19 ᒋᑭ ᐎᒋᐃᒄ ᒋᓴᒪᓂᑐᐤ ᓂᑐᑐᐎᓇ᙮ ᒋᑭ ᐎ ᐎᑎᒧᐛᐤ ᒋᓴᒪᓂᑐᐤ ᐊ ᐃᔅᐱᔨᒋ ᐃᔪᐛ᙮
ᐅᑎᐸᔨᒋᒐᐤ ᒋ ᐎᒐᐛᐤ ᒍᓯᐸ ᑭᔭ ᒋ ᐃᑐᑐᐛᐤ ᒥᓯᐛ ᒐ ᐃᓯ ᒥᔪᐱᔨᒋ ᒪᒂᒡ ᑲ ᐊᑐᔅᒐᔨᒋ ᐊᓐᑕ ᐅᒋᒪᒥᔪᐛ ᐎᒋᔨᒡ᙮
ᒧᓱᔅ ᒂ ᐃᑕᑦ, “ᒋ ᑎᑯᓯᓄᐅᒡ ᒐᒋ ᒋᔅᒐᔨᑕᒡ ᒐᒂᔪᐤ ᒋᓴᒪᓂᑐᐛ ᓇᑐᐛᔨᒥᑯᒡ ᒐ ᑐᑕᒡ᙮
ᒐ ᒋᔅᑯᑎᒧᐅᑥᐤ ᒋᓴᒪᓂᑐᐛ ᐅᑦ ᐃᑎᓱᐛᐅᓂᔪᐤ ᑭᔭ ᒐ ᐎᑎᒧᐅᑥᐤ ᑕᓐ ᒐ ᐃᓯ ᐱᒪᑎᓯᒡ ᑭᔭ ᒐᒂᔪᐤ ᒐ ᐎ ᑐᑕᒡ ᒐᒋ ᑯᐃᔅᑯᑕᑎᓯᒡ᙮
ᒧᓱᔅ ᒋ ᓂᑐᑐᐛᐤ ᐅᒋᓴᐃᔨᒪ ᑲ ᐃᑎᑯᑦ ᑭᔭ ᒋ ᐃᑐᑎᒺᐤ ᒥᓯᐛ ᒐᒂᔪᐤ ᑲ ᐃᑎᑯᑦ᙮
ᐊᑯ ᐃᔪᒡ ᐃᑕᐅᒡ ᒧᓱᓴ, “ᒋᔾ ᐃᔨᒥᐃᓇᓐ ᑭᔭ ᓂᑭ ᓂᑐᑕᓇᓐ; ᒥᒄ ᐊᑲ ᓇᐃᒻ ᒐᒋ ᐃᔨᒥᔨᒥᑦ ᒋᓴᒪᓂᑐᐤ, ᓂᑭ ᓂᐳᐛᓇᓐ ᐃᔨᒥᔨᒥᒐ᙮”
ᒋᓴᒪᓂᑐᐤ ᒋ ᐃᑕᐤ, “ᒋᑭ ᐎᒐᐅᑎᓐ᙮ ᐊᐅᑯᐤ ᐅᒪ ᒪᒃ ᒐ ᐅᒋᔅᒋᓄᐛᒋᒋᑭᓂᔨᓐ ᐊᒋ ᐃᑎᓴᐅᑕᓐ᙮ ᐃᔅᐱ ᒋ ᐸᒋ ᐎᐎᑕᔨᑥᐛ ᐊᓐᒡ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᒋᑭ ᐊᔭᒥᐊᔅᑐᐅᓇᐛᐤ ᐅᑕ ᐱᔅᑯᑎᓇᒡ᙮”
ᐊᑯ ᐃᑐᑕᒪ, ᒋᑭ ᐎᒋᐃᑎᓐ ᒐᒋ ᐃᔨᒥᔨᓐ ᑭᔭ ᒋᑭ ᐎᑎᒪᑎᓐ ᑕᓐ ᒐ ᐃᔅᒋᔄᔨᓐ᙮”
ᐊᕋᓐ ᐎᔾ ᒋᑭ ᐃᔨᒪᐤ ᐃᔪᐛ ᑭᔭ ᒧᔭᒻ ᓂᔾ ᐊᑕᔨᑕᑯᓯᔭᓐ ᒋᑭ ᐃᑕᔨᑕᑯᓯᓐ ᐊᐛᐎᑎᒧᐅᑦ ᐊᕋᓐ ᑕᓐ ᒐ ᐃᔅᒋᔄᑦ᙮ ᓂᑭ ᑕᓐ ᐊᑕᔭᒄ ᒪᒂᒡ ᐃᔨᒥᔭᒂ ᑭᔭ ᑕᐱᔅᑯᓐ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᑎᔭᒄ, ᒐ ᐎᑎᒧᐅᑦ ᒐᒂᔪᐤ ᒐ ᐃᔅᒋᔄᑦ᙮
ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”