ᐊᒃᓱᑕᔅ 29:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᑯ ᒐ ᓂᐸᐃᑦ ᐊᓐ ᓇᐸ ᒪᔭᑕᓂᔅ, ᒐ ᐊᑎ ᐅᑎᓂᒧᑦ ᐊᓂᔭ ᐅᒥᐧᒄ ᒐ ᐊᑎ ᓱᐳᓂᒧᑦ ᐊᓐᑕ ᐊᓇᒡ ᐅᒥᔪᓄᐛᒡ ᐎᑐᑲᐛᒡ ᐊᕋᓐ ᑭᔭ ᐅᑯᓴ ᑭᔭ ᐊᓐᑕ ᒥᔪᓂᒡ ᐅᑐᐛᑭᓄᐛᒡ ᑭᔭ ᐅᓯᑯᑕᒧᐛᒡ᙮ ᒐ ᐊᑎ ᐅᔄᐸᒋᐱᔨᑕᔨᓐ ᒥᓯᐛ ᓇᐎᒡ ᐅᐱᒪ ᐃᑕᒐ ᐱᔅᑎᓂᒐᐅᓇᐱᔅᑯᒡ ᐊᔅᑯᐱᔨᒡ ᒥᐧᒄ᙮

ᐊᒃᓱᑕᔅ 29:20 ပူးပေါင်းရင်းမြစ်များ

ᐊᒃᓱᑕᔅ 29:19

ᒐ ᐅᑎᓂᑦ ᑯᑎᒃ ᓇᐸ ᒪᔭᑕᓂᔅ ᐊᓐ ᒐ ᐊᐱᒋᐊᑭᓄᐅᑦ ᐅᓯᐊᑭᓄᐅᒐ ᐊᔭᒥᐊᐅᒋᒪᐤ ᑭᔭ ᒐ ᐎᑎᒧᐅᑥᐤ ᐊᕋᓐ ᑭᔭ ᐅᑯᓴ ᒐ ᑕᐧᑯᑎᔅᑕᒡ ᐅᑎᒋᔨᐛᐛ ᐊᓐᑕ ᓇᐸ ᒪᔭᑕᓂᓴ ᐅᔅᑎᒂᓂᔨᒡ᙮

ᐊᒃᓱᑕᔅ 29:21

ᐊᑯ ᒐ ᐊᑎ ᐅᑎᓂᒥᓐ ᐱᔅᒐ ᒥᐧᒄ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐅᒡ ᑭᔭ ᑐᒥᓂᒐᐅ-ᐱᒥᔾ ᐊᑯ ᒐ ᐱᓂᐱᔨᑐᐅᑥᐤ ᐊᕈᓐ ᑭᔭ ᐅᑯᓴ ᑭᔭ ᐊᓐᑕ ᐅᑦ ᐊᐱᒋᑕᐅᓄᐛᒡ᙮ ᐊᑯ ᒐ ᐸᔭᒋᓯᒡ ᐊᕈᓐ ᑭᔭ ᐅᑯᓴ ᑭᔭ ᐅᑦ ᐊᐱᒋᑕᐅᓄᐛᐛ ᑎᐸᔨᒋᒐᓱᐛ ᐃᔅ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:33

ᐊᑯ ᒋᓴᔅ ᒂ ᒋᑐᑕᐊᑦ ᐊᓂᔭᔪᐛ ᓇᐸᐛ ᒥᒄ ᐎᔨᐛᐤ ᒐᒋ ᓂᓯᒡ, ᐊᑯ ᒂ ᐳᒋᔅᑐᑭᔭᓇᑦ, ᑭᔭ ᒋ ᓯᔅᑎᑯᐤ ᐊᑯ ᒂ ᑕᒋᓂᒺᑦ ᐅᑕᔨᔪᐤ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮