ᐊᑈᔅᑕᓇᒡ 28:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᒋ ᐊᔨᒧᑎᒧᐛᐤ ᒪᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᒋ ᒋᔅᑯᑎᒪᒐᐤ ᐅᑎᐸᔨᒋᒐᐛ ᒋᓴᔅ ᙭ᑕ ᐊ ᐊᔨᒧᒪᑦ᙮ ᒋ ᓱᒋᑕᐊᐤ ᒪᒃ ᓇᔅᒡ ᑭᔭ ᓇᒪ ᐅᒋ ᒋᑕᐊᒧᐛᑭᓄᐤ ᐅᔭ ᐊ ᐃᑎᑦ᙮

ᐊᑈᔅᑕᓇᒡ 28:31 ပူးပေါင်းရင်းမြစ်များ

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:14

ᐸᑎᒪ ᒪᒃ ᒪᒂᒡ ᒠᓐ ᐅᓯᑲᐃᑕᒐᐤ ᑲᒪᑯᓄᐛᓯᐅᒋᐛᐱᒡ ᑲ ᑕᑦ ᒋᓴᔅ ᒋ ᐃᑐᑕᐤ ᐊᓐᑕ ᑲᓕᓕᒡ᙮ ᐊᑯᑕ ᐊᓐᑕ ᑲ ᑭᒐᔅᒋᒧᑦ ᐊ ᐛᐎᑕᐧᒃ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮

ᓗᒃ 8:1

ᐃᔅᐱ ᒪᒃ ᑲᒋ ᐃᔅᐱᔨᒡ ᐅᔭ ᐊᑯ ᒋᓴᔅ ᒂ ᐱᐸᔨᑐᑕᑦ ᐊᓐᑕ ᓂᓇᐧᑯᐤ ᐅᑕᓇᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐ ᐅᑎᒋᐱᔨᒡ᙮ ᒋ ᐎᒐᐅᑯᐤ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮

ᐊᑈᔅᑕᓇᒡ 1:3

ᐃᔅᐱ ᑲᒋ ᐃᓯ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ᓂᐱᑦ ᒥᒐᑦ ᒋ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ᐱᒪᑎᓯᑦ, ᑭᔭ ᒋ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 20:25

“ᓂᑐᑎᒧᒄ ᒪ, ᓂ ᒋᔅᒐᔨᑕᓐ ᐊᐅᒄ ᐅ ᐊᓄᒡ ᒪᔅᑕᔾ ᒐ ᐛᐱᒥᔭᒄ ᒋᔨᐛᐤ ᐅ ᑲᒋ ᐛᐎᑎᒪᑎᑯᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐅᑕ ᐃᑕᒐ ᑲ ᑕᔭᒄ᙮

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 28:30

ᓂᓱ ᐱᐳᓇ ᒪᒃ ᒋ ᑕᐤ ᑈᓪ ᐊᓐᑕ ᐊᓂᔭ ᒥᒋᐛᐱᔪᐤ᙮ ᐎᔾ ᒋ ᐱᒥᐱᔨᐃᓱᐤ ᓱᓇᔭᔪᐤ᙮ ᒋ ᒥᔽᔨᑎᒻ ᐊ ᒧᐱᔅᑐᐛᑭᓄᐅᑦ᙮

ᐊᑈᔅᑕᓇᒡ 4:29

ᐅᑎᐸᔨᒋᒐᐤ, ᑭᓄᐛᐱᒥᒡ ᒪ, ᑕᓐ ᐊ ᐃᓯ ᓇᓂᑐᐤ ᑯᔅᑕᒋᐃᔨᒥᒡ᙮ ᐎᒋᐃᓇᓐ ᓂᔭᓐ ᒋᑦ ᐊᐱᒋᐊᑭᓐᒡ ᒐᒋ ᓱᒋᑲᐳᐅᔭᒡ ᐊ ᐛᐎᑎᒪᒡ ᒋᒥᔽᒋᒧᐅᓐ, ᒐᒋ ᓱᒋᑕᐊᔭᒡ᙮

ᐊᑈᔅᑕᓇᒡ 4:31

ᐃᔅᐱ ᒪᒃ ᑲᒋ ᐃᓯ ᐊᔭᒥᐊᒡ, ᒋ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ᒪᒧᐎᒡ᙮ ᒥᓯᐛ ᒪᒃ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 5:42

ᐊᑯ ᒪᒃ ᐊᓯᑯᒻ ᒋᓯᑲᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᐊᓐᑕ ᐊᐛᔪᐛ ᐎᒋᔨᒡ, ᐃᔭᐱᒡ ᒋ ᒋᔅᑯᑎᒪᒐᐅᒡ ᑭᔭ ᒋ ᑭᒐᔅᒋᒧᐅᒡ ᒋᓴᔅ ᙭ᑕ ᐊ ᐊᔨᒧᒪᒡ, ᐊᓂᔭᔪᐛ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ᙮

ᐊᑈᔅᑕᓇᒡ 8:12

ᐃᔅᐱ ᒪᒃ ᐱᓕᐸ ᑲ ᑎᑯᓯᓂᔨᒋ ᐊ ᐛᐎᑎᒪᑯᒡ ᒥᔽᒋᒧᐅᓂᔪᐤ, ᐊ ᑎᐸᒋᒪᔨᒋ ᒋᓴᔅ ᙭ᑕ ᑭᔭ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑎᒥᔨᒋ, ᒋ ᑕᑈᑐᐛᐅᒡ, ᑕᐱᔅᑯᓐ ᒪᒃ ᓇᐸᐅᒡ ᑭᔭ ᐃᔎᐅᒡ ᒋ ᓯᑲᐃᑐᐛᑭᓄᐅᒡ᙮

ᐱᓕᐱᔭᓇ 1:14

ᑭᔭ ᐊ ᑕᔭᓐ ᐅᑕ ᑲᒪᑯᓄᐛᓯᐅᒋᐛᐱᒡ ᒥᒐᑦ ᒋᐧᑲᓂᓯᓄᐅᒡ ᐊᑎᑐᐤ ᓱᒋᑲᐳᐅᒡ ᐊ ᑕᑈᔭᔨᒪᒡ ᐅᑎᐸᔨᒋᒐᐛ, ᐊᑎᑐᐤ ᐊᑎ ᓱᒋᑕᐊᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᐊᑲ ᓇᔅᒡ ᑯᔅᑕᒋᒡ᙮

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮

2 ᑎᒧᑎ 4:17

ᒥᒄ ᒪᒃ ᐅᑎᐸᔨᒋᒐᐤ ᓂᒋ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ᐸᑕᒡ, ᑭᔭ ᓂᒋ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮