ᐃᐱᓯᔭᓇ 1:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊ ᓴᒋᐃᑕᐧᒄ ᒋᓴᒪᓂᑐᐤ ᐊᔪᐅᒄ ᐅᔭ ᐛᒋ ᐃᑕᔨᒥᑕᐧᒄ ᐎᔾ ᒐᒋ ᐅᑦ ᐊᐛᓯᒥᑐᑕᑕᐧᒄ ᒋᓴᔅ ᙭ᑕ ᐊ ᑕᔨᒋ ᐅᒡ᙮ ᐊᔪᐅᒄ ᐅᔭ ᑲ ᐃᓯ ᓇᐊᔨᑎᒥᐃᑯᑦ ᒐᒋ ᐃᑎᑦ ᑭᔭ ᐊᔪᐅᒄ ᐅᔭ ᑲ ᐎ ᐃᑎᑦ᙮

ᐃᐱᓯᔭᓇ 1:5 ပူးပေါင်းရင်းမြစ်များ

ᒪᑎᔪᐤ 1:25

ᒥᒄ ᒪᒃ ᓇᒪ ᐊᔅᒄ ᐅᒋ ᐎᐸᒪᐤ ᐸᑐᔅ ᑲ ᐱᒪᑎᓯᔨᒋ ᐊᓂᔭᔪᐛ ᐅᑦ ᐊᐛᓯᒥᔪᐛ᙮ ᒍᓯᑉ ᒪᒃ, ᒋᓴᔅ ᒋ ᐃᓯᓂᐧᑲᑕᐤ ᐊᓂᔭᔪᐛ ᐊᐛᓴ᙮

ᒪᑎᔪᐤ 11:26

ᓂᐦᐃ, ᓄᑕ ᒋ ᓂᓇᔅᑯᒥᑎᓐ ᐛᔅ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᓐ᙮”

ᓗᒃ 10:21

ᐊᑯᑕ ᒪᒃ ᒋᓴᔅ ᓇᔅᒡ ᑕᑈ ᑲ ᒧᒋᒐᔨᑎᒥᔅᑲᑯᑦ ᑲ ᐸᔭᒋᓯᔨᒋ ᐊᒐᒂ᙮ ᒋ ᐃᔅᒋᔄᐤ ᒪᒃ, “ᓄᑕ, ᒋᔾ ᑲ ᑎᐸᔨᑎᒥᓐ ᒋᒋᒋᓯᒄ ᑭᔭ ᐊᔅᒋᔾ ᒋ ᓂᓇᔅᑯᒥᑎᓐ, ᐛᔅ ᒋᓂᑲᐊᒧᐛᐅᒡ ᐊᓐᒡ ᑲ ᑭᒐᑕᐛᔨᑕᒡ ᒐ ᐊᑲ ᒋ ᓂᔅᑐᑎᒧᐛᒂ ᐅᔭ ᒐᒂᔪᐤ᙮ ᐊᑯ ᐊᓐᒡ ᐊᑲ ᓇᔅᒡ ᑲ ᑭᒐᑕᐛᔨᑕᒡ ᔅᒋ ᐃᑐᑐᐛᐅᒡ ᐎᔨᐛᐤ ᒐᒋ ᓂᔅᑐᑕᒡ᙮ ᓂᐦᐃ, ᓄᑕ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᐃᑯᔨᓐ ᒐᒋ ᐃᑐᑎᒥᓐ᙮”

ᓗᒃ 11:32

ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᒐ, ᐊᓂᔭᐧᑲ ᐃᔪᒡ ᐊᓐᑕ ᓂᓇᐸᒡ ᑲᒋ ᑕᒡ ᒋᑭ ᐅᐱᑲᐳᐅᒡ ᒐ ᐃᔅᒋᔄᒡ ᒐᒋ ᐛᐛᓯᐃᑯᐛᒄ ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ᙮ ᐛᔅ ᐊᑯᑕ ᑲ ᐅᒋ ᒂᔅᑲᑎᓯᒡ ᐃᔅᐱᔅ ᑲ ᐸᑐᐛᒡ ᒍᓇᔨᒋ ᐊ ᑭᒐᔅᒋᒧᔨᒋ᙮ ᑕᐤ ᒪᒃ ᐊᐛᓐ ᐅᑕ ᐅᔅᑕ ᐊ ᐃᑕᔨᑕᑯᓯᑦ ᐃᔅᐱᔅ ᒍᓇᔨᒋ᙮”

ᓗᒃ 12:32

“ᐊᑲᐎᔾ ᓴᒋᓯᒄ, ᐊᑎ ᐊᑲ ᒥᒐᑎᔭᒄ, ᐛᔅ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᓇᔅᒡ ᑕᑈ ᓇᐊᔨᑎᒥᐃᑯᐤ ᒐᒋ ᒥᔨᑕᒄ ᐅᒋᓴᐅᒋᒪᐅᓐ᙮

ᒠᓐ 1:12

ᐊᓂᔭ ᒪᒃ ᐊᐛᔪᐛ ᑲ ᐅᑎᓂᑯᑦ ᑭᔭ ᑲ ᑕᑈᔭᔨᒥᑯᑦ ᒋ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᐅᑦ ᐊᐛᓯᒥᑐᑕᑯᔨᒋ ᒋᓴᒪᓂᑐᐛ᙮

ᒠᓐ 11:52

ᒥᒄ ᒪᒃ ᓇᒪ ᒥᒄ ᒍᐤ ᐃᔪᐛ ᒐ ᓂᐱᔅᑎᒧᐛᔨᒋ, ᒥᓯᐛ ᑭᔭ ᐊᓂᔭᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑕᑎᐸᓐ ᑲ ᑕᔨᒋ ᒐ ᒪᒧᓇᔨᒋ, ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮

ᒠᓐ 20:17

ᒋᓴᔅ ᒂ ᐃᔅᒋᔄᑦ, “ᐊᑲᐎᔾ ᑕᒋᓂᔾ ᐛᔅ ᓇᒪ ᐊᔅᒄ ᓄᑕᐎᔾ ᐊ ᑕᑦ ᓂ ᐅᒋ ᐃᓯ ᐅᐱᔨᓐ᙮ ᓂᑐᐛᐱᒥᒡ ᓂᐧᑲᓂᓯᒡ ᒐ ᐎᑎᒧᐅᑥᐤ ᒐ ᐅᐱᔪᐅᒡ ᓄᑕᐎᔾ ᑭᔭ ᒋᔨᐛᐤ ᒍᑕᐎᐛᐤ ᐊ ᑕᑦ ᐃᔅ, ᓂᒋᓴᒪᓂᑐᒻ ᑭᔭ ᒋᔨᐛᐤ ᒋᒋᓴᒪᓂᑐᒧᐛᐤ᙮”

ᐊᑈᔅᑕᓇᒡ 13:48

ᐃᔅᐱᔅ ᐱᔭᑐᐛᒡ ᑈᓚ ᐊᓂᔭ ᑲ ᐃᔅᒋᔄᔨᒋ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ ᓄᐛᒡ ᒋ ᒥᔽᔨᑎᒧᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭ ᑲ ᐃᓯ ᐱᔅᑎᓂᒥᔨᒋ ᐅᑦ ᐃᔨᒧᐅᓂᔪᐤ᙮ ᐊᑯ ᐊᓐᒡ ᐃᔪᒡ ᑲ ᐅᑎᓂᑯᒡ ᒋᓴᒪᓂᑐᐛ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᒋ ᒋᒋ ᑕᑈᔭᔨᒪᐅᒡ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:23

ᓇᒪ ᒪᒃ ᒥᒄ ᐅᔭ ᒐᒂᔪᐛ ᓂᓇᐧᑲᑕᔨᒧᒥᑭᓇ᙮ ᒋᔭᓄᐤ ᑭᔭ ᒋᓴᒪᓂᑐᐤ ᑲ ᐅᑦ ᐊᐛᓯᒥᑐᑕᑕᐧᒄ ᒋ ᓂᓇᐧᑲᑕᔨᒧᓇᓄᐤ ᒋᑕᐃᓇᒡ ᒪᒂᒡ ᐊ ᐊᓱᐛᐸᑎᒪᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᓄᑯᐃᑯᐅᔭᐧᒄ ᑭᔭ ᒐᒋ ᐃᓯᐃᑯᐅᔭᐧᒄ ᐊᑲ ᓂᑕ ᒥᓐ ᒐᒋ ᓂᓇᐧᑲᑕᔨᒧᔭᐧᒄ, ᑲᒋᒡ ᒐᒋ ᐱᒪᑎᓯᔭᐧᒄ᙮ ᓴᔅ ᒪᒃ ᔅᒋ ᒥᔨᑯᓄᐤ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐅᒋ ᒋᔅᒐᔨᑎᒪᐧᒄ ᒥᓯᐛ ᑕᑈ ᒐ ᐃᔅᐱᔨᒡ ᐅᔭ᙮

1 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᒪᓂᑐᐤ ᓂᒋ ᐅᑎᓂᒄ ᙭ ᒋᓴᔅ ᐅᑦ ᐊᑈᔅᑕᓂᒪ ᒐᒋ ᐃᑕᐱᒋᐃᑦ᙮ ᒋᐧᑲᓂᓯᓄᐤ ᓱᔅᑎᓂᔅ ᑭᔭ ᐎᔾ ᑕᐤ ᐅᑕ ᐊ ᑕᐅᒡ᙮

1 ᑯᕆᓐᑎᔭᓇ 1:21

ᐊᑯ ᒪᒃ ᐊ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᐊᓂᔭ ᒋᔎ ᐃᔨᒧᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮

2 ᑯᕆᓐᑎᔭᓇ 6:18

ᒋᑭ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ᑭᓄᐛᐱᒥᑎᓇᐛᐤ,” ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮

ᑲᓚᓯᔭᓇ 3:26

ᒥᓯᐛ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ᙮

ᐃᐱᓯᔭᓇ 1:11

ᒧᔅ ᐃᑐᑎᒻ ᒋᓴᒪᓂᑐᐤ ᑕᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᑕᐧᒃ᙮ ᙭ᑕ ᒪᒃ ᐊ ᐎᒐᐅᒪᐧᑯ ᐊᑯᑕ ᑲ ᐅᒋ ᐅᑎᓂᑕᐧᒄ ᒋᓴᒪᓂᑐᐤ ᐛᔅ ᐊᔪᐅᒄ ᐅᔭ ᑲ ᐃᓯ ᐎᔭᔨᑕᐧᒃ ᓴᔅ ᐊᓐᑕ ᐛᔅᑭᒡ᙮

ᐃᐱᓯᔭᓇ 1:9

ᒋ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐎ ᐃᑐᑕᐧᒃ, ᔅᒋ ᒥᔨᑯᓄᐤ ᒐᒋ ᒋᔅᒐᔨᑎᒺᐧᒄ ᐊᓂᔭ ᑕᓐ ᓴᔅ ᑲ ᐃᓯ ᐎᔭᔨᑕᐧᒃ ᐊᑲ ᐅᒋ ᒋᔅᒐᔨᑎᒥᔨᒋ ᐊᐛᔪᐛ᙮ ᒋᑭ ᐃᑐᑎᒻ ᒪᒃ ᐊᓂᔭ ᑕᓐ ᐛ ᐃᑐᑕᐧᒃ ᙭ᑕ ᐊ ᑕᔨᒋ ᐅᒡ᙮

ᐱᓕᐱᔭᓇ 2:13

ᐛᔅ ᒋᓴᒪᓂᑐᐤ ᒧᔅ ᐊᑐᔅᒐᔅᑎᒻ ᒋᐱᒪᑎᓯᐅᓄᐛᐛ᙮ ᒋ ᐃᑐᑕᑯᐛᐤ ᒐᒋ ᓂᓇᐊᔨᑎᒺᒄ ᑭᔭ ᒋ ᐎᒋᐃᑯᐛᐤ ᒐᒋ ᐃᑐᑎᒺᒄ ᐊᓂᔭᔪᐤ ᐊ ᐃᓯ ᓇᐊᔨᑕᐧᒃ᙮

ᑯᓚᓯᔭᓇ 1:19

ᐛᔅ ᒋᓴᒪᓂᑐᐤ ᒋ ᓇᐊᔨᑎᒻ ᓇᔅᒡ ᒐᒋ ᐱᒋᔅᑯᐛᑦ ᒋᓴᓴ ᒐᒋ ᓂᔅᐱᑕᑯᑦ᙮

2 ᑕᓴᓗᓂᔭᓇ 1:11

ᐊᐅᒄ ᒪᒃ ᐅ ᐛᒋ ᒧᔅ ᐊᔭᒥᐊᔅᑎᒪᑕᒡ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᒋᔅᑕᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᑲ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᐱᒪᑎᓯᐛᒄ᙮ ᓂ ᓂᑐᑎᒧᐛᓇᓐ ᒐᒋ ᒥᔨᑕᒄ ᓱᐧᑲᑎᓯᐅᓂᔪᐤ ᒐᒋ ᐃᑐᑎᒪᒄ ᒥᓯᐛ ᐊ ᐃᓯ ᐱᑯᓴᔨᒥᑯᐅᔭᒄ ᒐᒋ ᐃᓯ ᒥᔪᑐᑎᒪᒄ᙮ ᑭᔭ ᒐᒋ ᐎᒋᐃᑕᒄ ᒐᒋ ᒋᔅᑕᐛᒄ ᐊᓂᔭᔪᐛ ᒐᒂᔪᐛ ᑲ ᐃᑐᑎᒪᒄ ᐊ ᑕᑈᑎᒪᒄ᙮

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮

1 ᒠᓐ 3:1

ᑭᓄᐛᐸᑎᒧᒄ ᒪ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ, ᐊ ᒥᔨᑕᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯᓂᐧᑲᑎᑯᐅᐛᐧᒄ ! ᑕᑈ ᒪᒃ ᒋ ᐅᑦ ᐊᐛᓯᒥᑕᑯᓄᐤ ! ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᓇᒪ ᒋ ᒋᔅᒐᔨᒥᑯᓄᐅᒡ ᐊᐛᓐᒋ ᒋᔭᓄᐤ ᐛᔅ ᑕᐸ ᒋᔅᒐᔨᒪᐅᒡ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 21:7

ᐊᐅᒄ ᐅᔭ ᒐ ᐃᓯ ᐊᓂᔅᒐ ᒥᔨᒃ ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ᙮ ᑭᔭ ᓂᔾ ᓂᑭ ᐅᒋᓴᒪᓂᑐᒥᑐᑕᒄ ᑭᔭ ᐎᔾ ᒐ ᐅᑦ ᐊᐛᓯᒥᑐᑐᐅᒃ᙮