ᐊᑈᔅᑕᓇᒡ 5:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᓐᒡ ᒪᒃ ᐊᑈᔅᑕᓇᒡ ᒋ ᓇᐃᑐᐛᐅᒡ ᐅᔭ ᑲ ᐃᑎᑯᒡ᙮ ᐃᔅᐱ ᒪᒃ ᐊ ᐊᑎ ᐸᑕᐱᓂᔨᒡ ᒋ ᐱᒐᐅᒡ ᒋᓴᐊᔭᒥᐊᐅᒋᐛᐱᒡ, ᐊᑯ ᒂ ᒋᒋ ᒋᔅᑯᑎᒪᒐᒡ᙮ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᐎᓴᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒥᓯᐛ ᒪᒧᐤ ᒐᒋ ᒪᒧᐎᒡ᙮ ᐊᑯ ᒂ ᐃᑎᓴᐛᒡ ᐊᐛᔪᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᐸᓱᐛᑭᓄᔨᒋ ᐊᓂᔭᔪᐛ ᐊᑈᔅᑕᓇ ᐊᓐᑕ ᐊ ᑕᒡ᙮

ᐊᑈᔅᑕᓇᒡ 5:21 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 105:22

ᒐᒋ ᑐᑐᐛᔨᒋ ᐅᒋᒪᒪ ᑕᓐ ᐊᓂᔭᔪᐤ ᐊᓯ ᒥᔽᔨᑎᒥᔨᒋ; ᑭᔭ ᑲᒐᑕᐛᔭᔨᑎᒧᐅᓂᔪᐤ ᒐᒋ ᒋᔅᑯᑎᒧᐛᔨᒋ ᐅᑲᒐᔅᒋᒧᐛᒪ᙮

ᒪᑎᔪᐤ 5:22

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᐊ ᒋᔄᐱᔅᑐᐛᑦ ᐎᒡ ᐃᔪᐛ ᒋᑭ ᑎᐸᔅᑯᓇᑭᓄᐤ, ᑭᔭ ᐊᐛᓐ ᐊ ᐊᑐᐛᔨᒪᑦ ᐎᒡ ᐃᔪᐛ ᒋᑭ ᐸᓱᐛᑭᓄᐤ ᐅᑎᔅᑯᐤ ᐊᓂᔭ ᑲ ᑎᐸᔅᑯᓂᒐᔨᒋ, ᑭᔭ ᐊᐛᓐ ᑲ ᐃᑕᑦ ᐎᒡ ᐃᔪᐛ ᑕᑈ ᓇᒪ ᒐᒂᓐ ᓇᔅᒡ ᒋᑦ ᐃᑕᔨᑕᑯᓯᓐ ᑯᔅᐱᓇᑕᔨᑕᑯᓂᔪᐤ ᒐᒋ ᐃᓯ ᐛᐱᓇᑭᓄᐅᑦ ᒥᒋ ᐃᔅᑯᑕᒡ᙮

ᓗᒃ 22:66

ᐃᔅᐱ ᒪᒃ ᐱᔭᑕᐱᓂᔨᒡ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᒪᒧᐎᐅᒡ᙮ ᐊᑯᑕ ᒪᒃ ᐊᓐᑕ ᑲ ᐃᑐᑕᐊᑭᓄᐅᑦ ᒋᓴᔅ ᒐ ᓂᑐ ᒋᔅᒐᔨᒪᑭᓄᐅᑦ ᑕᓐ ᒐᒋ ᐃᓯ ᑎᐸᔅᑯᓇᑭᓄᐅᑦ᙮

ᒠᓐ 18:35

ᐊᑯ ᑈᓚᑦ ᒂ ᐃᑕᑦ, “ᒍᐤ ᐃᔪᐤ ᐊ ᓂᔾ ᒋᑦ ᐃᑕᔨᒥᓐ ? ᒋᔾ ᑎᐱᔨᐛ ᒋᑦ ᐃᔨᒥᒡ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᔅᒋ ᐸᒋ ᐃᑎᓴᐅᑯᒡ᙮ ᑕᓐ ᒪᒃ ᑲ ᐃᓯ ᐅᓂᑐᑎᒥᓐ ?”

ᒠᓐ 8:2

ᐎᐱᒡ ᒥᓐ ᐎᔭᐱᓂᔨᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒥᓐ ᒋ ᐃᑐᑕᐤ᙮ ᒥᓯᐛ ᒪᒃ ᐊᓂᔭᔪᐛ ᐃᔪᐛ ᒋ ᐸᒋ ᓂᑐᐛᐱᒥᑯᐤ᙮ ᑲ ᐛᐛᔨᐱᑦ ᐊᑯ ᒂ ᒋᔅᑯᑎᒧᐛᑦ᙮

ᐊᑈᔅᑕᓇᒡ 22:15

ᒥᓯᐛ ᒪᒃ ᐊᐛᓐᒋ ᒋᑭ ᐎᑎᒧᐛᐅᒡ ᑕᓐ ᑲ ᐃᓯ ᐛᐸᑎᒥᓐ ᑭᔭ ᑲ ᐃᓯ ᐸᑎᒥᓐ ᐊ ᐃᑕᒋᒪᑭᓄᐅᑦ᙮

ᐊᑈᔅᑕᓇᒡ 22:5

ᐅ ᒪᒃ ᒋᓴᐊᔭᒥᐊᐅᒋᒪᐤ ᑭᔭ ᐊᓐᒡ ᒍᐤ ᐃᔪᒡ ᑲ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ ᒋᑭ ᒋ ᐎᑎᒪᑯᐛᐅᒡ ᐊ ᑕᑈᐅᒡ ᐅᔭ ᑲ ᐃᔅᒋᔄᐅᒡ᙮ ᓂᒋ ᒥᔨᑯᒡ ᒥᓯᓇᐃᑭᓇ ᒐᒋ ᐃᑐᑐᒥᒋ ᐎᐧᑲᓂᓯᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮ ᒋ ᒥᓯᓇᑕᔪᐤ ᐊᓐᑕ ᐊ ᐃᑎᓱᒥᒡ ᒐᒋ ᒪᑯᓂᒥᒋ ᑭᔭ ᒐᒋ ᒪᒋᒂᐱᐧᑲᑕᒥᒋ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᑭᔭ ᒐᒋ ᐸᓱᒥᒋ ᐅᑕ ᒋᕈᓯᓕᒥᒡ ᒐᒋ ᐛᐛᓯᐊᑭᓄᔨᒋ᙮”

ᐊᑈᔅᑕᓇᒡ 5:17

ᐊᑯ ᐊᓐ ᒋᓴᐊᔭᒥᐊᐅᒋᒪᐤ, ᑭᔭ ᒥᓯᐛ ᐊᓂᔭᔪᐛ ᑲ ᐎᒋᐃᑯᑦ ᐊᓂᔭᔪᐛ ᓴᑎᔪᓯ ᑲ ᐃᓯᓂᐧᑲᑕᑭᓄᔨᒋ ᒋ ᐅᑕᔨᒪᐅᒡ ᐊᓂᔭᔪᐤ ᐊᑈᔅᑕᓇ ᐊᑯ ᑲ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ᒋᐱᒋᐊᒡ᙮

ᐊᑈᔅᑕᓇᒡ 5:27

ᒋ ᐸᓱᐛᐅᒡ ᐊᓂᔭᔪᐛ ᐊᑈᔅᑕᓇ ᒂ ᐅᑎᔅᑯᑲᐳᐊᒡ ᐊᓐᑕ ᑲ ᐊᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᑕᔨᒋ᙮ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ᐃᑕᑦ,

ᐊᑈᔅᑕᓇᒡ 5:34

ᒋ ᑕᐤ ᐸᐃᒄ ᐸᕆᓯ, ᐊ ᐊᔅᑎᐱᑦ ᐊᓐᑕ ᐊ ᐊᐱᔅᑕᑭᓄᐎᒡ ᑎᐸᔅᑯᓂᒐᐅᓂᔪᐤ, ᑲᒪᓕᔭᓪ ᐊ ᐃᓯᓂᐧᑲᓱᑦ᙮ ᐅ ᓇᐸᐤ ᐊ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᒋ ᐃᑕᐱᑎᓯᐤ, ᓇᔅᒡ ᒪᒃ ᒋ ᒋᔅᑕᔨᒪᑭᓄᐤ᙮ ᒋ ᐅᐱᑲᐳᐤ ᐊᓐᑕ ᐊᓂᔭᔪᐤ ᐊ ᒪᒧᐎᓇᓄᐎᒡ, ᒂ ᐃᑎᓱᐛᑕᑦ ᐊᓂᔭᔪᐛ ᐊᑈᔅᑕᓇ ᒐᒋ ᐎᐎᔨᒋ ᐸᑎᒪ᙮

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮