ᐊᑈᔅᑕᓇᒡ 28:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒋ ᐎ ᓂᑐ ᒋᔅᒐᔨᑎᒧᒡ ᒪᒃ ᐊᓐᒡ ᕈᒻ ᐃᔪᒡ ᑕᓐ ᑲ ᐃᓯ ᐅᓂᐱᔪᒡ᙮ ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒧᒡ ᒐᒋ ᐃᓯ ᐅᓂᐱᔪᒡ᙮ ᓴᔅ ᒪᒃ ᓂᒋ ᐎ ᐱᔅᑎᓂᑯᒡ ᐛᔅ ᓇᒪ ᐅᒋ ᒥᔅᑭᒧᒡ ᑕᓐ ᑲ ᐃᓯ ᐅᓂᑐᑎᒧᒡ᙮

ᐊᑈᔅᑕᓇᒡ 28:18 ပူးပေါင်းရင်းမြစ်များ

ᐊᑈᔅᑕᓇᒡ 22:30

ᐎᔭᐱᓂᔨᒡ ᒪᒃ, ᐊᓂᔭ ᐊ ᐎ ᓂᑐ ᒋᔅᒐᔨᑕᐧᒃ ᒐᒂᔪᐤ ᐊᓐ ᐛᒋ ᓂᑐᐛᔨᒪᑭᓄᔨᒋ ᐊᓂᔭ ᑈᓚ ᒐᒋ ᓂᐸᐊᑭᓄᔨᒋ, ᒋ ᐃᑎᓱᐛᐤ ᒐᒋ ᐱᔅᑎᓇᑭᓄᔨᒋ, ᐊᑯ ᑲ ᐃᑕᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᒐᒋ ᒪᒧᐎᔨᒋ᙮ ᒂ ᐃᑐᑕᐊᑦ ᐊᓐᑕ ᑈᓚ, ᐊᑯ ᒂ ᐅᑎᔅᑯᑲᐳᐊᑦ ᐊᓐᑕ ᐊᓂᔭ ᐊ ᒪᒧᐎᓇᓄᐎᒡ᙮

ᐊᑈᔅᑕᓇᒡ 23:29

ᐃᔅᐱ ᒪᒃ ᐛᑎᒪᑯᔭᓐ ᑕᓐ ᑲ ᐃᓯ ᑎᐸᔅᑯᓇᑭᓄᐅᑦ ᐅ ᓇᐸᐤ ᓇᒪ ᒐᒂᔪᐤ ᐅᒋ ᐃᑐᐤ ᒐᒋ ᐅᒋ ᐛᐛᓯᐊᑭᓄᐅᑦ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮ ᐊᑲ ᒪᒧᔭᒻ ᐊᑐᑕᐧᒃ ᒍᐤ ᐎᓱᐛᐅᓇ ᐊᑯᓐ ᑲ ᐃᓯ ᒪᒥᓯᒪᑭᓄᒂ᙮

ᐊᑈᔅᑕᓇᒡ 24:10

ᐊᑯ ᐊᓐ ᒋᓴᐅᒋᒪᐤ ᑲ ᒥᔭᑦ ᐊᓂᔭ ᑈᓚ ᒐᒋ ᐃᔨᒥᔨᒋ, ᐊᑯ ᑈᓪ ᑲ ᐃᔅᒋᔄᑦ, “ᒋ ᒋᔅᒐᔨᒥᑎᓇᓐ ᓴᔅ ᒥᒐᑐᐤ ᐱᐳᓇ ᑎᐸᔅᑯᓂᒐᓱᐤ ᐊᒋ ᐃᑎᐱᔨᓐ ᐅᑕ ᐃᑕᒐ ᐅᒡ ᒍᐤ ᐃᔪᒡ ᐊ ᑕᒡ᙮ ᓂ ᒥᔽᔨᑕᓐ ᒪᒃ ᐊ ᓇᐃᐱᔨᒡ ᑯᐃᔅᒄ ᒐᒋ ᐃᓯ ᐊᔨᒧᑎᒪᑕᓐ ᑭᔭ ᓂᔾ ᐅ ᑕᓐ ᐛ ᐃᓯ ᑎᐸᔅᑯᓂᑯᔭᓐ᙮

ᐊᑈᔅᑕᓇᒡ 24:22

ᒋᓴᐅᒋᒪᐤ ᐱᓕᑭᔅ ᒪᒃ ᑭᔭ ᐎᔾ ᒋ ᒥᔪ ᒋᔅᒐᔨᑎᒻ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐᒋ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᑯ ᒂ ᒋᐸᐊᒃ ᐊᓂᔭ ᐊ ᐃᓯ ᑎᐸᔅᑯᓂᑲᓄᔨᒋ ᐊᑯ ᒂ ᐃᑕᑦ ᐊᓂᔭ ᑈᓚ, “ᐃᔅᐱ ᒋ ᑎᑯᓯᒐ ᐊᓐ ᐊᓯᒪᑭᓂᓴ ᑲ ᐎᓱᐛᑕᑦ ᓚᐃᓯᔭᔅ ᑲ ᐃᓯᓂᐧᑲᓱᑦ ᐊᑯ ᒋᒋᐛ ᒐ ᐎᔭᔨᑎᒪᓐ ᑕᓐ ᒐ ᐃᑎᓱᐛᑎᑕᓐ᙮”

ᐊᑈᔅᑕᓇᒡ 25:25

ᓇᒪ ᒪᒃ ᓂᔾ ᐎ ᓂ ᐅᒋ ᒥᔅᑭᒺᓐ ᑕᓐ ᑲ ᐃᓯ ᐅᓂᑐᑎᒥᒂ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᔨᒋ᙮ ᐊᑯ ᒪᒃ ᐎᔾ ᐅ ᓇᐸᐤ ᒋ ᓂᑐᐛᔨᑎᒻ ᓇᑕ ᐊᓂᔭ ᒋᒋᐛ ᒋᓴᐅᒋᒪᐛ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮ ᐊᑯ ᒪᒃ ᒂ ᐎᔭᔨᑎᒧᒡ ᓇᑕ ᐊ ᑕᔨᒋ ᒐᒋ ᐃᑎᓴᐅᒃ᙮