ᐊᑈᔅᑕᓇᒡ 3:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐃᔭᐱᒡ ᒋᔨᐛᐤ ᔅᒋ ᐊᑐᐛᔨᒪᐛᐤ ᐊᓐ ᑲ ᐸᔭᒋᓯᑦ ᑭᔭ ᑲ ᑯᐃᔅᑯᑕᑎᓯᑦ ᑭᔭ ᐊᒋ ᐃᔅᒋᔄᔭᒄ ᑲ ᓂᐸᐃᐛᑦ ᓇᐸᐤ ᐃᔭᐱᒡ ᒐᒋ ᐱᔅᑎᓂᒪᑯᐅᔭᒄ᙮

ᐊᑈᔅᑕᓇᒡ 3:14 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 16:10

ᐛᔅ ᓇᒪᐎᔾ ᒋᑭ ᓂᑭᑕᐤ ᓂᑦ ᐊᒐᐧᒄ ᒋᐱᔾ ᐊᔅᒋᒡ; ᓇᒪ ᑭᔭ ᒋᑭ ᓇᐊᔨᒪᐤ ᒋ ᐸᔭᒋᓯᒻ ᒐᒋ ᐛᐸᑕᐧᒃ ᓂᓱᐅᓇᑎᓯᐅᓂᔪᐤ᙮

ᒪᑎᔪᐤ 27:20

ᐊᓐᒡ ᒪᒃ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᒋ ᓴᐧᑯᒋᒪᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᒐᒋ ᑯᒂᒋᒪᔨᒋ ᑈᓚᑕ ᐸᕋᐸᓴ ᒐᒋ ᐱᔅᑎᓇᔨᒋ ᐊᑯ ᒋᓴᓴ ᒐᒋ ᓂᐸᐊᑭᓄᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:24

ᒋ ᐃᔅᒋᔄᐤ, “ᐊᑲᐎᔾ ᐎᔭᔅᑐᑐᐅᓇᓐ, ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ᙮ ᒋ ᐸᒋ ᑎᑯᓯᓐ ᐊ ᒐᒋ ᓂᓱᐅᓇᒋᐃᔭᒡ ? ᒋ ᒋᔅᒐᔨᒥᑎᓐ ᐊᐛᓐ ᒋᔾ, ᐊᐅᒄ ᒋᔾ ᑲ ᐸᔭᒋᓯᑦ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:11

ᒥᒄ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᓯᒋᒪᐅᒡ ᐃᔪᐛ ᒐᒋ ᐃᑕᔨᒋ ᑈᓚᑕ ᒐᒋ ᐱᔅᑎᓂᒪᑯᒡ ᐸᕋᐸᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:7

ᒋ ᑕᐤ ᒪᒃ ᓇᐸᐤ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᕋᐸᔅ ᐊ ᐃᓯᓂᐧᑲᓱᑦ᙮ ᐊᓯᒡ ᐊᓂᔭ ᑲ ᐎᒋᐃᑯᑦ ᐊ ᒥᒋᐱᔨᐧᑲᑐᐛᑦ ᒋᓴᐅᒋᒪᐛ, ᐊᒋ ᓂᐸᐊᑦ ᐊᐛᔪᐛ ᒪᒂᒡ ᐅᔭ ᑲ ᐃᑎᒡ᙮

ᓗᒃ 1:35

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᑲ ᐸᔭᒋᓯᑦ ᐊᒐᐧᒄ ᒋᑭ ᐅᑎᑎᒄ, ᒋᓴᒪᓂᑐᐤ ᒪᐅᒡ ᐊ ᐃᔅᐸᔨᑕᑯᓯᑦ, ᐅᓱᐧᑲᑎᓯᐅᓂᒡ ᐊᑯᑕ ᒐ ᐅᒋ ᑭᓄᐛᔨᒪᐅᓱᔨᓐ᙮ ᐊᐅᒄ ᒪᒃ ᒐ ᐅᒋ ᐃᓯᓂᐧᑲᑕᑭᓄᐅᑦ ᐊᓐ ᐊᐛᔅ ᒐ ᐱᒪᑎᓯᑦ ᑲ ᐸᔭᒋᓯᑦ, ᒋᓴᒪᓂᑐᐤ ᐅᑯᓴ ᒋᑭ ᐃᓯᓂᐧᑲᑕᑭᓄᐤ᙮”

ᓗᒃ 23:25

ᒂ ᐱᔅᑎᓇᑦ ᐊᓂᔭ ᓇᐸᐛ ᐸᕋᐸᔅ ᑲ ᐃᓯᓂᐧᑲᓱᔨᒋ ᐊᓐ ᑲ ᒋᒋᐱᔨᑕᒂ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᑭᔭ ᐊᒋ ᓂᐸᐃᐛᒂ᙮ ᐊᑯ ᐊᓐᒡ ᐃᔪᒡ ᒂ ᐱᔅᑎᓂᒧᐛᑭᓄᐎᒡ ᒐᒋ ᐃᑐᑐᐛᒡ ᒋᓴᓴ ᑕᓐ ᑲ ᐎ ᐃᑐᑐᐛᒡ᙮

ᒠᓐ 16:10

ᐎᓂᐱᔪᒡ ᑕᓐ ᐊ ᐃᓯ ᑭᓄᐛᐸᑕᒡ ᑯᐃᔅᑯᑕᑎᓯᐅᓂᔪᐤ, ᐛᔅ ᐅᑕᐎᒪᐤ ᐊ ᑕᑦ ᐊᑯᑕ ᐊ ᐃᑐᑕᔭᓐ, ᓇᒪ ᒪᒃ ᒥᓐ ᒋᑭ ᐅᒋ ᐛᐱᒥᓇᐛᐤ᙮

ᒠᓐ 18:40

ᐊᑯ ᒂ ᑕᑈᒡ ᐊ ᐃᔅᒋᔄᒡ, “ᓇᒪ ᐎ ᐊᓐ᙮ ᐸᕋᐸᔅ ᐊᐅᒄ ᓇᑐᐛᔨᒥᒋᒡ ᒐᒋ ᐱᔅᑎᓂᒪᑯᐅᔭᒡ᙮” ᐅ ᒪᒃ ᐸᕋᐸᔅ ᒋ ᒋᒧᑎᐃᔪᐤ᙮

ᐊᑈᔅᑕᓇᒡ 13:28

ᐊᑯ ᐊᓐᒡ ᐃᔪᒡ ᒂ ᐃᑕᒡ ᐊᓂᔭ ᑈᓚᑕ ᒐᒋ ᓂᐸᐊᑭᓄᔨᒋ ᒋᓴᓴ, ᒋ ᒋᔅᒐᔨᑎᒧᒡ ᒪᒃ ᐊᑲ ᐅᒋ ᒥᒋᑐᑎᒥᔨᒋ ᒥᒄ ᒪᒃ ᐃᔭᐱᒡ ᒋ ᐃᑕᐅᒡ ᒐ ᓂᐸᐊᑭᓄᔨᒋ᙮

ᐊᑈᔅᑕᓇᒡ 2:27

ᒐ ᐊᑲ ᐅᒋ ᓂᑭᑎᑦ ᓂᑦ ᐊᒐᐧᒄ ᐊᓐᑕ ᑲ ᓂᐱᒡ ᐊ ᑕᒡ, ᓇᒪ ᒋᑭ ᐅᒋ ᐱᔅᑎᓇᐤ ᑲ ᐸᔭᒋᓯᑦ ᒋᑦ ᐊᐱᒋᐊᑭᓐ ᒐᒋ ᐎᓂᓯᓂᑦ ᐊᓐᑕ ᑲ ᓇᐃᐧᑯᐛᑭᓄᐅᑦ᙮

ᐊᑈᔅᑕᓇᒡ 22:14

ᐊᑯ ᒂ ᐃᓯᑦ, ‘ᐊᓂᔭᔪᐛ ᒋᓴᒪᓂᑐᐛ ᑲ ᑕᑈᔭᔨᒪᒡ ᐊᓂᔭᐧᑲ ᒋᒧᓱᒥᓄᐅᒡ, ᔅᒋ ᐅᑎᓂᒄ ᒐᒋ ᒋᔅᒐᔨᑎᒧᑦ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐃᑎᓇᓄᐎᒡ ᐅᑕ ᐊᔅᒋᒡ, ᑭᔭ ᒐᒋ ᐛᐱᒥᑎ ᐊᓂᔭ ᙭ᑕ ᑲ ᑯᐃᔅᑯᑕᑎᓯᔨᒋ ᑭᔭ ᒐᒋ ᐸᑎᒧᑦ ᐊ ᐃᔨᒥᐃᔅᒃ᙮

ᐊᑈᔅᑕᓇᒡ 4:27

ᐊᐅᑯᓐ ᒪᒃ ᑕᑈ ᐊ ᐃᔅᐱᔨᒡ ᐊᓄᒡ ᐛᔅ ᒋᓴᐅᒋᒪᐤ ᐊᕈᑦ, ᑭᔭ ᐊᓐ ᐅᒋᒪᐤ ᑈᓐᑎᔭᔅ ᑈᓚᑦ, ᑭᔭ ᐊᓐᒡ ᒍᐤ ᐃᔪᒡ, ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒪᒧᐎᐅᒡ ᐊ ᓂᔅᑯᔅᑐᐛᒡ ᒋᓴᓴ, ᐊᓂᔭᔪᐛ ᑲ ᐛᔭᐱᒥᑎ ᑲ ᐸᔭᒋᓯᔨᒋ ᒋᑦ ᐊᐱᒋᐊᑭᓇ᙮

ᐊᑈᔅᑕᓇᒡ 5:28

“ᔅᒋ ᐃᑎᑎᓇᓐ ᔭᐃᑕᔾ ᒐ ᐊᑲ ᒥᓐ ᒋ ᒋᔅᑯᑎᒪᒐᔭᒄ ᒋᓴᔅ ᐅᑦ ᐃᓯᓂᐧᑲᓱᐅᓐ᙮ ᑕᓐ ᑲ ᐃᑎᔭᒄ ᒪᒃ᙮ ᒥᓯᐛ ᐊᓐᑕ ᒋᕈᓯᓕᒥᒡ ᔅᒋ ᐃᓯ ᒋᔅᑯᑎᒪᒐᓇᐛᐤ, ᑭᔭ ᒋ ᐎ ᐃᑐᑐᐅᓇᓐ ᓂᔭᓐ ᒐᒋ ᐊᑕᒪᔨᒥᑯᐅᔭᒡ ᒋᓴᔅ ᑲ ᓂᐸᐊᑭᓄᐅᑦ᙮”

ᐊᑈᔅᑕᓇᒡ 7:52

ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ᓂᓇᐧᑲᒋᐊᐅᒡ᙮ ᑭᔭ ᒋ ᓂᐸᐊᐅᒡ ᐊᓂᔭᐧᑲ ᑲ ᐸᒋ ᓂᑲᓐ ᐎᑎᒥᒋ ᒐ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ᐎᔭᓯᐱᔅᑎᓇᒄ ᑭᔭ ᑲ ᓂᐸᐊᒄ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:6

ᔅᒋ ᓂᓱᐅᓇᒋᒪᐛᐅᒡ ᑭᔭ ᔅᒋ ᓂᐸᐊᐛᐅᒡ ᑲ ᑯᐃᔅᑯᑕᑎᓯᒡ᙮ ᓇᒪ ᒪᒃ ᒋᓂᔅᑯᔅᑕᑯᐛᐅᒡ ᐊᓐᒡ ᐊᐛᓐᒋ ᐅᔭ ᑲ ᐃᑐᑐᐛᑯᒡ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

1 ᒠᓐ 2:1

ᒋ ᒥᓯᓇᐊᒪᑎᓇᐛᐤ ᓂᑦ ᐊᐛᓯᒥᑎᒄ ᒐ ᐊᑲ ᒥᒋᑐᑎᒪᒄ᙮ ᐊ ᐃᑕᒂ ᒪᒃ ᐊᐛᓐ ᐊᒋ ᒥᒋᑐᑕᐧᒃ, ᒋᓴᔅ ᙭ ᑲ ᑯᐃᔅᑯᑕᑎᓯᑦ ᐊᐅᒄ ᐅ ᐊ ᐃᔨᒥᔅᑎᒪᑕᐧᒄ ᒍᑕᐎᓄᐛ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮