ᐊᒃᓱᑕᔅ 12:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᓐ ᒥᐧᒄ ᒪᒃ ᒋᑭ ᐅᒋᔅᒋᓄᐛᒋᒋᑭᓂᓇᐛᐤ ᒥᒋᐛᐱᒡ ᐊ ᑕᔭᒄ: ᐃᔅᐱ ᒪᒃ ᐛᐸᑎᒪᓇ ᒥᐧᒄ, ᒋᑭ ᐎᒪᔅᑲᑎᓇᐛᐤ, ᑭᔭ ᐊᐧᑯᐃᑕᔅᐱᓇᐅᓐ ᓇᒪᐎᔾ ᒋᑭ ᐅᑎᑎᑯᓇᐛᐤ ᒐᒋ ᓂᓱᐅᓇᒋᐃᑯᔭᒄ, ᐃᔅᐱ ᐅᑕᒪᐊᒪᓇ ᐃᒋᑉᑦ ᐊᔅᒋᔾ᙮

ᐊᒃᓱᑕᔅ 12:13 ပူးပေါင်းရင်းမြစ်များ

ᒐᓂᓯᔅ 17:11

ᒋᑭ ᐎ ᒋᔅᒋᓄᐛᒋᔄᐅᒡ ᒥᓯᐛ ᓇᐸᐅᒡ ᐊᓐᑕ ᐊ ᐸᐃᑯᐎᔅᒋᔨᓐ᙮

ᐊᒃᓱᑕᔅ 12:11

ᐊᐅᒄ ᒪᒃ ᒐ ᐃᓯ ᒥᒋᔭᒄ; ᐊ ᐱᒂᑕᐅᔭᒄ, ᐊ ᒋᑭᔅᒋᓇᔭᒄ, ᑭᔭ ᐊ ᑕᐧᑯᓂᒪᒄ ᒋᓯᔅᑲᐅᓄᐛᐛ: ᑭᔭ ᒋᑭ ᔭᓯᒋᐳᓇᐛᐤ; ᐊᐅᒄ ᐅᒪ ᑎᐸᔨᒋᒐᓱᐤ ᐅᐎᒪᔅᑲᒐᐎᓐ᙮

ᐊᒃᓱᑕᔅ 12:23

ᐊᓄᒡ ᒐ ᑎᐱᔅᑲᒡ ᒋᑭ ᐃᑐᑕᐤ ᑎᐸᔨᒋᒐᓱᐤ ᐊᓐᑕ ᒥᓯᐛ ᐃᒋᑉᑎᒡ ᒐᒋ ᓂᐸᐊᑦ ᒥᓯᐛ ᓂᔅᑎᒧᓴᓇ ᑲ ᓇᐸᓯᔪᐎᔨᒋ ᐅᑯᓯᒪᐛ ᐃᒋᑉᑦ ᐊ ᐃᑎᔅᑲᓇᓯᔨᒋ, ᐛᐸᑎᒥᔨᒐᓂ ᒥᐧᑯᔪᐤ ᐊᓐᑕ ᔅᑐᐧᑭᓇᑎᑯᒡ ᐊᑯ ᓇᒪ ᒋᑭ ᓇᐊᔨᒪᐤ ᐊᓐᒋᓇ ᑲ ᓂᐸᔪᐛᔨᒋ ᒐᒋ ᐱᑎᒂᑎᔨᑕᑯᐤ ᒐᒋ ᓂᐸᐃᑎᑕᑯᐤ᙮

ᐊᒃᓱᑕᔅ 12:7

ᒋᑭ ᐅᑎᓂᒺᐅᒡ ᒪᒃ ᐱᔅᒐ ᐅᒥᐧᑯᔪᐤ, ᑭᔭ ᒋᑭ ᒥᓯᒂᐊᒧᒡ ᐊᔨᑐᐤ ᔅᑐᐧᑭᓇᑎᑯᒡ, ᑭᔭ ᑕᐧᑯᒡ ᔅᑐᐧᑭᓇᑎᑯᒡ ᐊᓐᑕ ᒥᒋᐛᐱᒡ ᒐ ᒧᐛᒡ᙮

1 ᑕᓴᓗᓂᔭᓇ 1:10

ᑭᔭ ᐊ ᐊᓱᐛᐱᒪᑯ ᒋᓴᒪᓂᑐᐛ ᐅᑯᓯᔪᐛ ᒥᓐ ᑲᐤ ᒐᒋ ᑎᑯᓯᓂᔨᒋ ᒋᒋᒋᓯᑯᒡ ᐅᒋ᙮ ᐊᔪᐅᒄ ᐅᔭ ᐅᑯᓴ ᑲ ᐅᓂᔅᑲᓇᑦ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᒋᓴᔅ ᑲ ᐱᒪᒋᐃᑕᐧᒄ ᒐ ᐊᑲ ᒋ ᐛᐛᓯᐃᑎᑕᐧᑯ ᒋᓴᒪᓂᑐᐛ ᑎᐸᔅᑯᓂᒐᐅ ᒋᓯᑲᔨᒐ᙮

ᐃᑉᕈᐛ 11:28

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᒋᒋᐱᔨᑕᐤ ᒐᒋ ᑎᑯᓂᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ, ᐊᓯᑯᒻ ᐱᐳᓇ ᒪᒃ ᐅ ᒋ ᐃᑐᑕᑭᓄᐤ᙮ ᐊᓂᔭ ᒪᒃ ᒧᓱᔅ ᐊ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑎᓱᐛᐤ ᒐᒋ ᐅᓯᔄᐛᐱᔨᑕᑭᓄᔨᒋ ᐊᐛᓯᓴ ᐅᒥᐧᑯᔪᐤ ᐊᓐᑕ ᔅᑐᐧᑭᓂᒡ ᑭᔭ ᐊᓂᔭ ᐊᓐᒋᓇ ᑲ ᓂᐸᐃᐛᔨᒋ ᒐ ᐊᑲ ᒋ ᓂᓱᐅᓇᒋᐊᔨᒋ ᐊᓂᔭ ᓂᔅᑎᒧᓴᓇ ᑲ ᓇᐸᓯᐎᔨᒋ ᐃᔅᕋᐃᓪ ᐃᔪᐛ ᐊ ᑕᔨᒋ᙮

1 ᒠᓐ 1:7

ᒧᔭᒻ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒧᔭᒻ ᐎᔾ ᐛᔅᑕᐅᓂᒡ ᐊ ᐃᓯ ᑕᑦ, ᑕᑈ ᒋᑭ ᒥᔪ ᐎᒐᐅᑐᓇᓄᐤ, ᑭᔭ ᒋᓴᔅ, ᒋᓴᒪᓂᑐᐤ ᐅᑯᓴ, ᐅᒥᐧᒄ ᒋ ᐸᔭᒋᐃᑯᐛᓇᓄᐤ ᒥᓯᐛ ᒥᒋᑥᐅᓂᒡ ᐅᒡ᙮