐤ ᑲᒋ ᒥᓯᐛ ᒋᔅᑕᑦ ᐅᑦ ᐊᑐᔅᒐᐅᓐ᙮

ᐊᒃᓱᑕᔅ 16:23

ᒧᓱᔅ ᒂ ᐃᑕᑦ “ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ᐃᑎᓱᒥᑕᒄ: ᐛᐸᒐ, ᐊᐅᒄ ᐊᓐ ᒋᓱᒄ ᒐ ᐎ ᐊᔅᑕᔭᔅᑯᓯᔭᒄ ᐛᔅ ᐊᐅᒃ ᐊᓐ ᒋᓯᒄ ᐊ ᒋᔅᑕᔨᒪᑭᓄᐅᑦ ᑎᐸᔨᒋᒐᓱᐤ᙮ ᒐ ᐱᒥᓄᐛᔭᒄ ᑭᔭ ᒐ ᐅᓯᒪᒄ ᒐᒂᓐ ᐛ ᐅᓯᒪᒄ᙮ ᑭᔭ ᐃᔅᑯᐱᔭᒂ ᒥᒋᒻ ᒐ ᑭᓄᐛᔨᑎᒪᒄ ᐃᔅᐱᔅ ᒐᒋᓴᐸᔭᒐ᙮”

ᐊᒃᓱᑕᔅ 16:26

ᐊᓯᑯᒻ ᒥᓇᔅᑕᑭᓇ, ᒋᑭ ᐎ ᒪᒧᓴᒋᓇᐛᐤ ᐸᒂᓯᑭᓐ᙮ ᒥᒄ ᐊ ᓂᔄᐅᑕᒡ ᐊ ᒋᓯᑲᒡ ᐊᓐ ᒋᓯᒄ ᐊ ᒪᒥᒋᒪᑭᓄᐅᑦ ᑎᐸᔨᒋᒐᓱᐤ, ᓇᒪ ᒋᑭ ᒥᔅᑲᓇᐛᐤ ᒥᒋᒻ ᐎᐎᑎᒥᒡ᙮”

ᐊᒃᓱᑕᔅ 23:12

ᒋᑭ ᒋ ᐊᑐᔅᒐᓇᐛᐤ ᐊᓱᑕᒡ ᑕᑐᐤ ᒋᓯᑲᐛ ᐃᔅᐱᔅ, ᒥᒄ ᓂᔄᐅᑕᒡ ᐊᒋᓯᑲᒡ ᒋᑭ ᐎ ᐊᔅᑕᔭᔅᑯᓯᓇᐛᐤ ᑭᔭ ᐊᓐᒡ ᑲᑐᔅᑲᐊᑯᒡ ᒋᑦ ᐊᐛᓯᓯᒧᐛᐅᒡ, ᑭᔭ ᒋᑦ ᐊᐱᒐᑭᓄᐛᐅᒡ ᑭᔭ ᐊᓐᒡ ᐊ ᒪᓐᑕᐅᒡ ᐊᑕᒡ ᐊᑕᔭᒄ᙮ ᒋᑭ ᐎ ᒥᔭᐛᐅᒡ ᒐᒋ ᐊᔅᑕᔭᔅᑯᓯᒡ᙮

ᐊᒃᓱᑕᔅ 31:14

ᒋᑭ ᐎ ᓇᐃᑕᓐ ᓂᑦ ᐃᑎᓱᐛᐅᓇ ᐊ ᓇᑭᑐᐛᔨᑕᑭᓄᐅᒡ ᐊᔽᓯᐅᒋᓯᑲᒡ ᐛᔅ ᒋᒋᐛ ᐸᔭᐧᑭᓐ᙮ ᐊᐛᓐ ᐊᑲ ᓇᓴᐊᐧᒃ ᓂᑦ ᐃᑎᓱᐛᓂᔪᐤ ᑭᔭ ᒐ ᐊᑐᔅᒐᒂ ᐊᓂᔭ ᒋᓯᑯᔪᐤ, ᒋᑭ ᓂᐸᐊᑭᓄᐤ᙮

ᐊᒃᓱᑕᔅ 31:16

ᒥᓯᐛ ᐊᐛᓐ ᒐ ᐊᑎ ᐊᓂᔅᒐ ᐱᒪᑎᓯᑦ ᐃᔅᕋᐃᓪ ᐊ ᐃᑎᔅᑲᓇᓯᑦ ᒋᑭ ᐎ ᒋᔅᑕᔨᑎᒻ ᐅᔭ ᒋᓯᑯᔪᐤ ᒐᒋ ᒋᔅᒋᑎᒪᒄ ᓂᔅᑯᒧᐅᓐ ᑲ ᐃᑐᑎᒪᑎᑯᒡ ᒧᔅ ᑲᒋᒡ ᒐ ᑎᒂᒡ᙮

ᐊᒃᓱᑕᔅ 31:17

ᐊᐅᒄ ᐅ ᒐᒋ ᐅᒋ ᒋᔅᒋᑎᒪᒄ ᓂᔾ ᑎᐸᔨᒋᒐᓱᐤ ᐊᓱᑕᒡ ᑕᑐᐤ ᒋᓯᑲᐛ ᐃᔅᐱᔅ ᑲ ᐅᓯᑕᔭᓐ ᒋᒋᒋᓯᒄ ᑭᔭ ᐊᔅᒋᔾ ᒥᒄ ᐊᓐ ᓂᔄᐅᑕᒡ ᒋᓯᒄ ᓂᒋ ᐊᔅᑕᔭᔅᑯᓯᓐ᙮”

ᐊᒃᓱᑕᔅ 34:21

ᐊᓱᑕᒡ ᑕᑐᐤ ᒋᓯᑲᐛ ᒋᑭ ᐊᑐᔅᒐᓇᐛᐤ ᐊᑯ ᓂᔄᐅᑕᒡ ᐊ ᒋᓯᑲᒡ ᒋᑭ ᐊᔭᔅᑕᔅᑯᓯᓇᐛᐤ᙮ ᐊᑎᓱᐧᒄ ᒐ ᒋᐱᓇᓄᒋ ᐊ ᓂᑕᐅᒋᒐᓄᐅᒡ ᑭᔭ ᐊ ᒪᒧᓴᒋᓇᑭᓄᐅᒡ᙮

ᐊᒃᓱᑕᔅ 35:2

ᐊᓱᑕᒡ ᑕᑐᐤ ᒋᓯᑲᐛ ᒋᑭ ᐃᔅᐱᔅ ᐊᑐᔅᒐᓇᐛᐤ᙮ ᒥᒄ ᐊᓐ ᓂᔄᐅᑕᒡ ᐊ ᒋᓯᑲᒡ ᒋᑭ ᐎ ᐊᔭᔅᑕᔭᔅᑯᓯᓇᐛᐤ, ᐊᐅᑯᓐ ᐊ ᐸᔭᒋ ᒋᓴᑲᒡ ᑎᐸᔨᒋᒐᓱᐤ ᑕᐸᔨᑕᐧᒃ, ᐊᐛᓐ ᒐ ᐊᑐᔅᒐᒂ ᐊᓂᔭ ᒋᓯᑯᔪᐤ ᒋᑭ ᓂᐸᐊᑭᓄᐤ᙮

ᐊᒃᓱᑕᔅ 35:3

ᒐ ᐊᑲ ᐃᔭᐱᒡ ᑯᑐᐛᔭᒄ ᒋᒋᐛᐛᒡ ᐊᓐ ᒋᓯᒄ᙮”

ᓗᒃ 13:14

ᐊᑯ ᒪᒃ ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᓇᔅᒡ ᑕᑈ ᒋ ᒋᔄᓱᐤ ᒋᓴᓴ ᐊᒋ ᒥᓏᒋᐊᔨᒋ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ ᐊᑯ ᒂ ᐃᑕᑦ ᐊᓂᔭ ᑯᑎᑲ ᐃᔪᐛ ᐊᓐᑕ ᑲ ᑕᔨᒋ, “ᐊᓱᑕᒡ ᑕᑐᐤ ᒋᓯᑲᐛ ᑎᑯᓇ ᒐᒋ ᐊᑐᔅᒐᓇᓄᐅᒡ, ᐊᑯᑕ ᒋᐸ ᐸᒋ ᑎᑯᓯᓇᐛᐤ ᒪᒂᒡ ᐊᓂᔭ ᐊ ᒋᓯᑲᔨᒋ ᒐᒋ ᒥᓏᒋᐃᑯᐅᔭᒄ ᓇᒪ ᐎ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᒡ᙮”

ᓗᒃ 23:56

ᐊᑯ ᒪᒃ ᒂ ᒋᐛᒡ ᒂ ᐊᔭᔅᑯᔅᑕᒡ ᐊᓂᔭ ᑲ ᐎᒋᒪᑯᓯᔨᒋ ᒥᔅᑯᓱᐛ ᑭᔭ ᑐᒥᓂᑭᓇ ᐊᓂᔭᔪᐛ ᒐ ᐊᐱᒋᑕᒡ ᐊ ᒥᔪᐧᑲᒡ ᐊᓂᔭ ᒥᔭᔪᐤ᙮ ᐊᓂᔭ ᒪᒃ ᒍᐤ ᐅᑦ ᐊᔭᒥᐊᐅᒋᓯᑲᒥᔪᐤ ᒋ ᐊᔅᑕᔭᔅᑯᓯᐅᒡ ᐛᔅ ᐊᑯᓐ ᑲ ᐃᓯ ᐃᑎᓱᐛᑕᑭᓄᐎᒡ ᒋᓴᒪᓂᑐᐛ ᐅᐎᓱᐛᐅᓂᒡ ᒐ ᐃᑐᐛᒂ᙮

ᐃᑉᕈᐛ 4:9

ᐃᔭᐱᒡ ᒪᒃ ᒋᑭ ᐅᑎᒋᐱᔪᐤ ᒐᒋ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᒧᔭᒻ ᑲ ᐃᓯ ᐊᔽᐱᔨᒋ ᒋᓴᒪᓂᑐᐛ ᐃᔅᐱ ᑲ ᓂᔄᐅᑕᒡ ᒋᓯᑲᔨᒡ᙮