ᑯᓚᓯᔭᓇ 2:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓇᔅᒡ ᒪᒃ ᒋ ᑲᓯᓯᓇᐊᒻ ᒋᓴᒪᓂᑐᐤ ᑕᓐ ᑲ ᐃᓯ ᒥᓯᓇᑕᔨᒡ ᐊᒋ ᐃᓯ ᒥᒋᑐᑎᒧᐛᐅᐧᑯᐱᓇ ᐎᓱᐛᐅᓇ ᐊᒋ ᐱᑯᓂᒪᐧᒄ᙮ ᐊᓐᑕ ᐅᑕᒡ ᔅᒋ ᒪᑎᑯᔅᑲᑯᓇᓄᐤ ᐅ ᐊᒋ ᐃᓯ ᒥᒋᑐᑎᒪᐧᒄ, ᒥᒄ ᒪᒃ ᒋᓴᒪᓂᑐᐤ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᐃᔅᐱ ᑲ ᓂᐱᔅᑎᒪᑕᐧᒄ ᙭ ᒧᔭᒻ ᐊ ᒋᔅᑕᔎᐛᐧᒃ ᙭ ᐅᒋᐱᔭᑎᑯᒥᒡ ᐊᐅᑯᓐ ᑲ ᐃᑐᑕᐧᒃ ᒋᓴᒪᓂᑐᐤ ᒋᒥᒋᑥᐅᓄᐛ᙮

ᑯᓚᓯᔭᓇ 2:14 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 51:1

ᒋᔅᑎᒪᒐᔨᒥ, ᐅ ᒋᓴᒪᓂᑐᐤ, ᑲ ᐃᔅᐱᔅ ᓴᒋᐃᐛᐤ ᒋᓴᐛᑎᓯᔨᓐ; ᐊ ᐃᓯ ᒥᒐᒋ ᒋ ᔪᔅᐱ ᒋᔅᑎᒪᒐᔨᒋᒐᐅᓇ, ᑲᓯᐊ ᓂᐅᓂᑐᑎᒧᐅᓇ᙮

ᑎᐱᑦ ᐅᓂᑭᒧᐅᓇ 51:9

ᐊᑲ ᑭᓄᐛᐸᑕ ᓂᒥᒋᑐᑎᒧᐅᓇ, ᑲᓯᐊ ᒪᒃ ᒥᓯᐛ ᓂᒥᒐᑎᓯᐅᓇ᙮

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᑯᓚᓯᔭᓇ 2:20

᙭ ᑲ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ᐱᒪᑎᓯᔭᒄ ᒧᔭᒻ ᐊᔅᒄ ᐊ ᑎᐸᔨᒥᑯᔭᒄ ᐅ ᐊᔅᒋᔾ᙮

2 ᑕᓴᓗᓂᔭᓇ 2:7

ᐛᔅ ᐊᓐ ᒥᒐᑎᓯᐅᓐ ᑲ ᒪᒥᔅᑲᑕᔨᑕᒂᒡ ᓴᔅ ᐊᑐᔅᒐᒥᑭᓐ ᒥᒄ ᒪᒃ ᐊᓐ ᑕᓐ ᐊᔅᒄ ᒐ ᐃᔅᐱᔨᒡ ᓇᒪ ᐸᑎᒪ ᒋᑭ ᐅᒋ ᐃᔅᐱᔪᐤ ᐸᑐᔅ ᒋ ᐃᒐᓇᑭᓄᒐ ᐊᓐ ᑲ ᐅᑎᒥᐃᐛᑦ᙮

ᐃᑉᕈᐛ 7:18

ᐊᑯ ᒪᒃ ᐊᓐ ᑲᒋ ᐃᓯ ᐊᐱᑎᒡ ᐎᓱᐛᐅᓐ ᐃᒐᓂᑭᓄᐤ ᐛᔅ ᓇᒪ ᓱᒐᔨᑕᑯᓐ ᑭᔭ ᓇᒪ ᐅᔭᔅ ᒋ ᐃᑕᐱᑎᓐ᙮

ᐃᑉᕈᐛ 8:13

ᐃᔅᐱ ᒋᓴᒪᓂᑐᐤ ᑲ ᐃᔅᒋᔄᑦ ᒥᓐ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ᐅᓯᑎᒧᐛᑦ ᐅᑦ ᐃᔨᒪ, ᐊᑯᑕ ᐛᒋ ᒋᔅᒐᔨᑕᒂᒡ ᐊᓐ ᓂᔅᑎᒻ ᑲ ᐅᓯᑕᑭᓄᐅᒡ ᐊᑲ ᓴᔅ ᐊᐱᑎᒡ ᑭᔭ ᓴᔅ ᐊ ᐸᓱᓇᒂᒡ ᒐᒋ ᐃᓯ ᐊᐱᑎᒡ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮