ᐊᑈᔅᑕᓇᒡ 27:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᐱᔅᒐ ᒪᒃ ᐊᓐᒡ ᓇᐸᐅᒡ ᐊᓐᑕ ᐊ ᒥᓴᔨᒡ ᐅᐤᑎᒡ ᑲ ᐊᑐᔅᒐᒡ ᒋᒧᑦ ᒋ ᐎ ᑭᐸᐅᒡ ᐊᓂᔭ ᐅᐤᑎᔪᐤ᙮ ᐊᑯ ᑲ ᐱᔅᑲᐱᒐᓴᒡ ᐊᓂᔭ ᑲ ᐊᐱᓴᓯᔨᒡ ᐅᐤᑎᔪᐤ ᐊᓐᑕ ᐊ ᒥᓴᔨᒡ ᐅᐤᑎᒡ ᑲ ᑎᑯᓂᔨᒡ᙮ ᒧᔭᒻ ᒪᒃ ᒥᒄ ᐊ ᐎ ᐱᑭᔅᑐᐛᐊᒡ ᐳᓂᓯᓇᐸᒋᑭᓂᔪᐤ ᐊᓐᑕ ᓂᔅᑕᒧᑕᑯᒡ ᐊᓂᔭ ᐅᐤᑎᔪᐤ, ᐊᐅᑯᓐ ᑲ ᐃᑎᒡ᙮

ᐊᑈᔅᑕᓇᒡ 27:30 ပူးပေါင်းရင်းမြစ်များ

ᐊᑈᔅᑕᓇᒡ 27:16

ᐃᔅᐱ ᒪᒃ ᓴᐅᓄᒡ ᐊᓐ ᒥᓂᔅᑎᒄ ᑲᐊᐅᑕ ᑲ ᐃᓯᓂᐧᑲᑕᒡ ᐊ ᐊᑎ ᑕᔭᒡ ᐊᑯᑕ ᑲ ᑎᐱᓄᐛᒡ᙮ ᐊᑯ ᒥᒄ ᑲ ᐊᔨᒥᐃᑯᔭᒡ ᐊ ᐎ ᐳᓯᑕᔭᒡ ᐊᓐ ᒥᔅᑎᑯᐅᑦ ᐊᓐᑕ ᐊᓐ ᐊ ᒥᓴᒡ ᐅᐤᑎᒡ ᒐᒋ ᐊᒂᐱᐧᑲᑕᒡ᙮

ᐊᑈᔅᑕᓇᒡ 27:27

ᐃᔅᐱ ᒪᒃ ᓂᓱ ᒥᓇᔅᑕᑭᓇ ᑲ ᐃᔅᐱᔅ ᔪᑎᒡ, ᐊᓐ ᒪᒃ ᑕᐱᔅᑲᒡ, ᐊᔅᒄ ᒥᒄ ᓂ ᐱᐸᒪᔅᑎᒥᑯᓇᓐ ᐊᓐ ᐊ ᒥᔅᑎᔪᑎᒡ ᐊᓐᑕ ᐊᓐ ᐎᓂᐸᒄ ᐊᑦᕆᔭ ᑲ ᐃᓯᓂᐧᑲᑕᒡ᙮ ᓴᓯᑲᓐ ᒪᒃ ᐃᔭᐱᑕᑎᐱᔅᑲᔨᒡ ᐊᓐᒡ ᓇᐸᐅᒡ ᐊᓐᑕ ᐊ ᒥᓴᔨᒡ ᐅᐤᑎᒡ ᑲ ᐊᑐᔅᒐᒡ ᒋ ᒧᓯᑕᐅᒡ ᐊ ᐸᓱᐛᐸᑎᒧᐅᒋᒡ ᐊᔅᒋᔪᐤ᙮

ᐊᑈᔅᑕᓇᒡ 27:29

ᐊᓂᔭ ᒪᒃ ᐊ ᑯᔅᐱᓇᔨᑕᒡ ᒐᒋ ᐱᔅᑕᐱᔅᒋᑎᓂᔨᒡ ᐊᓂᔭ ᐅᐤᑎᔪᐤ, ᓇᐤ ᐊᓂᔭᔪᐛ ᐳᓂᓯᓇᐸᒋᑭᓇ ᒋ ᐱᑭᔅᑐᐛᐊᒧᒡ, ᒐᒋ ᒥᒪᒋᒪᐅᑕᔨᒡ ᐊᓂᔭ ᐅᐤᑎᔪᐤ᙮ ᐊᑯ ᒂ ᐊᔭᒥᐊᒡ ᐎᐱᒡ ᒐᒋ ᐛᐸᓂᔨᒡ᙮

ᐊᑈᔅᑕᓇᒡ 27:31

ᐊᑯ ᑈᓪ ᒂ ᐃᑕᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᑭᔭ ᐊᓂᔭ ᐊᓯᒪᑭᓂᓴ, “ᓇᒪ ᐛᒋ ᐸᐃᒄ ᒋᑭ ᐅᒋ ᐱᒪᑎᓯᓇᐛᐤ ᓂᑭᑎᒪᒂ ᐅ ᐊ ᒥᓴᒡ ᐅᐤᑦ᙮”

ᐊᑈᔅᑕᓇᒡ 27:32

ᐊᑯ ᒪᒃ ᐊᓐᒡ ᐊᓯᒪᑭᓂᓯᒡ ᑎᐛᒡ ᒂ ᐱᔅᒋᓴᒡ ᐊᓂᔭᔪᐛ ᐊᐱᓴ ᑲ ᐅᒋ ᒪᑯᐱᑕᔨᒡ ᐊᓂᔭ ᐅᐤᑎᔪᐤ, ᐊᑯ ᒂ ᐱᔅᑎᓇᒡ᙮