9 ᑕᑈ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒋᑭ ᓄᑯᓐ ᒥᔪᑥᐅᓐ ᑭᔭ ᑯᐃᔅᑯᑕᑎᓯᐅᓐ ᑭᔭ ᑕᑈᐅᓐ ᐊᓐᑕ ᒋᐱᒪᑎᓯᐅᓄᐛᒡ᙮
ᓄᑯᑕᒄ ᑕᑈ ᐊ ᒂᔅᑲᑎᓯᔭᒄ, ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮
ᐃᔅᐱ ᒪᒃ ᒋᓴᔅ ᐎᔭᐱᒪᑦ ᓇᑕᓂᔭᓚ ᐊ ᐸᑕᔅᑎᒧᑕᔨᒋ ᒋ ᐃᑕᐤ, “ᐊᐅᒄ ᒋᒋᐛ ᐃᔅᕋᐃᓪ ᐃᔪᐤ, ᓇᔅᒡ ᑕᑈ ᑯᐃᔅᑯᑕᑎᓯᐤ᙮”
ᓂᐧᑲᓂᓯᑐᒄ, ᓂ ᒐᔅᑎᓇᐅᓐ ᑕᑈ ᐊ ᓴᑭᔅᒋᓇᔅᑲᑯᔭᒄ ᐊ ᐎ ᒥᔪᑐᑎᒪᒄ, ᒥᓯᐛ ᐊ ᒋᔅᒐᔨᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒺᒄ ᑭᔭ ᐊ ᑭᔅᒋᐅᔭᒄ ᒐᒋ ᒋᔅᑯᑎᒪᑐᔭᒄ᙮
ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ᒋᔅᒐᔨᑕᓐ ᒐᒂᔪᐤ ᐛᒋ ᒋᓴᐛᑐᑕᔅᒃ ? ᒋ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮
ᐃᔭᐱᒡ ᒪᒃ, ᓴᒋᐃᐛᐅᓐ ᐊ ᓄᑯᑕᔭᐧᒄ ᐊ ᐎᑎᒪᐧᒄ ᑕᑈᐅᓐ, ᓇᔅᒡ ᒋᐸ ᐃᓯ ᒥᔪ ᓂᑕᐅᒋᓇᓄᐤ ᙭ ᐃᔅ ᐊ ᑕᑦ, ᐎᔾ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮
ᐊᑯ ᒪᒃ ᒋᐸ ᐳᓂᓇᐛᐤ ᐊ ᑭᑭᒋᔭᔭᒄ ᐃᔭᐱᒡ ᑯᐃᔅᒄ ᒐᒋ ᐃᓯ ᐃᔨᒥᐃᑐᔭᒄ ᐛᔅ ᒧᔭᒻ ᐊ ᐸᐃᑯᑕᐅᓯᔭᐧᒄ ᒋᑦ ᐃᓯᓇᑯᓯᓇᓄᐤ ᐊᓐᑕ ᐃᔅ ᙭ ᐊ ᑕᑦ᙮
ᐊᔨᒋᑲᐳᐅᑕᐤ ᒪᒃ, ᐊ ᐅᐱᒂᑕᐅᓂᔅᑭᒪᐧᒄ ᑕᑈᐅᓐ ᑭᔭ ᑯᐃᔅᑯᑕᑎᓯᐅᓐ ᒧᔭᒻ ᒥᔅᑲᔅᒋᑭᓇᐱᔅᒄ ᐊ ᒋᔅᑭᒪᐧᒄ ᒐᒋ ᐃᓯᓇᑯᓯᔭᐧᒄ᙮
ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮
ᒋᔨᐛᐤ ᐃᔎᑐᒄ ᑲ ᓂᐳᐅᔭᒄ ᓂᓇᐃᑐᐛᐧᑯᒡ ᒋᓇᐸᒧᐛᐅᒡ᙮ ᐊᐅᒄ ᐅ ᒋᐸ ᐃᑎᓇᐛᐤ ᐊ ᓇᓴᐛᒄ ᐅᑎᐸᔨᒋᒐᐤ᙮
ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮
ᐅᑯᓯᓯᒪᐛ ᒪᒃ ᐊ ᐊᔨᒧᒪᑦ ᒋ ᐃᔅᒋᔄᐤ, “ᒋᔾ ᒋᓴᒪᓂᑐᐤ, ᒋᐅᒋᒪᐅᓐ ᑲᒋᒡ ᒋᑭ ᑎᑯᓐ, ᑯᐃᔅᒄ ᒋᑦ ᐃᑎᓐ ᐊ ᐅᒋᒪᐎᔨᓐ ᐊᓐᑕ ᒋᐅᒋᒪᐅᓂᒡ᙮
ᐛᔅ ᑭᔭ ᐎᔨᐛᐤ, ᒧᔭᒻ ᐊᓂᔭᔪᐛ ᑯᑎᑲ ᑲ ᐃᑎᔨᒋ, ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᒪᓂᑐᐛ ᑭᔭ ᑲ ᓴᐧᑯᒋᑕᒡ ᐅᒋᒪᐅᓇ ᐅᑕ ᐊᔅᒋᒡ, ᑭᔭ ᑯᐃᔅᒄ ᒋ ᐃᑐᐅᒡ ᐊ ᓂᑲᓂᔅᑯᐛᒡ ᐃᔪᐛ, ᑭᔭ ᒥᒐᑦ ᒋ ᐛᐸᑎᒧᒡ ᒐᒂᔪᐛ ᐊ ᐃᔅᐱᔨᒋ ᑕᓐ ᐊᓂᔭᔪᐛ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᐃᔅᐱᔨᒋ᙮ ᒋ ᒋᐸᐊᒺᐅᒡ ᒥᓯᐱᓱᐛ ᐅᑐᓂᔪᐛ ᒐ ᐊᑲ ᒋ ᓂᐸᐃᑯᒡ᙮
ᒋ ᒋᔅᒐᔨᑕᓇᐛᐤ ᙭ ᐊ ᑯᐃᔅᑯᑕᑎᓯᑦ, ᑭᔭ ᒋᐸ ᒋᔅᒐᔨᑕᓇᐛᐤ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᐊ ᐅᑦ ᐊᐛᓯᒥᑐᑕᑯᑦ ᒋᓴᒪᓂᑐᐛ᙮
ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮