ᐊᑈᔅᑕᓇᒡ 28:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 28:23 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:34

ᐊᔪᐅᒄ ᐅᔭ ᐱᓯᒄ ᑲ ᐊᐱᒋᑕᑦ ᐊ ᐃᔨᒪᐊᑦ ᐊᐛᔪᐛ᙮ ᒥᒄ ᒪᒃ ᐃᔅᐱ ᒥᒄ ᐎᔨᐛᐤ ᐊ ᑕᒡ ᐅᒋᔅᒋᓄᐊᒧᐛᑭᓇ ᐊᑯᑕ ᑲᒋ ᐛᐎᑎᒧᐛᑦ ᑕᓐ ᐊ ᐃᓯ ᐃᔅᒋᔄᒥᑭᓂᔨᒋ ᐅᔭ ᑎᐸᒋᒧᐅᓇ᙮

ᓗᒃ 16:28

ᐱᑕᑕᒡ ᑕᑎᓯᐅᒡ ᓂᐧᑲᓂᓯᒡ ᐊᓐᑕ ᒋᐸ ᐃᔭᒂᒥᒪᐤ ᒐ ᐊᑲ ᒋ ᐃᓯᓇᑯᓂᔨᒡ ᐊᔅᒄ ᒐᒋ ᑕᔨᒋ ᐅᑕ ᐅᔭᔪᐤ ᐊ ᐃᔅᐱᔅ ᓂᓇᐧᑲᑕᔨᒧᓇᓄᐎᒡ᙮’ ”

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 4:34

ᒋᓴᔅ ᒂ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ᐃᑕᔨᑎᒪᓐ᙮

ᐊᑈᔅᑕᓇᒡ 1:3

ᐃᔅᐱ ᑲᒋ ᐃᓯ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ᓂᐱᑦ ᒥᒐᑦ ᒋ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ᐱᒪᑎᓯᑦ, ᑭᔭ ᒋ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 18:28

ᓇᔅᒡ ᒪᒃ ᒋ ᓴᐧᑯᒋᒪᐤ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᐊ ᒥᒐᑎᓇᓄᐎᒡ, ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᐊ ᐅᒋ ᐎᑎᒧᐛᑦ ᒋᓴᓴ ᐊ ᐊᐎᔨᒋ ᙭ᑕ, ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᔨᒋ᙮

ᐊᑈᔅᑕᓇᒡ 18:4

ᒧᔅ ᒪᒃ ᑕᑥᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᓇᒋ ᐊᔭᒥᐊᐤ ᑈᓪ ᐊᑯ ᑲᒋ ᐃᔨᒥᐃᑐᒡ ᐊᓂᔭ ᒍᐤ ᑭᔭ ᑯᕆᒃ ᐃᔪᐛ ᐊ ᓯᒋᒪᑦ ᒐᒋ ᑕᑈᑕᑯᑦ᙮

ᐊᑈᔅᑕᓇᒡ 19:8

ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

ᐊᑈᔅᑕᓇᒡ 24:14

ᒪᐅ ᒥᒄ ᒐᔅᑎᓇᔅ ᑯᐃᔅᒄ ᒐᒋ ᐃᓯ ᐎᑎᒪᑕᓐ᙮ ᐊᑯᑕ ᐊ ᐃᓯ ᐎᒋᐃᐛᔭᓐ ᑭᔭ ᓂᔾ ᐊᓐᒡ ᑲ ᐱᒧᑕᒡ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᐅᒄ ᐅᔭ ᓂᑎᒥᒄ ᐊ ᐃᓯ ᑕᑕᑈᑕᑭᓄᐅᒡ ᑲ ᐃᓯᓂᐧᑲᑕᒡ ᐎᔨᐛᐤ ᐅᒡ ᒍᐤ ᐃᔪᒡ᙮ ᐊᓐ ᒋᓴᒪᓂᑐᐤ ᐊᓂᔭᐧᑲ ᐊᓂᔅᒐ ᓂᐧᑲᓂᓯᓇᓂᒡ ᑲ ᐊᔭᒥᐊᔅᑐᐛᒡ ᐊᐅᑯᓐ ᐊᓐ ᐊ ᐊᔭᒥᐊᔅᑐᒃ ᑭᔭ ᓂᔾ᙮ ᓂᔾ ᒪᒃ ᐎ ᓂ ᑕᑈᑕᓐ ᒥᓯᐛ ᒐᒂᓐ ᑕᓐ ᐊ ᐃᓯ ᐎᑕᒂᒡ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᐊᓐᒡ ᐅᒋᔅᒋᐛᐃᒐᓱᒡ ᐅᒥᓯᓇᐃᑭᓂᐛᒡ᙮

ᐊᑈᔅᑕᓇᒡ 26:6

ᐊᓄᒡ ᒪᒃ ᐅ ᑲ ᓂᐳᐅᔭᓐ ᐅᑕ, ᓂ ᑎᐸᔅᑯᓂᑯᐅᓐ ᒥᒄ ᐊᓐ ᐊ ᐊᓱᐛᐸᑎᒪᓐ ᑭᔭ ᐊ ᑕᑈᑎᒪᓐ ᑕᑈ ᒐ ᐃᔅᐱᔨᒡ ᐊᓂᔭ ᑕᓐ ᑲ ᐃᑕᒂ ᒋᓴᒪᓂᑐᐤ ᐊᓂᔭᐧᑲ ᐛᔅᑭᒡ ᓂᐧᑲᓂᓯᓇᓇ ᒐᔅᑎᓇᔅ ᒐ ᐃᑐᑎᒧᐛᑦ᙮

ᐊᑈᔅᑕᓇᒡ 28:31

ᒋ ᐊᔨᒧᑎᒧᐛᐤ ᒪᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᒋ ᒋᔅᑯᑎᒪᒐᐤ ᐅᑎᐸᔨᒋᒐᐛ ᒋᓴᔅ ᙭ᑕ ᐊ ᐊᔨᒧᒪᑦ᙮ ᒋ ᓱᒋᑕᐊᐤ ᒪᒃ ᓇᔅᒡ ᑭᔭ ᓇᒪ ᐅᒋ ᒋᑕᐊᒧᐛᑭᓄᐤ ᐅᔭ ᐊ ᐃᑎᑦ᙮

ᐊᑈᔅᑕᓇᒡ 8:35

ᐊᑯ ᐱᓕᑉ ᐎᔭᐎᑎᒧᐛᑦ ᒋᒋᒥᓯᓇᐃᒐᐅᓂᔪᐤ ᐊ ᐅᒋ ᒋᒋᐱᔨᑦ, ᑭᔭ ᒋ ᐊᔨᒧᑎᒧᐛᐤ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒥᑭᓄᔨᒋ᙮

ᐸᐃᓕᒪᓐ 1:2

ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᒋᒡ ᑲ ᒪᒧᐤ ᐊᔭᒥᐊᒡ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᒋᒥᓯᓄᐤ ᐊᐱᔭ ᑲ ᐃᓯᓂᐧᑲᓱᑦ ᑭᔭ ᐊᕐᑭᐸᔅ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᑭᔭ ᐎᔾ ᐊᕐᑭᐸᔅ ᓱᒋᑲᐳᐤ ᐊ ᐊᑐᔅᑯᐛᑦ ᒋᓴᓴ ᒧᔭᒻ ᓂᔾ ᐊ ᐃᑐᐅᒡ᙮

ᐸᐃᓕᒪᓐ 1:22

ᒥᓐ ᑯᑎᒡ ᒐᒂᓐ ᑲ ᐎ ᑯᒂᒋᒥᑕᓐ ᒐᒋ ᐃᑐᑎᒧᔨᓐ᙮ ᒋᐸ ᒋ ᐊᔭᔅᑯᔅᑎᒧᐅᓐ ᐸᐃᒄ ᑲᐱᔅᒋᒐᔭᒡ ᐊᓐᑕ ᒋᒋᒡ᙮ ᐛᔅ ᓂ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᓇᐃᐱᔨᑐᐅᑦ ᐎᐱᒡ ᒐᒋ ᓂᑐᐛᐱᒥᑎᑯᒡ ᒧᔭᒻ ᐊ ᐃᓯ ᓂᑐᑎᒧᐛᒄ᙮