ᐊᒃᓱᑕᔅ 25:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒐ ᐎᑎᒧᐅᑥᐤ ᒐ ᐎ ᑕᔅᑲᑐᐎᔨᒋ ᐊᐛᓯᓴ ᐊ ᐅᑎᑎᑭᓄᐎᒋ ᑭᔭ ᒐ ᒥᓯᑕᔅᑕᒡ ᐅᑎᑎᐧᑯᓇ ᒋᐸᐃᑭᓂᒡ᙮

ᐊᒃᓱᑕᔅ 25:20 ပူးပေါင်းရင်းမြစ်များ

ᒐᓂᓯᔅ 28:12

ᒋ ᐳᐛᒧᐤ, ᒋ ᐛᐸᑎᒻ ᑕᑕᐧᑯᔅᑲᓇᓇ ᐊ ᐃᔨᑭᔅᑲᔨᒋ ᐊᔅᒋᒡ ᐅᒋ ᐃᔅᐱᒥᒡ ᒋᒋᒋᓯᑯᒡ ᐃᔅ ᐊᑎᒧᐃᒡ᙮ ᒋ ᐛᐱᒪᐤ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᐊ ᓂᑎᒋᐛᔨᒋ ᑭᔭ ᐊ ᓴᑭᒋᐛᔨᒋ ᐊᓐᑕ ᑕᑕᑯᔅᑲᓇᓂᒡ᙮

ᐊᒃᓱᑕᔅ 25:18

ᒋᑭ ᐅᓴᐅᒡ ᐃᔭᐱᒡ ᓂᓱ ᐊᐛᓯᓴ ᐊ ᐅᑎᑎᑭᓄᐎᒋ ᐎᔄᐅᓱᓇᔭᔪᐤ ᐅᒡ᙮

ᐊᒃᓱᑕᔅ 25:19

ᐸᐃᒄ ᐅᒡ ᐊ ᓂᓯᒡ ᐊᐛᓯᓯᒡ ᐊ ᐅᑎᑎᑭᓄᐅᒡ ᒋᑭ ᒋᑭᒺᐅᒡ ᐊᓐᑕ ᐊ ᐃᔎᔭᔨᒡ ᒥᐅᑎᒡ, ᒥᒄ ᐊᓐ ᐎᔄᐅᓱᓇᔭᐤ ᐊᐛᓯᓯᒡ ᐊ ᐅᑎᑎᑭᓄᐅᒡ ᑲ ᐅᒋ ᐅᓯᐊᑭᓄᐅᒡ ᒋᑭ ᐎ ᐊᓂᔅᑯᑎᓐ ᐊᓐᑕ ᐎᔄᐅᓱᓇᔭᒡ ᒋᐸᐃᑭᓐ ᑲ ᐅᒋ ᐅᓯᑕᑭᓄᐅᒡ᙮

ᒪᑎᔪᐤ 24:31

ᐃᔅᐱ ᒪᒃ ᐸᑕᒂᒐ ᑲ ᒋᔄᐛᒥᑲᒡ ᐳᑕᒋᑭᓐ ᐊᑯ ᒐ ᐃᑎᓴᐛᑦ ᒋᓴᒪᓂᑐᐤ ᐅᑦ ᐊᓐᒋᓂᒪ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ᐅᑎᓇᑦ ᓇᐅᐎᔨᒡ ᐊ ᐅᑎᓂᔨᒡ ᑲ ᐅᒋᔨᒋ᙮ ᓇᔅᒡ ᐊ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᑭᔭ ᓇᔅᒡ ᐊ ᐃᔎᔨᒡ ᒋᒋᒋᓯᑯᔪᐤ ᒋᑭ ᐅᑎᓇᔪᐛ᙮”

ᒠᓐ 1:51

ᐊᑯ ᒥᓐ ᒂ ᐊᑎ ᐃᔅᒋᔄᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒋᑭ ᐛᐸᑕᓇᐛᐤ ᒋᒋᒋᓯᒄ ᐊ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᐅᐱᔨᒋ ᑭᔭ ᐊ ᐸᒋ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”

1 ᑯᕆᓐᑎᔭᓇ 11:10

ᐊᓐᒋᓇ ᒪᒃ ᐅᒋ ᐊᐅᒄ ᐅᔭ ᒋᐸ ᐅᒋ ᐎᔎᔅᑎᒂᓇᐱᓱᐤ ᐃᔎᐤ, ᐊ ᓄᑯᑕᑦ ᐅᓇᐸᒪ ᐊ ᑎᐱᔨᐛᐅᓯᑐᑕᑯᑦ᙮

1 ᑯᕆᓐᑎᔭᓇ 4:9

ᓂᔾ ᒪᒃ ᐊ ᐃᑕᔨᑎᒪᓐ ᒋᓴᒪᓂᑐᐤ ᓂᒋ ᐃᓯᐃᑯᐅᓇᓐ ᓂᔭᓐ ᐊᑈᔅᑕᓇᒡ ᑲ ᐃᑎᐱᔭᒡ ᓇᔅᒡ ᓂᑕᒡ ᒐᒋ ᐃᑕᔨᑕᑯᓯᔭᒡ ᐃᔅᐱᔅ ᐎ ᒐᒋ ᒋᓴᐅᒋᒪᐎᔭᒡ᙮ ᓇᒪ ᓇᔅᒡ ᓂ ᒋᔅᑕᔨᑕᑯᓯᓇᓐ᙮ ᒧᔭᒻ ᓇᐸᐅᒡ ᒐ ᑎᐸᔅᑯᓇᑭᓄᐎᒡ ᒐ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮ ᓂᒋ ᐊᐃᑯᐅᓇᓐ ᐊᓐᑕ ᒥᓯᐛ ᐊᐛᓐ ᒐᒋ ᓂᓇᑭᑐᐛᔨᒥᔨᒥᑦ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᐅᔭᒡ᙮ ᑕᐱᔅᑯᓐ ᐃᔪᒡ ᑭᔭ ᐊᓐᒋᓐᒡ ᓂᓇᑭᑐᐛᔨᒥᑯᓇᓐᒡ᙮

ᐃᐱᓯᔭᓇ 3:10

ᐊᓄᒡ ᒪᒃ ᐊᑯ ᒐᔅᒐᔨᑕᑯᑕᑦ ᒋᓴᒪᓂᑐᐤ ᑕᓐ ᑲ ᐎ ᐃᑐᑕᐧᒃ, ᐊᔪᐅᒄ ᐅᔭ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᒐᒋ ᐅᒋ ᒋᔅᒐᔨᑎᒥᐊᑦ ᐊᓂᔭ ᑲ ᑎᐸᔨᒋᒐᔨᒋ ᑭᔭ ᑲ ᓱᒐᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ ᑕᓐ ᐊ ᐃᓯ ᓂᓇᐧᑯᐤ ᐃᑕᔨᑕᑯᓂᔨᒡ ᐅᑭᒐᑕᐛᔨᑎᒧᐅᓐ᙮

ᑯᓚᓯᔭᓇ 2:10

ᒋᔨᐛᐤ ᒪᒃ ᔅᒋ ᑐᑕᑯᓇᐛᐤ ᒐᒋ ᒥᑐᓄᓯᔭᒄ ᙭ ᐊ ᐎᒐᐛᒄ᙮ ᐎᔾ ᙭ ᒥᓯᐛ ᑎᐸᔨᒐᐅᓂᔪᐤ ᑭᔭ ᐊ ᓂᑲᓇᔨᑕᑯᓂᔨᒡ ᓱᒐᔨᑕᑯᓱᐅᓂᔪᐤ ᐅᑕ ᐊᔅᒋᒡ ᑭᔭ ᒋᓯᑯᒡ ᑎᐸᔨᑎᒻ᙮

ᐃᑉᕈᐛ 1:14

ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ᐱᒪᒋᐊᑭᓄᔨᒋ᙮

ᐃᑉᕈᐛ 9:5

ᑎᐱᔅᑯᒡ ᐊᓐ ᒥᔅᑎᑯᒥᐅᑦ ᐃᑐᐤ ᒪᒃ ᐊᓐᑕ ᐊ ᐃᔎᒡ ᐊᓐ ᒥᔅᑎᑯᒥᐅᑦ, ᒋ ᑕᐅᒡ ᐊᓐᒋᓐᒡ ᐃᔨᐧᑲᓂᒡ ᐊᒋ ᐃᓯᐊᑭᓄᐎᒡ, ᓇᔅᒡ ᐊᒋ ᒥᔪᓇᑯᐊᑭᓄᐛᒂᓂᒋ᙮ ᐅᑎᑎᑭᓄᐛᐛ ᓇᔅᒡ ᒋ ᐊᑯᐛᑯᒋᓂᔪᐛ ᐊᓐᑕ ᐊ ᐊᑯᓇᐸᑕᑭᓄᐅᒡ ᐊᓐ ᒥᔅᑎᑯᒥᐅᑦ᙮ ᐊᓐ ᒪᒃ ᐊᑯᓇᐸᒋᑭᓐ ᐊᐳᐅᓐ ᐊᓐᑕ ᐛᒋ ᐛᐸᔨᑎᒧᐛᑦ ᒋᓴᒪᓂᑐᐤ ᐊᐛᔪᐛ ᐅᒥᒋᑥᐅᓂᔪᐤ ᒋ ᐃᓯᓂᐧᑲᑕᑭᓄᐤ᙮ ᐊᑐᐎᔅ ᒋᐸ ᒋ ᐊᔨᒧᑎᒪᑎᓇᐛᐤ ᐅᔭ ᒐᒂᔪᐛ ᒥᒄ ᒪᒃ ᓇᒪ ᒋᑭ ᐅᒋ ᐎᒋᐃᐛᐱᔪᐤ ᐊᑎ ᐊᔨᒧᑎᒪᓇ ᐊᓄᒡ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

1 ᐱᑕᕐ 3:22

ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᑭᔭ ᑲ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮