ᐃᐱᓯᔭᓇ 2:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᐅᒄ ᒪᒃ ᐸᐃᒂᐤ ᒥᓯᐛ ᑲ ᐃᓯᓇᑯᓯᔭᐧᒄ ᑭᔭ ᒋᔭᓄᐤ, ᒥᒄ ᑕᓐ ᐛ ᐃᑎᔭᐧᒄ ᔅᒋ ᐃᑎᓇᓄᐤ᙮ ᔅᒋ ᑐᑕᓇᓄᐤ ᒥᒄ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ ᑭᔭ ᒋᒥᑐᓇᔨᒋᑭᓄᐛ᙮ ᐊᓐ ᒪᒃ ᑲ ᐃᔅᐱᔅ ᒋ ᒥᒐᑎᓯᔭᐧᒄ ᒋ ᐃᑕᔨᑕᑯᓂᑯᐱᓇ ᑕᑈ ᑭᔭ ᒋᔭᓄᐤ ᒐᒋ ᐛᐛᓯᐃᑕᐧᒄ ᒋᓴᒪᓂᑐᐤ᙮

ᐃᐱᓯᔭᓇ 2:3 ပူးပေါင်းရင်းမြစ်များ

ᒐᓂᓯᔅ 5:3

ᐊᑕᒻ ᐸᐃᑯ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᒋ ᐃᑕᑐᐳᓇᓱᐤ ᑲ ᐃᔪᔨᒋ ᐅᑯᓴ ᓴᑦ, ᒧᔭᒻ ᐊᓯᓇᑯᓯᔨᒋ ᐅᑕᐎᔭ ᓴᑦ ᒋ ᐃᓯᓇᑯᓱᐤ᙮

ᒐᓂᓯᔅ 6:5

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᒐᓂᓯᔅ 8:21

ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ᒥᒋᒪᒥᑐᓇᔨᑎᒧᒡ ᑲ ᐸᒋ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ᐱᒪᑎᓯᒥᑲᒡ ᒧᔭᒻ ᑲ ᐃᓯ ᐃᑐᑎᒪᓐ᙮

ᑎᐱᑦ ᐅᓂᑭᒧᐅᓇ 51:5

ᐛᔅ, ᓂᒋ ᐅᓯᐃᑯᐅᓐ ᒥᒐᑎᓯᐅᓂᒡ; ᒥᒋᑥᐅᓂᒡ ᑭᔭ ᓂᒋ ᐊᔭᐅᒄ ᓂᑲᐎᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:19

ᒥᒄ ᒪᒃ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮

ᒠᓐ 1:13

ᐊᓂᔭᔪᐛ ᒪᒃ ᑲ ᑕᑈᔭᔨᒥᑯᑦ ᐅᔅᒋ ᐱᒪᑎᓯᔪᐛ ᒋᓴᒪᓂᑐᐛ ᐊ ᑕᔨᒋ ᐅᒋ, ᓇᒪ ᐎ ᑭᔭ ᐃᔎᐛ ᑭᔭ ᓇᐸᐛ ᐊ ᑕᔨᒋ ᐅᒋ ᐱᒪᑎᓯᐅᒡ ᓇᒪ ᑭᔭ ᐃᔪᐤ ᐅᑦ ᐃᑕᔨᑎᒧᐅᓂᔨᒡ ᐅᒡ᙮ ᑕᑈ ᒋᓴᒪᓂᑐᐛ ᐊ ᑕᔨᒋ ᒋ ᐅᒋ ᐅᔅᒋ ᐱᒪᑎᓯᐅᒡ᙮

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᐊᑈᔅᑕᓇᒡ 14:16

ᐅᑕᒡ ᐊᓐᑕ ᒋ ᐱᔅᑎᓇᐤ ᒋᓴᒪᓂᑐᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐃᓯ ᐱᒪᑎᓯᔨᒋ ᑕᓐ ᐛ ᐃᓯ ᐱᒪᑎᓯᔨᒋ ᑭᔭ ᒐᒋ ᐃᓯ ᐊᔭᒥᐊᔨᒋ ᑕᓐ ᐛ ᐃᓯ ᐊᔭᒥᐊᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:24

ᓇᒪ ᐅᒋ ᐊᐱᑕᔨᒪᐅᒡ ᒋᓴᒪᓂᑐᐛ᙮ ᐊᐅᒄ ᐛᒋ ᓇᔅᒡ ᒋ ᐱᔅᑕᔨᒥᑯᒡ ᐎᓂᓱᐅᓂᒡ ᐃᔅ, ᒐᒋ ᐊᑎ ᐃᑐᑕᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᑕᐃᐛᐛ᙮ ᐎᓂᐃᑐᐅᒡ ᒪᒃ ᐊᓂᔭ ᓇᔅᒡ ᓂᑐᐎᔾ ᐊ ᐃᑐᑕᑐᒡ ᐎᓂᓱᐅᓂᒡ ᐃᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:30

ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ ᐊᓐᑕ ᐅᑕᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᐊᓂᔭ ᒪᒃ ᐊᓄᒡ ᐊᑲ ᓂᓇᐃᑐᐛᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᔪᐅᒄ ᐛᒋ ᒋᔅᑎᒪᒐᔨᒥᑕᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:14

ᐊᓐᒡ ᒪᒃ ᐎ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐊᔭᐅᒡ ᐅᔭ ᐎᓱᐛᐅᓂᔪᐤ᙮ ᒥᒄ ᒪᒃ ᑎᐱᔨᐛ ᐊᓐᑕ ᐊ ᑕᒡ ᐊ ᐅᒋᐱᔨᒡ ᒐᒋ ᐃᑐᑕᒡ ᑕᓐ ᐊ ᐃᑎᓱᐛᔨᒡ ᐊᓂᔭ ᐎᓱᐛᐅᓂᔪᐤ ᐊᑯᑕ ᐛᒋ ᓄᑯᓂᔨᒡ ᐊ ᒋᔅᒐᔨᑕᒡ ᑕᓐ ᒋᐸ ᐃᑐᐅᒡ ᑭᔭ ᑕᓐ ᐊᓂᔭᔪᐛ ᐊᑲ ᒋᐸ ᐅᒋ ᐃᑐᐅᒡ ᐊᑎ ᐊᑲ ᐊᔭᒡ ᒧᓱᓴ ᐅᐎᓱᐛᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:10

ᐊᔅᒄ ᒪᒃ ᒪᒂᒡ ᐊᑲ ᓇᔅᒡ ᐅᒋ ᐊᐱᑕᔨᒪᐧᒄ ᒋᓴᒪᓂᑐᐤ ᐃᔭᐱᒡ ᒋ ᐅᑎᓂᒻ ᑕᓐᑕ ᒐᒋ ᐅᒋ ᐃᓯᓇᑯᓂᔨᒡ ᒐᒋ ᐊᑎ ᒥᔪ ᐎᒐᐛᐧᒄ᙮ ᑲ ᓂᐱᔅᑎᒪᑎᔨᑕᐧᑯ ᙭ᑕ ᐊᑯᑕ ᑲ ᐅᒋ ᓇᐃᐱᔨᑕᑦ ᐅᔭ ᒐᒋ ᐃᓯᓇᑯᓂᔨᒡ᙮ ᐊᑯ ᒪᒃ ᐊᓄᒡ ᐊ ᒥᔪᐎᒐᐛᐧᒄ ᒋᓴᒪᓂᑐᐤ ᒐᔅᑎᓇᑕᔨᑕᑯᓐ ᒐ ᐱᒪᒋᐃᑕᐧᒄ ᒋᓴᔅ ᐅᐱᒪᑎᓯᐅᓂᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:9

ᐊᔪᐅᒄ ᒪᒃ ᐊ ᑯᐃᔅᑯᑕᑎᓯᔭᐧᒄ ᐛᒋ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᙭ ᐊᒋ ᓂᐱᔅᑎᒪᑕᐧᒄ ᒋᐱᔭᑎᑯᒡ᙮ ᒋ ᒐᔅᑎᓇᑕᔨᑕᓇᓄᐤ ᙭ ᑕᑈ ᒐ ᐎᐧᑯᒋᐃᑕᐧᒄ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐤ ᑎᐸᔅᑯᓂᒐᐅᓂᔨᒡ ᐅᒡ ᒪᔅᑕᔾ ᒋᓯᑲᔨᒐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:12

ᐊᑲᐎᔾ ᒪᒃ ᐅᒋ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᐸᔨᒥᑯᔭᒄ ᒋᐱᒪᑎᓯᐅᓄᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:18

ᓂ ᒋᔅᒐᔨᑕᓐ ᐊᑲ ᓇᔅᒡ ᒋ ᒥᔪᑐᑎᒪᓐ ᓂᔾ ᑎᐱᔨᐛ ᐊ ᐎ ᒥᔪᑐᑎᒪᓐ, ᐅᑕ ᑭᑈ ᓇᒪ ᐅᒡ ᓂᐱᒪᑎᓯᐅᓂᒡ᙮ ᐊᑎ ᐊ ᑎᒂᒡ ᐊ ᐎ ᒥᔪᑐᑎᒪᓐ ᓇᒪ ᐃᔭᐱᒡ ᓂᒋ ᒥᔪᑐᑕᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:22

ᐊᐅᑯᓐ ᒪᒃ ᒧᔭᒻ ᐊ ᐃᑎᑦ ᒋᓴᒪᓂᑐᐤ᙮ ᒋ ᐎᔭᔨᑎᒻ ᒐᒋ ᐛᐸᑎᔨᐛᑦ ᐅᑦ ᐊᐧᑯᔪᐛᓱᐅᓐ ᑭᔭ ᒋ ᐎ ᒋᔅᒐᔨᑕᑯᑕᐤ ᐅᓱᒐᔨᑕᑯᓱᐅᓐ᙮ ᐅᑕ ᐅᑕᒡ ᒧᔅ ᒋ ᐸᒋ ᓯᐱᔪᐛᓯᔅᑐᐛᐤ ᐊᓂᔭᔪᐛ ᑲ ᒋᔄᐃᑯᑦ ᐅᑕ ᐅᑕᒡ, ᐊᓂᔭᔪᐛ ᑲ ᐃᑕᔨᑕᑯᓂᔨᒡ ᒐᒋ ᓂᓱᐅᓇᑎᓯᔨᒋ᙮

1 ᑯᕆᓐᑎᔭᓇ 4:7

ᐊᐛᓐ ᑲ ᒥᔨᑕᒄ ᓇᔅᒡ ᒋᒋᐛ ᒐᒋ ᐃᑕᔨᒥᓱᐛᒄ ? ᓇᒪᐎᔾ ᐊ ᒋᓴᒪᓂᑐᐤ ᒋ ᐅᒋ ᒥᔨᑯᐛᐤ ᒥᓯᐛ ᑕᓐ ᐊ ᐃᓯ ᐊᔭᐛᒄ ? ᒋᓴᒪᓂᑐᐤ ᐊᒋ ᒥᔨᑕᒄ ᐅᔭ ᒥᔨᐛᐅᓇ ᓇᒪ ᐃᓯᓇᑯᓐ ᒐᒋ ᒪᒥᒋᒧᔭᒄ ᒧᔭᒻ ᐊᑲ ᐎᔾ ᐅᒋ ᒥᔨᑕᒄ ᒐᒋ ᐃᑎᔭᒄ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᑲᓚᓯᔭᓇ 3:22

ᓇᒪ ᒪᒃ ᑎᑯᓐ ᐎᓱᐛᐅᓐ ᐊᓐ ᐊ ᐃᑕᔨᑕᒂᒡ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒥᓯᐛ ᐊᐛᓐ ᐅᑕ ᐊᔅᒋᒡ ᑲ ᐱᒪᑎᓯᑦ ᓇᔅᒡ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮ ᐊᑯ ᒪᒃ ᒋᓴᔅ ᙭ ᐅᒋ ᐊᑯᑕ ᒐ ᐅᒋ ᒥᔨᐛᑦ ᒋᓴᒪᓂᑐᐤ ᑕᓐ ᐊᓂᔭᔪᐛ ᒐᔅᑎᓇᔅ ᑲ ᐃᔅᒋᔄᑦ ᒐ ᒥᔨᐛᑦ᙮ ᒥᓯᐛ ᒪᒃ ᐊᓐᒡ ᒐ ᑕᑈᔭᔨᒪᒡ ᒋᓴᓴ ᐊᐅᑯᓐᒡ ᒐ ᒥᔨᑯᒡ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐ ᒥᔨᐛᔨᒋ᙮

ᐃᐱᓯᔭᓇ 2:2

ᐊᐅᑯᓐ ᑲ ᐃᓯ ᐱᒪᑎᓯᔭᒄ ᐊᔅᒄ ᐊᒋ ᓇᓴᐊᒪᒄ ᑕᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ᓇᓴᐛᒄ ᐊᓐ ᑲ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ᐊᑐᔅᒐᑦ ᐊ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

ᐃᐱᓯᔭᓇ 4:22

ᔅᒋ ᐎᑎᒪᑯᓇᐛᐤ ᒐ ᓂᓱᐅᓇᒋᐃᑯᔭᒄ ᐊᓐ ᑲ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ᐃᑕᑎᓯᔭᒄ ᐊ ᒥᒋᑐᑎᒪᒄ᙮

ᑯᓚᓯᔭᓇ 1:21

ᐊᔅᒄ ᐊᑲ ᐅᒋ ᑕᑈᔭᔨᒪᒄ ᙭ ᔅᒋ ᐊᔭᐛᐱᒪᐛᐤ ᒋᓴᒪᓂᑐᐤ ᑭᔭ ᔅᒋ ᐛᐧᑲᑕᐛᐤ᙮ ᐊᓐ ᑕᓐ ᑲ ᐃᓯ ᒋ ᒪᔭᑎᒡ ᒋᒥᑐᓇᔨᒋᑭᓄᐛᒡ ᑭᔭ ᑕᓐ ᑲ ᐃᓯ ᒋ ᒪᔭᑎᒡ ᒋᐱᒪᑎᓯᐅᓄᐛᒡ ᔅᒋ ᐛᐧᑲᑕᐛᐤ ᒋᓴᒪᓂᑐᐤ᙮

1 ᑕᓴᓗᓂᔭᓇ 4:13

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᓐ ᒐᒋ ᒋᔅᒐᔨᑎᒪᒄ ᑕᓐ ᐊ ᐃᔅᐱᔨᑦ ᐊᐛᓐ ᐊ ᐳᓂᐱᒪᑎᓯᑦ ᐊᒋ ᒪᒃ ᑕᑈᑕᐧᒃ ᒥᔽᒋᒧᐅᓂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐃᓯ ᒥᓯᒪᔨᑕᓇᐛᐤ ᐊ ᐃᓯ ᒥᓯᒪᔨᑕᒡ ᐊᓐᒡ ᐊᑲ ᐊᔭᒡ ᐊᔅᐸᔨᒧᐅᓂᔪᐤ᙮

1 ᑕᓴᓗᓂᔭᓇ 5:6

ᓇᒪ ᒪᒃ ᒋᐸ ᐅᒋ ᐃᑎᓇᓄᐤ ᒐ ᐊᑲ ᒋ ᐃᔭᐱᑕᔨᑎᒪᐧᒄ ᑭᔭ ᓇᔅᒡ ᒐ ᐊᑲ ᒋ ᓂᓇᑭᑐᐛᔨᑎᒪᐧᒄ ᑕᓐᑕ ᒐ ᐅᑎᒋᐱᔨᒡ ᐅᑎᐸᔨᒋᒐᐤ ᐅᒋᓯᑲᒻ ᒧᔭᒻ ᐊ ᐃᑎᒡ ᐊᓐᒡ ᐊᑲ ᑕᑈᑕᒡ ᒥᔽᒋᒧᐅᓂᔪᐤ᙮ ᒧᔅ ᒋᐸ ᐊᔭᔅᑯᐎᓇᓄᐤ, ᒧᔅ ᒋᐸ ᐎ ᐛᔅᑭᒪᔨᒧᓇᓄᐤ᙮

1 ᑎᒧᑎ 6:9

ᐊᑯ ᒪᒃ ᐊᓐᒡ ᒧᔅ ᐊᑐᐎᔅ ᑲ ᐎ ᐊᔭᒡ ᒐᒂᔪᐤ ᒋᑭ ᓂᒋᔅᑭᒧᒡ ᐊ ᐃᓯ ᑯᒂᒋᐃᑯᒡ ᐊᓂᔭ ᑭᔭ ᐊᓂᔭ ᒐ ᐃᓯ ᐊᑎ ᓂᓇᐧᑯᐤ ᒥᒋᓇᓂᑐᐛᔨᑕᒡ ᒧᔭᒻ ᐊ ᓂᒂᑎᑯᒡ ᒋᑭ ᐃᓯᓇᑯᓂᔪᐤ᙮ ᐛᐛᒡ ᓇᔅᒡ ᒋᑭ ᒋ ᓂᓱᐅᓇᒋᐃᑯᐅᒡ ᐅᔭ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

1 ᐱᑕᕐ 1:14

ᓱᒃ ᓂᓇᐃᑐᐛᐧᒄ ᒋᓴᒪᓂᑐᐤ᙮ ᐊᑲᐎᔾ ᒥᓐ ᒋᑭ ᐅᒋ ᓂᑕᐅᒋᒥᑭᓐ ᑕᓐ ᑲᒋ ᐃᓯ ᒥᒋ ᓇᓂᑐᐛᔨᑎᒪᒄ ᐊᓐᑕ ᐅᑕᒡ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᐊᔨᒪᔨᑎᒥᐃᑯᔭᒄ ᑭᔭ ᐊᔅᒄ ᐊᑲ ᐅᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

2 ᐱᑕᕐ 2:14

ᓇᒪ ᓂᑕ ᐳᓂᐱᔪᐤ ᓂᑐᐎᔾ ᐊ ᐃᓯ ᑭᓄᐛᐱᒪᒡ ᐃᔎᐛ᙮ ᓇᒪ ᒋ ᐳᓂᑕᐅᒡ ᒥᒋᑐᑎᒧᐅᓂᔪᐤ᙮ ᐛᐎᔭᓯᒪᐅᒡ ᑭᔭ ᐊᓂᔭ ᐊᐛᔪᐛ ᐊᑲ ᐊᔨᒋᑲᐳᔨᒋ ᑕᑈᑎᒧᐅᓂᒡ᙮ ᓴᑭᔅᒋᓇᔪᐤ ᐅᑕᐃᐛᒡ ᒧᔅᑕᓂᒪᒐᐅᓂᔪᐤ᙮ ᒪᔭᑎᓯᐅᒡ ᐅᒡ ᐅᔭ ᑲ ᐃᑕᔨᑕᑯᓯᒡ,

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

1 ᒠᓐ 2:16

ᒥᓯᐛ ᑕᓐ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ, ᐊ ᒥᒋ ᒧᔅᑕᓇᐸᑕᐧᒃ ᐊᐛᓐ ᒐᒂᔪᐤ, ᐊ ᐃᓯ ᒥᒋ ᒧᔅᑕᓇᔨᑕᐧᒃ, ᑭᔭ ᐊᓂᔭ ᐊ ᒋᔅᑕᔨᒧᑦ ᑕᓐ ᐊ ᐃᓯ ᐱᒪᑎᓯᑦ, ᓇᒪ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ ᐅ ᐃᑕᑎᓯᐅᓐ, ᐅᑕ ᐊᔅᒋᒡ ᐅᒋᒥᑭᓐ᙮

1 ᒠᓐ 2:8

ᒥᒄ ᒪᒃ ᐃᔭᐱᒡ ᐊ ᐅᔅᑲᒡ ᐃᑕᔨᑕᑯᓐ ᐅ ᑲ ᐃᓯ ᐊᔨᒧᑎᒪᑎᑯᒡ᙮ ᙭ ᒋ ᓄᑯᑕᐤ ᐊ ᑕᑈᒥᑭᓂᔨᒡ᙮ ᑭᔭ ᒋᔨᐛᐤ ᒪᒃ ᒋ ᓄᑯᑕᓇᐛᐤ ᐊ ᑕᑈᒥᑲᒡ᙮ ᐅᓂᑎᐱᔅᒋᓯᐅᓐ ᐎᒪᐱᔪᐤ, ᐊᑯ ᐊᓐ ᒋᒋᐛ ᐛᔅᑕᐅᓐ ᓴᔅ ᒋᐧᑲᔭᔅᑕᐤ᙮