ᐊᑈᔅᑕᓇᒡ 9:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᐊᑈᔅᑕᓇᒡ 9:31 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 111:10

ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐊᑯᑕ ᐛᒋ ᒋᒋᐱᔨᒡ ᑭᒐᑕᐛᔨᑎᒧᐅᓐ: ᒥᔪ ᓂᔅᑐᑎᒧᐅᓂᔪᐤ ᐊᔭᐅᒡ ᒥᓯᐛ ᐊᓐᒡ ᑲ ᐃᑐᑎᒺᒡ ᐅᑦ ᐃᑎᓱᐛᐅᓂᔨᐛ: ᐅᒪᒥᒋᒥᑯᓯᐅᓐ ᑲᒋᒡ ᑎᑯᓂᔪᐤ᙮

ᑎᐱᑦ ᐅᓂᑭᒧᐅᓇ 86:11

ᒋᔅᑯᑎᒧᐎ ᒋᑦ ᐃᓯᑥᐅᓐ, ᐅ ᑎᐸᔨᒋᒐᓱᐤ; ᓂᑭ ᐱᒧᑕᓐ ᒋᑕᑈᐅᓂᒡ: ᐃᓯᓇᑯᑕ ᓂᑕᐃ ᒐᒋ ᓇᓂᒋᔅᑎᒪᓐ ᒋᑦ ᐃᓯᓂᐧᑲᓱᐅᓐ᙮

ᑎᐱᑦ ᐅᓂᑭᒧᐅᓇ 94:13

ᒐᒋ ᒥᔨᑦ ᒐᒋ ᐊᔽᐱᑦ ᐃᔅᐱ ᐊ ᐊᔨᒥᓯᐤ ᒋᓯᑲᔨᒐ, ᐸᑎᒪ ᒋ ᒧᓇᐊᒥᒐ ᐊᒂᐃᑕᐛᔅᑲᔨᒡ ᐅᒥᒋᑥᐛ᙮

ᐊᑈᔅᑕᓇᒡ 12:24

ᐊᔭᔅᒃ ᒪᒃ ᒥᓯᑕ ᒋ ᐛᐎᑕᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐊᓐᒡ ᑲ ᑕᑈᑕᒡ᙮

ᐊᑈᔅᑕᓇᒡ 16:5

ᐊᑯ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑕᑈᑎᒧᐅᓂᒡ ᐃᔅ ᑭᔭ ᐊᓯᑯᒻ ᒋᓯᑲᐛ ᒋ ᐊᑎ ᒥᒐᑐᐅᒡ ᐊᐛᓐᒋ ᐊ ᑕᑈᑕᒡ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 20:32

“ᑭᔭ ᐊᓄᒡ ᒋ ᐊᑎ ᐃᓯ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ ᒐ ᒥᔪ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒐ ᐅᑦ ᐃᔨᒥᑦ᙮

ᐊᑈᔅᑕᓇᒡ 5:11

ᒥᓯᐛ ᒪᒃ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᑭᔭ ᑯᑎᑭᒡ ᐊᐛᓐᒋ ᑲ ᐸᑕᒡ ᐅᔭ ᐊᒋ ᐃᔅᐱᔨᒡ ᓇᔅᒡ ᑕᑈ ᒋ ᓴᒋᓱᐅᒡ᙮

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 8:1

ᓴᓪ ᒪᒃ ᒋ ᒥᔽᔨᑎᒻ ᐊᒋ ᓂᐸᐊᑭᓄᔨᒋ ᔅᑎᐱᓇ᙮ ᐊᓂᔭ ᒪᒃ ᐊ ᐸᐃᑯᓂᔨᒡ ᐊ ᒋᓯᑲᔨᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒋᕈᓯᓕᒥᒡ ᐊᑯᑕ ᑲ ᐅᒋ ᒋᒋ ᓂᓇᐧᑲᒋᐊᑭᓄᐎᒡ᙮ ᐊᔪᐅᒄ ᐅᔭ ᐛᒋ ᓂᑭᑕᒡ ᒋᕈᓯᓕᒥᔪᐤ ᐊᑯ ᐊᓐᑕ ᒍᑎᔭᒡ ᑭᔭ ᓴᒪᕆᔭᐃᒡ ᒂ ᐎᒋᒡ᙮ ᒥᒄ ᐊᓐᒡ ᐊᑈᔅᑕᓇᒡ ᐊᑯᑕ ᐃᔭᐱᒡ ᑲ ᑕᒡ ᐎᔨᐛᐤ ᐊᓐᑕ ᒋᕈᓯᓕᒥᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:19

ᓱᒃ ᒪᒃ ᒧᔅ ᐎᓯ ᐱᒪᑎᓯᑕᐤ ᒐᒋ ᐎᒋᐃᐧᑯᒡ ᑯᑎᑭᒡ ᐊᐛᓐᒋ ᒐᒋ ᒥᔪ ᐎᒐᐅᑐᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

1 ᑯᕆᓐᑎᔭᓇ 14:12

ᐊᓐ ᓇᔅᒡ ᐊ ᓂᑐᐛᔨᑎᒪᒄ ᐊᓂᔭᔪᐛ ᒥᔨᐛᐅᓇ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᐛᑦ ᐊᓂᔭᔪᐛ ᒪᐅᒡ ᒐ ᐎᒋᐃᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᐅᑯᓂ ᐊᓂᔭᔪᐛ ᒪᐅᒡ ᓂᑐᐛᔨᑎᒪᒄ᙮

1 ᑯᕆᓐᑎᔭᓇ 14:26

ᓂᐧᑲᓂᓯᑐᒄ, ᒪᐅ ᒋᐸ ᐃᑎᓇᐛᐤ᙮ ᐊ ᓇᒋ ᐊᔭᒥᐊᔭᒄ, ᐱᔅᒐ ᐊᐛᓐᒋ ᒋᑭ ᓂᑭᒧᐅᒡ, ᐱᔅᒐ ᐊᐛᓐᒋ ᒋᑭ ᒋᔅᑯᑎᒪᒐᐅᒡ, ᐊᑯ ᐱᔅᒐ ᒋᑭ ᐎᑎᒧᒡ ᑕᓐ ᑲ ᐃᓯ ᐛᐸᑎᔨᑯᒡ ᒋᓴᒪᓂᑐᐛ᙮ ᐱᔅᒐ ᒋᑭ ᒂᔅᒋᐃᔨᒧᐅᒡ, ᐊᑯ ᑯᑎᑭᒡ ᒐ ᐸᔭᑭᔅᒡ ᐎᑎᒪᒐᒡ ᐊ ᒂᔅᒋᐃᔨᒥᓇᓄᐎᒡ᙮ ᒥᒄ ᒪᒃ ᑕᓐ ᒥᒄ ᒐ ᐃᑎᓇᓄᒂ ᐊᓐᑕ ᐊ ᐊᔭᒥᐊᓄᐅᒡ ᔭᐃᑕᔾ ᒐᒋ ᐎᒋᐃᑯᒡ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᒡ ᐊᐅᑯᓐ ᒋᐸ ᐃᑐᑕᑭᓄᐤ᙮

2 ᑯᕆᓐᑎᔭᓇ 10:8

ᑕᐸ ᓂ ᓴᒂᔨᒧᓐ ᐊᑎ ᐊᐱᓯᔅ ᐊᑐᐎᔅ ᑲ ᐃᓯ ᐊᔨᒧᑎᒧᐛᓇ ᐊᓐ ᑎᐸᔨᒋᒐᐅᓐ ᑲ ᒥᔨᑯᐅᔭᒡ ᒐᒋ ᐎᒋᐃᑕᒡ᙮ ᐅᑎᐸᔨᒋᒐᐤ ᓂᒋ ᒥᔨᑯᓇᓐ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑕᒡ, ᓇᒪ ᐎ ᒐᒋ ᓂᑕᐅᑕᒡ᙮

2 ᑯᕆᓐᑎᔭᓇ 12:19

ᑭᔭ ᐊ ᐃᑕᔨᒧᐛᐛᒐ ᐅ ᑲ ᒥᓯᓇᐃᒐᔭᒡ ᒧᔭᒻ ᑲ ᐎ ᓇᑕᒪᓱᒡ ᐊᐛᓐᒋ ? ᓇᒪ᙮ ᒥᒄ ᐊ ᐃᓯ ᓂᑐᐛᔨᒥᔨᒥᑦ ᙭ ᒐᒋ ᐃᓯ ᐃᔨᒧᐅᒋᒡ ᒋᓴᒪᓂᑐᐛ ᐃᔅ ᐊ ᑕᔨᒋ ᐊᑯᓐ ᐊ ᐃᓯ ᐃᔨᒥᔭᒡ᙮ ᑕᓐ ᒥᒄ ᐊ ᐃᑐᐛᐛᒐ ᒥᒄ ᐛᔅ ᐊᓐ ᒋ ᐎ ᐎᒋᐃᑎᓇᓐ᙮

2 ᑯᕆᓐᑎᔭᓇ 13:10

ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᐃᐱᓯᔭᓇ 4:12

ᐊᐅᒄ ᐊᓐᒡ ᒪᒃ ᐅᒡ ᒋᐸ ᒋᔅᑯᑎᒧᐛᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᑕᓐ ᒐᒋ ᐃᓯ ᐊᑐᔅᑯᐛᔨᒋ ᒋᓴᒪᓂᑐᐛ ᑭᔭ ᒪᒧᐤ ᒐᒋ ᐊᑎ ᓱᒋᑲᐳᔨᒋ᙮

ᐃᐱᓯᔭᓇ 4:16

ᐎᔾ ᐃᑐᑐᐛᐤ ᒐᒋ ᒥᔪ ᐎᒐᐅᑐᔨᒋ ᐅᒪᒧᐊᔭᒥᐊᐛ ᑭᔭ ᒥᓯᐛ ᒐᒋ ᐃᓯ ᒥᔪᐱᔨᒋ ᐊᓂᔭ ᐊ ᐊᑎ ᓂᑕᐅᒋᔨᒋ ᑭᔭ ᐊ ᐊᑎ ᓱᒋᑲᐳᔨᒋ ᐊ ᓴᒋᐃᑐᔨᒋ ᐅᒡ᙮

ᐃᐱᓯᔭᓇ 4:29

ᐊᑲᐎᔾ ᓂᑎᒥᒄ ᐃᔨᒧᐅᓐ ᐊᐱᒋᑕᒄ, ᑯᐃᔅᒄ ᐃᓯ ᐃᔨᒧᒄ ᐊᓂᔭ ᒐ ᒥᔪ ᐎᒋᐃᑯᒡ ᐊᓐᒡ ᑲ ᐸᑕᑕᑯᒡ ᐊᐛᓐᒋ ᒥᒄ ᑕᓐ ᐊ ᐃᔅᐱᔪᐛᒂ ᐅᐱᒪᑎᓯᐅᓄᐛᒡ᙮

ᐃᐱᓯᔭᓇ 5:21

ᐱᔅᑕᔨᒥᑎᓱᔅᑕᑐᒄ ᙭ ᐊ ᒋᔅᑕᔨᒪᒄ ᐅᒡ᙮

ᐱᓕᐱᔭᓇ 2:1

᙭ ᒋ ᐃᑐᑕᑯᐛᐤ ᒐᒋ ᐊᔨᒋᑲᐳᐃᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᓴᒋᐃᑐᔭᒄ ᑭᔭ ᒐᒋ ᓯᒋᒥᑐᔭᒄ᙮ ᑲ ᐸᔭᒋᓯᑦ ᐊᒐᐧᒄ ᒋ ᐃᑐᑕᑯᐛᐤ ᒐᒋ ᒥᔪ ᐎᒐᐅᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᒋᓴᐛᑐᑕᑐᔭᒄ ᑭᔭ ᒐ ᒋᔅᑎᒪᒐᔨᒥᑐᔭᒄ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

1 ᑕᓴᓗᓂᔭᓇ 5:11

ᐊᐅᒄ ᒪᒃ ᐅ ᒐ ᐅᒋ ᓯᒋᒥᑐᔭᒄ ᑭᔭ ᒐ ᐅᒋ ᒥᔽᔨᒧᐃᑐᔭᒄ ᒧᔭᒻ ᑕᓐ ᐊ ᐃᑎᔭᒄ ᐊᓄᒡ᙮

1 ᑎᒧᑎ 1:4

ᐎᑎᒧᐅᒡ ᒐ ᐊᑲ ᒋ ᐊᐱᑕᔨᑕᒡ ᐛᔅᑭᒡ ᑎᐸᒋᒧᐅᓇ ᑭᔭ ᐊᓂᔭ ᑕᓐ ᑲ ᐃᓯ ᐸᒋ ᐃᑎᔅᑲᑐᔨᒋ ᐅᐛᐧᑯᒪᑭᓄᐛᐛ ᐊᓐᑕ ᐛᔅᑭᒡ ᒧᔭᒻ ᒐᒋ ᐃᑕᔨᑕᒡ ᐅᑦ ᐊᒐᐧᑯ ᐱᒪᑎᓯᐅᓄᐛᒡ ᒐᒋ ᐎᒋᐃᑯᒡ ᐅᔭ ᒐᒂᔪᐤ᙮ ᐛᔅ ᒧᔭᒻ ᐅᔭ ᒐ ᑐᐛᒂ ᐊᑯᑕ ᒐᒋ ᐅᒋ ᒋᒋᐱᔨᒡ ᐊ ᒋᐧᑲᓇᑯᐃᑐᒡ᙮ ᑭᔭ ᐅᔭ ᐊ ᐃᑎᒡ ᓇᒪ ᓇᔅᒡ ᐎᒋᑕᐅᒡ ᑕᓐ ᒐᒋ ᐃᓯ ᐊᑐᔅᑯᐛᑭᓄᔨᒋ ᒋᓴᒪᓂᑐᐛ᙮ ᑕᑈᔭᔨᑎᒧᐅᓂᒡ ᒪᒃ ᐊᑯᑕ ᐊ ᐃᓯ ᐊᑐᔅᑯᐛᑭᓄᐅᑦ ᒋᓴᒪᓂᑐᐤ᙮

ᐃᑉᕈᐛ 4:9

ᐃᔭᐱᒡ ᒪᒃ ᒋᑭ ᐅᑎᒋᐱᔪᐤ ᒐᒋ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᒧᔭᒻ ᑲ ᐃᓯ ᐊᔽᐱᔨᒋ ᒋᓴᒪᓂᑐᐛ ᐃᔅᐱ ᑲ ᓂᔄᐅᑕᒡ ᒋᓯᑲᔨᒡ᙮

ᒍᑦ 1:20

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓱᒃ ᐊᑐᐎᔅ ᐎ ᐊᔨᒋᑲᐳᐃᓱᒄ ᐊ ᑕᑈᑎᒪᒄ ᐊᓐ ᑲ ᐸᔭᒋᓯᒥᑲᒡ᙮ ᐊᔭᒥᐊᒄ ᑕᓐ ᐊ ᐃᓯ ᒥᔨᑕᒄ ᒥᔅᑯᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ᙮