ᐊᑈᔅᑕᓇᒡ 28:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᑯᑕ ᐅ ᑲ ᐛᐱᒥᒋᒡ ᑲᑕᑈᔭᔨᑕᒡ᙮ ᐊᑯ ᑲ ᐎᓴᒥᔨᒥᒡ ᐸᐃᒄ ᒥᓇᔅᑕᑭᓐ ᒐᒋ ᑕᐅᒋᒡ ᐊᓐᑕ ᐊ ᑕᒡ᙮ ᐊᑯ ᒥᓐ ᕈᒻ ᑲ ᐅᑎᑕᐊᒪᒡ᙮

ᐊᑈᔅᑕᓇᒡ 28:14 ပူးပေါင်းရင်းမြစ်များ

ᒐᓂᓯᔅ 7:4

ᒋ ᓂᔄᐅᑕᒡ ᑕᑐᐤ ᒋᓯᑲᒐ ᓂᑭ ᐃᑎᓴᐊᓐ ᐊ ᒋᒺᒡ ᐃᔅᐱᔅ ᓇᐅᐎᔪᐛ ᒋᓯᑲᐛ ᑭᔭ ᓇᐅᐎᔪᐛ ᑎᐱᔅᑲᐛ, ᑭᔭ ᓂᑭ ᓂᓱᐅᓇᒋᑕᓐ ᒥᓯᐛ ᐊ ᐱᒪᑎᓯᒥᑲᒡ ᒐᒂᓐ ᐅᑕ ᐊᔅᒋᒡ᙮”

ᑎᐱᑦ ᐅᓂᑭᒧᐅᓇ 119:63

ᓂ ᐎᒐᐛᑭᓂᑐᐛᒡ ᒥᓯᐛ ᐊᓐᒡ ᑲ ᓇᓂᒋᔅᑕᔅᒡ, ᑭᔭ ᐊᓐᒡ ᑲ ᑭᓄᐛᔨᑕᒡ ᒋᑦ ᐃᑎᓱᐛᐅᓇ᙮

ᒪᑎᔪᐤ 10:11

“ᐃᔅᐱ ᒪᒃ ᐅᑎᑎᒪᒂ ᐅᑕᓇᐤ ᑭᔭ ᒪᒃ ᐃᑕᐅᓂᔅ, ᓇᓂᑐᐛᐱᒪᒄ ᐊᐛᓐ ᐊ ᒋᔅᑕᔨᑕᑯᓯᑦ ᒐᒋ ᐱᑎᑲᐃᑕᒄ᙮ ᐊᓐ ᒪᒃ ᒐ ᐃᔅᐱᔅ ᑕᔭᒄ ᐊᑯᑕ ᐊᓐᑕ ᒐ ᑕᔭᒄ ᐸᑐᔅ ᒥᓐ ᔅᑐᑕᔭᒂ᙮

ᒠᓐ 21:23

ᐊᑯ ᒂ ᒥᓯᑕᐱᔨᒡ ᑎᐸᒋᒧᐅᓐ ᐊᓐᑕ ᒥᓯᑕ ᐎᐧᑲᓂᓯᒪᐅᒡ ᐊ ᑕᒡ ᐊᓂᔭ ᒐ ᐊᑲ ᐅᒋ ᓂᐱᑦ ᐅ ᒋᔅᒋᓄᐊᒧᐛᑭᓐ᙮ ᒥᒄ ᒪᒃ ᓇᒪ ᐅᒋ ᐃᔅᒋᔄᑯᐱᓇ ᒋᓴᔅ ᒐ ᐊᑲ ᐅᒋ ᓂᐱᔨᒋ᙮ ᒋ ᐃᑕᐤ, “ᓇᑐᐛᔨᒪᐅᑕ ᐊᔅᒄ ᒐᒋ ᐱᒪᑎᓯᑦ ᑎᑯᓯᓄᒐ, ᑕᓐ ᒪᒃ ᒐ ᐃᑎᔨᓐ ᒋᔾ ?”

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 19:1

ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 20:6

ᐊᓐᑕ ᒪᒃ ᐱᓕᐸᐃᒡ ᐊᑯᑕ ᑲ ᐅᒋ ᐳᓯᔭᒡ ᐎ ᓂᔭᓐ ᐃᔅᐱᔅ ᐊᓐ ᑲ ᒋᓯᑲᒡ ᑲᒋ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᔨᑦ᙮ ᐱᑕᑕᒡ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᑲ ᐅᑎᑕᐅᒋᒡ ᐊᓐᑕ ᑐᕈᐊᔅ᙮ ᐊᑯᑕ ᑲ ᑕᔭᒡ ᐸᐃᒄ ᒥᓇᔅᑕᑭᓇ᙮

ᐊᑈᔅᑕᓇᒡ 21:4

ᐊᑯ ᒂ ᓂᑐᐛᐱᒥᒋᒡ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᑲ ᑕᒡ᙮ ᐸᐃᒄ ᒥᓇᔅᑕᑭᓇ ᒪᒃ ᓂᒋ ᐃᑕᐛᓇᓐ ᐊᓐᑕ ᐊ ᑕᒡ᙮ ᐊᓐᒡ ᒪᒃ ᑲ ᑕᑈᑕᒡ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᒐᒋ ᐃᔭᒂᒥᒪᒡ ᑈᓚ ᒐ ᐊᑲ ᒋ ᐃᑐᑕᔨᒋ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 28:13

ᐊᑯ ᒥᓐ ᐊᓐᑕ ᒂ ᐅᒋ ᐳᓯᔭᒡ, ᕋᑭᔭᒻ ᑲ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᒥᓯᑲᔭᒡ᙮ ᒥᓐ ᒪᒃ ᐎᔭᐸᒡ ᓴᐅᓄᒡ ᒋ ᔪᑎᓐ᙮ ᐊᑯ ᒥᓐ ᐊᓇ ᐊ ᐊᑎ ᒋᓯᑲᒡ ᐳᑎᐅᓕ ᑲ ᐃᓯᓂᐧᑲᑕᒡ ᐅᑕᓇᐤ ᐊᐅᑯᓐ ᐊᓐ ᒂ ᐅᑎᑕᐊᒪᒡ᙮

ᐊᑈᔅᑕᓇᒡ 28:15

ᐊᑯ ᐊᓐᒡ ᑲᑕᑈᔭᔨᑕᒡ ᐊᓐᑕ ᕈᒥᒡ ᑲ ᑕᒡ ᑲ ᐸᑕᒡ ᐊᒋ ᒥᓯᑲᐎᒋᑦ᙮ ᐱᔅᒐ ᐛᔪᐎᔅ ᒋ ᐅᑐᑕᐅᒡ ᐊᓐᑕ ᐊᓂᔭ ᐊᐱᔭᔅ ᑲ ᐃᓯᓂᐧᑲᑕᒡ ᑲᒋ ᒪᐅᒋᐃᑐᓇᓄᐎᒡ ᑭᔭ ᐱᔅᒐ ᐊᓐᑕ ᑲ ᓂᔅᑎᔨᒋ ᑲᒥᓇᓄᒋ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᑐᑕᐅᒡ ᐊ ᐎ ᐸᒋ ᓂᒋᔅᑯᔨᒥᒡ᙮ ᐃᔅᐱ ᒪᒃ ᑈᓪ ᐎᔭᐱᒪᑦ ᐊᓂᔭ, ᒋ ᓂᓇᔅᑯᒪᐤ ᒋᓴᒪᓂᑐᐛ, ᐛᔅ ᓇᔅᒡ ᒋ ᐅᐱᓂᑯᐤ ᐊᓂᔭ ᐊ ᐛᐱᒪᑦ᙮

ᐊᑈᔅᑕᓇᒡ 28:21

ᐊᑯ ᒂ ᐃᑎᑯᑦ, “ᓇᒪᐎᔾ ᑭᑈ ᐎ ᓂᔭᓐ ᓂ ᐅᒋ ᒥᔅᑲᓇᓐ ᒐᒋ ᒥᓯᓇᐊᒪᑯᐅᔭᒡ ᐊᓐᑕ ᒍᑎᔭ ᐅᒋ, ᒐᒋ ᐊᔨᒧᒥᑯᔨᓐ ᐊᓐᑕ᙮ ᑭᔭ ᐊᓐᒡ ᒋᐧᑲᓂᓯᓄᐅᒡ ᐊᓐᑕ ᑲ ᐅᑐᑕᒡ ᓇᒪ ᒐᒂᔪᐤ ᒋ ᐅᒋ ᐃᑕᒋᒥᑯᒡ ᒪᒃ ᒐᒋ ᒪᔭᒋᒥᔅᒡ᙮

ᐊᑈᔅᑕᓇᒡ 6:3

ᒋᔨᐛᐤ ᓂᐧᑲᓂᓯᑐᒄ, ᐅᑎᓇᐧᑯᒡ ᓂᔄᐅᑕᒡ ᓇᐸᐅᒡ ᐊᓐᑕ ᐊ ᑎᓯᔭᒄ ᐊᓐᒡ ᐊ ᒥᔽᒋᒪᑭᓄᐎᒡ ᐊᓂᔭ ᐅᒋ ᐊ ᑯᐃᔅᑯᑕᑎᓯᒡ ᑭᔭ ᓇᔅᒡ ᐊ ᑭᒐᑕᐛᔨᑕᒡ ᑭᔭ ᐊ ᓴᑭᔅᒋᓇᔅᑲᑯᒡ ᑲ ᐸᔭᒋᓯᔨᒋ ᐊᒐᒂ᙮ ᐊᐅᑯᓐᒡ ᐅᒡ ᒐ ᒥᔭᑯᒡ ᐅᔭ ᐊᑐᔅᒐᐅᓂᔪᐤ ᐊ ᓂᓇᑭᑐᐛᔨᒪᒡ ᑲ ᐸᐸᐃᑯᓯᔨᒋ ᐃᔎᐛ᙮

ᐊᑈᔅᑕᓇᒡ 9:30

ᐃᔅᐱ ᒪᒃ ᐊᓐᒡ ᐎᐧᑲᓂᓯᒪᐅᒡ ᐱᔭᑕᒡ ᐅᔭ ᐊᓐᑕ ᓯᓴᕆᔭ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐃᑐᑕᐊᐎᒡ ᐊᓂᔭ ᓴᓚ, ᐊᑯ ᐊᓐᑕ ᑕᕐᓯᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᐃᑎᓴᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:13

ᒐ ᐎ ᒋᔅᒋᓯᔭᒄ ᐅ ᓂᐧᑲᓂᓯᑐᒄ᙮ ᓴᔅ ᒥᒐᑥᐤ ᓂᒋ ᐎᔭᔨᑕᓐ ᒐᒋ ᓂᑐᐛᐱᒥᑎᑯᒡ ᒥᒄ ᒪᒃ ᒧᔅ ᒋ ᑎᑯᓐ ᒐᒂᓐ ᐊ ᓇᑲᐅᑯᔭᓐ᙮ ᐛᔅ ᓂ ᐱᑯᓴᔨᑕᓐ ᑭᔭ ᒋᔨᐛᐤ ᒐᒋ ᐎᒋᐃᑎᑯᒡ ᒐᒋ ᑕᑈᑎᒪᒄ ᒥᔽᒋᒧᐅᓐ ᒧᔭᒻ ᑲ ᐃᓯ ᐎᒋᐃᒂᐤ ᑯᑎᑭᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑕᑈᑕᒡ᙮