ᐊᒃᓱᑕᔅ 29:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒐ ᐃᔎᓱᑦ ᒥᓯᐛ ᓇᐸ ᒪᔭᑕᓂᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᒋᒻ ᐱᔅᑎᓂᒐᐅᓐ᙮ ᓂ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ ᐱᔅᑎᓂᒐᐅᓐ᙮

ᐊᒃᓱᑕᔅ 29:18 ပူးပေါင်းရင်းမြစ်များ

ᒐᓂᓯᔅ 22:13

ᒋ ᐅᐸᐳᐤ ᐊᑉᕋᐊᒻ ᑭᔭ ᒂ ᐛᐱᒪᑦ ᓇᐸ ᒪᔭᑕᓂᓴ ᐊᓴᑲᔅᑯᒋᒪᔨᒋ ᐅᑦ ᐊᔅᑭᓂᔪᐛ ᐊᓐᑕ ᓯᑲᒡ᙮ ᒋᓇᑕᐤ ᑭᔭ ᒂ ᐅᑎᓇᑦ ᑭᔭ ᐸᔅᑎᓂᒐᑦ ᓇᐸ ᒪᔭᑕᓂᓴ ᒧᔭᒻ ᒥᑐᔅᑕᐊᒪᒐᐅᓂᔪᐤ, ᐊᑲ ᒥᔅᑯᒡ ᐊᓂᔭ ᐅᑯᓴ᙮

ᒐᓂᓯᔅ 22:2

ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ᓴᒋᐃᑦ ᑭᔭ ᒐ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”

ᒐᓂᓯᔅ 22:7

ᐊᐃᓯᒃ ᒋ ᐃᔨᒧᐤ ᑭᔭ ᒂ ᐃᑕᑦ ᐅᑕᐎᔭ ᐊᑉᕋᐊᒪ, “ᓄᑕ !” ᐊᑉᕋᐊᒻ ᒋ ᐃᑕᐤ, “ᒐᒂᓐ ᓂᑯᓴ ?” ᐊᐃᓯᒃ ᐃᑕᐤ, “ᒋ ᑭᓄᐛᔨᑕᓇᓄᐤ ᒥᑕ ᑭᔭ ᐃᔎᔅᒐᐤ ᒐ ᑯᑐᐛᒐᔭᐧᒄ, ᒥᒄ ᑕᓐ ᐊᓐ ᒪᔭᑕᓂᔅ ᒐ ᒥᑐᔅᑕᐊᒪᒐᔭᐧᒄ ?”

ᒐᓂᓯᔅ 8:20

ᒋ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒂ ᓂᐸᐊᑦ ᐊᓐᑕ ᐱᔅᒐ ᐊ ᒥᔪᓯᔨᒋ ᐊᐛᓯᓴ ᑭᔭ ᐱᔭᓱᐛ ᑭᔭ ᒋ ᒥᑐᔅᑕᐊᒪᒐᐤ ᐱᔅᑎᓂᒐᐅᓇᐱᔅᑯᒡ ᐊ ᓂᑐᑎᒪᑦ᙮

ᒐᓂᓯᔅ 8:21

ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ᒥᒋᒪᒥᑐᓇᔨᑎᒧᒡ ᑲ ᐸᒋ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ᐱᒪᑎᓯᒥᑲᒡ ᒧᔭᒻ ᑲ ᐃᓯ ᐃᑐᑎᒪᓐ᙮

ᑎᐱᑦ ᐅᓂᑭᒧᐅᓇ 50:8

ᓇᒪᐎᔾ ᒋᑭ ᒋᔅᑐᑎᓐ ᒋᐱᔅᑎᓂᒐᐅᓐ ᐅᒋ ᑭᔭ ᒥᒄ ᒋᑦ ᐃᔎᑕᐤ ᐱᔅᑎᓂᒐᐅᓇ, ᒧᔅ ᒐᒋ ᐅᑎᔅᑲᐎᔅᑲᑯᔭᓐ᙮

ᐊᒃᓱᑕᔅ 29:17

ᐊᑯ ᒐ ᐱᐱᑯᓱᑦ ᐊᓐ ᓇᐸ ᒪᔭᑕᓂᔅ, ᒐᔅᑕᐳᑕᐅᑦ ᐅᑎᒋᓯᔭ ᑭᔭ ᐅᔅᑲᑕ ᐊᑯ ᒐ ᑕᐧᑯᑎᔅᑕᔨᓐ ᐊᓐᑕ ᓇᐸ ᒪᔭᑕᓂᔅ ᐅᔅᑎᒂᓂᒡ᙮

ᐊᒃᓱᑕᔅ 29:25

ᒋ ᑐᑕᐧᑲᐛ ᐅᔭ ᐊᑯ ᒐ ᐅᑎᓂᒧᑦ ᑭᔭ ᒐ ᐊᑎ ᑕᐧᑯᑎᔅᑕᔨᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑕᐧᑯᒡ ᐊᓐᑕ ᑲ ᒥᑐᔅᑕᐊᒪᒐᓄᒋ ᒐᒂᔪᐛ᙮ ᐊᐅᑯᓐ ᐃᔭᐱᒡ ᒐ ᐱᔅᑎᓂᒪᑯᐅᔭᓐ ᑭᔭ ᓂᑭ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:33

ᑭᔭ ᒋ ᑕᑈᓐ ᐊ ᐃᔅᒋᔄᔨᓐ᙮ ᒐᒋ ᓴᒋᐊᑭᓄᐅᑦ ᒋᓴᒪᓂᑐᐤ ᒥᓯᐛ ᒥᑕᐃᒡ, ᑭᔭ ᒥᓯᐛ ᒥᑐᓇᔨᒋᑭᓂᒡ, ᑭᔭ ᒥᓯᐛ ᐊᒐᐧᑯᐅᓂᒡ ᑭᔭ ᒥᓯᐛ ᒥᔅᑯᓯᐅᓂᒡ᙮ ᑭᔭ ᒐᒋ ᓴᒋᐊᑦ ᒋᒡ ᐃᔪᐤ ᒧᔭᒻ ᐎᔾ ᐊ ᐃᔅᐱᔅ ᓴᒋᐃᓱᑦ᙮ ᐅᔭ ᒐᒋ ᐃᔅᐱᔅ ᓴᒋᐃᐛᑦ ᐊᐛᓐ ᐊᑐᐎᔅ ᐃᑕᔨᑕᑯᓂᔪᐤ ᐃᔅᐱᔅ ᐎ ᐊ ᒥᑐᔅᑕᐊᒧᐛᑭᓄᐅᑦ ᒋᓴᒪᓂᑐᐤ ᒥᔨᐛᐅᓇ ᒪᒃ ᐊᐛᓯᓴ ᐊᒋ ᓂᐸᐊᑭᓄᔨᒋ ᒐᒋ ᒥᑐᔅᑕᐊᒧᐛᑭᓄᐅᑦ᙮”

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐱᓕᐱᔭᓇ 4:18

ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮