ᐊᑈᔅᑕᓇᒡ 28:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑯ ᐊᓐᒡ ᑲᑕᑈᔭᔨᑕᒡ ᐊᓐᑕ ᕈᒥᒡ ᑲ ᑕᒡ ᑲ ᐸᑕᒡ ᐊᒋ ᒥᓯᑲᐎᒋᑦ᙮ ᐱᔅᒐ ᐛᔪᐎᔅ ᒋ ᐅᑐᑕᐅᒡ ᐊᓐᑕ ᐊᓂᔭ ᐊᐱᔭᔅ ᑲ ᐃᓯᓂᐧᑲᑕᒡ ᑲᒋ ᒪᐅᒋᐃᑐᓇᓄᐎᒡ ᑭᔭ ᐱᔅᒐ ᐊᓐᑕ ᑲ ᓂᔅᑎᔨᒋ ᑲᒥᓇᓄᒋ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᑐᑕᐅᒡ ᐊ ᐎ ᐸᒋ ᓂᒋᔅᑯᔨᒥᒡ᙮ ᐃᔅᐱ ᒪᒃ ᑈᓪ ᐎᔭᐱᒪᑦ ᐊᓂᔭ, ᒋ ᓂᓇᔅᑯᒪᐤ ᒋᓴᒪᓂᑐᐛ, ᐛᔅ ᓇᔅᒡ ᒋ ᐅᐱᓂᑯᐤ ᐊᓂᔭ ᐊ ᐛᐱᒪᑦ᙮

ᐊᑈᔅᑕᓇᒡ 28:15 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 27:14

ᐊᓯᓄᐛᐃᐧᒄ ᑎᐸᔨᒋᒐᓱᐤ; ᓱᒋᑕᐊᒄ, ᒋᑭ ᐊᔨᒋᑕᐤ ᒪᒃ ᒋᑕᐃᔪᐛᐛ᙮ ᐊᓯᓄᐛᐃᐧᒄ ᑎᐸᔨᒋᒐᓱᐤ, ᓂᑦ ᐃᔅᒋᔄᓐ᙮

ᐊᒃᓱᑕᔅ 4:14

ᑎᐸᔨᒋᒐᓱᐤ ᒋ ᒋᔄᐃᑯᐤ ᒧᓱᓴ ᑭᔭ ᒂ ᐃᑕᑦ, “ᐊᑯ ᒋᔅᑕᔅ ᐊᕋᓐ, ᓕᐸᐃ ᐊ ᐃᑎᔅᑲᓇᓯᑦ ? ᓂ ᒋᔅᒐᔨᒪᐤ ᐎᔾ ᓇᑕᐤ ᐃᔨᒥᑦ᙮ ᒪᒂᒡ ᐸᑐᑕᐤ ᒐ ᓇᒋ ᒧᐱᔅᑕᔅᒃ᙮ ᒋᒋᐛ ᒋᑭ ᒥᔽᔨᑎᒻ ᐛᐱᒥᔅᑲ᙮

ᒠᓐ 12:13

ᐊᑯ ᒂ ᓇᑥᓇᒡ ᓂᐱᓯᔭᑎᒂ ᑲ ᐊᑎ ᐎᐎᒡ ᐊᓐᑕ ᒋᕈᓯᓕᒥᒡ ᒐᒋ ᓂᒋᐊᒡ, ᐅᔭ ᐊ ᐃᔅᒋᔄᒡ ᐊ ᒋᔄᐛᒡ, “ᒪᒥᒋᒪᑕᐤ ᒋᓴᒪᓂᑐᐤ, ᓱᐛᔨᑕᑯᓱᐤ ᐊᓐ ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ, ᐃᔅᕋᐃᓪ ᐃᔪᒡ ᐅᒋᓴᐅᒋᒪᒧᐛᐛ᙮”

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 10:23

ᐊᑯ ᒪᒃ ᐱᑕᕐ ᑲ ᐎᓴᒪᑦ ᐊᓂᔭ ᓇᐸᐛ ᒐᒋ ᐱᒐᔨᒋ ᐎᒋᒡ᙮ ᒥᓐ ᒪᒃ ᐎᔭᐱᓂᔨᒡ ᐊᑯ ᒂ ᐊᔭᔅᑯᐎᑦ ᒐ ᐎᒐᐛᑦ, ᑭᔭ ᐱᔅᒐ ᐊᓂᔭ ᐎᐧᑲᓂᓯᒪᐛ ᐊᓐᑕ ᒍᐸᒡ ᑲ ᐅᒋᔨᒋ ᒋ ᐎᒐᐅᑯᐅᒡ᙮

ᐊᑈᔅᑕᓇᒡ 10:25

ᐃᔅᐱ ᒪᒃ ᐱᑕᕐ ᐊ ᐊᑎ ᐱᒐᐛᑦ ᑯᕐᓂᓕᔭᓴ ᐎᒋᔨᒡ ᒋ ᐸᒋ ᓂᑐᐛᐱᒥᑯᐤ, ᐊ ᓂᐱᔅᑯᐱᔪᐎᔨᒋ ᐅᑎᔅᑯ ᐊ ᑕᑦ ᐊ ᐅᒋᒋᐧᑯᓂᐱᐅᔅᑕᑯᑦ᙮

ᐊᑈᔅᑕᓇᒡ 11:1

ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᐎᐧᑲᓂᓯᒪᐅᒡ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᒋ ᐸᑎᒧᒡ ᐊᓂᔭᔪᐤ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 11:12

ᑲ ᐸᔭᒋᓯᑦ ᐊᒐᐧᒄ ᓂᒋ ᐃᑎᒄ ᒐᒋ ᐎᒐᐅᒥᒋ ᐅᔭ ᓇᐸᐛ ᑭᔭ ᒐ ᐊᑲ ᒋ ᓇᑲᐎᔭᓐ ᒐᒋ ᐎᒐᐅᒂᐤ ᒥᒄ ᐊᓂᔭ ᐅᒋ ᐊᑲ ᒍᐤ ᐃᑎᔅᑲᓇᓯᒡ᙮ ᐊᑯ ᒪᒃ ᒂ ᐎᒐᐅᒂᐤ᙮ ᒪᒃ ᑭᔭ ᐅᒡ ᐊᓱᑕᒡ ᑯᑎᑭᒡ ᒋᐧᑲᓂᓯᓄᐅᒡ ᑲ ᑕᑈᑕᒡ ᒍᐸᒡ ᑲ ᐅᒋᒡ ᓂᒋ ᐎᒐᐅᑯᒡ ᐊᓐᑕ ᓯᓴᕆᔭᒡ ᐊ ᐃᑐᑕᐅᒡ᙮ ᒥᓯᐛ ᒪᒃ ᓂᒋ ᐱᒐᓇᓐ ᐊᓐᑕ ᑯᕐᓂᓕᔭᔅ ᐎᒋᒡ᙮

ᐊᑈᔅᑕᓇᒡ 12:17

ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮

ᐊᑈᔅᑕᓇᒡ 21:5

ᒥᒄ ᒪᒃ ᐃᔅᐱ ᐛᑎᒋᐱᔨᒡ ᒐ ᔅᑐᑕᔭᒡ, ᒥᒄ ᓂᒋ ᐃᓯ ᔅᑐᑕᓇᓐ᙮ ᒥᓯᐛ ᒪᒃ ᐊᓐᒡ ᑲ ᑕᑈᑕᒡ ᑭᔭ ᐎᐛᐛ ᑭᔭ ᐅᑦ ᐊᐛᓯᒧᐛᐛ ᓂᒋ ᐎᒐᐅᑯᓇᓂ ᐊ ᓇᓯᐸᐎᒋᑦ᙮ ᐊᑯ ᒥᓯᐛ ᒂ ᓂᐱᔅᑯᐱᔭᒡ ᐊᓐᑕ ᓯᓱᒡ ᐊ ᐊᔭᒥᐊᔭᒡ᙮

ᐊᑈᔅᑕᓇᒡ 28:14

ᐊᑯᑕ ᐅ ᑲ ᐛᐱᒥᒋᒡ ᑲᑕᑈᔭᔨᑕᒡ᙮ ᐊᑯ ᑲ ᐎᓴᒥᔨᒥᒡ ᐸᐃᒄ ᒥᓇᔅᑕᑭᓐ ᒐᒋ ᑕᐅᒋᒡ ᐊᓐᑕ ᐊ ᑕᒡ᙮ ᐊᑯ ᒥᓐ ᕈᒻ ᑲ ᐅᑎᑕᐊᒪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:24

ᓂ ᐱᑯᓴᔨᒧᓐ ᒪᒃ ᒐᒋ ᓂᔅᑯᐛ ᐛᐱᒥᑎᑯᒡ ᔅᐸᐃᓐ ᐃᑐᑕᔭᓇ᙮ ᒋ ᐱᑯᓴᔨᒥᑎᓇᐛᐤ ᑭᔭ ᒐᒋ ᐛᐎᒋᐃᔭᒄ ᐊᓐᑕ ᔅᐸᐃᓐ ᐊ ᐎ ᐃᑐᑕᔭᓐ᙮ ᒪᒂᒡ ᑭᑈ ᒋᐸ ᒧᐱᔅᑕᑎᓇᐛᐤ᙮ ᓇᔅᒡ ᓂᑭ ᒥᔽᔨᑕᓐ ᓇᐃᐱᔨᒐ ᒐᒋ ᒧᐱᔅᑕᑎᑯᒡ᙮

2 ᑯᕆᓐᑎᔭᓇ 2:14

ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ᒋᔅᒋᓄᑕᐃᒄ ᑕᓐᑕ ᐊ ᐃᑐᑕᐅᒡ ᐊ ᐎᒋᐃᑦ ᐊ ᐊᔨᒧᒥᒋ ᙭ᑕ ᒐᒋ ᐅᒋ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮

ᑲᓚᓯᔭᓇ 4:14

ᓇᒪ ᒪᒃ ᒋ ᐅᒋ ᐊᑐᐛᔨᒥᓇᐛᐤ ᒐᒋ ᐛᐎᒋᐃᔭᒄ ᐊᑎ ᐊᒋ ᐊᔨᒪᓯᓇᒂᒡ ᒐᒋ ᐛᐎᒋᐃᔭᒄ ᑲ ᐃᔅᐱᔅ ᐛᓴ ᒋ ᐊᐧᑯᓯᔭᓐ᙮ ᐃᔭᐱᒡ ᓇᔅᒡ ᑕᑈ ᔅᒋ ᒥᔪ ᑭᓄᐛᔨᒥᓇᐛᐤ, ᒧᔭᒻ ᑕᑈ ᐊᓐᒋᓐ ᒋᒋᒋᓯᑯᒡ ᐊᒋ ᐅᒋ ᒧᐱᔅᑕᑕᒄ ᒪᒃ ᐎᔾ ᒋᓴᔅ ᙭ ᐊᒋ ᒧᐱᔅᑕᑕᒄ ᐊᐅᑯᓐ ᑲ ᐃᓯ ᒥᔪᐧᑯᔭᒄ᙮

1 ᑕᓴᓗᓂᔭᓇ 3:7

ᐊᑯ ᒪᒃ ᐊᓐ ᒪᒂᒡ ᐊ ᒥᑯᔅᑲᑕᔨᑎᒪᒡ ᑭᔭ ᐊ ᓂᓇᐧᑲᑕᔨᒧᔭᒡ ᓂᒋ ᐅᐱᓂᑯᐛᓇᓐ ᓂᐱᒪᑎᓯᐅᓇᒡ ᐅᔭ ᑲ ᐃᑕᒋᒥᑕᒄ᙮ ᓇᔅᒡ ᓂ ᒥᔽᔨᒧᐃᑯᐅᓇᓐ ᐊ ᐸᑎᒪᒡ ᑕᓐ ᐊ ᐃᓯ ᑕᑈᔭᔨᒪᒄ ᙭᙮

ᐃᑉᕈᐛ 13:3

ᒪᒥᑐᓇᔨᒪᐧᑯᒡ ᐊᓐᒡ ᐊᐛᓐᒋ ᑲᒪᑯᓄᐛᓯᐅᒋᐛᐱᒡ ᐊ ᑕᒡ᙮ ᒧᔭᒻ ᑭᔭ ᒋᔨᐛᐤ ᐊ ᑕᔭᒄ ᐊᓐᑕ ᐊᓂᔭ ᐊ ᑕᒡ ᒐᒋ ᐃᓯ ᒪᒥᑐᓇᔨᑎᒪᒄ᙮ ᒪᒥᑐᓇᔨᒪᐧᑯᒡ ᑭᔭ ᐊᓐᒡ ᑲ ᓂᓇᐧᑲᒋᐊᑭᓄᐎᒡ ᒧᔭᒻ ᑭᔭ ᒋᔨᐛᐤ ᐊ ᓂᓇᐧᑲᒋᐃᑯᔭᒄ ᒧᔭᒻ ᐎᔨᐛᐤ ᐊ ᐃᓯ ᓂᓇᐧᑲᒋᐊᑭᓄᐎᒡ ᒐᒋ ᐃᑕᔨᑎᒪᒄ᙮