ᑯᓚᓯᔭᓇ 2:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᑭᔭ ᑲ ᓯᑲᐃᑕᑯᐅᔭᒄ ᒧᔭᒻ ᐊᒋ ᐊᓯᒡ ᓇᐃᐧᑲᑯᐅᔭᒄ ᙭ ᑲ ᓇᐃᐧᑯᐛᑭᓄᐅᑦ ᐃᓯᓇᑯᓐ᙮ ᐊᑯ ᒪᒃ ᐊᓐ ᐊ ᑕᑈᑎᒪᒄ ᒋᓴᒪᓂᑐᐤ ᐅᒥᔅᑯᓯᐅᓐ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐃᓯᓇᑯᓐ᙮ ᐊᐅᒄ ᐊᓂᔭ ᒥᔅᑯᓯᐅᓂᔪᐤ ᒋᓴᒪᓂᑐᐤ ᑲ ᐊᐱᒋᑕᑦ ᑲ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮

ᑯᓚᓯᔭᓇ 2:12 ပူးပေါင်းရင်းမြစ်များ

ᓗᒃ 17:5

ᒋᓴᔅ ᐅᑦ ᐊᑈᔅᑕᓂᒪ ᒋ ᐃᑎᑯᐤ, “ᐅᑎᐸᔨᒋᒐᐤ, ᑐᑕ ᒪ ᓂᑕᑈᑎᒧᐅᓇᓇ ᐊᑐᐎᔅ ᒐᒋ ᓱᒐᔨᑕᒂᒋ᙮”

ᐊᑈᔅᑕᓇᒡ 14:27

ᐃᔅᐱ ᒪᒃ ᑲᐤ ᒪᓯᑲᒡ ᐊᓐᒡ ᐊᑈᔅᑕᓇᒡ ᐊᓐᑕ ᐊᓐᑎᔭᑭᒡ, ᒋ ᓂᔅᑐᓇᐅᒡ ᐊᓂᔭ ᒥᓯᐛ ᐅᒪᒧᐊᔭᒥᐊᐛ ᐊ ᐛᐎᑎᒧᐛᒡ ᑕᓐ ᑲ ᐃᑐᑎᒥᔨᒋ ᒋᓴᒪᓂᑐᐛ ᐎᔨᐛᐤ ᐊᒋ ᐊᐱᒋᐃᑯᒡ᙮ ᐊᑯ ᒪᒃ ᐊᓐᒡ ᐃᔪᒡ ᒋ ᐎᑎᒪᑯᐅᒡ ᐊᓂᔭ ᐊᑈᔅᑕᓇ, ᐊᓂᔭ ᐃᔪᐛ ᐊᑲ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐎᔨᐛᐤ ᐊ ᑕᑈᔭᔨᒪᒡ ᒋᓴᓴ᙮

ᐊᑈᔅᑕᓇᒡ 2:24

ᒥᒄ ᒪᒃ ᒋᓴᒪᓂᑐᐤ ᒋ ᐅᓂᔅᑲᓇᐤ ᓂᐳᐅᓂᒡ ᐅᒡ᙮ ᒋ ᐎᐧᑯᒋᐊᐤ ᓂᐳᐤ ᐎᓯᒐᔨᑎᒧᐅᓂᒡ ᐅᒡ ᐛᔅ ᓇᒪ ᐅᒋ ᒥᒋᒥᓂᑯᐤ ᓂᐳᐅᓂᔪᐤ ᒋᓴᔅ᙮

ᐊᑈᔅᑕᓇᒡ 2:32

ᐊᑯ ᐱᑕᕐ ᒥᓐ ᒂ ᐊᑎ ᐃᔅᒋᔄᑦ, “ᒋᓴᒪᓂᑐᐤ ᒋ ᐅᓂᔅᑲᓇᐤ ᐅᔭ ᒋᓴᓴ ᓂᐳᐅᓂᒡ ᐅᒡ᙮ ᓂ ᒋᔅᒐᔨᑕᓇᓐ ᐅ ᐛᔅ ᓂᒋ ᐛᐱᒪᓇᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:24

ᒋᑦ ᐊᔅᑕᐅᑯᓇᓄᐤ ᑭᔭ ᒋᔭᓄᐤ ᐅ ᑲ ᐃᑎᔅᑕᒡ, ᒋᔭᓄᐤ ᑲ ᑕᑈᔭᔨᒪᐧᒄ ᒋᓴᒪᓂᑐᐤ ᐊᓐ ᑲ ᐅᓂᔅᑲᓇᑦ ᒋᓴᓴ ᒋᑎᐸᔨᒋᒐᓯᒥᓄᐛ ᓂᐳᐅᓂᒡ ᐅᒋ᙮ ᑭᔭ ᒋᔭᓄᐤ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:4

ᐊᐅᑯᓐ ᒪᒃ ᒧᔭᒻ ᐊ ᐃᓯᓇᒂᒡ ᑕᓐ ᑲ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ᙮ ᐛᔅ ᒧᔭᒻ ᐊᒋ ᐊᓯᒡ ᒋᔅᑕᔎᐅᑯᐃᔭᒄ ᒋᓴᔅ ᑲ ᓂᐸᐊᑭᓄᐅᑦ ᐊᐅᒄ ᐊ ᐃᓯᓇᒂᒡ᙮ ᐊᑯᑕ ᒪᒃ ᐛᒋ ᐃᓯᓇᒂᒡ ᑯᑎᒃ ᐊᐛᓐ ᐊᑯ ᐊ ᑎᐸᔨᒥᑕᒄ, ᐊᐅᒄ ᒋᓴᔅ᙮ ᐛᔅ ᒋ ᐃᑐᑕᑯᐤ ᒋᓴᒪᓂᑐᐛ ᑲᐤ ᒐᒋ ᐱᒪᑎᓯᑦ ᐊᑎ ᐊᒋ ᓂᐱᑦ ᒐᒋ ᐅᒋ ᒥᔪ ᐊᐱᒋᐃᑕᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 12:13

ᐸᐃᑯᓱᐤ ᐊᓐ ᐊᒐᐧᒄ ᐊᑎ ᒥᓯᐛ ᐸᐃᒄ ᒥᔪᐤ ᑲ ᐅᒋ ᐃᓯᐃᑯᐅᔭᐧᒄ ᑲ ᓯᑲᐃᑕᑯᐅᔭᐧᒄ᙮ ᓇᒪ ᐎᔭᓯᓐ ᒍᐤ ᐊ ᐃᑎᔅᑲᓇᓯᒂ ᐊᐛᓐ ᒪᒃ ᐊᑲ ᒍᐤ ᐃᑎᔅᑲᓇᓯᒂ, ᑭᔭ ᒪᒃ ᐊᐱᒋᐊᑭᓐ ᐊ ᐃᑕᐱᒋᐊᑭᓄᒂ ᑭᔭ ᒪᒃ ᐊᑲ ᐊᐱᒋᐊᑭᓐ ᐃᑕᐱᒋᐊᑭᓄᒂ᙮ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᐸᐃᒄ ᐊᒐᐧᒄ ᒋᐱᒋᔅᑲᑭᓄᐤ᙮

1 ᑯᕆᓐᑎᔭᓇ 15:20

ᒥᒄ ᒪᒃ ᑕᑈᒥᑭᓐ ᙭ ᑲᐤ ᐊᒋ ᐅᓂᔅᑲᓇᑭᓄᐅᑦ ᑲ ᓂᐱᑦ᙮ ᐊᑯᑕ ᒪᒃ ᐛᒋ ᒐᔅᑎᓇᑕᔨᑕᒂᒡ ᑭᔭ ᐎᔨᐛᐤ ᒐ ᐅᓂᔅᑲᓇᑭᓄᐅᒡ ᐊᓐᒡ ᑲ ᓂᐱᒡ ᐊᒋ ᑕᑈᔭᔨᒪᒡ ᙭ᑕ᙮

ᑲᓚᓯᔭᓇ 3:27

ᑲ ᓯᑲᐃᑕᑯᔭᒄ ᐎᔾ ᙭ ᐊ ᑕᑦ ᔅᒋ ᐃᓯ ᓯᑲᐃᑕᑯᓇᐛᐤ᙮ ᐊᑯ ᒪᒃ ᐎᔾ ᐊ ᑕᑦ ᐊ ᐃᓯ ᑎᐸᔨᑕᑯᓯᔭᒄ ᑭᔭ ᒋᑦ ᐊᑎ ᓂᔅᐱᑐᐛᐛᐤ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐃᐱᓯᔭᓇ 3:7

ᒋᓴᒪᓂᑐᐤ ᓂᒋ ᓱᐛᔨᒥᒄ, ᓂᔾ ᓂᒋ ᐅᑎᓂᒄ ᒐᒋ ᐱᐸᒧᑕᐅᒡ ᐅᒥᔽᒋᒧᐅᓐ, ᓂᒋ ᒥᔨᒄ ᐅᒥᔅᑯᓯᐅᓐ ᑭᔭ ᓂᒋ ᒥᔨᒄ ᑭᔅᒋᐅᓂᔪᐤ ᑯᐃᔅᒄ ᒐᒋ ᐃᑐᑎᒧᒡ ᐅᔭ ᐊᑐᔅᒐᐅᓂᔪᐤ᙮

ᐃᐱᓯᔭᓇ 4:5

ᒥᒄ ᐸᐃᑯᓱᐤ ᐅᑎᐸᔨᒋᒐᐤ, ᑭᔭ ᐸᐃᑯᓐ ᑕᑈᑎᒧᐅᓐ, ᐸᐃᑯᓐ ᑭᔭ ᓯᑲᐃᑕᒐᐅᓐ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᐱᓕᐱᔭᓇ 1:29

ᒋᓴᒪᓂᑐᐤ ᒪᒃ ᔅᒋ ᐎᔭᔨᒧᑯᐛᐤ ᓇᒪᔭᐤ ᒥᒄ ᒐᒋ ᑕᑈᔭᔨᒪᒄ ᙭, ᔅᒋ ᐎᔭᔨᒥᑯᐛᐤ ᑭᔭ ᒐᒋ ᓂᓇᐧᑲᒋᐃᑯᐅᔭᒄ ᙭ ᐅᒡ᙮

ᑯᓚᓯᔭᓇ 1:29

ᒐᒋ ᐃᑐᑎᒪᓐ ᒪᒃ ᐅ ᓂ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ᐊᑐᔅᒐᐅᒡ᙮

ᑯᓚᓯᔭᓇ 2:13

ᒋᒥᒋᑥᐅᓄᐛᐛ ᔅᒋ ᐃᑐᑕᑯᓇᐛᐤ ᒧᔭᒻ ᐊ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ᒥᔨᑯᐛᐤ ᒋᓴᒪᓂᑐᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 6:2

ᑭᔭ ᒐᒋ ᒋᔅᑯᑎᒪᑯᐅᔭᐧᒄ ᓯᑲᐃᑕᒐᐅᓇ, ᑭᔭ ᐊ ᑕᒋᓇᑭᓄᐎᒡ ᐊᐛᓐᒋ, ᑭᔭ ᓂᐳᐅᓂᒡ ᐊ ᐅᒋ ᐅᓂᔅᑲᓇᑭᓄᐅᑦ ᐊᐛᓐ ᑭᔭ ᒪᔅᑕᔾ ᑎᐸᔅᑯᓂᒐᐅᓐ᙮

1 ᐱᑕᕐ 3:21

ᐊᓐ ᒪᒃ ᓂᐱᔾ, ᒧᔭᒻ ᓯᑲᐃᑕᒐᐅᓐ ᒋ ᐃᓯᓇᑯᓐ, ᓯᑲᐃᑕᒐᐅᓂᔪᐤ ᒪᒃ ᐊᔪᐅᒄ ᐸᒪᒋᐃᑯᑦ ᐊᐛᓐ ᑲ ᑕᑈᑕᐧᒃ᙮ ᒥᒄ ᒪᒃ ᐊ ᓯᑲᐃᑐᐛᑭᓄᐅᑦ ᐊᐛᓐ ᓇᒪ ᐎᔪᐤ ᒋᔅᑕᐸᐅᑕᑭᓄᐅᔪᐤ᙮ ᓄᑯᑕᐤ ᒋᓴᒪᓂᑐᐛ ᐊ ᐃᑕᑦ ᑕᑈ ᙭ᑕ ᒐ ᓇᓴᐛᑦ᙮ ᐱᒪᒋᐃᑯᐤ ᐊ ᓯᑲᐃᑐᐛᑭᓄᐅᑦ ᐊᓂᔭ ᐅᒋ ᒋᓴᔅ ᙭ᑕ ᐊᒋ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮