ᐊᒃᓱᑕᔅ 28:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᓇᔅᒡ ᐛᒋ ᒥᔽᓯᔨᒋ ᐱᒍᐎᔭᓇ ᒋᑭ ᐅᒋ ᐅᓯᑕᐛᐅᒡ ᐊᕋᓇ ᐅᑦ ᐊᑯᐱᔪᐤ ᑭᔭ ᐅᑕᐱᔅᑲᑭᓂᔨᐛ᙮ ᐃᔭᐱᒡ ᒋᑭ ᐅᓯᑕᐛᐅᒡ ᐊ ᒥᒪᑕᐅᒂᑕᔨᒡ ᐅᐱᒂᑕᐅᓂᔪᐤ᙮

ᐊᒃᓱᑕᔅ 28:39 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 45:14

ᒋᑭ ᐸᓱᐛᐤ ᒐᒋ ᓇᑕᑦ ᒋᓴᐅᒋᒪᐛ ᐊ ᑭᓄᐛᔨᑕᐧᒃ ᑲ ᑭᔅᒋᒂᑕᑭᓄᐎᔨᒡ: ᐅᔅᒋᓂᒋᔎᐛ ᐎᒐᐛᑭᓇ ᑲ ᓇᓴᐅᑯᑦ ᒋᑭ ᐸᑥᑯᐅᓐ᙮

ᐊᒃᓱᑕᔅ 26:36

ᒋᑭ ᐅᓯᑕᐅᒡ ᐊᑯᐛᑲᐃᑭᓂᔪᐤ ᒐᒋ ᒋᐸᐃᑭᓄᐅᒡ ᐛᒋ ᐱᒐᓄᐅᒡ ᐸᔭᒋ-ᐱᒍᐎᔭᓂᒋᐛᑉ ᐊ ᒥᔽᔨᒡ ᐱᒍᐎᔭᓂᔪᐤ ᐊ ᐊᐱᒋᑕᒡ ᐊ ᒥᒪᑕᐅᒂᑕᑭᓄᔨᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ᙮

ᐊᒃᓱᑕᔅ 27:16

ᒋᑭ ᐅᓯᑕᐅᒡ ᐊᑯᐛᑲᐃᑭᓂᔪᐤ ᐸᐃᑯᔪᐤ ᑎᐸᔎᐃᑭᓇ ᐊᔅᐱᔅ ᒋᓏᔨᒡ ᐊᓐᑕ ᐛᒋ ᐱᒐᓄᔨᒡ ᐊᑐᐛᔨᒡ, ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ ᐊ ᐊᐱᒋᐊᒡ ᐊ ᒥᒪᑕᐅᒂᑕᒡ ᑭᔭ ᓇᐤ ᓯᑥᔎᐃᑭᓐᒡ ᐊᓐᑕ ᒐ ᒋᒥᓱᒡ ᓇᐤ ᑕᑕᐃᑭᓐᒡ᙮

ᐊᒃᓱᑕᔅ 28:4

ᒐ ᐎᑎᒧᐅᑥᐤ ᒐᒋ ᐅᓯᑕᒡ ᐱᑕᓱᐅᓂᔪᐤ, ᐊᔅᐱᒋᑯᓇᐅᓂᔪᐤ, ᐊᔭᒥᐊᐤ ᐊᑯᐱᔪᐤ, ᐊ ᒥᒪᑕᐅᒂᑕᔨᒡ ᐱᒍᐎᔭᓂᔪᐤ, ᑕᐱᔅᑲᑭᓂᔪᐤ, ᑭᔭ ᐱᒂᑕᐅᓂᔪᐤ᙮ ᐊᐅᑯᔪᐛ ᐅᔭ ᐊᔭᒥᐊᐅ-ᐊᐱᒋᑕᐅᓇ ᒐ ᐳᔅᑲᒡ ᒋᐧᑲᓂᔅ ᐊᕋᓐ ᑭᔭ ᐅᑯᓴ ᒪᒂᒡ ᐊᑐᔅᑯᐅᒡ ᐊᔭᒥᐊᐅᒋᒪᐅᒡ᙮

ᐊᒃᓱᑕᔅ 29:5

ᐊᑯ ᒐ ᒋᑭᒧᑎᔨᑦ ᐊᕋᓐ ᐊᔭᒥᐊᐤ ᐊᐱᒋᑕᐅᓇ: ᐊᑯᐱᔪᐤ, ᐊᔭᒥᐊᐤ ᐊᑯᐱᔪᐤ ᑕᒥᒡ ᐊᔅᐱᒋᑯᓇᐅᓂᒡ ᒐ ᒋᔅᑲᐧᒃ, ᐊᔅᐱᒋᑯᓇᐅᓂᔪᐤ, ᐱᑕᓱᐅᓂᔪᐤ, ᑭᔭ ᐱᒂᑕᐅᓂᔪᐤ᙮

ᐊᒃᓱᑕᔅ 29:6

ᒐ ᒋᑭᒧᑕᑎᔨᑦ ᑕᐱᔅᑲᑭᓂᔪᐤ ᑭᔭ ᒐ ᒪᑯᐱᑎᒧᑦ ᐊᓴᑯᐛᔨᒡ ᐎᔄᐅᓱᓇᔭᐱᔅᑯᔪᐤ ᐊᓐᑕ ᒪᓯᓇᑕᔨᒡ ‘ᐊ ᐸᔭᒋᓯᑦ ᑎᐸᔨᒋᒐᓱᐛ ᐃᔅ,’ ᐊᑎᔅᑕᔨᒡ᙮

ᐊᒃᓱᑕᔅ 29:8

ᐊᑯ ᒐ ᐸᓱᒥᑎ ᐅᑯᓴ ᑭᔭ ᒐ ᒋᑭᒧᑕᑎᔨᒥᑎᔾ ᐊᑯᐸ᙮

ᐊᒃᓱᑕᔅ 39:27

ᒋ ᐅᓯᑎᒧᐛᐅᒡ ᐱᒍᐎᔭᓇ ᐊᕋᓇ ᑭᔭ ᐅᑯᓯᔨᐛ᙮