ᐊᑈᔅᑕᓇᒡ 8:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐃᔅᐱ ᒪᒃ ᐱᑕᕐ ᑭᔭ ᒠᓐ ᑲᒋ ᐃᓯ ᐛᐎᑎᒧᐛᒡ ᐊᓂᔭᔪᐛ ᐃᔪᐛ ᐊᓐᑕ ᐅᑕᓇᒡ ᑲ ᑕᔨᒋ ᑕᓐ ᐊ ᐃᓯ ᒋᔅᒐᔨᒪᒡ ᐅᑎᐸᔨᒋᒐᐛ ᒋᓴᓴ, ᑭᔭ ᐊ ᐛᐎᑎᒧᐛᒡ ᒥᔽᒋᒧᐅᓂᔪᐤ ᐊᑯ ᒂ ᒋᐛᒡ ᐊᓐᑕ ᒋᕈᓯᓕᒥᒡ᙮ ᒪᒂᒡ ᒪᒃ ᐊ ᐊᑎ ᐱᒧᑕᒡ ᒋ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᓂᓇᐧᑯᐤ ᐅᑕᓇᐛ ᐊᓐᑕ ᓴᒪᕆᔭ ᐊᔅᒋᒡ ᑲ ᑎᑯᓂᔨᒋ᙮

ᐊᑈᔅᑕᓇᒡ 8:25 ပူးပေါင်းရင်းမြစ်များ

ᒪᑎᔪᐤ 10:5

ᐊᐅᑯᓐᒡ ᐅᒡ ᓂᓱᓴᑉ ᑲ ᒋᑎᓴᐅᑯᒡ ᒋᓴᓴ ᐊ ᐃᑎᑯᒡ, “ᐊᑲᐎᔾ ᐃᑐᑕᒄ ᐊᓐᑕ ᐃᔪᒡ ᐊᑲ ᒍᐤ ᐃᔪᒡ ᐃᑎᔅᑲᓇᓯᒡ ᐊ ᑕᒡ ᑭᔭ ᐊᑲᐎᔾ ᐃᑐᑕᒄ ᐊᓐᑕ ᐅᑕᓇᐛ ᓴᒪᕆᔭ ᐊᔅᒋᒡ ᑲ ᑎᒂᒋ᙮

ᓗᒃ 16:28

ᐱᑕᑕᒡ ᑕᑎᓯᐅᒡ ᓂᐧᑲᓂᓯᒡ ᐊᓐᑕ ᒋᐸ ᐃᔭᒂᒥᒪᐤ ᒐ ᐊᑲ ᒋ ᐃᓯᓇᑯᓂᔨᒡ ᐊᔅᒄ ᒐᒋ ᑕᔨᒋ ᐅᑕ ᐅᔭᔪᐤ ᐊ ᐃᔅᐱᔅ ᓂᓇᐧᑲᑕᔨᒧᓇᓄᐎᒡ᙮’ ”

ᒠᓐ 15:27

ᑭᔭ ᒋᔨᐛᐤ ᒪᒃ ᒋᑭ ᐊᔨᒧᒥᓇᐛᐤ ᐛᔅ ᐊᓐᑕ ᐅᔅᑭᒡ ᑲ ᐅᒋ ᒋᒋ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ᐅᒋ ᐛᐎᒐᐎᔭᒄ᙮”

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 13:12

ᐃᔅᐱ ᒪᒃ ᐎᔭᐸᑕᐧᒃ ᐊᓐ ᒋᓴᐅᒋᒪᐤ ᐅᔭ ᐊ ᐃᔅᐱᔨᒡ ᒋ ᑕᑈᔭᔨᒪᐤ ᐅᑎᐸᔨᒋᒐᐛ ᑭᔭ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᑲ ᐃᓯ ᐸᑕᐧᒃ ᐊ ᒋᔅᑯᑎᒪᒐᓄᐎᒡ ᐊ ᐊᔨᒧᒪᑭᓄᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 18:5

ᐃᔅᐱ ᒪᒃ ᑕᑯᓯᓂᔨᒋ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᒪᓯᑐᓂᔭ ᐊ ᐅᑐᑕᔨᒋ, ᐊᑯ ᒂ ᐳᓂᑦ ᐊᓂᔭ ᐊ ᒪᓂᒐᑦ᙮ ᐊᑯ ᑈᓪ ᐱᓯᒄ ᑲ ᐛᐎᑎᒧᐛᑦ ᐊᓂᔭᔪᐛ ᒍᐤ ᐃᔪᐛ ᒥᔽᒋᒧᐅᓂᔪᐤ ᐊ ᐃᑕᑦ, “ᒋᓴᔅ ᐊᐅᒄ ᙭ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᐊᑈᔅᑕᓇᒡ 20:21

ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 28:28

ᐊᑯ ᑈᓪ ᒂ ᐃᔅᒋᔄᑦ, “ᒐ ᐎ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ᓂᑐᑎᒧᒡ ᒪᒃ ᐅᒡ ᐎ᙮”

ᐊᑈᔅᑕᓇᒡ 28:31

ᒋ ᐊᔨᒧᑎᒧᐛᐤ ᒪᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᒋ ᒋᔅᑯᑎᒪᒐᐤ ᐅᑎᐸᔨᒋᒐᐛ ᒋᓴᔅ ᙭ᑕ ᐊ ᐊᔨᒧᒪᑦ᙮ ᒋ ᓱᒋᑕᐊᐤ ᒪᒃ ᓇᔅᒡ ᑭᔭ ᓇᒪ ᐅᒋ ᒋᑕᐊᒧᐛᑭᓄᐤ ᐅᔭ ᐊ ᐃᑎᑦ᙮

ᐊᑈᔅᑕᓇᒡ 8:40

ᐱᓕᑉ ᒪᒃ ᐊᓱᑕᓯᒡ ᒋ ᐅᒋ ᑕᐤ, ᐊᑯᑕ ᐊᓐᑕ ᐅᒋ ᐊᓱᑕᓯᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᒥᓯᐛ ᐅᑕᓇᐛ ᐱᐃᒻ ᑲ ᑎᑯᓯᐧᒃ ᓯᓴᕆᔭᒡ᙮

1 ᐱᑕᕐ 5:12

ᑕᐤ ᐸᐃᒄ ᓂᐧᑲᓂᔅ ᐊ ᑕᑈᐅᒐᔨᑕᑯᓯᑦ ᐊ ᐃᑕᔨᒥᒃ᙮ ᓴᓂᔅ ᐃᓯᓂᐧᑲᓱᐤ᙮ ᐊᐅᒄ ᐅ ᑲ ᐎᒋᐃᑦ ᐅᔭ ᐊᐱᓯᔅ ᐊ ᒥᓯᓇᐊᒪᑎᑯᒡ᙮ ᐅ ᒪᒃ ᑲ ᒥᓯᓇᐊᒪᑎᑯᒡ ᒋ ᐎ ᓯᒋᒥᑎᓇᐛᐤ ᒐᒋ ᐊᔨᒋᑲᐳᐅᔭᒄ ᑭᔭ ᒋ ᐎ ᒐᔅᑎᓇᑕᔨᑎᒥᐃᑎᓇᐛᐤ ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲ ᐊᔨᒧᑎᒪᑕᒡ᙮ ᐊᑯᑕ ᒪᒃ ᐊᓐᑕ ᐅᓱᐛᔨᒋᒐᐅᓂᒡ ᐃᔅ ᐊᔨᒋᑲᐳᐅᐛᒄ᙮