ᐊᑈᔅᑕᓇᒡ 5:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ᒪᒧᐎᒡ ᐊᓐ ᑲ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᒥᔅᑎ ᒋᔄᓱᐅᒡ, ᐊᑯ ᒂ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 5:33 ပူးပေါင်းရင်းမြစ်များ

ᒪᑎᔪᐤ 1:19

ᐊᓐ ᒪᒃ ᓇᐸᐤ ᒍᓯᑉ ᒧᔅ ᑯᐃᔅᒄ ᑲ ᐎ ᐃᑎᑦ ᒋ ᐃᑕᔨᑕᑯᓱᐤ᙮ ᐃᔅᐱ ᒪᒃ ᒐᔅᒐᔨᒪᑦ ᒪᕆᔨᒋ ᐊ ᑭᓄᐛᔨᒪᐅᓱᔨᒋ ᓇᒪ ᐅᒋ ᓂᑐᐛᔨᒪᐤ ᓂᑐᐎᔾ ᒐᒋ ᐃᑕᒋᒪᑭᓄᔨᒋ ᐊᓐᑕ ᐊ ᒥᒐᑎᓇᓄᐎᒡ, ᐊᑯ ᑲ ᑯᒂᑕᔨᑕᐧᒃ ᒋᔭᒻ ᒐᒋ ᓂᑭᑕᑦ᙮

ᒪᑎᔪᐤ 10:21

“ᐎᐧᑲᓂᓯᒪᐅᒡ ᒋᑭ ᐱᔅᑎᓇᐅᒡ ᐎᐧᑲᓂᓱᐛᐛ ᒐᒋ ᓂᐸᐊᑭᓄᔨᒋ ᑭᔭ ᐅᑕᐎᒪᐅᒡ ᐊᐅᑯᓐ ᒐ ᐃᑐᑐᐛᒡ ᐅᑦ ᐊᐛᓯᒧᐛᐛ, ᑭᔭ ᐊᐛᓯᒡ ᒋᑭ ᐃᑐᑐᐛᐅᒡ ᐅᓂᒋᐃᑯᐛᐛ ᒐᒋ ᓂᐸᐊᑭᓄᔨᒋ᙮

ᒪᑎᔪᐤ 10:25

ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 24:9

“ᑭᔭ ᒐ ᒪᑯᓂᑯᔭᒄ ᑭᔭ ᒋᑭ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ᓂᐸᐃᑯᓇᐛᐤ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᔭᒄ᙮

ᓗᒃ 20:19

ᐊᓐᒡ ᒪᒃ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑎᐛᒡ ᒋ ᐎ ᒪᑯᓇᐅᒡ ᒋᓴᓴ᙮ ᐛᔅ ᒋ ᒋᔅᒐᔨᒪᐅᒡ ᐎᔨᐛᐤ ᐊᒋ ᐊᔨᒧᒥᑯᒡ ᑲ ᐎᑎᒥᔨᒋ ᐊᓂᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒥᒄ ᒪᒃ ᓇᒪ ᐅᒋ ᒪᑯᓇᐅᒡ ᐊᒋ ᑯᔅᑕᒡ ᐊᓂᔭ ᐃᔪᐛ᙮

ᓗᒃ 6:11

ᐊᑯ ᒪᒃ ᑲ ᒥᔅᑎ ᒋᔄᓯᒡ ᐊᓐᒡ ᑲ ᐎ ᒪᒥᓯᒪᒡ ᒋᓴᓴ, ᐊᑯ ᒂ ᐃᔭᔨᒺᐛᐃᑯᒡ ᑕᓐ ᒐᒋ ᐃᑐᑐᐛᒡ᙮

ᒠᓐ 15:20

ᒐ ᒋᔅᒋᓯᔭᒄ ᑕᓐ ᑲ ᐃᑎᑎᑯᒡ, ‘ᓇᒪ ᑕᐤ ᐊᐱᒋᐊᑭᓐ ᐃᐛᒃ ᐊ ᐅᒋᒪᐛᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮’ ᒧᔭᒻ ᑲ ᓂᓇᐧᑲᒋᐃᐛᒂ ᑭᔭ ᒋᔨᐛᐤ ᒋᑭ ᓂᓇᐧᑲᒋᐃᑯᐛᐅᒡ᙮ ᑲ ᓂᓇᐃᑎᒧᐛᒂ ᑕᓐ ᑲ ᐃᓯ ᐊᔨᒧᑎᒧᐅᒂᐤ ᒋᑭ ᓂᓇᐃᑎᒧᒡ ᑭᔭ ᒋᔨᐛᐤ ᑕᓐ ᒐ ᐃᓯ ᐊᔨᒧᑎᒧᐛᑯᒡ᙮

ᒠᓐ 16:2

ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᐊᑈᔅᑕᓇᒡ 2:37

ᐃᔅᐱ ᒪᒃ ᐊᓐᒡ ᐃᔪᒡ, ᐱᔭᑕᒡ ᐅᔭ ᓇᔅᒡ ᒋ ᒥᓯᒪᔨᑎᒧᒡ ᐊᑯ ᒂ ᐃᑕᒡ ᐱᑕᕋ ᑭᔭ ᐊᓂᔭᔪᐛ ᑯᑎᑲ ᐊᑈᔅᑕᓇ᙮ “ᓂᐧᑲᓂᓯᑐᒄ, ᑕᓐ ᒪᒃ ᒐᒋ ᐃᑎᔭᒡ ?”

ᐊᑈᔅᑕᓇᒡ 22:22

ᐃᔅᐱ ᒪᒃ ᐅᔭ ᐊ ᐃᓯ ᐃᔨᒥᔨᒋ ᐊᓂᔭᔪᐛ ᑈᓚ, ᐊᓂᔭ ᑭᑈ ᐊ ᐃᑕᒋᒧᔨᒋ ᒋᓴᒪᓂᑐᐛ ᐊᒋ ᐃᑎᓴᐅᑯᔨᒋ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ, ᐊᑯᓐ ᑲ ᐃᔅᐱᔅ ᓂᑐᑐᐛᒡ ᐊᓐᒡ ᐃᔪᒡ᙮ ᒋ ᒋᒋ ᐊᓯᒂᐅᒡ ᐊ ᐃᔅᒋᔄᒡ, “ᓂᐸᐊᐧᒄ ᐅ ᓇᐸᐤ, ᓇᒪ ᐃᑕᔨᑕᑯᓱᐤ ᒐᒋ ᐱᒪᑎᓯᑦ ᐅᑕ ᐊᔅᒋᒡ᙮”

ᐊᑈᔅᑕᓇᒡ 7:54

ᐃᔅᐱ ᒪᒃ ᐊᓐᒡ ᑲ ᒪᒧᐎᒡ ᑲ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎᒋᔄᐃᑯᒡ᙮

ᐊᑈᔅᑕᓇᒡ 9:23

ᐃᔅᐱ ᒪᒃ ᒥᒐᑐᐤ ᒋᓯᑲᐛ ᐛᑎᒋᐱᔨᒡ ᐊᑯ ᐊᓐᒡ ᒍᐤ ᐃᔪᒡ ᒂ ᒪᒧᐎᒡ, ᒂ ᐎᔭᔨᑕᒡ ᒐᒋ ᓂᐸᐊᒡ ᓴᓚ᙮