ᐊᒃᓱᑕᔅ 12:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ ᑎᐸᔨᒋᒐᓱᐤ ᒋ ᐃᑐᑐᐛᐤ ᐃᒋᑉᑦ ᐃᔪᐛ ᒐᒋ ᒥᔪᐃᑕᔨᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒂ ᒥᔭᔨᒋ ᒥᒄ ᒐᒂᔪᐤ ᓇᑐᐛᔨᑎᒥᒋ, ᒥᓯᐛ ᒋ ᔅᑐᑕᐛᐅᒡ ᐊᓱᓇᔭᐎᒋ ᒐᒂᔪᐛ ᑲ ᑎᐸᔨᑎᒥᔨᒋ ᐃᒋᑉᑦ ᐃᔪᐛ᙮

ᐊᒃᓱᑕᔅ 12:36 ပူးပေါင်းရင်းမြစ်များ

ᒐᓂᓯᔅ 15:14

ᒥᒄ ᓂᑭ ᐊᓏᔨᒪᐛ ᐊᓂᔭ ᐊ ᐸᐃᑯᔅᑲᓇᓯᔨᒋ ᐊᑐᔅᒐᔅᑐᐛᒡ᙮ ᐊᑯ ᒋᓂᑕᐅᒋᐊᑭᓐᒡ ᒋᑭ ᓂᑭᑎᒧᒡ ᐊᓂᔭ ᒪᓐᑕᐤ ᐊᔅᒋᔪᐤ ᐛᔪᑎᓯᐅᓂᔪᐤ ᐊ ᔅᑐᑕᒡ᙮

ᒐᓂᓯᔅ 39:21

ᒋ ᐎᒋᐃᑯᐤ ᑭᔭ ᒋ ᒥᔪ ᑐᑕᑯᐤ ᑎᐸᔨᒋᒐᓱᐛ᙮ ᐃᔭᐱᒡ ᐊᓐ ᓇᐸᐤ ᑲ ᑭᓄᐛᔨᒪᑦ ᑲ ᒪᑯᓇᑭᓄᓯᔨᒋ ᒋ ᒥᔽᔨᒪᐤ ᒍᓯᐸ᙮

ᑎᐱᑦ ᐅᓂᑭᒧᐅᓇ 105:37

ᒋ ᐸᒋ ᐎᐎᑕᐊᐤ ᒪᒃ ᐊ ᐊᔭᔨᒋ ᓱᓇᔭᐱᔅᑯᔪᐤ ᑭᔭ ᐎᔄᐅᓱᓇᔭᐱᔅᑯᔪᐤ; ᓇᒪ ᐛᐛᒡ ᐸᐃᒄ ᐅᒡ ᐃᔨᓯᔪᐛ ᐊᐛᔪᐛ ᒥᓯᐛ ᐊ ᑕᑐᑕᐅᓯᔨᒋ᙮

ᐊᒃᓱᑕᔅ 11:2

ᒐ ᐎᑎᒧᐅᑥᐤ ᒥᓯᐛ ᐃᔅᕋᐃᓪ ᐃᔪᒡ, ᓇᐸᐅᒡ ᑭᔭ ᐃᔎᐅᒡ ᒐᒋ ᑯᒂᒋᒪᒡ ᐎᒐᐛᑭᓄᐛᐛ ᐃᒋᑉᑦ ᐊ ᐃᑎᔅᑲᓇᓯᔨᒋ ᐊ ᐎᓴᐅᓱᓇᔭᐎᒋ ᑭᔭ ᐊ ᓱᓇᔭᐱᔅᑯᔨᒋ ᐛᐛᓯᐅᓇ᙮”

ᐊᒃᓱᑕᔅ 11:3

ᑎᐸᔨᒋᒐᓱᐤ, ᒋ ᐃᑐᑐᐛᐤ ᐃᒋᑉᑦ ᐃᔪᐛ ᒐᒋ ᐃᔅᐱᑕᐃᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒧᓱᔅ ᓇᔅᒡ ᒋᔅᑕᔨᒥᑯᐤ ᐊᓂᔭ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᑭᔭ ᐃᒋᑉᑦ ᐃᔪᐛ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 7:10

ᒋ ᐎᒋᐃᑯᐤ ᒪᒃ ᐊᓐᑕ ᒪᒂᒡ ᓇᔅᒡ ᐊ ᐊᔨᒥᓂᔨᒡ ᐊ ᑕᑦ᙮ ᐃᔅᐱ ᒪᒃ ᒍᓯᑉ ᑲ ᐅᑎᔅᑯᑲᐳᔅᑐᐛᑦ ᐊᓂᔭ ᒋᓴᐅᒋᒪᐛ ᐸᕈᐤ ᑲ ᐃᓯᓂᐧᑲᑕᑭᓄᔨᒋ ᐊᓐᑕ ᐃᒋᑉᑎᒡ ᑲ ᑕᔨᒋ, ᒋᓴᒪᓂᑐᐛ ᒋ ᒥᔨᑯᐤ ᒍᓯᑉ ᑭᒐᑕᐛᔨᑎᒧᐅᓂᔪᐤ ᑭᔭ ᒋ ᐃᑐᑕᑯᐤ ᒐᒋ ᒥᔽᔨᑕᑯᓯᑦ᙮ ᒋ ᒥᔽᔨᒥᑯᐤ ᒪᒃ ᐸᕈᐛ, ᐊᑯ ᑲ ᐅᒋᒪᐅᐧᑲᑎᑯᑦ ᐊᓐᑕ ᐊᓂᔭ ᐅᑕᓇᔪᐤ ᐃᒋᑉᑎᒡ ᑲ ᐅᒋᒪᐅᔨᒋ ᑭᔭ ᐊᓂᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᒋ ᒥᔨᑯᐤ ᒐᒋ ᓂᓇᑭᑐᐛᐸᑕᐧᒃ᙮”